تيانشان تورى   ›   جاڭالىقتار   ›   شينجياڭ حابارلارى

الدىڭعى جارتى جىلدا رايونىمىزدىڭ فوتوۆولتتىق جانە جەل كۇشىمەن ەلەكتر تاراتۋ جاعدايى ۇزدىكسىز جاقساردى

  ءتىلشى  شى شين 7 - ايدىڭ 29 - كۇنى ۇرىمجىدەن حابارلايدى. 7 - ايدىڭ 29 - كۇنى اۆتونوميالى رايوندىق دامۋ جانە رەفورما كوميتەتىنەن ۇعىسۋىمىزشا، بيىل الدىڭعى جارتى جىلدا اۆتونوميالى رايونىمىزدىڭ فوتوۆولتتىق جانە جەل كۇشىمەن ەلەكتر تاراتۋ جاعدايى ۇزدىكسىز جاقسارىپ، كۇن ەنەرگياسى جاعىندا باز كەشىلگەن ەلەكتر شاماسى، كۇن ەنەرگياسىنان باز كەشۋ مولشەرى، جەل ەنەرگياسى جاعىندا باز كەشىلگەن ەلەكتر شاماسى، جەل ەنەرگياسىنان باز كەشۋ مولشەرى بىلتىرعى سايكەس مەزگىلدەگىدەن تۇگەلدەي ايتارلىقتاي تومەندەگەن.

  6 - ايدىڭ سوڭىنا دەيىن شينجياڭ ەلەكتر جەلىسىنە قوسىلىپ جۇمىس ىستەگەن گەنەراتور اگراگاتتارىنىڭ سيىمدىلىعى 86 ميلليون 755 مىڭ كيلوۆات بولعان. مۇنىڭ ىشىندە فوتوۆولتتىق گەنەراتور اگراگاتتارىنىڭ سيىمدىلىعى 10 ميلليون 216 مىڭ كيلوۆات بولىپ، جالپى گەنەراتور اگراگاتتار سيىمدىلىعىنىڭ %11.7ىن يەلەگەن. جەل گەنەراتور اگراگاتتارىنىڭ سيىمدىلىعى 19 ميلليون 251 مىڭ كيلوۆات بولىپ، جالپى گەنەراتور اگراگاتتار سيىمدىلىعىنىڭ %22.2ىن يەلەگەن.

  فوتوۆولتتىق جانە جەل كۇشىمەن ەلەكتر تاراتۋ جابدىقتارىنىڭ پايدالانىلۋ مولشەرى بىردەي جوعارىلاعان. 2019 - جىلدىڭ الدىڭعى جارتىسىندا شينجياڭ ەلەكتر جەلىسىنىڭ رەتتەپ جايعاستىرۋ كولەمىندەگى (جەلىگە قوسىلىپ جۇمىس ىستەگەن) ەلەكتر تاراتۋ جابدىعىنىڭ ورتاشا پايدالانىلۋ ساعاتى 1699 ساعات بولعان. مۇنىڭ ىشىندە فوتوۆولتتىق ەلەكتر 692 ساعات بولىپ، سايكەس مەزگىلدەگىدەن 59 ساعات ارتقان، جەل ەلەكتر 1114 ساعات بولىپ، سايكەس مەزگىلدەگىدەن 116 ساعات ارتقان.

  ساناققا نەگىزدەلگەندە، 2019 - جىلدىڭ الدىڭعى جارتىسىندا، شينجياڭ ەلەكتر جەلىسىنىڭ رەتتەپ جايعاستىرۋ كولەمىندەگى جالپى شىعارىلعان ەلەكتر شاماسى 148 ميلليارد 200 ميلليون كيلوۆات - ساعات بولىپ، سايكەس مەزگىلدەگىدەن %11.1 ارتقان. مۇنىڭ ىشىندە، فوتوۆولتتىق ەلەكتر 6 ميلليارد 180 ميلليون كيلوۆات - ساعاتقا جەتىپ، سايكەس مەزگىلدەن %12.5 ارتىپ، جالپى شىعارىلعان ەلەكتردىڭ %4.2ىن يەلەگەن. جەل ەلەكترى 20 ميلليارد 730 ميلليون كيلوۆات - ساعات بولىپ، سايكەس مەزگىلدەگىدەن %18 ارتىپ، جالپى شىعارىلعان ەلەكتردىڭ %14ىن يەلەگەن.

  2019 - جىلدىڭ الدىڭعى جارتىسىندا، رايونىمىزدىڭ فوتوۆولتتىق گەنەراتورلاردان باز كەشىپ شىعارعان ەلەكتر شاماسى 740 ميلليون كيلوۆات - ساعات بولىپ، سايكەس مەزگىلدەگىدەن %45.2 ازايعان، كۇن ەنەرگياسىنان باز كەشۋ مولشەرى %10.7 بولىپ، سايكەس مەزگىلدەگىدەن 9 پايىز تومەندەگەن.

  2019 - جىلدىڭ الدىڭعى جارتىسىندا، رايونىمىزدىڭ جەل ەنەرگياسىنان باز كەشىپ شىعارعان ەلەكتر شاماسى 4 ميلليارد 240 ميلليون كيلوۆات - ساعات بولىپ، سايكەس مەزگىلدەگىدەن %40.5 ازايعان، جەل ەنەرگياسىنان باز كەشۋ مولشەرى %16.9 بولىپ، سايكەس مەزگىلدەگىدەن 12 پايىز تومەندەگەن.

  كەلەسى قادامدا، اۆتونوميالى رايوندىق دامۋ جانە رەفورما كوميتەتى اۆتونوميالى رايوننىڭ جاڭا ەنەرگيانىڭ تۇتىنىلۋىن ىلگەرىلەتۋ قىزمەتى جونىندەگى ورنالاستىرۋلارى مەن تالاپتارى بويىنشا، كوپ جاقتان بىردەي كىرىسىپ، كەشەندى شارا قولدانىپ، «2019 - جىلعى اۆتونوميالى رايوننىڭ جاڭا ەنەرگيا تۇتىنۋ قىزمەتى جوباسى»نىڭ ءتۇرلى شارالارىن قاتاڭ تياناقتاندىرىپ، بازار اشۋدى تياناق ەتىپ، قاتىستى ساياساتتاردى ءبىر تۇتاس جوسپارلاۋدى، ۇشتاستىرۋدى ويداعىداي ىستەپ، جەر - جەردى جاڭا ەنەرگيا تۇتىنۋدىڭ جىلدىق نىساناسىن ورىنداۋعا قۋزايدى ەكەن.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • كاسىپ سالاسىن دامىتىپ، جۇمىستاندىرۋدى جەبەدى
  • ”شينجياڭ ءۇش قىساڭ“ اراتاش سۋ يگىلىگى توراپتىق ينجەنەرياسى تيەكتى بەكىتىپ سۋ جينادى
  • ءۇرىمجى يامالىق تاۋى بۇكىلدەي جاسىلدانۋدى جۇزەگە اسىردى
  • تارباعاتايدىڭ قىس ماۋسىمىنداعى ساياحات ونىمدەرىنىڭ ساۋداسى كۇسەتتەندى
  • ”قوس 11“ جونەلتۋمەن قاربالاس