سارقىت اقان ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ ارناۋلى تاقىرىبىندا پارتيا ساباعى بايانداماسىن جاسادى
ءتىلشى جاڭ يۇنمەي 7 - ايدىڭ 27 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەنى ورىستەتۋ جونىندەگى قىزمەت ورنالاستىرۋىنا ساي، 7 - ايدىڭ 26 - كۇنى تۇستەن كەيىن اۆتونوميالى رايوندىق پارتكومنىڭ تۇراقتى مۇشەسى، ۋاقىتشا باس حاتشى، اۆتونوميالى رايوندىق باس جۇمىسشى ۇيىمىنىڭ ءتوراعاسى سارقىت اقان ارناۋلى تاقىرىپتا پارتيا ساباعى بايانداماسىن جاسادى، اۆتونوميالى رايوندىق پارتكوم كەڭسەسىنىڭ، 2 - دارەجەلى مەكەمەلەردىڭ، اۆتونوميالى رايوندىق باس جۇمىسشى ۇيىمىنىڭ بارلىق پارتيالى كادرلارى باياندامانى تىڭدادى.
سارقىت اقان ”دەن قويا ۇيرەنىپ، تەرەڭدەي ءتۇسىنىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن مىزعىماي وي - سانانى قارۋلاندىرايىق“، ”باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ جانە ماڭىزدى نۇسقاۋىنىڭ، بەكىتۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردە پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال يگەرىپ، دايەكتىلەندىرۋدى، تياناقتاندىرۋدى بۇلجىماي مىقتى يگەرەيىك“، ”اۋەلگى ماقساتتى، بورىشتى بەكەمدەپ، پارتيا ورتالىق كوميتەت الاڭسىز بولاتىن، حالىق بۇقاراسى رازى بولاتىن ۇلگىلى ورگان قۇرۋدا الدا ءجۇرىپ، ونەگە كورسەتەيىك“ سياقتى 3 جاقتان كوپشىلىكپەن ۇيرەنۋ اسەرىن ءبولىستى.
سارقىت اقان بىلاي دەپ اتاپ كورسەتتى: اۆتونوميالى رايوندىق پارتكوم كەڭسەسى، اۆتونوميالى رايوندىق باس جۇمىسشى ۇيىمى وسى رەتكى نەگىزگى تاقىرىپتىق تاربيەنى وراي ەتىپ، ”پارتيا ورتالىق كوميتەتى الاڭسىز بولاتىن، حالىق بۇقاراسى رازى بولاتىن“ ۇلگىلى ورگاندى باستاماشىلدىقپەن قۇرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋدە، دايەكتىلەندىرۋدە ۇلگى بولۋ؛ شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتاۋدا ۇلگى بولۋ؛ پارتيا ورتالىق كوميتەتىنىڭ ءتۇرلى شەشىمدەرىن، ورنالاستىرۋلارىن باتىل دايەكتىلەندىرۋدە، تياناقتاندىرۋدا ۇلگى بولۋ؛ ورگاننىڭ پارتيا قۇرىلىسىنىڭ ساپاسى مەن دەڭگەيىن جاپپاي جوعارىلاتۋدا ۇلگى بولۋ كەرەك.
