جەمسارى اۋدانى دايۋ قالاشىعى پارتكومىنىڭ ورىنباسار شۋجيى، قالاشىق باستىعى
ما ۋييۇڭ
مەن ءۇرىمجى قالاسى ميدۇڭ رايونى ياڭماۋگۇڭ قالاشىعىندا شارۋا وتباسىندا دۇنيەگە كەلدىم. ءبىزدىڭ وتباسىمىز كوپ ۇلتتان قۇرالعان ۇلكەن وتباسى: ناعاشى اتام حانزۋ، ناعاشى اپام حۇيزۋ، ناعاشى جەڭگەم ۇيعۇر، جەزدەم حانزۋ، مەنىڭ ايەلىم دە حانزۋ. اكەم قازاق تىلىندە جاتىق سويلەيدى. كوپ ۇلتتان قۇرالعان وتباسى ماعان كىشكەنتايىمنان ءار ۇلتتىڭ بارلىعى مەنىڭ وتباسىمنىڭ ادامى ەكەنىن، وتباسىمداعىلاردىڭ كوڭىلى توعىسىپ، تىنىستاس بولعانىن، ەشكىمنىڭ دە ەشكىمنەن ايرىلا المايتىنىن، ارامىزدا قويۋ سۇيىسپەنشىلىك بار ەكەنىن ۇعىندىردى.
كىشكەنە كەزىمدە، ورازا ايت، قۇربان ايتتاردا، قىستاقتاعى ءار ۇلت بالالارى ءبىر - ءبىرىنىڭ ۇيىنە قىدىرىپ، فىنتاڭ ءىشىپ، شەلپەك جەيتىن. ال كوكتەم مەرەكەسى مەن جۇڭچيۋ مەرەكەسىندە، ءار ۇلت بالالارى حانزۋ بالالاردىڭ ۇيىنە بارىپ كامپيت، اي كۇلشە جەيتىن. بالالار ءبىر وتباسىنىڭ ادامدارىنداي قۋانىپ شەكسىز شاتتىققا بولەنەتىن.
سۇيىسپەنشىلىك ۇلتقا بولىنبەيدى. ءالى ەسىمدە، كىشكەنە كەزىمدە ۇلكەندەر ەگىس جۇمىسىمەن قاربالاس بولعان كەزدە، مەن 3 جاستاعى ىنىممەن بىرگە ۇيدە قالاتىنمىن، قارايتىن ادام جوق ەدى، سوندا انحۇيلىق كورشىمىز سۇن اجەي بىزگە قاراساتىن. 1986 - جىلى ءبىزدىڭ ءۇي رەڭسىز تەلەۆيزور ساتىپ الدى، كورشىلەر ءبىزدىڭ ۇيگە تەلەۆيزور كورۋگە كەلگەندە، اكە - شەشەم ولاردىڭ الدىنا شەكىلدەۋىك، جەر جاڭعاق سياقتىلاردى قويىپ كۇتەتىن، اۋىلداستار كينو كورگەندەي تەلەۆيزور كورىپ وتىراتىن، سول ءبىر كورىنىس ەرەكشە ىستىق كورىنەدى.
ايەلىم ەكەۋىمىزدىڭ وتباسىن قۇرىپ وتاسقانىمىزعا 12 جىل بولدى، ۇلىم بيىل 8 جاستا. ول شەشەسى ەكەۋىمىزدەن ءوزىنىڭ قايسى ۇلت ەكەنىن سۇراعاندا، ءبىز وعان ۇنەمى: ”سەن حانزۋسىڭ ءارى حۇيزۋسىڭ، ءبىز بارلىعىمىز جۇڭحۋا ۇلتىمىز“ دەيمىز. ءسويتىپ، ۇلىمنىڭ بالا ساناسىنا ءاۋ باستان سۇيىسپەنشىلىكتىڭ ۇلتقا بولىنبەيتىندىگىنىن سىڭىردىك.
پارتيانىڭ نۇر - شۇعىلاسىندا، مەن بىرتىندەپ پارتيالى باسشى كادر بولدىم. وسى بارىستا، پارتيانىڭ حالىققا تيىمدىلىك جاساۋ ساياساتىنىڭ جانە از ۇلت كادرلارىن كۇش سالا باۋلۋىنىڭ ارقاسىندا، مەن اۋىل - قالاشىق كادرى قىزمەت ورنىنا شىقتىم ءارى رەفورما جاساۋ، ەسىك اشۋدان بەرى تيانشاننىڭ تۇستىگى مەن تەرىستىگىندە تۋىلعان وراسان زور وزگەرىستەرگە كۋا بولدىم.
ۇلتتار ىنتىماعى − شينجياڭداعى ءار ۇلت حالقىنىڭ جانى. پارتيالى كادر رەتىندە، مەن تۇرعىم بەرىك، تۋىم ايقىن تۇردە ۇلتتىق بولشەكتەۋشىلىككە قارسى تۇرىپ، ۇلتتار ىنتىماعىن قورعاپ، ۇلتتار ىنتىماعى مەن قوعام ورنىقتىلىعىنا زيان كەلتىرەتىن بارلىق ءسوز - ارەكەتكە باتىل قارسى تۇرىپ، شينجياڭنىڭ قوعام ورنىقتىلىعى مەن باياندى تىنىشتىعى باس نىساناسىن جۇزەگە اسىرۋعا ناقتى ارەكەتىم ارقىلى ءتيىستى ۇلەسىمدى قوسامىن.
