تيانشان تورى   ›   جاڭالىقتار   ›   شينجياڭ حابارلارى

جاڭا اقپارات قۇرالدارى شوعىرى ”شينجياڭ جاقسى جەر“دى اسقاقتاتتى

ءتىلشى رىن جياڭ

  ”داحايداۋ وتە كورىكتى ەكەن، ءبىز تاعى كەلەمىز!“ 30 سەكۋندتان استام بەينەجازبادا، ىشكى وڭىردەن كەلگەن 8 ساياحاتشى جەكە - جەكە جەرگىلىكتى اكسەنتتەرىمەن داحايداۋدىڭ كەرەمەتىن ماداقتادى. دوۋيىن قولدانۋشى ”قۇمىل قاۋىنى 1 - ءنومىر“دىڭ دوۋيىن تۇعىرىندا جاريالاعان بۇل قىسقا بەينەجازبانى كوپتەگەن ادامدار ۇناتتى. ”قۇمىل قاۋىنى 1 - ءنومىر“ دوۋيىندا جاريالاعان 224 تۋىندىنىڭ كوپ ساندىسى قۇمىل ساياحاتىن ۇگىتتەگەن.

  ”قۇمىل قاۋىنى 1 - ءنومىر“ − قۇمىل قالالىق مادەنيەت - دەنە تاربيە، راديو - تەلەۆيزيا جانە ساياحات مەكەمەسىنىڭ ورىنباسار باستىعى چين شۋەبيڭنىڭ دوۋيىن ءنومىرى. ”بيىل ءبىز دوۋيىنمەن سەلبەستىكتى كۇشەيتىپ، قۇمىلدىڭ ساياحات بايلىعىن زور كۇشپەن تانىستىردىق“، - دەدى ول.

  جۋىرداعى جىلداردان بەرى، شينجياڭنىڭ جەر - جەرى، كورىنىس اۋماقتارى جاڭا اقپارات قۇرالدارىمەن جابال سەلبەستىك جاساپ، جاڭا تەحنيكادان، جاڭا تاسىلدەن پايدالانىپ ۇگىت - تانىستىرۋ جاساپ، ”شينجياڭ جاقسى جەر“دى كۇش بىرىكتىرە اسقاقتاتتى.

■ جاڭا اقپارات قۇرالدارىندا تانىستىرۋ بارلىق جەردە گۇل اشتى

  7 - ايدىڭ 19 - كۇنى ”دوۋيىن تاماشا قۇمىل“ كولەمدى ۇگىتتەۋ - تانىستىرۋ قيمىلى رەسمي جەلىگە شىعارىلدى. بۇل قيمىل قۇمىل قالاسىنىڭ بيىلعى جاز، كۇز ماۋسىمدارىنداعى ”ءبىر يۋاندىق الەۋمەتتىك يگىلىك بويىنشا قۇمىلعا ساياحاتتاۋ“، ”قۇمىل قاۋىنى مەرەكەسى“ سياقتى جەلىلەس جەلىدەن تىس مادەنيەت ساياحات قيمىلدارىمەن سايكەسىپ، دوۋيىن قىسقا بەينەجازبا APPىندا قۇمىلعا قاتىستى ساياحات كورىنىس اۋماعى، جەر جايى، ەل جايى، تاريحي مادەنيەت، تاماشا تۇرمىس سياقتى قىسقا بەينەجازبا مازمۇندارىن جيناقتادى ءارى قۇمىل قالاسىنداعى كورىنىس اۋماقتارىندا، كورىنىس تۇيىندەرىندە، كولەمدى كەشكى بازارلاردا، ءتۇيىندى ساۋدا شەڭبەرلەرىندە، بۇقارالىق الاڭداردا 10 دوۋيىن ”ءسوزسىز باراتىن جەر ءتۇيىنىن“ قۇرىپ، شينجياڭنىڭ ءىشى - سىرتىنداعى ساياحاتشىلاردى ”ءسوزسىز باراتىن جەرگە كەلىپ“ ىقپالداستىق تۋدىرۋعا، جەلىدەگى باسەكەگە قاتىناسۋعا باۋرادى. قازىر كوپتەگەن ينتەرنەت قولدانۋشىلار بۇعان قاتىناستى، قويىلۋ مولشەرى دە 14 ميلليون رەتكە جەتتى.

