تيانشان تورى   ›   جاڭالىقتار   ›   ەل ءىشى حابارى

لي پىڭ جولداس قايتىس بولدى

جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ، مەملەكەتتىك ساياسي كەڭەستىڭ قايعىلى حابارلاندىرۋى

لي پىڭ جولداس قايتىس بولدى

لي پىڭ جولداستىڭ ءومىرى − توڭكەرىستىك ءومىر، جاۋىنگەرلىك ءومىر، شۇعىلالى ءومىر، بۇكىل ىنتا - پەيىلمەن حالىق ءۇشىن قىزمەت ىستەگەن، كوممۋنيزم ىستەرى ءۇشىن كۇرەس جۇرگىزگەن ءومىر.

  شينحۋا اگەنتتىگىنىڭ 7 - ايدىڭ 23 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى، جۇڭحۋا حالىق رەسپۋبليكاسى مەملەكەتتىك حالىق قۇرىلتايى تۇراقتى كوميتەتى، جۇڭحۋا حالىق رەسپۋبليكاسى مەملەكەتتىك كەڭەسى، جۇڭگو حالىق ساياسي ءماسىليحات كەڭەسى مەملەكەتتىك كوميتەتى مىنانى قايعىلى تۇردە حابارلاندىرادى: جۇڭگو كوممۋنيستىك پارتياسىنىڭ تاڭداۋلى مۇشەسى، ۇزاق سىنداردان وتكەن ادال كوممۋنيزم جاۋىنگەرى، ۇزدىك پرولەتاريات توڭكەرىسشىسى، ساياساتشى، پارتيا مەن مەملەكەتتىڭ كورنەكتى باسشىسى، جۇڭگو كوممۋنيستىك پارتياسى 12 - كەزەكتى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، 13 -، 14 -، 15 - كەزەكتى ورتالىق كوميتەت ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ بۇرىنعى زۇڭليى، 9 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ باستىعى لي پىڭ جولداس ناۋقاستانىپ، ەمدەۋ ءونىم بەرمەي، 2019 - جىلى 7 - ايدىڭ 22 - كۇنى ساعات 23 تەن 11 مينۋت وتكەندە، بەيجيڭدە 91 جاسىندا قايتىس بولدى.

