شينحۋا اگەنتتىگىنىڭ 7 - ايدىڭ 24 - كۇنى بەيجيڭنەن بەرگەن حابارى (تىلشىلەر جۋ حۇڭلياڭ، شۇي لينگۇي). جۇڭگو ۇكىمەتى 7 - ايدىڭ 24 - كۇنى «جاڭا داۋىردەگى جۇڭگو مەملەكەت قورعانىسى» اق تىستى كىتابىن جاريالادى.
بۇل جۇڭگو ۇكىمەتىنىڭ 1998 - جىلدان بەرى جاريالاعان 10 - رەتكى مەملەكەت قورعانىسى اق تىستى كىتابى ءارى پارتيا 18 - قۇرىلتايىنان بەرى جاريالاعان تۇڭعىش جالپىلىق مەملەكەت قورعانىسى اق تىستى كىتابى.
اق تىستى كىتاپتىڭ تولىق مازمۇنى شامامەن 27 مىڭ ءارىپ، نەگىزگى مازمۇن ءبولىمى حالىقارالىق حاۋىپسىزدىك جاعدايى، جاڭا داۋىردەگى جۇڭگونىڭ قورعانىس سيپاتتى مەملەكەت قورعانىس ساياساتى، جاڭا داۋىردەگى ارميانىڭ بورىشى مەن مىندەتىن وتەۋ، رەفورمالانۋ ۇستىندەگى جۇڭگونىڭ مەملەكەت قورعانىسى جانە ارمياسى، ۇيلەسىمدى، ورىندى مەملەكەت قورعانىسى شىعىسى، ادامزاتتىڭ تاعدىرلاس ورتاق تۇلعاسىن قۇرۋعا بەلسەنە قىزمەت وتەۋ سياقتى 6 تاراۋدى قامتيدى.
”اق تىستى كىتاپ دۇنيە ءجۇزى 100 جىلدا كەزدەسپەگەن وراسان زور وزگەرىس جاعدايىنا ءدوپ كەلگەن، جۇڭگوشا سوتسياليزم جاڭا داۋىرگە وتكەن، جۇڭگونىڭ مەملەكەت قورعانىسى جانە ارميا قۇرىلىسى جاڭا تاريحي باستالۋ تۇيىنىندە تۇرعان جاعدايدا جاريالانىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن، اسىرەسە، شي جينپيڭنىڭ ارميانى قۇدىرەتتەندىرۋ يدەياسى مەن شي جينپيڭنىڭ اسكەري ىستەر ستراتەگياسى يدەياسىن جاپپاي دايەكتىلەندىردى، ول ايقىن داۋىرلىك سيپاتقا، وسكەلەڭ جالپىلىق سيپاتقا جانە كورنەكتى جاسامپازدىق سيپاتقا يە“، - دەدى اسكەري ىستەر عىلىم اكادەمياسى سوعىس زەرتتەۋ ورنىنىڭ اعا زەرتتەۋشىسى ساۋ يانجۇڭ.
اق تىستى كىتاپتا مىنالار اتاپ كورسەتىلدى: دۇنيە ءجۇزىنىڭ كوپ ۇيەكتەنۋى، ەكونوميكانىڭ جاھاندانۋى، قوعامنىڭ ينفورماتسيالانۋى، مادەنيەتتىڭ كوپ تۇرلىلەنۋى ىشكەرىلەي دامۋدا، بەيبىتشىلىك، دامۋ، سەلبەستىك، تەڭ يگىلىكتەنۋ سىندى ءداۋىر اعىمى استە وزگەرمەيدى، الايدا حالىقارالىق حاۋىپسىزدىك ءدوپ كەلگەن ورنىقسىزدىق، تۇراقسىزدىق ءتىپتى دە كورنەكتىلەنۋدە، دۇنيە ءجۇزى ونشا تىنىش ەمەس.
اق تىستى كىتاپتا بىلاي دەلىندى: مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعاۋ − جاڭا داۋىردەگى جۇڭگونىڭ مەملەكەت قورعانىسىنىڭ ءتۇبىرلى نىساناسى؛ ماڭگى زورەكەرلىك ىستەمەۋگە، ماڭگى ىرگە كەڭەيتپەۋگە، ىقپال كۇش كولەمىن ماڭگى قاراستىرماۋعا تاباندى بولۋ − جاڭا داۋىردەگى جۇڭگونىڭ مەملەكەت قورعانىسىنىڭ ايقىن ەرەكشەلىگى؛ جاڭا داۋىردەگى اسكەري ىستەر ستراتەگياسى باعىتىن دايەكتىلەندىرۋ، تياناقتاندىرۋ − جاڭا داۋىردەگى جۇڭگونىڭ مەملەكەت قورعانىسىنىڭ ستراتەگيالىق جەتەكشىسى؛ ارميانى قۇدىرەتتەندىرۋدىڭ جۇڭگوشا جولىمەن جۇرۋدەن جازباۋ − جاڭا داۋىردەگى جۇڭگونىڭ مەملەكەت قورعانىسىنىڭ دامۋ جولى؛ ادامزاتتىڭ تاعدىرلاس ورتاق تۇلعاسىن قۇرۋعا قىزمەت وتەۋ − جاڭا داۋىردەگى جۇڭگونىڭ مەملەكەت قورعانىسىنىڭ دۇنيە جۇزىلىك ماڭىزى.
