تيانشان تورى   ›   جاڭالىقتار   ›   شينجياڭ حابارلارى

مۇناي ىزدەۋ جولىندا سەرتىن ورىندادى

  − جۇڭگو مۇنايى شينجياڭ مۇناي الابى بولىمشە سەرىكتەستىگىنىڭ بارلاۋ - اشۋدى زەرتتەۋ مەكەمەسى بارلاۋ - اشۋدى زەرتتەۋ ورنىنىڭ باستىعى گو شۇيگۋاڭ تۋرالى

  گو شۇيگۋاڭ، بايىرعى جەر قاباتىنداعى ەنەرگيانىڭ قۇپياسىن شەشكەن مۇناي بارلاۋشى قىزمەتكەر. وتاننىڭ ەنەرگيا سۇرانىسىن قاناعاتتاندىرۋ ءۇشىن، ءشول دالا، قۇبا تۇزگە تابان تىرەپ، تامىر تارتىپ، مۇناي شىقپايىنشا العان بەتىنەن قايتپادى. ول جانە ونىڭ جۇمىس توبى 380 مىڭ شارشى كيلومەتر كەلەتىن جوڭعار ويپاتىن شيىرلاپ كەزىپ شىعىپ، مۇناي بارلاۋداعى شەكتەلگەن وڭىرلەردەن ءوتىپ، ماحۋ جانە جەمسارى 2 جەردەن ميلليارد توننالىق ۇلكەن مۇناي الابىن تاۋىپ، مەملەكەتتىڭ ەنەرگيا حاۋىپسىزدىگى ءۇشىن مىقتاپ وتىرىپ ءبىر حاۋىپسىزدىك تەتىگىن بۇرادى؛ ول مەملەكەتتىك عىلىم - تەحنيكا العاباسارلىعى 1 - دارەجەلى جەتىستىك سيلىعىن العان تابىس «ويدىم وڭىردەگى مالتا جىنىستا ساقتالعان مۇنايدى بارلاۋ نازارياسى مەن تەحنيكاسى جانە ماحۋ ەرەكشە ۇلكەن مۇناي الابىنىڭ بايقالۋى»نا ماڭىزدى ۇلەس قوسۋشىلاردىڭ ءبىرى.

■ ماحۋدا بەلدى بەكەم بۋىپ، مالتا جىنىستىڭ ”اجال سىزىعى“نان ءوتتى

  2008 - جىلى 26 جاستاعى گو شۇيگۋاڭ جۇڭگو مۇناي داشۋەسىنەن ۇزدىك وقىپ شىققان ماگيستر رەتىندە، جاڭا جۇڭگودا العاشقى ءىرى مۇناي الابى دۇنيەگە كەلگەن جەر قارامايلىعا كەلدى.

  قارامايلىنىڭ وپىرىلمالى بەلدەۋىنەن شىعىپ، ماناس كولى قايقايىس وڭىرىنە قاراي جۇرگەندە، وتانعا 2 - قارامايلى مۇناي الابىن تاۋىپ بەرۋ ءۇشىن 20 جىل جالعاسقان كۇش جالعاۋ تاياقشاسى وسى ساتتە گو شۇيگۋاڭنىڭ قولىنا ءوتتى. ونىڭ الدىندا تۇرعان جۇگىرىس جولى دۇنيە ءجۇزى بويىنشا ويدىم وڭىردەگى مالتا جىنىستى بارلاۋ سالاسىندا ءالى تابىسقا جەتكەن مىسال جوق شەكتەلگەن ءوڭىر ەدى.

  ساقتالعان مۇنايدى بارلاۋدىڭ ءساتتى نە ءساتسىز بولۋىندا ساقتالعان مۇنايدىڭ ءتۇرى جانە ساقتالعان قوردى مەڭگەرۋ فاكتورى مەن كولەمى ايرىقشا ماڭىزدى بولىپ تابىلادى. گو شۇيگۋاڭ بۇرىن تەكسەرىپ شىققان كوپتەگەن كونە ۇڭعىمالاردى وي ەلەگىنەن وتكىزە وتىرىپ، ”التىن اقىل“ ورتاعا قويدى − ساقتالعان مۇناي فازا بەلدەۋىنىڭ مەڭگەرۋىنە ۇشىرايتىندىقتان، مۇندا ۇلكەن كولەمدە مۇناي ساقتالۋى ءتيىس! ول 20 جىلدىڭ الدىنداعى مابەي مۇناي الابىنداعى مۇنايلى قاباتتى تۇجىرىمداۋ ولشەمىن باتىلدىقپەن قايتالاي جاڭعىرتىپ شىقتى. جيىنى 31 مىڭ شارشى كيلومەترلىك ءۇش ولشەمدى جەر سىلكىنىسى ماتەريالدارىن ءتۇسىندىرىپ، 26 مىڭ شارشى كيلومەترلىك شوگىندى جۇيەنى كەسكىندەپ شىققان سوڭ، ول ماناس كولى قايقايىسىنىڭ 3500 مەتردەن تومەن جەرىندە ساپالى قور قاباتى بار دەپ كەسەتە بولجايدى!