  لي پىڭ جولداس 1928 - جىلى 10 - ايدا دۇنيەگە كەلگەن، سىچۋاننىڭ چىڭدۋىنان. ول توڭكەرىستىك وتباسىندا ءومىر ەسىگىن اشقان، بالا كەزىندە اكەسى ەرلىكپەن قۇربان بولعان، جاس ءوسپىرىم كەزىندە وتباسىنىڭ ىقپالىمەن ىرىقتى تۇردە توڭكەرىستىك يدەيانى قابىلداپ، توڭكەرىس ىستەرىنە ات سالىسۋعا بەل بۋعان. 1941 - جىلى 3 - ايدا يان - انعا بارىپ توڭكەرىستىك قىزمەتكە قاتىناسىپ، توڭكەرىس نازارياسى جانە عىلم، مادەنيەت بىلىمدەرى تاربيەسىن قابىلداعان، 1945 - جىلى 11 - ايدا جۇڭگو كوممۋنيستىك پارتياسىنا مۇشە بولعان. ازاتتىق سوعىس مەزگىلىندە ول پارتيا ۇيىمىنىڭ ۇندەۋىنە ءۇن قوسىپ الدىڭعى شەپكە اتتانىپ، سانشي - چاحار - حىبەي ەلەكتر سەرىكتەستىگىنىڭ تەحنيگى، حاربين ماي زاۆودىندا كومەكشى، پارتيا ياچەيكاسىنىڭ شۋجيى بولعان. 1948 - جىلى 9 - ايدا پارتيا ۇيىمىنىڭ ورنالاستىرۋى بويىنشا سوۆەت وداعىنا وقۋعا بارعان. 1955 - جىلى ەلگە ورالعان سوڭ، ىرىقتى تۇردە تالاپ ەتىپ نەگىزگى ساتىعا بارىپ قىزمەت ىستەپ، فىڭمان ەلەكتر ستانسياسىنىڭ ورىنباسار باستىعى، باس ينجەنەرى، شىعىس سولتۇستىك ەلەكتر ىستەرىن باسقارۋ مەكەمەسىنىڭ ورىنباسار باس ينجەنەرى، رەتتەۋ - ورنالاستىرۋ مەكەمەسىنىڭ باستىعى، فۋشين ەلەكتر ستانسياسىنىڭ باستىعى بولعان. 1966 - جىلدان 1979 - جىلعا دەيىن، بەيجيڭ ەلەكترمەن قامداۋ مەكەمەسى پارتكومىنىڭ ۋاقىتشا شۋجيى، توڭكەرىستىك كوميتەتتىڭ مەڭگەرۋشىسى، بەيجيڭ ەلەكتر ىستەرىن باسقارۋ مەكەمەسىنىڭ باستىعى، پارتيا باسشىلىق گرۋپپاسىنىڭ شۋجيى بولعان. ”مادەنيەت زور توڭكەرىسى“ كەزىندە سوققىعا ۇشىراسا دا، پارتيالىلىق پرينسيپتەن جازباي، شىندىقتى ءىس جۇزىنەن ىزدەي وتىرىپ كۇرەس جۇرگىزدى. 1979 - جىلى 4 - ايدان باستاپ ەلەكتر قۋاتى ونەركاس−ىبى مينيسترلىگىنىڭ ورىنباسار مينيسترى، پارتيا باسشىلىق گرۋپپاسىنىڭ مۇشەسى، قوسىمشا سولتۇستىك جۇڭگو ەلەكتر ىستەرىن باسقارۋ مەكەمەسى پارتيا باسشىلىق گرۋپپاسىنىڭ شۋجيى، ەلەكتر ونەركاسىبى مينيسترلىگىنىڭ مينيسترى، پارتيا باسشىلىق گرۋپپاسىنىڭ شۋجيى، سۋ يگىلىگى ەلەكتر قۋاتى مينيسترلىگىنىڭ ورىنباسار مينيسترى، پارتيا باسشىلىق گرۋپپاسىنىڭ ورىنباسار شۋجيى بولىپ مىندەت وتەپ، پارتيا ورتالىق كوميتەتىنىڭ ”ەلەكتر قۋاتىن الدىمەن وركەندەتۋ“ ستراتەگياسىن جاسامپازدىقپەن دايەكتىلەندىرىپ، ەلەكتر