تيانشان تورى
تيانشان تورى   ›   جاڭالىقتار   ›   شينجياڭ حابارلارى

جاڭا دامۋ ۇستانىمىن دايەكتىلەندىرىپ، تياناقتاندىرىپ، ەكونوميكانىڭ جوعارى ساپالى دامۋىن ىلگەرىلەتەيىك

لي پىڭشين اقسۋ ايماعىندا تەكسەرۋ - زەرتتەۋ جۇرگىزدى

جاڭا دامۋ ۇستانىمىن دايەكتىلەندىرىپ، تياناقتاندىرىپ، ەكونوميكانىڭ جوعارى ساپالى دامۋىن ىلگەرىلەتەيىك

  ءتىلشى لي ياڭ 7 - ايدىڭ 21 - كۇنى اقسۋدان حابارلايدى. 7 - ايدىڭ 19 - كۇنى، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ كەدەيلەردى سۇيەمەلدەۋ، وركەندەتۋ باسشىلىق گرۋپپاسىنىڭ ورىنباسار باستىعى لي پىڭشين اقسۋ ايماعىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىمەن تىعىز ۇشتاستىرىپ، جاڭا دامۋ ۇستانىمىن دايەكتىلەندىرىپ، تياناقتاندىرىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتىپ، عىلىم - تەحنيكانىڭ تىرەكتىك رولىن كۇشەيتىپ، ەرەكشە باسىم كاسىپتەردى جەتىلدىرىپ، زورايتىپ، ەكونوميكانىڭ جوعارى ساپالى دامۋىن ىلگەرىلەتۋ كەرەك.

  لي پىڭشين ىلگەرىندى - كەيىندى اقسۋ قالاسىنىڭ ەلەكتروندى ساۋدا ىستەرى كاسىپ باقشاسى، ونسۋ اۋداندىق زات اينالىمى، جيىۋ - تاراتۋ ورتالىعى، ونسۋ مەملەكەتتىك اۋىل شارۋاشىلىعى عىلىم - تەحنيكا كاسىپ باقشاسى، اقسۋ قالاسىنىڭ ىگەرچى اۋىلى، باشتوگمان اۋىلى، ت.ب لارعا بارىپ، كاسىپورىن سەحتارىنا، جۇمىس باسى ناق مايدانىنا، اتىز باسىنا ىشكەرىلەي بارىپ، نەگىزگى ساتى كادرلارىمەن، كاسىپورىننىڭ جۇمىسشى - قىزمەتكەرلەرىمەن جانە شارۋالارمەن ىشكەرىلەي پىكىر اۋىستىرىپ، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسى، باسىمدىققا يە اۋىل شارۋاشىلىق كاسىپتەرىنىڭ دامۋى، ساۋدا، زات اينالىمى كاسىپتەرىنىڭ دامۋى جانە نىسان قۇرىلىسى سياقتى جاعدايلاردى تاپتەشتەي ۇعىستى.