  قۇمىل قالاسى تاعى قۇمىلدىڭ تاماشا جاراتىلىستىق ورتاسى، ۇزاق تاريحي مادەنيەتى سياقتىلاردى ۇگىتتەپ تانىستىرۋدى جوسپارلاپ وتىر.

  ”ءبىز قۇمىل حيكاياسىن جاقسى بايانداپ، قۇمىلدىڭ وبرازىن جوعارىلاتىپ، جىبەك جولىنداعى ايگىلى قالا تۇلعالاپ، ءتاتتى قۇمىلدىڭ جاڭا تانىسقىسىن سومدايمىز“، - دەدى چين شۋەبيڭ.

  ”بوعدا كولىن دوۋيىنعا شىعارىپ، دۇنيە جۇزىندەگى بارلىق ادامعا تانىستىرامىز“. تيانشان بوعدا كولى كورىنىس اۋماعىنىڭ دوۋيىنحاۋى كورىنىس اۋماعىنىڭ ءتورت ماۋسىمداعى كورىنىسىنىڭ قىسقا بەينەجازباسىن ۇزدىكسىز جاريالادى، ونىڭ ەڭ جوعارى كورىلۋ مولشەرى 148 مىڭ رەتكە جەتتى. شينجياڭ بوعدا كولى باسقارۋ كوميتەتى ۇگىت - تاربيە، زاڭ ەرەجە باسقارماسىنىڭ باستىعى ليۋ ليكۇن بىلاي دەپ تانىستىردى: 2018 - جىلى قىستا كورىنىس اۋماعى دوۋيىن جارىسىن وتكىزىپ، قىستىق ساياحات قيمىلدارىن ۇگىتتەپ، تاماشا ونىمدىلىك جاراتتى. بيىل كوكتەمنەن بەرى كورىنىس اۋماعىنىڭ ءتۇرلى قيمىلدارىندا دوۋيىن سياقتى قىسقا بەينەجازبا تۇعىرلارىنان پايدالانىپ ۇگىتتەۋ، تانىستىرۋ جاسادى. مىسالى، بيىلعى جۇڭگو ساياحات كۇنىندە، ۋاڭي تىكە تاراتۋ تۇعىرى تيانشان بوعدا كولى كورىنىس اۋماعىنىڭ قيمىلىن تىكە تاراتتى، سول كۇنى قيمىلعا قاتىناسقان ينتەرنەت قولدانۋشىلار ءبىر ميلليون ادام - رەتكە جۋىقتاپ، 3 كۇندە كورىلۋ مولشەرى جيىنى 2 ميلليون ادام - رەتتەن استى.

  قازىر ءتۇرلى جاڭا اقپارات قۇرالدارىندا، جاراتىلىستىق كورىنىس، ءان - بيدەن تىس، تاماقتانۋ، قونۋ، ءجۇرۋ، ساياحاتتاۋ، زات ساتىپ الۋ، كوڭىل اشۋ سياقتى شينجياڭ ساياحاتىنا قاتىستى مازمۇندار كوپتەپ تابىلادى، ولاردىڭ كوبى ايماقتاردىڭ، وبلىستاردىڭ، قالالاردىڭ، كورىنىس اۋماقتارىنىڭ، كورىنىس تۇيىندەرىنىڭ جاڭا اقپارات قۇرالدارىمەن تىعىز سەلبەسۋىنىڭ ناتيجەسى.

■ جاڭا وزگەرىستەر تولاسسىز تۋىلدى

  شينجياڭ گۋانشى ينتەرنەت عىلىم - تەحنيكا شەكتى سەرىكتەستىگىنىڭ باس ديرەكتورى ياڭ دۇڭلياڭنىڭ قازىر ساباق ءوتۋشى مۇعالىم دەگەن جاڭا سالاۋاتى بار.