قۋاتىن ۇيلەسىمدى تۇردە الدىمەن دامىتۋدى العا قويىپ، ەلىمىزدىڭ ەلەكتر ستانسياسى قۇرىلىسى جانە ەلەكتر قۋاتى ءوندىرىسى، ەلەكتر جەلىسىن باسقارۋ سياقتى جاقتاردا قارىشتاپ العا باسۋىن ىلگەرىلەتتى، ول − ەلىمىزدىڭ ەلەكتر قۋاتى ونەركاسىبىنىڭ ۇزدىك باسشىسى، يادرولىق ەلەكتر ىستەرىنىڭ ماڭىزدى نەگىزىن قالاۋشىسى. 1983 - جىلى 6 - ايدا لي پىڭ جولداس مەملەكەتتىك كەڭەستىڭ ورىنباسار زۇڭليى بولىپ تاعايىندالدى، 1985 - جىلى 9 - ايدا جۇڭگو كوممۋنيستىك پارتياسى 12 - كەزەكتى ورتالىق كوميتەتىنىڭ بەسىنشى جالپى ماجىلىسىندە ورتالىق كوميتەت ساياسي بيۋروسىنىڭ مۇشەلىگىنە، ورتالىق كوميتەت شۋجيچۋىنىڭ شۋجيلىگىنە كوبەيتىلىپ سايلاندى. ول ەنەرگيا، قاتىناس، ءتۇيىندى قۇرىلىس نىساندارى سياقتى قىزمەتتەردى باسقارىپ، ”7 - بەسجىلدىق“ جوسپارداعى ەنەرگيا، قاتىناس جاقتارىنداعى دامۋ باعىتىن زەرتتەۋگە قاتىناسىپ، امبەباپ ءبىر تۇتاس قاتىناس - تاسىمال جۇيەسىن قۇرۋدى جانە نەگىزگى قۇرىلىس ءتۇزىلىس رەفورماسىن ىلگەرىلەتىپ، كەلەلى تەحنيكالىق جابدىقتاردى زەرتتەپ جاساۋ اياق الىسىن تەزدەتتى. 1987 - جىلى 11 - ايدا لي پىڭ جولداس جۇڭگو كوممۋنيستىك پارتياسى 13 - كەزەكتى ورتالىق كوميتەتىنىڭ ءبىرىنشى جالپى ماجىلىسىندە ورتالىق كوميتەت ساياسي بيۋروسىنىڭ مۇشەسى، تۇراقتى مۇشەسى بولىپ سايلاندى، سول ايدا مەملەكەتتىك 6 - كەزەكتى حالىق قۇرىلتايى تۇراقتى كوميتەتىنىڭ 23 - رەتكى ماجىلىسىندە مەملەكەتتىك كەڭەستىڭ ۋاقىتشا زۇڭليى بولىپ تاعايىندالدى. 1988 - جىلى 4 - ايدا 7 - كەزەكتى مەملەكەتتىك حالىق قۇرىلتايىنىڭ 1 - ماجىلىسىندە مەملەكەتتىك كەڭەستىڭ زۇڭليى بولىپ تاعايىندالدى. ول جونگە سالۋ، رەتتەۋ جانە رەفورمانى تەرەڭدەتۋ باعىتىن باتىل دايەكتىلەندىرىپ، حالىق شارۋاشىلىعىن ماكرولىق رەتتەۋ - تىزگىندەۋدىڭ جاڭا ءتاسىلى مەن جاڭا ءادىسىن قاراستىرىپ، ەلىمىز ەكونوميكاسسىنىڭ قيىنشىلىقتان قۇتىلۋىن، جاڭا دامۋ مەزگىلىنە ءوتۋىن ىلگەرىلەتتى. 1989 - جىلى كوكتەم مەن جازدىڭ ءولاراسىنداعى ساياسي تولق−ى−ن−دا، دىڭ شياۋپيڭ جولداس ۋاكىل بولعان اعا بۋىن پرولەتاريات توڭكەرىسشىلەرىنىڭ باتىل قولداۋىندا، لي پىڭ جولداس ايقىن تۋ ۇستاپ، ورتالىق كوميتەت ساياسي بيۋروسىنداعى باسىم كوپ جولداستارمەن بىرگە باتىل شارا قولدانىپ، دۇربەلەڭدى تيىپ، كەرى توڭكەرىستىك بۇلىكتى تىنىشتاندىرىپ، ەل ءىشى جاعدايىن ورنىقتىرىپ، پارتيا مەن مەملەكەتتىڭ بولاشاعى مەن تاعدىرىنا ساياتىن وسى كەلەلى كۇرەستە ماڭىزدى رول ساۋلەلەندىردى. 