جي جىڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ جونىندە ارناۋلى تاقىرىپتا پارتيا ساباعىن ءوتتى
ءتىلشى جاڭ يانفاڭ 7 - ايدىڭ 27 - كۇنى ۇرىمجىدەن حابارلايدى. 7 - ايدىڭ 26 - كۇنى تۇستەن كەيىن، اۆتونوميالى رايوندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى جي جىڭ ”كوممۋنيستەردىڭ اۋەلگى ماقساتى مەن بورىشىنان اينىماي، جاڭا داۋىردە پارتيانىڭ ۇيىمدىق لۋشيانىن دايەكتىلەندىرۋدە جاۋاپكەرشىلىك ارقالاۋ، ىسكەرلىك كورسەتۋ“ تاقىرىبىندا، اۆتونوميالى رايوندىق پارتكومنىڭ ۇيىمداستىرۋ ءبولىمى، شتات كەڭسەسى، قارت كادرلار مەكەمەسى، پارتيا مەكتەبى سياقتى ورىندارداعى پارتيالى كادرلارعا ارناۋلى تاقىرىپتا پارتيا ساباعىن ءوتتى. ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنە ورتالىقتىڭ 6 - جەتەكشىلىك ەتۋ گرۋپپاسىنداعى قاتىستى باسشىلار قاتىناستى.
جي جىڭ ىشكەرىلەي ۇيرەنۋ جانە تەكسەرۋ، زەرتتەۋ جۇرگىزۋ نەگىزىندە، ءوزىنىڭ اۋەلگى ماقساتتان اينىماۋ، بورىش ارقالاۋ جونىندەگى تانىمىن بايانداپ، باس شۋجي شي جينپيڭنىڭ پارتيا قۇرىلىسى جانە ۇيىمدىق قىزمەت جونىندەگى ماڭىزدى بايىمداۋلارى بويىنشا ولشەمگە، ۇلگىگە تۋرالانىپ، اۆتونوميالى رايوننىڭ ۇيىمداستىرۋ قىزمەتىندە ورىن تەپكەن ماسەلەلەردى اتاپ كورسەتىپ، نازاردى شينجياڭ قىزمەتى باس نىساناسىن تياناقتاندىرۋعا شوعىرلاندىرىپ، اۆتونوميالى رايوننىڭ پارتيا قۇرىلىسى مەن ۇيىمداستىرۋ قىزمەتىنىڭ ساپاسىن جانە دەڭگەيىن جوعارىلاتۋدىڭ ناقتى شارالارىن ايقىن العا قويدى.
جي جىڭ مىنانى باسا دارىپتەدى: اۋەلگى ماقساتتان اينىماۋ، بورىش ارقالاۋدا، ەڭ اۋەلى، مۇرات، سەنىم ماسەلەسىن، ءسوز جوق، ويداعىداي شەشۋ، ولشەمگە، ۇلگىگە تۋرالاپ، پارىقتاردى، ءسوز جوق، تابۋ، ۇيىمداستىرۋ قىزمەتىنىڭ جوعارى ساپالى دامۋىن، ءسوز جوق، ىلگەرىلەتۋ كەرەك. شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن پارتيالى كادرلاردىڭ وي - ساناسىن قارۋلاندىرۋعا تاباندى بولىپ، ”ءتورت تانىم“دى ونان ارى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداۋ كەرەك. نەگىزگى جاۋاپكەرشىلىك پەن نەگىزگى كاسىپتى تياناق ەتىپ، باسشىلىق القا مەن كادرلار قوسىنى قۇرىلىسىنىڭ، نەگىزگى ساتى ۇيىمدىق قۇرىلىسىنىڭ، دارىندىلار قوسىنى قۇرىلىسىنىڭ جانە كادر - دارىندىلار ارقىلى شينجياڭعا كومەكتەسۋ قىزمەتىنىڭ، سونداي - اق ۇيىمداستىرۋ جۇيەسىنىڭ وزىندىك قۇرىلىسىنىڭ ساپاسى مەن دەڭگەيىن جوعارىلاتۋ ارقىلى جاڭا داۋىردەگى پارتيانىڭ ۇيىمدىق لۋشيانىنىڭ شينجياڭدا تەرەڭ تامىر تارتۋىن جەبەپ، باس نىسانانى جۇزەگە اسىرۋعا پارمەندى ۇيىمدىق كەپىلدىك ازىرلەۋ كەرەك.