  بيىل 4 - ايدا التاي ايماعى دوۋيىنمەن قول تەلەفوندا قىسقا بەينەجازبانى تەز جاساۋ كۋرسىن وتكىزدى، بۇعان اۋدان - قالالاردىڭ، ايماققا توتە قاراستى تاراۋلاردىڭ، ورىنداردىڭ جانە كورىنىس اۋماقتارىنىڭ سىرتقا باعىتتالعان ۇگىت تىرەكتىلەرىنەن 200گە جۋىق ادام قاتىناستى، ياڭ دۇڭلياڭ سونداعى نەگىزگى لەكسيا سويلەۋشى مۇعالىمداردىڭ ءبىرى، ول دوۋيىننان پايدالانىپ ينتەرنەتتە قىزۋ قارسى الۋعا بولەنگەن ءسوزسىز باراتىن ءتۇيىندى قالاي قالىپتاستىرۋ، دوۋيىن city جوباسى سياقتىلاردان ساباق ءوتتى. ”بىلتىر سوڭعى جارتى جىلدان باستاپ، مەنى جاڭا اقپارات قۇرالدارىندا ۇگىتتەۋ شەبەرلىگىنەن ساباق وتۋگە ۇسىنىس ەتكەن جەرلەر بارعان سايىن كوبەيدى، اسىرەسە، بيىل الدىڭعى جارتى جىلدا ەرەكشە قاربالاس بولدىم“، - دەدى ياڭ دۇڭلياڭ.

  بەيجيڭ زىجيە تياۋدۇڭ عىلىم - تەحنيكا شەكتى سەرىكتەستىگىنىڭ قاراماعىنداعى تيجارات - ساتۋعا قىزمەت وتەۋ ماركاسى رەتىندە جۇيلياڭ يىنچيڭ سەرىكتەستىگى جينرى توۋتياۋ، دوۋيىن قىسقا بەينەجازباسى، حوشان شاعىن بەينەجازباسى، شيگۋا بەينەجازباسى سياقتى ونىمدەردى بىرىكتىردى، ال شينجياڭ گۋانشى ينتەرنەت عىلىم - تەحنيكا شەكتى سەرىكتەستىگى تاعى جۇيلياڭ يىنچيڭ سەرىكتەستىگىنىڭ شينجياڭ رايونىنداعى ساۋداعا بەتالعان سەلبەستىك سەرىكتەستىگى بولىپ تابىلادى. 2018 - جىلى 12 - ايدا اتالعان سەرىكتەستىك پەن اۆتونوميالى رايوننىڭ قاتىستى تاراۋلارى دوۋيىن باسەكەسىن − ”دوۋيىنعا ىلەسە شينجياڭدى تاماشالاۋ“دى سەلبەسىپ وتكىزدى، كەزەكتە قويىلۋ مولشەرى 3 ميلليارد 540 مىڭ رەتكە جەتتى. بيىل شونجى اۋدانىمەن سەلبەسكەن دوۋيىن تاقىرىبىنداعى ”ارمانداعان جانبۇلاق“ تىڭ جەلىدە 3 كۇندىك قويىلۋ مولشەرى 68 ميلليون رەتكە جەتتى.

