ورتالىق كوميتەت كەڭسەسى «پىكىر»دى باسىپ تاراتتى
شينحۋا اگەنتتىگىنىڭ 7 - ايدىڭ 29 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتى كەڭسەسى «مەملەكەت قىزمەتكەرلەرى زاڭىن دايەكتى اتقارىپ، جوعارى ساپالى ماماندانعان مەملەكەت قىزمەتكەرلەرى قوسىنىن قۇرۋ جونىندەگى پىكىر»دى (تومەندە قىسقارتىلىپ «پىكىر» دەلىنەدى) باسىپ تاراتتى ءارى حابارلاندىرۋ شىعارىپ، ءار دارەجەلى پارتكومداردان (پارتيا باسشىلىق گرۋپپالارىنان) جانە ونىڭ ۇيىمداستىرۋ (كادرلار) تاراۋلارىنان جاڭادان وزگەرىس ەنگىزىلگەن مەملەكەت قىزمەتكەرلەرى زاڭىن ۇيرەنۋدى، دايەكتىلەندىرۋدى قاتاڭ ساياسي مىندەت ەتىپ، جاڭادان وزگەرىس ەنگىزىلگەن مەملەكەت قىزمەتكەرلەرى زاڭىن دايەكتى اتقارۋدى جوعارى ساپالى ماماندانعان مەملەكەت قىزمەتكەرلەرى قوسىنىن قۇرۋمەن ۇشتاستىرىپ، سەنىمى بەرىك، حالىق ءۇشىن قىزمەت ەتەتىن، ۇكىمەت ءىسىن شوگەلدىكپەن ىستەيتىن، باتىلدىقپەن جاۋاپكەرشىلىك ارقالايتىن، پاك، كىرشىكسىز مەملەكەت قىزمەتكەرلەرى قوسىنىن قۇلشىنا قۇرۋدى تالاپ ەتتى.
«پىكىر»دە مىنالار باسا دارىپتەلدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن مەملەكەت قىزمەتكەرلەرى قوسىنىن قارۋلاندىرۋعا تاباندى بولىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى مەملەكەت قىزمەتكەرلەرىن باۋلۋداعى ماڭداي الدى مىندەت، ەمتيحان الۋ، بايقاۋ - تەكسەرۋدەگى ماڭىزدى مازمۇن جانە باعالاۋ، باقىلاۋدىڭ ماڭىزدى جاعى ەتىپ، ساياسي ولشەم مەن ساياسي تالاپتى مەملەكەت قىزمەتكەرلەرى قوسىنى قۇرىلىسىنىڭ تۇتاس بارىسىنىڭ بارلىق جاقتارىنا ءسىڭىرىپ، توعىستىرىپ، قالىڭ مەملەكەت قىزمەتكەرلەرىنىڭ ساياسي شىڭدالۋىن ىلگەرىلەتىپ، كۇرەس جۇرگىزۋ رۋحىن جەتىلدىرىپ، كۇرەس جۇرگىزۋ قابىلەتىن كۇشەيتىپ، بۇكىل ىنتا - پەيىلىمەن حالىق ءۇشىن قىزمەت ىستەۋ ءتۇبىرلى ماقساتىن امالياتتا ايگىلەپ، قىزمەت ورنىن تياناق ەتىپ، مىندەتىن اتقارىپ، جاۋاپكەرشىلىگىن ادا ەتىپ، جاڭا داۋىردەگى پارتيانىڭ تاريحي بورىشىن ورىنداۋ ءۇشىن ەڭبەك ءسىڭىرىپ، ەسە قوسۋ كەرەك.
«پىكىر»دە مىنالار اتاپ كورسەتىلدى: تۇرگە ايىرۋ رەفورماسىن تەرەڭدەتىپ، باسقارۋدى عىلميلاستىرۋ ورەسىن جوعارىلاتۋ؛ مەملەكەت قىزمەتكەرلەرى قوسىنىنىڭ قاينارىن كەڭەيتىپ، قوسىن قۇرىلىمىن ساپالىلاندىرۋ؛ باۋلۋدى، شىڭداۋدى كۇشەيتىپ، قابىلەتىن، ساپاسىن ءوسىرۋ؛ باعالاۋ مەحانيزمىن كەمەلدەندىرىپ، شابىتتاندىرۋ، دەم بەرۋ رولىن ساۋلەلەندىرۋ كەرەك.
«پىكىر»دە مىنالار تالاپ ەتىلدى: قاتاڭ باسقارۋعا تاباندى بولىپ، ىسىلعان ستيلدى شىڭداپ، كۇندەلىكتى باسقارۋ، باقىلاۋ ءتۇزىمىن اقاۋسىزداندىرىپ، مەملەكەت قىزمەتكەرلەرىن جان - جاقتى باسقارۋدى كۇشەيتىپ، فورماشىلدىقتى، تورەشىلدىكتى كۇش سالا تۇزەتۋ، جاۋاپكەرشىلىك ارقالاماۋ، ءىس تىندىرماۋ، ويىنا كەلگەنىن ىستەۋ سياقتى ماسەلەلەردى قاتاڭ تەكسەرىپ، ءبىر جايلى ەتۋ، ەمتيحان الىپ قابىلداۋ، باۋلۋ، باعالاۋ، مىندەت پەن مىندەت دارەجەسىن بەرۋ، مىندەت پەن مىندەت دارەجەسىنەن قالدىرۋ، مىندەت پەن مىندەت دارەجەسىن ءوسىرۋ، مىندەت پەن مىندەت دارەجەسىن تومەندەتۋ، سيلاۋ، جازالاۋ، باقىلاۋ سياقتى قىزمەتتەردى زاڭ بويىنشا، قاعيدا بويىنشا قاتاڭ ورىستەتۋ كەرەك. دۇرىس بەتالىستاعى شابىتتاندىرۋدى كۇشەيتىپ، مەملەكەت قىزمەتكەرلەرى قوسىنىنىڭ ومىرشەڭدىگىن تاسقىنداتىپ، نەگىزگى ساتىعا ءمان بەرۋ باعدارىن كورنەكتىلەندىرىپ، شىنىمەن نەگىزگى ساتىداعى مەملەكەت قىزمەتكەرلەرىنىڭ قىسىمىن ازايتىپ، اۋىرتپالىعىن جەڭىلدەتۋ كەرەك.