  لي پىڭشين بىلاي دەپ باسا دارىپتەدى: ساپالى اۋىل شارۋاشىلىعىن گۇلدەندىرۋگە، جاسىل اۋىل شارۋاشىلىعىن گۇلدەندىرۋگە، ماركالى اۋىل شارۋاشىلىعىن كۇشەيتۋگە تاباندى بولىپ، اۋىل شارۋاشىلىعىنىڭ كاسىپ سالالانۋىن ىلگەرىلەتۋدى ءتۇيىن ەتىپ، وڭتۇستىك شينجياڭنىڭ ساپالى جەمىس ونىمدەرى بازاسىن قۇلشىنا قۇرۋ كەرەك. دامۋ نەگىزى جاقسى، جەتەكتەۋ قۋاتى كۇشتى، باسەكەلىك قۋاتى كۇشتى اۋىل شارۋاشىلىعىن كاسىپ سالالاندىرعان ءبىر توپ باستاماشى كاسىپورىندى جەتىلدىرىپ، زورايتىپ، ”باستاماشى كاسىپورىن + سەلبەستىك كووپەراتيۆى + شارۋا وتباسى“ ۇلگىسىنە تاباندى بولىپ جانە ونى كەمەلدەندىرىپ، تاپسىرىستى اۋىل شارۋاشىلىعىن بەلسەنە دامىتىپ، شارۋالاردىڭ عىلمي ەگۋىنە، جۇيەلى ەگۋىنە قولداۋ كورسەتىپ، جەتەكشىلىك ەتىپ، شارۋا وتباسىلارىنىڭ بىتىراندى ءوندىرىسىن ءىرى بازارلارىمەن ۇتىمدى ۇشتاستىرۋدى جۇزەگە اسىرىپ، كاسىپورىننىڭ پايدا تابۋىنا، كاسىپتىڭ دامۋىنا، شارۋالاردىڭ كىرىسىن ارتتىرۋىنا مۇمكىندىك جاساۋ كەرەك. ماركا قۇرىلىسىن كۇشەيتىپ، وڭىرلىك بايلىقتى، كاسىپ جانە ءونىم باسىمدىعىن تياناق ەتىپ، ۇگىتتەۋ، تانىستىرۋ تەبىنىن ارتتىرىپ، ماركا اسەرىن جوعارىلاتىپ، ”حۇڭچيپو“ سياقتى ءبىر توپ تانىمالى وڭىرلىك ساپالى ماركانى ءساتتى اتقارۋ كەرەك. اۋىل شارۋاشىلىق ونىمدەرىنىڭ ساپاسىن ۇزدىكسىز جوعارىلاتىپ، اۋىل شارۋاشىلىق ونىمدەرىن جىنتىكتەي مانەرلەۋدى جانە دارەجەگە ايىرۋدى، قوراپتاۋدى، ساقتاۋ - تاسىمالداۋدى ويداعىداي يگەرۋگە باسا ءمان بەرىپ، ونىمدەردىڭ ۇستەمە قۇنىن جانە باسەكەلىك قۋاتىن جوعارىلاتىپ، ”باسقالاردا جوعى مەندە بار، باسقالاردا بار بولسا، مەندەگىسى ساپالى، باسقالاردىكى ساپالى بولسا، مەندەگىسى ەرەكشە“نى ورىنداپ، شارۋالاردىڭ كىرىسىن ارتتىرۋىن جانە اۋىل شارۋاشىلىعىنىڭ اقاۋسىز دامۋىن جەبەۋ كەرەك. ءوندىرۋدى، ساتۋدى ۇشتاستىرۋ ءتۇزىلىسىن ۇزدىكسىز اقاۋسىزداندىرىپ، بازار ارقىلى ساتىپ الۋ ساياساتىن كەمەلدەندىرىپ، ەلەكتروندى ساۋدا ىستەرىن، زات اينالىمىن، دايىنداۋ - جەتكىزۋدى، سالقىن تىزبەكتى تاسىمالداۋدى بارىنشا دامىتىپ، اۋىل شارۋاشىلىق ونىمدەرىن ساتىپ الۋدىڭ، ساتۋدىڭ ”ءبىر تورىن“ جانە توپ تاراتۋدىڭ، بولشەك ساتۋدىڭ ”ءبىر ساۋدا ورتالىعىن“ قالىپتاستىرۋدى ىلگەرىلەتىپ، اۋىل شارۋاشىلىعىنىڭ ءوندىرۋ - ساتۋ جالپى كاسىپ تىزبەگىن اشۋ كەرەك. اۋىل شارۋاشىلىعى عىلىم - تەحنيكاسىندا جاڭالىق اشۋ تەبىنىن ارتتىرىپ، جاسىل تىڭايتقىشتى اشىتۋ عىلمي تاجىريبەسىن بەلسەنە جالپىلاستىرىپ، اۋىل شارۋاشىلىعىنىڭ وزىق تەحنيكاسىنىڭ ”ەڭ سوڭعى ءبىر كيلومەتر“گە كەڭەيۋىنە مۇمكىندىك جاساپ، اۋىل شارۋاشىلىعىنىڭ باياندى دامۋىن ىلگەرىلەتۋ كەرەك. اۋىل شارۋاشىلىعىن تۇسىنەتىن، اۋىل - قىستاقتى سۇيەتىن، شارۋالاردى سۇيەتىن نەگىزگى ساتى كادرلارىنا كوڭىل ءبولۋ، قامقورلىق جاساۋ جانە قولداۋ كورسەتۋ تەبىنىن ارتتىرىپ، ولاردىڭ ءىس ىستەپ شارۋاشىلىق قۇرۋ ىنتاسى مەن سەنىمىن ماڭگى ساقتاۋىنا مۇمكىندىك جاساۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.