1989 - جىلى 6 - ايدا جۇڭگو كوممۋنيستىك پارتياسى 13 - كەزەكتى ورتالىق كوميتەتىنىڭ ءتورتىنشى جالپى ماجىلىسىنەن كەيىن، جياڭ زىمين جولداستى ۇيتقى ەتكەن ورتالىق باسشىلىق كوللەكتيۆىنىڭ ماڭىزدى مۇشەسى رەتىندە، لي پىڭ جولداس دىڭ شياۋپيڭ نازارياسى مەن ”ۇشكە ۋاكىلدىك ەتۋ“ ماڭىزدى يدەياسى ۇلى تۋىن بيىك ۇستاپ، پارتيا 11 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن بەرگى لۋشيان، باعىت - ساياساتتاردى ىشكەرىلەي دايەكتىلەندىرىپ، پارتيا مەن مەملەكەت ىستەرىنىڭ دامۋىنا زەيىن - زەردەسىن سارقا جۇمسادى. 1992 - جىلى 10 - ايدا لي پىڭ جولداس جۇڭگو كوممۋنيستىك پارتياسى 14 - كەزەكتى ورتالىق كوميتەتىنىڭ ءبىرىنشى جالپى ماجىلىسىندە تاعى دا ورتالىق كوميتەت ساياسي بيۋروسىنىڭ مۇشەسى، تۇراقتى مۇشەسى بولىپ سايلاندى. 1993 - جىلى 3 - ايدا 8 - كەزەكتى مەملەكەتتىك حالىق قۇرىلتايىنىڭ 1 - ماجىلىسىندە ول تاعى دا مەملەكەتتىك كەڭەستىڭ زۇڭليى بولىپ تاعايىندالدى. دىڭ شياۋپيڭ جولداستىڭ وڭتۇستىكتى ارالاعانداعى ءسوزى جاريالانعان سوڭ، ول دىڭ شياۋپيڭ جولداستىڭ رەفورما جاساۋ، ەسىك اشۋ يدەيا، دارىپتەمەسىن بەلسەنە قولداپ، ۇگىتتەپ جانە دايەكتىلەندىرىپ، پارتيا 14 - قۇرىلتايىنىڭ رۋحىن باتىل دايەكتىلەندىرىپ، سوتسياليستىك بازار شارۋاشىلىعى ءتۇزىلىسى رەفورماسىنىڭ اي−اق الىسىن تەزدەتىپ، سىرتقا ەسىك اشۋدى كەڭەيتىپ، ماكرولىق رەتتەۋ - مەڭگەرۋدى كۇشەيتىپ جانە جاقسارتىپ، پارتيا ورتالىق كوميتەتىنىڭ باسشىلىعىندا، ”9 - بەسجىلدىق“ جوسپاردى باسقارىپ جاساپ، مەملەكەتتىڭ ءبىر توپ كەلەلى نىساندارىن ورنالاستىرىپ، سالىپ، حالىق شارۋاشىلىعىنىڭ باياندى، تەز، اقاۋسىز دامۋىن ىلگەرىلەتتى. 1997 - جىلى 9 - ايدا لي پىڭ جولداس جۇڭگو كوممۋنيستىك پارتياسى 15 - كەزەكتى ورتالىق كوميتەتىنىڭ ءبىرىنشى جالپى ماجىلىسىندە تاعى دا ورتالىق كوميتەت ساياسي بيۋروسىنىڭ مۇشەسى، تۇراقتى مۇشەسى بولىپ سايلاندى. 1998 - جىلى 3 - ايدا 9 - كەزەكتى مەملەكەتتىك حالىق قۇرىلتايىنىڭ 1 - ماجىلىسىندە ول مەملەكەتتىك حالىق قۇرىلتايى تۇراقتى كوميتەتىنىڭ باستىعى بولىپ سايلاندى.