”اق تىستى كىتاپ جاڭا داۋىردەگى جۇڭگونىڭ قورعانىس سيپاتتى مەملەكەت قورعانىس ساياساتىن جان - جاقتى تانىستىرىپ، جۇڭگونىڭ مەملەكەت قورعانىسى ساياساتى جۇيەسىن تۇڭعىش رەت ورناتىپ، قالىپتاستىرىپ، دۇنيە جۇزىنە جۇڭگونىڭ مەملەكەت قورعانىسى مەن ارميا قۇرىلىسىنىڭ ستراتەگيالىق بەتالىسىن، نەگىزگى بويسۇنۋ ولشەمىن جانە دۇنيە جۇزىلىك ماڭىزىن ايقىن كورسەتىپ بەردى، بۇل حالىقارالىق قوعامنىڭ جۇڭگونىڭ اسكەري كۇشىنىڭ دامۋىن تۇسىنۋىنە، اتالمىش ’جۇڭگودان حاۋىپ تونەدى ءپاتۋاسىن‘ جويۋعا كومەكتەسەدى. مىنە بۇل جاڭا نۇسقاداعى مەملەكەت قورعانىسى اق تىستى كىتابىنىڭ ەڭ ۇلكەن ەرەكشەلىگى“، - دەدى ساۋ يانجۇڭ.
اق تىستى كىتاپتا بىلاي دەلىندى: جاڭا داۋىرگە وتكەن جۇڭگو ارمياسى مەملەكەت حاۋىپسىزدىگى مەن دامۋ ستراتەگياسىنىڭ تالابىنا نەگىزدەلىپ، پارتيا مەن حالىق جۇكتەگەن بورىش پەن مىندەتتى باتىل اتقارىپ، جۇڭگو كوممۋنيستىك پارتياسىنىڭ باسشىلىعى مەن سوتسياليستىك ءتۇزىمدى بەكەمدەۋگە ستراتەگيالىق تىرەك ازىرلەدى، مەملەكەتتىڭ يەلىك ۇقىعىن، بىرلىگىن، تەرريتوريا تۇتاستىعىن قورعاۋعا ستراتەگيالىق تىرەك ازىرلەدى، مەملەكەتتىڭ شەتەلدەگى مۇددەسىن قورعاۋعا ستراتەگيالىق تىرەك ازىرلەدى، دۇنيە ءجۇزىنىڭ بەيبىتشىلىگى مەن دامۋىن جەبەۋگە ستراتەگيالىق تىرەك ازىرلەدى.
اق تىستى كىتاپ جۇڭگونىڭ مەملەكەت قورعانىسى مەن ارميا رەفورماسىن تەرەڭدەتۋدە قول جەتكىزگەن تاريحي سيپاتتى ناتيجەسىن تۇڭعىش رەت جان - جاقتى ايگىلەدى. اق تىستى كىتاپتا بىلاي دەلىندى: جاڭا داۋىرگە ءوتىپ، دۇنيە ءجۇزىنىڭ جاڭا اسكەري توڭكەرىسىنىڭ دامۋ جاعدايىنا جانە مەملەكەتتىڭ حاۋىپسىزدىك قاجەتىنە سايكەسۋدە، جۇڭگو مەملەكەت قورعانىسى مەن ارميانى وسىزامانداندىرۋ قۇرىلىسىن جاپپاي ىلگەرىلەتىپ، مەملەكەت قورعانىسى مەن ارميا رەفورماسىن جاپپاي تەرەڭدەتىپ، تۇزىلىستىك كەدەرگىلەردى، قۇرىلىمدىق قايشىلىقتاردى، ساياساتتىق ماسەلەلەردى كۇش سالا شەشىپ، ارميانى قۇدىرەتتەندىرىپ، ارميانى كوركەيتۋدىڭ تاريحي سيپاتتى قادامىن باستى.
