شينحۋا اگەنتتىگىنىڭ 7 - ايدىڭ 25 - كۇنى بەيجيڭنەن بەرگەن حابارى (تىلشىلەر ۋاڭ چي، جاڭ يۇنلۇڭ). مەملەكەتتىك كەڭەستىڭ اقپارات كەڭسەسى 7 - ايدىڭ 25 - كۇنى «تەرەزەسى تەڭ بولۋ، ات سالىسۋ، بىرگە يگىلىكتەنۋ: جاڭا جۇڭگونىڭ مۇگەدەكتەردىڭ ۇقىق - مۇددەسىن قامتاماسىز ەتكەندىگىنىڭ 70 جىلدىعى» اق تىستى كىتابىن جاريالادى.
اق تىستى كىتاپتا بىلاي دەلىندى: مۇگەدەكتەر − ادامزات ۇلى شاڭىراعىنىڭ تەرەزەسى تەڭ مۇشەسى. مۇگەدەكتەردىڭ ادامدىق ۇقىعى مەن كىسىلىك ار - نامىسىنا قۇرمەت ەتۋ جانە ونى قامتاماسىز ەتۋ، ولاردىڭ تەرەزەسى تەڭ ورىنمەن جانە بىردەي ورايمەن قوعامدىق تۇرمىسقا تولىق ات سالىسۋىنا، زاتتىق وركەنيەت پەن رۋحاني وركەنيەت جەتىستىكتەرىنەن بىرگە يگىلىكتەنۋىنە مۇمكىندىك جاساۋ − مەملەكەتتىڭ بۇلتارتپاس جاۋاپكەرشىلىگى ءارى جۇڭگوشا سوتسياليستىك ءتۇزىمنىڭ تابيعي تالابى.
اق تىستى كىتاپتا مىنالار اتاپ كورسەتىلدى: جۇڭگودا 85 ميلليون مۇگەدەك بار. جاڭا جۇڭگو قۇرىلعان 70 جىلدان بەرى جۇڭگوشا سوتسياليزم قۇرۋ ۇلى ءىسى بارىسىندا، جۇڭگو كوممۋنيستىك پارتياسى مەن جۇڭگو ۇكىمەتى حالىققا جاۋاپتى بولۋ رۋحىن كوزدەپ، حالىقتى وزەك ەتۋگە تاباندى بولىپ، ەرەكشە قيىنشىلىعى بار قاۋىمعا كوڭىل ءبولىپ، مۇگەدەكتەردىڭ تىلەگىنە قۇرمەت ەتىپ، مۇگەدەكتەردىڭ ۇقىعىن قامتاماسىز ەتىپ، مۇگەدەكتەردىڭ قوعامدىق ات سالىسۋىنا ەرەكشە كوڭىل ءبولىپ، مۇگەدەكتەردىڭ ۇقىق نەگىزگى تۇلعاسىنا، ەكونوميكالىق، قوعامدىق دامۋدىڭ ات سالىسۋشىسىنا، ۇلەس قوسۋشىسىنا جانە يگىلىكتەنۋشىسىنە شىنىمەن اينالۋىن ىلگەرىلەتتى.
اق تىستى كىتاپتا مىنالار باسا دارىپتەلدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، جۇڭگو مۇگەدەكتەر ءىسىن دامىتۋدى جاپپاي دوڭگەلەك داۋلەتتى قوعام ورناتۋدىڭ ماڭىزدى نىساناسى ەتىپ، ۇكىمەتتىڭ جەتەكشىلىك ەتۋىن قوعامدىق ات سالىسۋمەن، بازاردى ىلگەرىلەتۋمەن ۇشتاستىرۋعا، مۇگەدەكتەردىڭ قۇت - ىرىسىن مولايتۋدى مۇگەدەكتەردىڭ ءوزىن الۋەتتەندىرۋمەن، ءوزىن ەڭسەلەندىرۋمەن ۇشتاستىرۋعا تاباندى بولىپ، مۇگەدەكتەر ءىسىن مەملەكەتتىڭ ەكونوميكالىق، قوعامدىق دامۋ جالپى جوباسىنا جانە مەملەكەتتىڭ ادامدىق ۇقىق ارەكەتى جوسپارىنا ەنگىزىپ، مۇگەدەكتەردىڭ ۇقىق - مۇددەسىن قامتاماسىز ەتۋدىڭ ءتۇزىلىس - مەحانيزمى ۇزدىكسىز كەمەلدەنىپ، مۇگەدەكتەردى قوعامدىق قامتاماسىزداندىرۋ ءتۇزىمى مەن قىزمەت وتەۋ جۇيەسى ۇزدىكسىز اقاۋسىزدانىپ، مۇگەدەكتەردىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز جوعارىلاپ، مۇگەدەكتەر ءىسى بۇكىل دۇنيە ءجۇزىن جالت قاراتقان تاريحي ناتيجەگە قول جەتكىزدى.
اق تىستى كىتاپتا بىلاي دەلىندى: جۇڭگو مۇگەدەكتەردىڭ ۇقىق - مۇددەسىن قامتاماسىز ەتۋ مەحانيزمىن ۇزدىكسىز كەمەلدەندىرىپ، مۇگەدەك سەبەبىنەن كەمسىتۋدى قۇلشىنا جويىپ، مۇگەدەكتەردىڭ ادامدىق ۇقىعىنا شىنايى قۇرمەت ەتىپ جانە ونى قامتاماسىز ەتىپ، مۇگەدەكتەردىڭ قۇت - ىرىسىن مولايتىپ، مۇگەدەكتەردىڭ ءوزىن دامىتۋ قابىلەتىن كۇشەيتىپ، مۇگەدەكتەردىڭ دامۋ اياق الىسىنا تەڭ تۇرعىدا ات سالىسۋىن، دامۋ جەتىستىكتەرىنەن تەڭ تۇرعىدا يگىلىكتەنۋىن ىلگەرىلەتەدى.