  كەزەكتە ”كوكتەمدە بۇرالا بيگە باسقان ناراتتا الۋان گۇلدەر اشىلدى“جايقالا اتىنداعى ”گۇل تاماشالاۋ“ جەلىلەس دوۋيىن ءتول جاسامپازدىق قىسقا بەينەجازبا جارىسى دۋماندى ورىستەتىلۋدە. نارات كورىنىس اۋماعى وسى قيمىلدى 5 مەرزىمگە ءبولدى، 4 - ايدان 8 - ايعا دەيىن جالعاسادى، شينجياڭنىڭ ءىشى - سىرتىنداعى ساياحاتشىلار نارات كورىنىس اۋماعىنداعى گۇل ماۋسىمى فاكتورلارىن سۋرەتكە تۇسىرگەن دوۋيىن تۋىندىلارىمەن باسەكەگە قاتىناسۋىنا بولادى. نارات كورىنىس اۋماعىن باسقارۋ كوميتەتى تيجارات - ساتۋ ورتالىعىنىڭ قىزمەتكەرى چى حۋا بىلاي دەپ تانىستىردى: كورىنىس اۋماعى رەسمي سايت، ۋيچات، ميكروبلوك، توۋتياۋحاۋ، دوۋيىنحاۋ سياقتى كوپ ءتۇرلى اقپارات قۇرالدارى تۇعىرىنان تولىق پايدالانىپ، ۇگىتتەۋ، تانىستىرۋ جۇرگىزدى. قازىر كورىنىس اۋماعى رەسمي سايتىنىڭ كورىلىم مولشەرى 700 مىڭ رەتكە تايادى، ميكروبلوكتا تەك ”كەڭىستىكتەگى ساحارا − نارات“ تاقىرىبىنىڭ كورىلىم مولشەرى 51 ميلليون 710 مىڭ رەتكە، تالقىعا قاتىناسقان ادامداردىڭ سانى 270 مىڭعا جەتتى.

  قازىر كوپتەگەن ايماقتىق، وبلىستىق، قالالىق مادەنيەت - ساياحات تاراۋلارىنىڭ قىزمەتكەرلەرى جاڭا اقپارات قۇرالدارىنىڭ ”مايتالمانىنا“ اينالدى. چين شۋەبيڭنىڭ دوۋيىنداعى ”جانكۇيەرلەرى“ 2000عا تايادى، ول ءتۇرلى ساياحات قيمىلدارىنا قاتىناسقان كەزدە، قىسقا بەينەجازبا ءتۇسىرىپ تاراتتى.

■ جاڭا سەلبەستىك جابال جاسالدى

  ”قازىر ءبىز شينجياڭداعى %95 كورىنىس اۋماعىمەن، %95 قوناقجايمەن، %60 − %50 حالىقتىق تۇسەلحانامەن كاسىپتىك بارىس - كەلىس ورناتتىق“، - دەپ تانىستىرۋ جاسادى شيەچىڭ توبىنىڭ ۇكىمەت بايلىعى سەلبەستىك ءبولىمىنىڭ ورىنباسار باس ديرەكتورى، نىسانالى جەردىڭ تيجارات - ساتۋ باس ديرەكتورى جاڭ شۇي. كەزەكتە شيەچىڭ سانجى، التاي، تۇرپان، قۇمىل، قارامايلى، تارباعاتاي سياقتى ايماق، وبلىس، قالالارمەن سەلبەستىك قاتىناس ورناتتى، باسقا دا ايماق، وبلىس، قالالاردىڭ ۇكىمەتتەرىمەن سەلبەسكەن نىساندارى جونىندە دە كەڭەسۋ ۇستىندە.

  شيەچىڭ مەن شينجياڭنىڭ جەر - جەرىنىڭ سەلبەستىك ءتاسىلى الۋان ءتۇرلى، مىسالى، بۋىرشىنمەن سەلبەستىگى ساياحات ەستەلىگىن الۋ، جەلىدە جيناۋ - تاراتۋ ورتالىعى، ونىمدەردى زەرتتەۋ - اشۋ، جاڭا اقپارات قۇرالدارىنىڭ تيجارات - ساتۋى سياقتىلاردى قامتيدى. ”ءبىز ماركا باسىمدىعىن قامتىعان ءوز ارنامىزدىڭ باسىمدىعى ارقىلى شينجياڭنىڭ جەر - جەرىنىڭ ماركانى جالپىلاستىرۋىنا، حاريدار تارتۋىنا جانە شينجياڭعا ساياحاتتاي كەلگەندەرگە ويداعىداي قىزمەت وتەۋىنە كومەكتەسەمىز“، - دەدى ول.