اق تىستى كىتاپتا جۇڭگونىڭ ۇيلەسىمدى، ورىندى مەملەكەت قورعانىسى شىعىسى ەگجەي - تەگجەيلى بايىمدالىپ، جۇڭگونىڭ مەملەكەت قورعانىسى قاراجاتىنىڭ كولەمى، قۇرىلىمى تانىستىرىلىپ، مەملەكەت قورعانىسى قاراجاتىنىڭ دۇنيە ءجۇزىنىڭ الدىڭعى قاتارىنداعى مەملەكەت ەكەندىگىنە تالداۋ جاسالىپ، سالىستىرىلعاننان كەيىن، بىلاي دەلىندى: جالپى تۇلعالىق جاقتان قاراعاندا، جۇڭگونىڭ مەملەكەت قورعانىسى قاراجاتى جاريا، اشىق، شىعىس ورەسى ۇيلەسىمدى، ورىندى، دۇنيە جۇزىندەگى باستى ەلدەرمەن سالىستىرعاندا، مەملەكەت قورعانىسى قاراجاتىنىڭ ىشكى ءوندىرىستىڭ جالپى قۇنى مەن قازىنالىق شىعىستا يەلەيتىن سالماعى، ادام باسىنا تۋرا كەلەتىن مەملەكەت قورعانىسى قاراجاتى ءبىرشاما تومەن. جۇڭگونىڭ مەملەكەت قورعانىسى شىعىسىن مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋدى قامتاماسىزداندىرۋ قاجەتىمەن سالىستىرعاندا، ءىرى ەلدىڭ حالىقارالىق جاۋاپكەرشىلىگىن، بورىشىن وتەۋدى قامتاماسىزداندىرۋ قاجەتىمەن سالىستىرعاندا، وزىندىك قۇرىلىسىن دامىتۋدى قامتاماسىزداندىرۋ قاجەتىمەن سالىستىرعاندا، تاعى دا ءبىرشاما زور پارىق بار. جۇڭگونىڭ مەملەكەت قورعانىسى شىعىسى مەملەكەت ەكونوميكاسىنىڭ دامۋ دەڭگەيىمەن سايكەستىرىلىپ، ءۇرتىس ورنىقتى، ۇيلەسىمدى ارتۋدى ساقتايدى.
اق تىستى كىتاپتا تاعى ارناۋلى تاراۋ اشىلىپ، جۇڭگونىڭ بىرلەسكەن مەملەكەتتەر ۇيىمىنىڭ ۋستاۆىنىڭ نەگىزگى ماقساتىن جانە پرينسيبىن باتىل قورعاۋ، جاڭاشا حاۋىپسىزدىك، سەرىكتەستىك قاتىناستى ورناتۋدى ىلگەرىلەتۋ، وڭىرلىك حاۋىپسىزدىك سەلبەستىك جۇلگەسىن قۇرۋدى ىلگەرىلەتۋ، تەرريتوريا ماسەلەسى مەن تەڭىز - مۇحيت شەكاراسىن بەلگىلەۋدەگى تالاس - تارتىستى ۇيلەسىمدى ءبىر جاقتى ەتۋ، حالىقارالىق الەۋمەتتىك حاۋىپسىزدىك ونىمدەرىمەن بەلسەنە قامداۋ سياقتى جاقتارداعى ناقتى امالياتىن تانىستىردى.
اق تىستى كىتاپتا بىلاي دەلىندى: جۇڭگو ارمياسى ادامزاتتىڭ تاعدىرلاس ورتاق تۇلعاسى ۇستانىمىن ادالدىقپەن اتقارىپ، ءىرى ەل ارمياسىنىڭ حالىقارالىق جاۋاپ−ك−ەرشىلىگىن بەلسەنە وتەيدى، جاڭا داۋىردەگى حالىقارالىق اسكەري ىستەر سەلبەستىگىن جاپپاي ىلگەرىلەتىپ، ۇزاق ۋاقىت بەيبىت، جالپى بەتتىك حاۋىپسىز بولاتىن تاماشا دۇنيە ءجۇزىن قۇرۋعا ۇلەس قوسۋعا قۇلشىنادى.
بۇرىنعىمەن سالىستىرعاندا، اق تىستى كىتاپ قوسىمشاسىندا 10نان استام كەستە شىعارىپ، اسكەري كوميتەت ورگاندارىنىڭ، تاراۋلارىنىڭ نەگىزگى جاعدايى، 2010 - جىلدان 2017 - جىلعا دەيىنگى جۇڭگونىڭ جىلدىق مەملەكەت قورعانىسى قاراجاتىنىڭ قۇرالۋى، 2012 - جىلدان بەرى ازاتتىق ارميا مەن قارۋلى ساقشى بولىمدەرىنىڭ سىرتقا باعىتتاپ ورىستەتكەن باستى بىرلەسكەن مانەۆر، بىرلەسكەن جاتتىعۋ قيمىلدارى جانە جۇڭگو ارمياسى قاتىناسقان، بىرلەسكەن مەملەكەتتەر ۇيىمىنىڭ باستى بەيبىتشىلىكتى قورعاۋ ارەكەتتەرى سياقتى مازمۇندار ەگجەي - تەگجەيلى تانىستىرىلدى.
اق تىستى كىتاپتىڭ حانزۋشا، اعىلشىنشا باسىلىمىنىڭ جەكە كىتاپشاسى جەكە - جەكە حالىق باسپاسىنان، شەتەل ءتىلى باسپاسىنان باسىلىپ شىققان كۇننەن باستاپ بۇكىل مەملەكەتتەگى شينحۋا كىتاپ دۇكەندەرىندە تاراتىلادى.
