شينحۋا اگەنتتىگىنىڭ 7 - ايدىڭ 28 - كۇنى بەيجيڭنەن بەرگەن حابارى. 2019 - جىلى 3 - ايدىڭ 19 - كۇنى، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ورتالىقتىڭ رەفورمانى جاپپاي تەرەڭدەتۋ كوميتەتىنىڭ 7 - رەتكى ءماجىلىسىن باسقارىپ اشىپ، «ءورت ءسوندىرۋ، ورتتەن ساقتانۋ زاڭ اتقارۋ رەفورماسىن تەرەڭدەتۋ جونىندەگى پىكىر»دى (تومەندە قىسقارتىلىپ «پىكىر» دەلىندى) قاراپ ماقۇلدادى. جۋىقتا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «پىكىر»دى باسىپ تاراتتى، سونداي - اق حابارلاندىرۋ جاريالاپ، جەر - جەردەن، تاراۋلاردان ءىس جۇزىندىكپەن بىرلەستىرىپ مۇقيات دايەكتىلەندىرۋدى، تياناقتاندىرۋدى تالاپ ەتتى.
«پىكىر»دە مىنالار اتاپ كورسەتىلدى: ءورت ءسوندىرۋ، ورتتەن ساقتانۋ زاڭ اتقارۋ رەفورماسىن تەرەڭدەتۋدىڭ جەتەكشى يدەياسى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، باس شۋجي شي جينپيڭنىڭ مەملەكەتتىڭ جالپىلىق ءورت ءسوندىرۋ، ورتتەن ساقتانۋ جانە قۇتقارۋ قوسىنىنا تۋ تابىستاۋ سالتىنداعى ماڭىزدى ءتالىمىنىڭ رۋحىن مۇقيات تياناقتاندىرىپ، حالىقتى وزەك ەتۋدەن جازباي، حاۋىپسىز دامۋ ۇستانىمىنان جازباي، ”تومەنگە بەرۋ، ۇشتاستىرۋ، ساپالىلاندىرۋ“ رەفورماسىن تەرەڭدەتۋدىڭ شەشىمدەرى مەن ورنالاستىرۋلارى بويىنشا، ءورت ءسوندىرۋ، ورتتەن ساقتانۋ بويىنشا زاڭ اتقارۋ ۇستانىمىنىڭ، ءتۇزىمىنىڭ، ستيلىنىڭ جان - جاقتى، تەرەڭ قاتپارلى وزگەرىسىن ىلگەرىلەتىپ، كىرشىكسىز، تۋراشىل، پاك، ستيلى تاماشا، حالىق ءۇشىن قىزمەت ەتەتىن ءورت ءسوندىرۋ، ورتتەن ساقتانۋ بويىنشا زاڭ اتقارۋ قوسىنىن قالىپتاستىرىپ، عىلمي، ۇيلەسىمدى، ارناعا تۇسكەن، جوعارى ءونىمدى، ءادىل، جاريا ءورت ءسوندىرۋدى، ورتتەن ساقتانۋدى باقىلاۋ - باسقارۋ جۇيەسىن ورناتىپ، بۇكىل قوعامنىڭ ءورت اپاتىنان ساقتانۋ جانە ونى مەڭگەرۋ قابىلەتىن كۇشەيتىپ، ءورت ءسوندىرۋ، ورتتەن ساقتانۋ حاۋىپسىزدىگى جاعدايىنىڭ ۇزدىكسىز، ورنىقتى جاقسارۋىنا شىنايى كەپىلدىك ەتىپ، ەكونوميكانىڭ، قوعامنىڭ جوعارى ساپالى دامۋىن حاۋىپسىزدىكپەن قامتاماسىز ەتۋ.
«پىكىر»دە مىنالار ايقىندالدى: ءورت ءسوندىرۋ، ورتتەن ساقتانۋ زاڭ اتقارۋ رەفورماسىندا ماسەلەنى باعدار ەتۋگە، قاينارىنان جونگە سالۋعا تاباندى بولىپ، قوعامنىڭ اڭىسى كۇشتى بولىپ وتىرعان ءورت ءسوندىرۋ، ورتتەن ساقتانۋ بويىنشا زاڭ اتقارۋداعى كورنەكتى ماسەلەلەردەن باستاپ مىقتى يگەرىپ، ءورت ءسوندىرۋدى، ورتتەن ساقتانۋدى باقىلاۋ - باسقارۋ قىزمەتىنە جاپپاي رەفورما جاساپ، ءتۇزىمنىڭ ساڭلاۋلارىن قاينار كوزىنەن باستاپ بىتەپ، حاۋىپ - قاتەردەن ساقتانۋ جانە ونى جويۋ؛ ۇكىمەت قۇرىلىمىن ىقشامداپ، ۇقىقتى تومەنگە بەرۋگە، حالىققا ءتيىمدى، كاسىپورىندارعا پايدالى بولۋعا تاباندى بولىپ، ”تيجارات كۋالىگى مەن رۇقسات كۋالىگىن ايىرۋ“دى ەڭ زور سەرپىنمەن ىلگەرىلەتىپ، ءورت ءسوندىرۋدى، ورتتەن ساقتانۋدى باقىلاۋ - باسقارۋداعى ءتۇرلى ۇيلەسىمسىز كەدەرگىلەر مەن شەكتەۋلەردى باتىل جويىپ، قىزمەت وتەۋ ساپاسىن جوعارىلاتۋ؛ ۇقىقتى تومەنگە بەرۋ مەن باسقارۋعا قاتار ءمان بەرۋگە، كىرۋگە وڭاي، باسقارۋى قاتاڭ بولۋعا تاباندى بولىپ، بەرۋگە ءتيىستى ۇقىقتى تولىقتاي بازارعا بەرىپ، تەكسەرىپ بەكىتۋدى ىقشامداۋ مەن باقىلاۋ - باسقارۋدى كۇشەيتۋدى ءونىمدى ۇشتاستىرۋدى ويداعىداي ىستەپ، ءىس بارىسىندا، ىستەن كەيىن باقىلاۋ - باسقارۋدى كۇشەيتىپ جانە ارناعا ءتۇسىرىپ، ءورت ءسوندىرۋ، ورتتەن ساقتانۋ حاۋىپسىزدىگىنىڭ تومەنگى شەگىن ساقتاۋ؛ اشىق، جاريا، ارناعا تۇسكەن، ءتارتىپتى بولۋعا تاباندى بولىپ، زاڭ اتقارۋ ءتۇزىمىن اقاۋسىزداندىرىپ، زاڭ اتقارۋ ارەكەتىن ارناعا ءتۇسىرىپ، زاڭ اتقارۋ ءتارتىبىن كەمەلدەندىرىپ، زاڭ اتقارۋ تاسىلىنە جاڭالىق ەنگىزىپ، زاڭ اتقارۋدى باقىلاۋدى كۇشەيتىپ، ۇقىقتىڭ اشىق جۇرگىزىلۋىنە مۇمكىندىك جاساۋ كەرەك. سونىمەن بىرگە، ءورت ءسوندىرۋ، ورتتەن ساقتانۋ زاڭ اتقارۋ رەفورماسىنىڭ 5 جاقتاعى 12 ءتۇرلى باستى مىندەتى ورتاعا قويىلدى.
