بەتاشار
بيىل جاڭا جۇڭگو قۇرىلعاندىعىنىڭ 70جىلدىعى. جىل شەڭبەرىن ىجداعاتپەن ساناساڭىز، جاڭا جۇڭگونىڭ تولىسىپ - جەتىلگەن ۋاقىت وسىندە، وتانىمىزدىڭ شينجياڭى جاندى دا جالىندى بولىپ، بارلىق الابى شىت جاڭا وزگەرىپ، وركەندەي ءوستى.
گازەتىمىز بۇگىننەن باستاپ ”ايبىندى 70جىل، كۇرەسكە تولى جاڭا ءداۋىر − سيفرلار سىر شەرتكەن شينجياڭ“ ايدارىن اشىپ، ساندى مالىمەت جانە كەستە ارقىلى تۇيمەدەي تۇيىننەن عالامات وزگەرىستەردى بايقاتىپ، ەلەۋسىز تۇستاردان ءداۋىر تولقىنىن كورسەتۋدى ءجون كوردىك. سيفرلار شينجياڭنىڭ وراسان زور وزگەرىستەرىنەن سىر شەرتەدى، شينجياڭنىڭ قۋاتىن سەزىنىڭىزدەر، نازار اۋدارىڭىزدار.
جاڭا جۇڭگو قۇرىلعان العاشقى مەزگىلدە، شينجياڭ ەكونوميكاسى ءالى دە قاز - قاز باسۋ ساتىسىندا تۇردى، ءارقايسى جاقتان تۇگەلدەي مەشەۋ قالدى. 70 جىلدىق دامۋدى باستان كەشىرۋ ارقىلى شينجياڭنىڭ جالپىلىق قۋاتى بارىنشا كۇشەيىپ، اۆتونوميالى رايوننىڭ ءتۇرلى ىستەرىنىڭ دامۋىنا، سونداي - اق ءار ۇلت حالقىنىڭ تۇرمىس ورەسىنىڭ جوعارىلاۋىنا بەرىك نەگىز قالادى. رەفورما جاساپ، ەسىك اشقاننان بەرى، شينجياڭ ەكونوميكاسى ءۇرتىس جىلدام دامىپ، 2017 - جىلى رايوننىڭ ءوندىرىس جالپى ءونىم قۇنى تۇڭعىش رەت تريلليون يۋاندىق وتكەلدەن ءوتتى.
بەرتىنگى جىلدان بەرى، شينجياڭنىڭ ەكونوميكاسى ورنىقتى اقاۋسىز دامىپ، نەگىزدىك قۇرىلعى، ەلەكتر قۋاتى سياقتى ەنەرگيا قاينارى قۇرىلىسى تەز ىلگەرىلەتىلدى. سۋرەتتە: مەملەكەت تورى شينجياڭ ەلەكتر قۋاتى شەكتى سەرىكتەستىگىنىڭ جۇمىسشىلارى 750 كيلوۆولتتىق ىلە - كۇشار جەلىسىندە جەلى بويلاي تەكسەرۋدە. □ سۋرەتتى مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى بەرگەن
