شينحۋا اگەنتتىگىنىڭ 7 - ايدىڭ 22 - كۇنى بەيجيڭنەن بەرگەن حابارى. بۇكىل پارتيادا ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەنى ىشكەرىلەي ورىستەتىپ، شىت جاڭا بەينەمەن جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قارسى الۋ قارساڭىندا ورتالىق كوميتەت ۇگىت ءبولىمى 7 - ايدىڭ 22 - كۇنى بۇكىل قوعامعا 2019 - جىلعى ”شەكارا وڭىرگە كومەكتەسكەن ەڭ كورىكتى تۇلعالار“دىڭ وزات ىزگى ىستەرىن جاريالادى.
بۇل رەتكى جاريالاۋدا ”شەكارا وڭىرگە كومەكتەسكەن ەڭ كورىكتى تۇلعالار“عا يە شيۇڭ، ۋ گوچياڭ، ليۋ يۇنجۇن، ليۋ ميڭتيڭ، سۇن ي، لي شىيىڭ، ياڭ گۋانمياۋ، چىن شيان (ايەل)، چىن ياۋپيڭ، جوۋ يۋانشياڭ، لو مىڭ، لو لياۋفۋ، لو يۇنچيان، لۇي چيڭتاڭ، دۋان يۇيپيڭ، شي شىميڭ (قايتىس بولعان)، گو گۇيفاڭ، لياڭ نانيۇي، فۋ شين، گۋان يانپيڭ (ايەل) قاتارلى 20 وزات جەكە جانە حۋبەي قوعامدىق - جاراتىلىستىق ءپان شۋەيۋانى ”گىساڭحۋا“ وقۋ - اعارتۋعا كومەك اترەتى سىندى ءبىر كوللەكتيۆ قامتىلدى. ولاردىڭ ىشىندەگى كەيبىرەۋلەرى پارتيا، ۇكىمەت كادرلارى، ولار اۋەلگى ماقسات پەن بورىشتان اينىماي، رەفورمانىڭ دامۋىن تەرەڭدەتكەن ۇزدىك ناتيجەلەرى ارقىلى بۇقاراعا قىزمەت وتەپ، حالىق قىزمەتشىسى قاسيەتىن ايگىلەپ، حالىقتىڭ سەنىمىنە قول جەتكىزدى؛ كەيبىرەۋى ساياسي - زاڭ كادر - ساقشىلارى، ولار تىنىش جۇڭگو قۇرىلىسىن تەرەڭدەتۋدى مىقتاپ ۇستىنە الىپ، قوعامدىق كەلەلى جاعدايدىڭ ورنىقتىلىعىنا شىنايى كەپىلدىك ەتىپ، قوعامنىڭ ءادىل، تۋراشىل بولۋىن جەبەپ، حالىقتىڭ تىنىش ءومىر، شات - شادىمان تىرشىلىك كەشۋىن قامتاماسىز ەتتى؛ كەيبىرەۋى مەكتەپ وقىتۋشىلارى، ولار مورالمەن بوي تۇزەپ، مورالمەن مەكتەپ اشىپ، مورالمەن تاربيە بەرىپ، وقۋشىلار ءۇشىن ارماننىڭ جارىق شىراعىن جاعىپ، العا جۇرەتىن داڭعىل جولدى جارىقتاندىردى؛ كەيبىرەۋى ەمدەۋ قىزمەتكەرى، ولار ”ەمدەۋشىنىڭ ىزگىلىگىن“ ۇستانىپ، اجالعا اراشاشى، جارالىعا مەدەت بولىپ، اۋرۋ - سىرقاۋلاردى ەمدەپ، ساپالى قىزمەت وتەۋ ارقىلى ۇلتتىق شەكارا وڭىرلەردەگى حالىقتىڭ سالاماتتىعىن، ىرىس - قۇتىن ارتتىردى... ولار ناقتى ارەكەتى ارقىلى ۇلتتار ىنتىماعى العاباسارلىعى مەن شەكارا وڭىرلەردىڭ ەكونوميكالىق، قوعامدىق دامۋىن ىلگەرىلەتتى، جۇڭحۋا ۇلتىنىڭ بەرەكەلى شاڭىراعى ۇستانىمىن جاندى ءتۇسىندىرىپ، شيزاڭعا، شينجياڭعا، چيڭحايعا كومەككە بارعان قالىڭ كادرلار مەن شەكارا وڭىرگە كومەككە كەلگەن ۇلگىلى تۇلعالاردىڭ تاماشا رۋحاني بەت - بەينەسىن ايگىلەدى.
جاريالاۋ سالتىندا ”شەكارا وڭىرگە كومەكتەسكەن ەڭ كورىكتى تۇلعالار“دىڭ وزات ىزگى ىستەرىنىڭ قىسقا بەينەجازباسىن ۇستىندە تاراتىپ، ولاردىڭ قىزمەتى مەن تۇرمىسىنداعى اسەرىن ءار قىرىنان سۇحباتتاسۋ ارقىلى باياندادى. ورتالىق كوميتەت ۇگىت بولىمىندەگى جاۋاپتى جولداستار ولارعا ”شەكارا وڭىرگە كومەكتەسكەن ەڭ كورىكتى تۇلعا“ كۋالىگىن تاراتتى.
جاريالاۋ سالتىنا قاتىناسقان كادرلار مەن بۇقارا مىنالاردى ءبىلدىردى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن ىشكەرىلەي ورىستەتىپ، ”شەكارا وڭىرگە كومەكتەسكەن ەڭ كورىكتى تۇلعا“لاردى ۇلگى ەتىپ، جۇڭحۋا ۇلتى ورتاق تۇلعا تانىمىن ۇزدىكسىز سومداپ، تاسقىنداعان رۋحاني كۇيمەن جانە كۇرەسكەرلىك بەينەمەن ۇلتتىق شەكارا ءوڭىردىڭ ەكونوميكالىق، قوعامدىق دامۋىنا بەلسەنە ات سالىسىپ، جاپپاي دوڭگەلەك داۋلەتكە جەتۋدەي ۇلى ءىستىڭ شەشۋشى جەڭىسىنە قول جەتكىزىپ، بىرەگەي تاڭداۋلى ناتيجەلەرمەن جاڭا جۇڭگو قۇرىلعاندىعىنىڭ 70 جىلدىعىن قارسى الامىز.