  ورتالىققا بارىپ قىزمەت ىستەگەن سوڭ، لي پىڭ جولداس مەملەكەتتىك وقۋ - اعارتۋ كوميتەتىنىڭ مەڭگەرۋشىسى، مەملەكەتتىك كەڭەس قورشاعان ورتانى قورعاۋ كوميتەتىنىڭ مەڭگەرۋشىسى، ورتالىق ارناۋلى كوميتەتىنىڭ مەڭگەرۋشىسى، مەملەكەتتىك عىلىم - تەحنيكا باسشىلىق گرۋپپاسىنىڭ باستىعى، ورتالىق سىرتقى ىستەر قىزمەتى باسشىلىق گرۋپپاسىنىڭ باستىعى سياقتى مىندەتتەردى قوسىمشا وتەپ، عىلىم - تەحنيكا، وقۋ - اعارتۋ، قورشاعان ورتانى قورعاۋ، سىرتقى ىستەر جانە مەملەكەت قورعانىسى ونەركاسىبى سياقتى سالالارعا قىرۋار زەيىن - زەردەسىن جۇمسادى. ول ”عىلىم - تەحنيكا − ءبىرىنشى وندىرگىش كۇش“ يدەياسىن جانە وقۋ - اعارتۋدى الدىمەن دامىتۋ ستراتەگياسىن دايەكتىلەندىرىپ، عىلىم - تەحنيكا ءتۇزىلىسى، وقۋ - اعارتۋ ءتۇزىلىسى رەفورماسىن كۇش سالا ىلگەرىلەتىپ، زيالىلار ساياساتىن مۇقيات تياناقتاندىرىپ، مەملەكەتتىڭ جالپى تۇلعالىق عىلىم - تەحنيكالىق ناقتى قۋاتىن جوعارىلاتىپ، رەفورما جاساۋ، ەسىك اشۋدىڭ ءار شەبىنە زور توپتاعى دارىندىلاردى جىبەردى. ول قورشاعان ورتانى باسقارۋدى كۇشەيتىپ، اماليات بارىسىندا قورشاعان ورتانى قورعاۋ نەگىزگى مەملەكەت ساياساتىن جانە ”ءۇشتى تەڭ جوبالاۋ، تەڭ اتقارۋ، تەڭ دامىتۋ“، ”ءۇشتىڭ بىرلىگى“ ستراتەگيالىق باعىتىن كەمەلدەندىرىپ، جۇڭگوشا ەرەكشەلىككە يە قورشاعان ورتانى قورعاۋ جولىنا العاشقى قادامدا تۇسۋگە ماڭىزدى ۇلەس قوستى. ول دەربەس ءوز - وزىنە قوجايىن بولۋ سىندى بەيبىت ديپلوماتيا ساياساتىن باتىل دايەكتى اتقارىپ، بەيبىت قاتار تۇرۋ بەس پرينسيبى تۋىن بيىك ۇستاپ، قىرۋار اسا ناتيجەلى ەكى جاقتى، كوپ جاقتى ديپلوماتيالىق قيمىلداردى ۇيىمداستىرىپ، وعان ات سالىسىپ، شار تاراپتى ديپلوماتيالىق جاڭا جاعدايدى اشۋعا ماڭىزدى ۇلەس قوستى. ول جۇڭگو كوممۋنيستىك پارتياسى ورتالىق كوميتەتىنىڭ بىرلىكساپ جانە حالىق ساياسي كەڭەسى جونىندەگى باعىت - ساياساتتارىن باتىل دايەكتىلەندىرىپ، ”ءبىر ەل، ەكى ءتۇزىم“ باعىتىن دايەكتىلەندىرىپ، شياڭگاڭنىڭ، اۋمىننىڭ وتان قۇشاعىنا ورالۋ قىزمەتتەرىنە باسشىلىق ەتۋگە قاتىناستى. ول سانشيا ينجەنەرياسى جونىندە عىلمي دەموكراتيالىق شەشىم قابىلداۋدا جانە ونى سالۋدا ماڭىزدى رولىن ساۋلەلەندىردى، ەلىمىزدىڭ عارىشقا ادام الىپ ۇشۋ ىستەرىنىڭ دامۋىن بەلسەنە قولدادى. لي پىڭ جولداس − ەلىمىزدىڭ سوتسياليستىك بازار شارۋاشىلىعى ءتۇزىلىسىنىڭ ماڭىزدى نەگىزىن سالۋشىسى، ادالدىقپەن امالياتتا ايگىلەۋشىسى، بەلسەندى ىلگەرىلەتۋشىسى. ول جۇڭگونىڭ مەملەكەت جاعدايىن نەگىزگە الۋعا باستان - اياق تاباندى بولىپ، رەفورمانىڭ، دامۋدىڭ، ورنىقتىلىقتىڭ قاتىناسىن دۇرىس ءبىر جاقتى ەتىپ، قازىنا - باجى ءتۇزىلىسى، فينانس ءتۇزىلىسى، باعا ءتۇزىلىسى، سىرتقى ساۋدا ءتۇزىلىسى، قوعامدىق قامتاماسىزداندىرۋ ءتۇزىمى جانە مەملەكەت مەنشىگىندەگى كاسىپورىندار رەفورماسىن ءبىر تۇتاس ىلگەرىلەتىپ، اۋىل - قىستاق ساياساتىن ورنىقتىرىپ، ەكونوميكالىق ەرەكشە رايونداردىڭ دامۋىن قولداپ، جوسپارلى شارۋاشىلىق تۇزىلىسىنەن سوتسياليستىك بازار شارۋاشىلىعى تۇزىلىسىنە قاراي ويىسۋدى ورنىقتى ىلگەرىلەتىپ، 20 - عاسىردىڭ اياعىندا ەلىمىزدىڭ سوتسياليستىك بازار شارۋاشىلىعى ءتۇزىلىسىن العاشقى قادامدا ورناتۋعا ماڭىزدى رولىن ساۋلەلەندىردى. لي پىڭ جولداس − جۇڭگوشا سوتسياليستىك دەموكراتيا، زاڭمەن جونگە سالۋ قۇرىلىسىنىڭ ماڭىزدى باسشىلىق ەتۋشىسى. ول نەگىزگى زاڭعا وزگەرىس ەنگىزۋ باسشىلىق گرۋپپاسىنىڭ باستىعى مىندەتىن ۇستىنە الىپ نەگىزگى زاڭعا وزگەرىس ەنگىزۋ جوباسىن جازۋدى باسقاردى ءارى مەملەكەتتىك حالىق قۇرىلتايىنىڭ ماقۇلداۋىمەن، مەملەكەتتىڭ ءتۇبىرلى ءىرى زاڭى فورماسىمەن دىڭ شياۋپيڭ نازارياسىنىڭ جەتەكشى يدەيالىق ورنىن تۇراقتاندىرىپ، مەملەكەتتى زاڭمەن جونگە سالۋدىڭ نەگىزگى جالپى جوباسى، سوتسياليزمنىڭ العاشقى ساتىسىنداعى نەگىزگى شارۋاشىلىق ءتۇزىمى مەن ءبولىس ءتۇزىمى، سونداي - اق جالپىلىق مەنشىككە جاتپايتىن شارۋاشىلىقتىڭ ماڭىزدى رولى سياقتى مازمۇنداردى ايقىندادى، مىندەت وتەگەن مەزگىلدە زاڭدار مەن قاتىستى زاڭدىق قارار جوبالاردان جۇزدەن استامىن قاراپ ماقۇلداپ، نەگىزگى زاڭدى ۇيتقى ەتكەن جۇڭگوشا سوتسياليستىك زاڭ جۇيەسىنىڭ العاشقى قادامدا قالىپتاسۋىن ىلگەرىلەتتى. لي پىڭ جولداس حالىق بۇقاراسىنا، اسىرەسە، قيىنشىلىعى بار بۇقاراعا تەرەڭ سۇيىسپەنشىلىك ورناتىپ، كەدەيلەردى سۇيەمەلدەۋ قىزمەتىنە ايرىقشا ءمان بەرىپ، مەملەكەت مەنشىگىندەگى كاسىپورىنداردان جۇمىستان بوساعان جۇمىسشى - قىزمەتكەرلەردىڭ حال جاعدايىنا ەرەكشە كوڭىل ءبولدى.