  2012 - جىلى گو شۇيگۋاڭنىڭ جۇمىس توبى تاۋەكەل بارلاۋ قۇدىعى ما 18 - قۇدىعىن ورنالاستىردى، سونداي - اق جوعارى ءونىمدى ونەركاسىپتىك مۇناي اعىنىنا يە بولدى. ما 18 - قۇدىعىنان مۇناي شىققان سوڭ، ماحۋداعى بارلاۋ جۇمىسى ارىنداي ىلگەرىلەدى. وسىدان كەيىنگى بىرنەشە جىل ىشىندە، ىلگەرىندى - كەيىندى 6 ساقتالعان مۇناي شوعىرى بايقالىپ، وڭتۇستىك، سولتۇستىك 2 ۇلكەن مۇنايلى الاپ قالىپتاستى. بۇل ەلىمىزدىڭ قۇرلىقتىق مۇناي بارلاۋىنىڭ سوڭعى 10 جىلدا قول جەتكىزگەن ەڭ ۇلكەن جەتىستىگى سانالادى. نەشە ءجۇز ميلليون جىل كومىلىپ جاتقان ەنەرگيانىڭ قۇپياسىن جۇڭگولىقتار اشتى، گو شۇيگۋاڭ مەن ونىڭ جۇمىس توبى اقىرى وسىناۋ جەر استىنداعى قازىنا قويماسىنىڭ ەسىگىن اشىپ، نەشە ۇرپاق مۇنايشىلاردىڭ وتان ءۇشىن تاعى دا ۇلكەن مۇناي الابىن تابۋ ارمانىن جۇزەگە اسىردى.

■ ماحۋدا شەشۋشى شايقاسقا شىعىپ، ەنەرگيانىڭ ”تىرشىلىك تامىرىن“ قورعاپ قالدى

  ماحۋدا جۇمىس جاپپاي ىلگەرىلەپ، مول جەتىستىكتەر قولعا كەلىپ جاتقاندا، جەمسارىداعى تاقتاتاس مۇنايىن بارلاۋ، اشۋ جۇمىسى دا قاۋىرت جۇرگىزىلىپ جاتتى.

  ەل ىشىندەگى تاقتاتاس مۇنايى بارلاۋ - زەرتتەۋدەگى اقتاڭداق الدىندا، گو شۇيگۋاڭ مەن ونىڭ عىلمي زەرتتەۋ توبى جي 174 - قۇدىعىندا 300 مەترگە جۋىق وزەكتىك بۇرعىلاۋ جوبالاپ، سانتيمەترلىك دەڭگەيدە سىناماعا ەگجەي - تەگجەيلى بەينەلەۋ جۇرگىزۋ جانە جان - جاقتى تاجىريبەمەن بىرلەستىرىپ ولشەۋ ارقىلى، ىزدەنىس جاساپ، كولدەنەڭ قۇدىقتاعى كولەمدىك قىسىممەن سىندىرۋ ەرەكشە تەحنيكاسىن قالىپتاستىردى.

  بۇرىن ەشكىم سىناپ كورمەگەن، وتە ۇقىپتىلىقتى تالاپ ەتەتىن بۇل ءادىس گو شۇيگۋاڭ جۇمىس توبىنا مول جەمىس سيلادى: جۇڭگونىڭ قۇرلىقتىق تۇزدىلانعان كول شاراسىندا تاقتاتاس مۇنايىنىڭ مول شوعىرلانۋى نازارياسىن جاراتىپ، تاقتاتاس مۇنايىن باعالاۋ، تيانديان قاباتىن بولجاۋ تەحنيكالىق جۇيەسىن قالىپتاستىرىپ، ەل ىشىندەگى تاقتاتاس مۇنايىن گەولوگيالىق باعالاۋ تەحنيكاسىنىڭ اقتاڭداعىن تولتىرىپ، سوڭىندا ميلليارد توننالىق جەمسارى مۇناي الابىنىڭ تابىلۋىنا جەتەكشىلىك ەتتى، زەرتتەۋ - ىزدەنىس جاساۋدان قالىپتاستىرعان گەولوگيالىق تانىم مەن تەحنيكا ەل ىشىندەگى تاقتاتاس مۇنايىن بارلاۋ - اشۋدىڭ ”قۇندى كىتابى“نا اينالدى.

  2017 - جىلى 9 - ايدا، گو شۇيگۋاڭ ماحۋ ۇستىڭگى ورقى گرۋپپاسى 200 ميلليون توننالىق قورمەن سايىسۋعا تاعى قاتىناستى.

