تيانشان تورى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

نۇر شاشقان شات جۇزدەر ءۇشىن

ءتىلشى چاۋ جين

  7 - ايدىڭ 18 - كۇنى، رايونىمىزداعى كەدەي وتباسىلارىنىڭ جارىق تاڭداي بالالارىن تەگىن ەمدەيتىن ”انالار شاتتىعى ارەكەتى“ شينجياڭ مەديتسينا داشۋەسىنە قاراستى 5 - شيپاحانادا باستالدى. تەكسەرىپ تالداپ الۋ جۇمىس باسىندا ەرىكتىلەردىڭ قىزىل كۇرمەسىن كيگەن بۋما شاش قىز ارلى - بەرلى جۇگىرىپ، ناۋقاس بالالاردىڭ اكە - شەشەلەرىنە كومەكتەسىپ تەكسەرۋ، تالداۋ كەستەسىن تولتىرىپ، ناۋقاس بالالار مەن ءۇي ىشىندەگىلەرگە وپەراتسياداعى اباي بولاتىن ىستەردى ءتۇسىندىرىپ، تاعى اۋىق - اۋىق ناۋقاس بالالاردى جۇباتىپ ءجۇر.

  ونىڭ جىلى مەيىرمەن كۇلىمسىرەپ جۇرگەن قازىرگى بەينەسىنە قاراپ، بۇل بۋما شاش قىزدىڭ دا وسىدان ءبىر جىلدىڭ الدىنداعى جارىق تاڭداي ناۋقاس ەكەندىگىن ويلاي قويمايسىز.

  15 جاستاعى ءريا دامەت ەسىمدى بۇل قىزدىڭ ءۇيى قورعاس اۋدانىندا، تۋما جارىق تاڭداي بولاتىن. ءريا ايناعا قاراۋدان قورىناتىن، ساباقتاستارىنىڭ وزىنە قاراعانداعى وزگەشە كوزقاراسىنان ءتىپتى دە قورىناتىن. ”كىشكەنە كەزىمدە دوستارىممەن بىرگە ويناعىم كەلمەيتىن، ءبىر جولى ساباقتاستارىمنىڭ مەن تۋرالى ايتىپ تۇرعانىن ەستىپ ولارمەن ۇرسىسىپ قالدىم. ول كەزدە ءوزىمدى قاتتى قوراش سەزىنەتىنمىن، ۇنەمى مۇڭايىپ ءجۇرۋشى ەدىم“.

  ءريانىڭ اكەسى كۇندىك ىستەپ ءۇيدى اسىرايتىن دا، شەشەسىنىڭ قىزمەتى جوق بولاتىن. بۇل كەدەي وتباسى جونىنەن 10 مىڭ يۋاننان استام وپەراتسيا قاراجاتىن تابۋ مۇمكىن ەمەس ەدى. بىلتىر 8 - ايدا ”انالار شاتتىعى ارەكەتى“ قورعاس اۋدانىنا كەلگەندە، ماماندار ونىڭ جاعدايىن ەستىگەننەن كەيىن، ۇرىمجىگە بارىپ جارىق تاڭداي اۋرۋىن تەگىن وپەراتسيا جاساتىپ ەمدەتۋىن ءۇمىت ەتتى.

  ءريا قۋانعانىنان ءتۇنى بويى كوز ىلمەدى. ۇرىمجىگە كەلگەننەن كەيىن، شيپاحانادا ”قىزىل كۇرمەلى“ بويجەتكەن وعان ىستىق ىقىلاسپەن ءبىر قۇمىرا سۋ ۇسىنىپ، ونىمەن اڭگىمەلەسەدى ءارى جالپى بارىستا ونى ەرتىپ قاتارعا تۇرعىزىپ، كەستە تولتىرىپ، قان تەكسەرتىپ، دەنساۋلىعىن تەكسەرتتى.

  ءريا جاسقانشاقتاي تۇرىپ ”قىزىل كۇرمەلى“ بويجەتكەنگە ءوزىنىڭ نەبارى 10 كۇن عانا رۇقسات العاندىعىن، ەرتەرەك قايتىپ وقۋىن وقىعىسى كەلەتىندىگىن ايتادى، ”قىزىل كۇرمەلى“ بويجەتكەن دەرەۋ شيپاگەرگە بارىپ اقىلداسىپ، ونىڭ وپەراتسيا كەزەگىن الدىعا ورنالاستىرادى. ”ول مەنىڭ قولىمنان ۇستاپ مەنى جۇباتىپ، مەنى وپەراتسيا بولمەسىنە دەيىن جەتكىزدى. وپەراتسيادان كەيىن باسىم ازىراق اينالدى، ول ءار كۇنى كەلىپ مەنى سۇيەمەلدەۋمەن بولدى. ۇيگە قايتاردا ول ماعان كومەكتەسىپ پويەز بەلەتىن الىپ، مەنى تاكسيگە دەيىن شىعارىپ قويدى“، - دەدى ءريا. ول وزىنەن 3 جاس ۇلكەن وسى اپەكەسىنىڭ ۋيچاتىن قوسىپ الادى. وسى ءبىر جىلدا ولار ۋيچات ارقىلى وپەراتسيادان كەيىنگى ساۋىعۋ جاعدايى جونىندە اڭگىمەلەسىپ تۇرادى، ءريا تۇرمىس، ۇيرەنۋ جاعىندا دا ۇنەمى شابىتتاندىرۋعا يە بولىپ وتىرادى.

