تيانشان تورى   ›   ۇيرەنۋ   ›   ماڭىزدى حۇجاتتار

ورتالىق كوميتەت كەڭسەسى، مەملەكەتتىك كەڭەس كەڭسەسى «تابيعي ورماندى قورعاۋ، قالپىنا كەلتىرۋ ءتۇزىمى جوباسى»ن باسىپ تاراتتى

  شينحۋا اگەنتتىگىنىڭ 7 - ايدىڭ 23 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەت كەڭسەسى، مەملەكەتتىك كەڭەس كەڭسەسى تاياۋدا «تابيعي ورماندى قورعاۋ، قالپىنا كەلتىرۋ ءتۇزىمى جوباسى»ن باسىپ تاراتتى.

  جوبادا مىنالار العا قويىلدى: تابيعي ورماندى قورعاۋ، قالپىنا كەلتىرۋ ءتۇزىمى جۇيەسىن كەمەلدەندىرۋ جەدەلدەتىلىپ، تابيعي ورمان اۋدانىنىڭ بىرتىندەپ ارتۋىنا، ساپاسىنىڭ ءۇرتىس جوعارىلاۋىنا، يقۋاتىنىڭ ورنىقتى قاداممەن ارتۋىنا شىنايى كەپىلدىك ەتىلەدى.

  2020 - جىلعا جەتكەندە، 130 ميلليون گەكتار تابيعي بيىك اعاش ورمانى جانە 68 ميلليون گەكتار تابيعي بۇرگەندى جەر، ورمانى جەتىلمەگەن قورىمالى جەر، سەلدىر ورماندى جەر ءونىمدى باسقارىلىپ، قورعالىپ، تابيعي ورماندى قورعاۋ، قالپىنا كەلتىرۋ زاڭ ءتۇزىمى جۇيەسى، ساياساتپەن قامتاماسىز ەتۋ جۇيەسى، تەحنيكالىق ولشەم جۇيەسى جانە باقىلاۋ، باعالاۋ جۇيەسى نەگىزىنەن ورناتىلادى.

  2035 - جىلعا جەتكەندە، تابيعي ورمان اۋماعىنىڭ ساقتالۋ مولشەرى 200 ميلليون گەكتار مولشەرىندە ورنىقتىرىلىپ، ساپاسى تۇبىرىنەن جاقسارتىلىپ، تابيعي ورماننىڭ ەكولوگيالىق جۇيەسى ءونىمدى تۇردە قالپىنا كەلتىرىلىپ، ورگانيزمدەردىڭ كوپ تۇرلىلىگى عىلمي قورعالىپ، ەكولوگيالىق كوتەرىمدىلىگى كورنەكتى دارەجەدە جوعارىلاتىلىپ، كورىكتى جۇڭگو نىساناسىن نەگىزىنەن جۇزەگە اسىرۋعا پارمەندى تىرەك ازىرلەنەدى.

  وسى عاسىردىڭ ورتاسىنا جەتكەندە، تابيعي ورماندى نەگىزگى تۇلعا ەتكەن اقاۋسىز دا ورنىقتى، ورنالاسۋى ۇيلەسىمدى، يقۋاتى تولىق ورمان ەكولوگيالىق جۇيەسى جاپپاي ورناتىلىپ، حالىق بۇقاراسىنىڭ ساپالى ەكولوگيالىق ونىمدەرگە، تاماشا ەكولوگيالىق ورتاعا جانە مول ورمان ونىمدەرىنە قاجەتى قاناعاتتاندىرىلىپ، سوتسياليستىك وسىزاماندانعان قۇدىرەتتى ەل قۇرۋعا بەرىك ەكولوگيالىق نەگىز قالانادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.