  2003 - جىلى 3 - ايدان باستاپ لي پىڭ جولداس مەملەكەتتىك حالىق قۇرىلتايى تۇراقتى كوميتەتىنىڭ باستىعى مىندەتىن ەندىگارى وتەمەيتىن بولدى. باسشىلىق قىزمەت ورنىنان بوساعاننان كەيىن، ول حۋ جينتاۋ جولداس باس شۋجي بولعان پارتيا ورتالىق كوميتەتىن باتىل جاقتادى، قولدادى، شي جينپيڭ جولداستى ۇيتقى ەتكەن پارتيا ورتالىق كوميتەتىن باتىل جاقتادى، قولدادى، جۇڭگوشا سوتسياليزم ۇلى ىسىنە كوڭىل ءبولىپ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن تاباندىلىقپەن قولدادى.

  لي پىڭ جولداستىڭ ءومىرى − توڭكەرىستىك ءومىر، جاۋىنگەرلىك ءومىر، شۇعىلالى ءومىر، بۇكىل ىنتا - پەيىلمەن حالىق ءۇشىن قىزمەت ىستەگەن، كوممۋنيزم ىستەرى ءۇشىن كۇرەس جۇرگىزگەن ءومىر. ونىڭ قايتىس بولۋى پارتيا مەن مەملەكەت ءۇشىن اۋىر قازا. ءبىز ونىڭ توڭكەرىستىك رۋحىنان، وسكەلەڭ ءمورالى مەن تاڭداۋلى ستيلىنەن ۇيرەنىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قۇلشىنا كۇرەس جۇرگىزۋىمىز كەرەك.

  لي پىڭ جولداس ماڭگى جاسايدى!

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.