  ”ەكى جىلدان بەرى، ايماق، وبلىس، قالالاردان سىرت، بىزبەن سەلبەسكەندەردەن تاعى قاناس، بويلۇق، نارات، بايىنبۇلاق سياقتى كورىنىس اۋماقتارى بار“، - دەپ تانىستىردى ياڭ دۇڭلياڭ. كەزەكتە دوۋيىن تۇعىرى بيىل جاسامپازدىقپەن جولعا قويعان تيجارات - ساتۋ IP ”دوۋCity-in قالانىڭ تاماشا تۇرمىس مەرەكەسى“ شينجياڭدا جالپىلاستىرىلۋدا، ءۇرىمجى، قارامايلى سياقتى قالالارمەن سەلبەستىك نيەتناماسىنا كەلىستى، ”دوۋin تاماشا ءۇرىمجى“ وسى ايدا رەسمي جەلىگە شىعارىلادى.

  مۇنان سىرت، شينجياڭ گۋانشى ينتەرنەت عىلىم - تەحنيكا شەكتى سەرىكتەستىگى تاعى كوپتەگەن كورىنىس اۋماعىمەن دوۋيىن باسەكەسى، دوۋيىن تاقىرىبى، جينرى توۋتياۋ تاقىرىبى سياقتى نىساندار جونىندە سەلبەستىك جاساسىپ، جينرى توۋتياۋ، دوۋيىن سياقتى تۇعىرلاردان پايدالانىپ، ساياحات، ەرەكشە ءونىم، كەلەلى مەرەكە تۇيىندەرى سياقتى جاقتاردان شينجياڭدى ۇگىتتەدى، تانىستىردى.

  التاي ايماعى ءوزىنىڭ جانە شينجياڭنىڭ جەرگىلىكتى جاڭا اقپارات قۇرالدارىنىڭ ۇگىت تۇعىرىن ساۋلەلەندىرۋمەن بىرگە، دوۋيىن، جينرى توۋتياۋ، حوشان شاعىن بەينەجازباسى سياقتى بايلىقتاردى اناعۇرلىم اشىپ، ساياحات ۇگىتىن جان - جاقتى ورىستەتتى؛ بايىنعولين موڭعۇل اۆتونوميالى وبلىسى جاڭا اقپارات قۇرالدارىنان پايدالانىپ، ءتۇرلى ساياحات قيمىلدارىن ينتەرنەتتە تىكە تاراتىپ، اناعۇرلىم كوپ ادامداردىڭ جەرگىلىكتى ساياحات بايلىعىن، تاريحي مادەنيەتتى، ۇلتتىق سالت - سانانى تۇسىنۋىنە مۇمكىندىك جاساپ، ءتۇرلى قيمىلداردىڭ ماركا ىقپال كۇشىن جوعارىلاتتى.

  ”توپ شينجياڭنىڭ ساياحاتىنا ەرەكشە باسا ءمان بەردى، الداعى 2 دە 3 جىلدا شينجياڭدى ءتۇيىن ەتىپ، شينجياڭنىڭ ساياحات ونىمدەرىن ۇگىتتەۋ، جالپىلاستىرۋ سياقتىلاردى جۇرگىزەدى ءارى ونىمدەردى تاپسىرىس بويىنشا جاساۋ ارقىلى ونىمدەردى ساپالىلاندىرادى؛ ساياحات ۇلكەن ساندى مالىمەتىنەن پايدالانىپ، بازارعا دالمە - ءدال تالداۋ جاساپ، جەلىلەس ونىمدەردى جالپىلاستىرۋ، ۇگىتتەۋ، كىرگىزۋ، قايتا ساتىپ الۋ سياقتىلاردى قالىپتاستىرادى“، - دەدى جاڭ شۇي.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • شينجياڭدا ءبيدايدىڭ بىرلىك ءونىمىنىڭ رەكوردى جاڭالاندى
  • ەرەكشە حالىقتىق تۇسەلحانالار شينجياڭ ساياحاتىنىڭ تاماشا تانىسقىسىنا اينالدى
  • دۋان - ۋ مەرەكەسىندەگى دەمالىس كەزىندە شينجياڭ 3 ميلليون 840 مىڭ ادامنان (رەت) استام ساياحاتشى قابىلدادى سايكەس مەزگىلدەگىدەن %43.25 ارتتى