تيانشان تورى   ›   جاڭالىقتار   ›   شينجياڭ حابارلارى

ىلە ءبىر جارىم ساعاتتىق ەكونوميكا شەڭبەرىن تۇلعالادى

اۋداندارعا جوعارى قارقىندى تاس جول، اۋىلدارعا اسفالت جول، قىستاقتارعا شىڭدالعان جول سالىندى

ىلە ءبىر جارىم ساعاتتىق ەكونوميكا شەڭبەرىن تۇلعالادى

  جالپىلىق اقپارات قۇرالدارىنىڭ تىلشىلەرى باي جىيۇي، جازيرا نەسىپبەك، جاۋ شييا، زوۋ ي 7 - ايدىڭ 25 - كۇنى قۇلجادان حابارلايدى. ”’13 - بەسجىلدىقتىڭ‘سوڭىنا جەتكەندە، ىلە اۋداندارعا جوعارى قارقىندى تاس جول تۇتاستىرۋ، اۋىلدارعا اسفالت جول تۇتاستىرۋ، قىستاقتارعا شىڭدالعان جول تۇتاستىرۋ نىساناسىن جۇزەگە اسىرۋعا كۇش سالدى، سول كەزدە قۇلجادان 8 اۋدانعا، 2 قالاعا دەيىن ءبىر جارىم ساعاتتىق ەكونوميكا شەڭبەرى شىن مانىندە قالىپتاسادى“، - دەدى ىلە قازاق اۆتونوميالى وبلىسىنىڭ ورىنباسار باستىعى حى پيڭ تانىستىرىپ.

  سول كۇنى تۇستەن بۇرىن G218 لەنياسىنىڭ ءدوڭبازاردان ناراتقا دەيىنگى جوعارى قارقىندى تاس جول نىسانىنىڭ زەكتىدەن تۇرگەنگە دەيىنگى بولەگىندە، ءتىلشى جولعا اسفالت جاتقىزۋ قۇرىلىسى نەگىزىنەن اياقتالىپ، قۇرىلىس جۇمىسشىلارى قاتىناس حاۋىپسىزدىك قۇرىلعىلارىن ورناتىپ جاتقاندىعىن كوردى. 2016 - جىلى جۇمىس باستاپ قۇرىلىس جۇرگىزگەن G218 ءدوڭبازاردان ناراتقا دەيىنگى جوعارى قارقىندى تاس جول نىسانى اۆتونوميالى رايوندىق قاتىناس - تاسىمال مەڭگەرمەسى جوبالاعان ”بەس ەندىك، جەتى بويلىق“ جوعارى قارقىندى تاس جولى، جوعارى دارەجەلى تاس جول تورىنداعى ”بەسىنشى ەندىكتىڭ“ ماڭىزدى قۇرامداس جول بولىگى، قۇلجا اۋدانىنىڭ ىشىندەگى قاس وزەنىنىڭ شىعىس جاعىنان باستالىپ، قۇلجا − ءدوڭبازار جوعارى قارقىندى تاس جولىمەن ءساتتى جالعاستىرىلىپ، كۇنەس نارات اراساندا اياقتايدى، جالپى ۇزىندىعى 203 كيلومەتر، جالپى 8 ميلليارد 61 ميلليون يۋان قارجى قوسىلعان، مەجەمەن بيىل 8 - ايدىڭ سوڭىندا تۇتاس لەنيادا اۆتوموبيل قاتىنايدى. سول كەزدە، قۇلجا قالاسىنان ناراتقا دەيىن تۇتاس جوعارى قارقىندى تاس جولمەن ءجۇرۋ جۇزەگە اسىپ، كەتەتىن ۋاقىت بۇرىنعى 5 ساعاتتان ارتىق ۋاقىتتان 2 جارىم ساعات مولشەرىنە دەيىن قىسقارادى.

  G218 لەنيا ءدوڭبازاردان ناراتقا دەيىنگى جوعارى قارقىندى تاس جولدا اۆتوموبيل قاتىناعان سوڭ، قۇلجادان ناراتقا دەيىنگى ۋاقىت قىسقارىپ قانا قالماستان، ىلە وزەنى اڭعارىنداعى تاڭبالى ءجۇز شاقىرىمدىق كورىنىس ءدالىزى، نىلقى سازدىق باقشاسى، توعىزتاراۋ كولدەنەڭ كورىنىس اۋماعى سياقتى 12 كورىنىس اۋماعىن جالعاستىرىپ، ىلە وبلىسىنىڭ تۇتاس وڭىرلىك ساياحاتتان ۇلگى كورسەتۋ رايونىن قۇرۋعا بەرىك قاتىناس نەگىزىن قالادى.