  جاۋاپتى رەتىندە، ماحۋ ۇستىڭگى ورقى گرۋپپاسىنىڭ گەولوگيالىق ەرەكشەلىگى كۇردەلى، مۇناي مەن سۋ قاتار شىعاتىندىقتان قوردى ەسەپتەۋ جوباسىن تۇراقتاندىرۋ قيىنعا سوعاتىنىن بىلەدى.

  ءتۇرلى جوبالاردى قايتا - قايتا سىناۋ، تاعى ءبىر - بىردەن تەرىسكە شىعارىپ قايتا باستاۋ ارقىلى... سوڭىندا ماحۋ ۇستىڭگى ورقى گرۋپپاسى 200 ميلليون توننالىق مۇناي گەولوگيالىق قور سارالاۋدان ءساتتى ءوتتى، ماحۋ ءبىر ميلليارد توننالىق ءىرى مۇناي ءوڭىرىنىڭ تابىلۋىنا دەمەۋ بولىپ، مەملەكەت ەنەرگياسىنىڭ ”تىرشىلىك تامىرىن“ پارمەندى تۇردە قامتاماسىزداندىردى.

■ ماحۋدا جەڭىسكە جەتىپ، حالىقتىڭ ”باقىت ارقاۋى“نا كەپىلدىك ەتتى

  ماحۋ مالتا جىنىس مۇناي الابىنداعى شيكى مۇنايدا سيرەك كەزدەسەتىن نافتەنيل قۇرامى بار، ەلىمىزدىڭ ۇزاق جورىق جەلىلەس راكەتاسىنا جانە جويىمپاز تانكىگە قاجەتتى جانارمايدىڭ ورنىن باسۋعا بولمايتىن باستى شيكىزاتى. ماحۋ ءىرى مۇناي الابىنىڭ تابىلۋى ەلىمىزدىڭ ەنەرگيا حاۋىپسىزدىگىنە جانە مەملەكەت قورعانىسى حاۋىپسىزدىگىنە كەپىلدىك ەتىپ قانا قويماي، ونى بايقاۋ بارىسىنداعى جاڭالىق اشۋ نازارياسى مەن تاجىريبەسى الەمدەگى ويدىم ءوڭىر مالتا جىنىس ماڭىزدى ورىن باسۋشى سالاداعى مۇناي - گاز بارلاۋعا كوشىرۋگە، جالپىلاستىرۋعا بولاتىن ”جۇڭگو نازارياسى“ مەن ”جۇڭگو تەحنيكاسىن“ ازىرلەپ، دۇنيە جۇزىنە ”جۇڭگو اقىل - پاراساتى“ مەن ”جۇڭگو كۇش - قۋاتىن“ ارنادى.

  قازىرگى ماحۋدا قۇدىق سورەسى تىزىلە بوي سوزىپ، بۇرعى گۇرىلدەدى، بارلىق جەرىنەن جۇڭگو مۇنايشىلارىنىڭ سابىلىسقان قاربالاس بەينەسىن كورۋگە بولادى. كوپ وتپەي ماحۋ مۇناي الابىنان جىلىنا وندىرىلەتىن شيكى مۇناي 5 ميلليون تونناعا جەتەدى.

  جاستىق شاعىندا، گو شۇيگۋاڭ ”وتاننىڭ باتىس بولىگىنە بارۋ“ دەگەن سوزدەن اسەر الدى. ول شينجياڭ سىندى وسىناۋ كەڭ - بايتاق جەرگە كەلىپ، ەش وكىنىشسىز قۇبا تۇزگە تامىر تارتىپ، قاجىماي - تالماي نيەت ەتە كۇرەسىپ، ومىرىندەگى ەڭ تاماشا جاستىق كوكتەمىن وتاننىڭ مۇناي بارلاۋ ىستەرىنە ارنادى. ول ءىس جۇزىندىك ارەكەتى ارقىلى مۇناي رۋحىن اسقاقتاتىپ، ”وتان ءۇشىن مۇناي ارنايمىن“ دەگەن سەرتتى امالياتتا ايگىلەدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • كاسىپ سالاسىن دامىتىپ، جۇمىستاندىرۋدى جەبەدى
  • ”شينجياڭ ءۇش قىساڭ“ اراتاش سۋ يگىلىگى توراپتىق ينجەنەرياسى تيەكتى بەكىتىپ سۋ جينادى
  • ءۇرىمجى يامالىق تاۋى بۇكىلدەي جاسىلدانۋدى جۇزەگە اسىردى
  • تارباعاتايدىڭ قىس ماۋسىمىنداعى ساياحات ونىمدەرىنىڭ ساۋداسى كۇسەتتەندى
  • ”قوس 11“ جونەلتۋمەن قاربالاس