تيانشان تورى   ›   جاڭالىقتار   ›   ەل ءىشى حابارى

722 ”ەڭ ارداقتى كۇرەسكەر“ كانديداتتارىنىڭ ينفورماتسياسى اشىق جاريالاندى

  شينحۋا اگەنتتىگىنىڭ 7 - ايدىڭ 22 - كۇنى بەيجيڭنەن بەرگەن حابارى. ”ەڭ ارداقتى كۇرەسكەر“ لەردەن ۇيرەنۋ، ۇگىت قيمىلىن ۇيىمداستىرۋ كوميسسياسى 7 - ايدىڭ 22 - كۇنى 722 ”ەڭ ارداقتى كۇرەسكەر“ كانديداتتارىنىڭ ينفورماتسياسىن جاريالادى، قيمىل رەسمي تۇردە بۇقارانىڭ داۋىس بەرۋ كەزەڭىنە ءوتتى.

  جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن سالتاناتپەن قۇتتىقتاۋ، ”باقىت كۇرەستەن كەلەدى، تابىستىڭ كىلتى ۇلەس قوسۋدا، قاراپايىمدىلىقتان ۇلىلىق تۋىندايدى“ سىندى قۇن ۇستانىمىن زور كۇشپەن اسقاقتاتۋ ءۇشىن، ورتالىق كوميتەت ۇگىت ءبولىمى، ورتالىق كوميتەت ۇيىمداستىرۋ ءبولىمى، ورتالىق كوميتەت بىرلىكساپ ءبولىمى، ورتالىق پەن مەملەكەت ورگاندارى قىزمەت كوميتەتى، ورتالىق كوميتەت پارتيا تاريحى جانە حۇجاتتار زەرتتەۋ ورنى، وقۋ - اعارتۋ مينيسترلىگى، ادام كۇشى بايلىعى جانە قوعامدىق قامتاماسىزداندىرۋ مينيسترلىگى، مەملەكەتتىك كەڭەس مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى، ورتالىق اسكەري ىستەر كوميتەتىنىڭ ساياسي قىزمەت ءبولىمى بىرلەسىپ ”ەڭ ارداقتى كۇرەسكەر“لەردەن ۇيرەنۋ ۇگىت قيمىلىن ورىستەتۋگە ۇيىمداستىردى. قيمىل 6 - ايدىڭ ورتا شەنىندە باستالعاننان بەرى، جەر - جەر، قاتىستى تاراۋلار ىشكەرىلەي تەكسەرىپ - زەرتتەۋ جۇرگىزىپ، كەڭ كولەمدە پىكىر الىپ، كوللەكتيۆ اقىلداسىپ، زەرتتەپ، كانديداتتار ەسىمدىگىن كورسەتتى. قيمىلدى ۇيىمداستىرۋ كوميسسياسى كورسەتىلگەن كانديداتتار مەن ولاردىڭ ىزگى ىستەرى ماتەريالدارىن جيناۋ، رەتتەۋ ارقىلى 722 ”ەڭ ارداقتى كۇرەسكەر“ كانديداتىن تۇراقتاندىردى.

  ءبىر تۇتاس ورنالاستىرۋ بويىنشا، 7 - ايدىڭ 22 - كۇنىنەن 8 - ايدىڭ 5 - كۇنىنە دەيىن، قاۋىم قول تەلەفون ارقىلى ەكى ولشەمدى كودتى سكانەرلەۋ نەمەسە ورتالىق پەن جەرگىلىكتى اقپارات سايتىنا، اسكەري اقپارات سايتىنا، باستى ساۋدا سايتتارى مەن جىلجىمالى حابارلاسۋ كليەنتتەرىنە شىعىپ ”ەڭ ارداقتى كۇرەسكەرلەرگە“ بۇقارالاردىڭ داۋىس بەرۋ ارناۋلى ايدارىنا تىركەلىپ، كاندايداتتاردىڭ ىزگى ىستەرىن كورۋ ارقىلى ەسكەرتپە بويىنشا داۋىس بەرۋگە قاتىسۋىنا بولادى. ءاربىر داۋىس بەرۋشىنىڭ ءاربىر كاندايداتقا ءبىر رەت عانا داۋىس بەرۋىنە بولادى، تۇتاس بارىستا كوپ رەت داۋىس بەرۋگە، ەڭ كوپ بولعاندا 200 كاندايدات كورسەتۋىنە بولادى.

  بۇقارانىڭ داۋىس بەرۋى اياقتاعاننان كەيىن، قيمىلدى ۇيىمداستىرۋ كوميسسياسى توراپكەرلەردىڭ بەرگەن داۋىس سانىنا نەگىزدەلىپ، رەسمي كانديداتتاردىڭ 1.2 ەسە سالىستىرماسى بويىنشا، ءوڭىرى، كاسىبى، ۇلتى قاتارلى فاكتورلار نەگىزىندە 240 ادام مولشەرىندەگى ”ەڭ ارداقتى كۇرەسكەر“ كاندايداتتارىنىڭ العاشقى ەسىمدىگىن تۇراقتاندىرادى. ۇيىمداستىرۋ كوميسياسىنداعى باعالاۋ - سارالاۋ گرۋپپاسىنداعى مامانداردىڭ داۋىس بەرۋى، تاراۋلاردىڭ تەكسەرىپ بەكىتۋ، اقپارات قۇرالدارى اشىق جاريالاۋى بارىسىنان كەيىن، ەڭ سوڭىندا جۇڭحۋا حالىق رەسپۋبليكاسى قۇرىلعان 70 جىلدان بەرى جەر - جەردە، ءار كاسىپ، ءار سالادا كوزگە تۇسكەن جارىققا شىققان، ءوندىرىستىڭ ءبىرىنشى شەبىندەگى، بۇقارانىڭ ماڭايىنداعى 200 وزات ۇلگى سارالانادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • شينجياڭدا ءبيدايدىڭ بىرلىك ءونىمىنىڭ رەكوردى جاڭالاندى
  • ەرەكشە حالىقتىق تۇسەلحانالار شينجياڭ ساياحاتىنىڭ تاماشا تانىسقىسىنا اينالدى
  • دۋان - ۋ مەرەكەسىندەگى دەمالىس كەزىندە شينجياڭ 3 ميلليون 840 مىڭ ادامنان (رەت) استام ساياحاتشى قابىلدادى سايكەس مەزگىلدەگىدەن %43.25 ارتتى