  ”اپەكە، مەنىڭ دە ەرىكتى بولىپ، ءتىپتى دە كوپ ءوزىم سياقتى جارىق تاڭداي اۋرۋى بار بالالارعا كومەكتەسكىم كەلەدى“. 10 نەشە كۇننىڭ الدىندا جازدىق دەمالىسقا تاراعان ءريا وسى رەتكى قيمىلداعى ەرىكتىلەردى باس سايكەستىرۋشى گۋ چيۋيەگە ۋيچاتتا ءوزىنىڭ ارمان - تىلەگىن ايتادى، گۋ چيۋيە ءدال الگى ءرياعا كومەكتەسكەن ”بويجەتكەن“ بولاتىن.

  ”وندا جاقسى بولدى، ءبىز قول ۇستاسىپ ءتىپتى دە كوپ بالاعا كومەكتەسەيىك“. گۋ چيۋيەنىڭ جاۋابى ءريانىڭ تۇڭعىش رەت قىزىل كۇرمە كيىپ، ەرىكتى بولۋ ارمانىن رەالدىققا اينالدىردى.

  قيمىل وتكىزىلگەن ورى−ندا گۋ چيۋيەنىڭ جەتەكتەۋىمەن ءريا ەرىكتىلەر قىزمەتىنىڭ تارتىبىنە تەز ارادا قانىق بولادى، ”ول اۋدارماشى بولا الادى، ول ءوزىنىڭ كەشىرمەسى ارقىلى ناۋقاس بالالاردىڭ ءۇي ىشىندەگىلەردىڭ كوڭىلىن اۋلاپ، ءوزىنىڭ شات ءجۇزى ارقىلى ناۋقاس بالالاردى شابىتتاندىرادى“. وسىعان دەيىن 7 رەت ەرىكتى بولعان 18 جاستاعى گۋ چيۋيە ”انالار شاتتىعى ارەكەتى“مەن بىرگە ىشكى موڭعۇل، يۇننان سياقتى جەرلەرگە بارعان، بۇل ونىڭ شينجياڭعا 2 − رەت كەلۋى بولاتىن.

  ءريا ءسىڭلىسىن تىلگە العاندا، گۋ چيۋيە شىن كوڭىلدەن قۋانادى، ”ءالى ەسىمدە، ونى العاش كورگەنىمدە، ول قازىرگىدەي شات - شادىمان ەمەس ەدى، قاشاندا مەنىڭ ەتەگىمنەن ۇستاپ ارت جاعىما جاسىرىنىپ الاتىن. جۋىردا جۇڭگو ايەلدەر ءىسىن دامىتۋ قورى وتكىزگەن ءبىر كەشكى ساۋىقتان ءريانىڭ ’انالار شاتتىعى ارەكەتى‘نىڭ ۋاكىلى رەتىندە ءبي بيلەگەندىگىن كورىپ، ول ءۇشىن شىنىمەن قاتتى قۋاندىم، ول وزىنە دەگەن سەنىمىن قايتا تاۋىپتى“.

  ءريا كىشكەنتايىنان ءبي بيلەۋدى ۇناتاتىن، كەيىن ول ءبي ۇيرەنىپ، اپەكەسى سياقتى ءبيدى جاقسى بيلەيتىن ادام بولعىسى كەلەدى، ءبىراق ونىڭ شيپاگەر بولىپ، كومەككە ءزارۋ ءتىپتى دە كوپ ادامعا كومەكتەسۋ ارمانى ونان دا كۇشتى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • شينجياڭدا ءبيدايدىڭ بىرلىك ءونىمىنىڭ رەكوردى جاڭالاندى
  • ەرەكشە حالىقتىق تۇسەلحانالار شينجياڭ ساياحاتىنىڭ تاماشا تانىسقىسىنا اينالدى
  • دۋان - ۋ مەرەكەسىندەگى دەمالىس كەزىندە شينجياڭ 3 ميلليون 840 مىڭ ادامنان (رەت) استام ساياحاتشى قابىلدادى سايكەس مەزگىلدەگىدەن %43.25 ارتتى