  پارتيا 18 - قۇرىلتايىنان بەرى، ىلە وبلىسىنىڭ تاس جول قاتىناس ىستەرى قارىشتاپ دامىدى. G30 لەنياسىنىڭ سايرام كولىنەن كەڭسايعا دەيىنگى جوعارى قارقىندى تاس جولى، S12 لەنياسىنىڭ قۇلجادان ءدوڭبازارعا دەيىنگى جوعارى قارقىندى تاس جولى، G577 لەنياسىنىڭ حانتياننان تەكەسكە دەيىنگى جوعارى قارقىندى تاس جول بولەگى ىلگەرىندى - كەيىندى سالىندى، G219 لەنياسىنىڭ دولاتى وتكەلىنەن موڭعۇلكۇرەگە دەيىنگى بولەگى، G218 لەنياسىنىڭ ءدوڭبازاردان ناراتقا دەيىنگى جوعارى قارقىندى تاس جولى، G578 لەنياسىنىڭ ءدوڭبازاردان نىلقىعا دەيىنگى 1 - دارەجەلى تاس جولى سياقتى ءبىر توپ مەملەكەت، ولكە دارەجەلى نەگىزگى لەنيا تاس جول قۇرىلىس نىساندارى جەدەل ىلگەرىلەتىلۋدە.

  2018 - جىلدىڭ سوڭىنا دەيىن ىلە وبلىسىنا توتە قاراستى ورىنداردىڭ تاس جول ۇزىندىعى 14 مىڭ كيلومەتردەن استامعا جەتىپ، تاس جول جۇك تاسىمال مولشەرى 76 ميلليون 840 مىڭ توننا، جولاۋشى تاسىمال مولشەرى 24 ميلليون 820 مىڭ ادام - رەت بولدى. مۇنىڭ ىشىندە مەملەكەت، ولكە دارەجەلى نەگىزگى لەنيا تاس جول 1963 كيلومەتر (ارناۋلى پايدالاناتىن جولدى قامتيدى) بولسا، اۋىل - قىستاق تاس جولى 12 مىڭ كيلومەتردەن استى (ارناۋلى پايدالاناتىن جولدى قامتيدى). ىلە وبلىسىنا توتە قاراستى ورىندارداعى 125 اۋىل - قالاشىققا، فەرماعا، 855 قۇرىلىمدىق قىستاقتىڭ بارلىعىنا تاس جول سالىندى.

  ۇعىسۋعا قاراعاندا، «ىلە تاس جول قاتىناس - تاسىمالى مەن ساياحاتتى توعىسپالى دامىتۋدىڭ 2 جىلدىق ارەكەت جوسپارىنا (2019 - جىلدان 2020 - جىلعا دەيىن)» نەگىزدەلگەندە، وسى 2 جىلدا ىلە وبلىسى ساياحات تاس جول ماركا قۇرىلىسىن نەگىز ەتىپ، ءتۇيىندى تۇردە 4 كورىنىس جولىن جانە 12 ساياحات تاس جولىن تۇلعالاپ، جولدى دانەكەر ەتە وتىرىپ، لەنيا بويىنداعى ساياحاتتىڭ دامۋىن جەبەيدى ەكەن.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • كاسىپ سالاسىن دامىتىپ، جۇمىستاندىرۋدى جەبەدى
  • ”شينجياڭ ءۇش قىساڭ“ اراتاش سۋ يگىلىگى توراپتىق ينجەنەرياسى تيەكتى بەكىتىپ سۋ جينادى
  • ءۇرىمجى يامالىق تاۋى بۇكىلدەي جاسىلدانۋدى جۇزەگە اسىردى
  • تارباعاتايدىڭ قىس ماۋسىمىنداعى ساياحات ونىمدەرىنىڭ ساۋداسى كۇسەتتەندى
  • ”قوس 11“ جونەلتۋمەن قاربالاس