شينجياڭ گازەتىنىڭ شولۋشىسى
7 - ايدىڭ 30 - كۇنى مەملەكەتتىك كەڭەس اقپارات كەڭسەسى ”كورىكتى شينجياڭ قۇرۋ، وتان ارمانىن بىرگە ورىنداۋ“دى نەگىزگى تاقىرىپ ەتكەن جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋعا ارنالعان شينجياڭنىڭ ارناۋلى اقپار جاريالاۋ ءماجىلىسىن وتكىزدى. سەنىممەن جانە ايبىنمەن شينجياڭ دۇنيە جۇزىنە جاڭا جۇڭگو قۇرىلعاننان بەرى، اسىرەسە، پارتيانىڭ 18 - قۇرىلتايىنان بەرى تيانشاننىڭ تۇستىگى مەن تەرىستىگىندە تۋىلعان وراسان زور وزگەرىستەردى ايگىلەدى، شينجياڭداعى ءار ۇلت كادر - بۇقاراسىنىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، كوكىرەك تولى العىس ايتۋ سەزىمىمەن جاۋاپكەرشىلىك ارقالاپ، ىسكەرلىك كورسەتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن جازاتىن بەرىك سەنىمىن كورسەتتى.
جاڭا جۇڭگونىڭ قۇرىلۋ جانە العا باسۋ قادامىنا ىلەسىپ، پارتيا ورتالىق كوميتەتىنىڭ پارمەندى باسشىلىعىندا جانە بۇكىل ەل حالقىنىڭ زور كۇشپەن قولداۋىندا، شينجياڭداعى ءار ۇلت حالقى بىرگە ىنتىماقتاسا كۇرەس جۇرگىزىپ، بىرگە گۇلدەنىپ - كوركەيىپ دامىپ، كورىكتى مەكەندى بىرگە قۇرىپ، كۇللى دۇنيەنى جالت قاراتقان شۇعىلالى تابىستارعا قول جەتكىزدى. ەكونوميكانىڭ دامۋى تاريحي تابىستارعا قول جەتكىزگەننەن تارتىپ، ءار ۇلت حالقىنىڭ تۇرمىسى تاريحي جاقسارۋعا دەيىن؛ قوعامدىق ىستەر تاريحي دامۋعا قول جەتكىزگەننەن تارتىپ، ۇلتتار ىنتىماعى تاريحي العا باسۋدى جۇزەگە اسىرعانعا دەيىن... بۇگىنگى شينجياڭدا قوعام ورنىقتى، ەكونوميكا دامىعان، ۇلتتار ىنتىماقتى، دىندەر تاتۋ، ءار ۇلت حالقى تىنىش ءومىر، شات - شادىمان تىرشىلىك كەشۋدە، ءتۇرلى ىستەر گۇلدەنىپ - كوركەيۋدە.
كوكتەمگى كۇن ساۋلەسى ءنار بەرىپ، بار تىرشىلىك شۇعىلاعا شومدى. پارتيانىڭ 18 - قۇرىلتايىنان بەرى، شينجياڭنىڭ ورنىقتى دامۋى، ۇلتتار ىنتىماعى، حالىق تۇرمىسىنىڭ جاقسارۋى تۇگەلدەي باس شۋجي شي جينپيڭنىڭ كوكەيىنەن كەتپەدى، باس شۋجي شينجياڭ قىزمەتىنىڭ پارتيا مەن مەملەكەت قىزمەتىنىڭ جالپى جاعدايىندا ەرەكشە ماڭىزدى ستراتەگيالىق ورىنعا يە ەكەندىگىن باستان - اياق باسا دارىپتەپ، شينجياڭ قىزمەتى جونىندە ءبىر قىدىرۋ ماڭىزدى نۇسقاۋ، بەكىتۋ جاسادى، شينجياڭنىڭ ورنىقتى دامۋىنىڭ شەشۋشى كەزەڭىندە شينجياڭعا كەلىپ قىزمەت تەكسەردى ءارى ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسىن باسقارىپ اشىپ، قوعام ورنىقتىلىعى مەن باياندى تىنىشتىق سىندى شينجياڭ قىزمەتىنىڭ باس نىساناسىن تۇراقتاندىرىپ، شينجياڭنىڭ ورنىقتى دامۋى، حالىقتىڭ باقىتى ءۇشىن قىرۋار اقىل - پاراساتىن جانە جىگەر - قايراتىن جۇمسادى. شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، اۆتونوميالى رايوندىق پارتكوم ءار ۇلت كادر - بۇقاراسىن ىنتىماقتاستىرىپ، باستاپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، تياناقتاندىرىپ، شينجياڭ قىزمەتىنىڭ باس نىساناسىن مىقتاپ ارقاۋ ەتىپ، شىنايى يگەرىپ، ناقتى ىستەپ، قامال الىپ، قيىنشىلىقتاردى جەڭىپ، تيانشاننىڭ تۇستىگى مەن تەرىستىگىندە وراسان زور وزگەرىستەر جارىققا شىقتى.
شينجياڭدا 70 جىلداعى تاريحي زور وزگەرىستەر جۇڭگو كوممۋنيستىك پارتياسىنىڭ باسشىلىعىندا، وتان ۇلى شاڭىراعىنىڭ مەيىرىمدى قۇشاعىندا، جۇڭگوشا سوتسياليزم جولىمەن جۇرۋگە تاباندى بولعاندا، ۇلتتىق وڭىرلىك اۆتونوميا تۇزىمىنە تاباندى بولعاندا جانە ونى كەمەلدەندىرگەندە، ءار ۇلتتىڭ ىنتىماقتاسا كۇرەس جۇرگىزۋىنە، بىرگە گۇلدەنىپ دامۋىنا تاباندى بولعاندا عانا، شينجياڭداعى ءار ۇلت حالقىنىڭ گۇلدەنىپ العا باسقان بۇگىنى مەن اناعۇرلىم جارقىن بولاشاعى بولا الاتىندىعىن تالاسسىز دالەلدەدى. ءبىر تامشى سۋ كۇننىڭ شۇعىلالى نۇرىن جارقىراتا الادى، ءبىر جەردىڭ دامۋى ءبىر مەملەكەتتىڭ بەت - بەينەسىن ايگىلەي الادى. شينجياڭنىڭ 70 جىلدىق تاريحي زور وزگەرىسى جاڭا جۇڭگو قۇرىلعان 70 جىلدان بەرى جۇڭحۋا ۇلتىنىڭ ەڭسە كوتەرۋدەن، بايۋدان قۇدىرەتتەنۋگە دەيىنگى تاريحي سيپاتتى شارىقتاۋدى جۇزەگە اسىرعاندىعىن، جۇڭگو كوممۋنيستىك پارتياسىنىڭ اۋەلگى ماقساتتى ۇمىتپاي، بورىشتى ەستە بەرىك ساقتاپ، جۇڭگو حالقىن باقىتقا كەنەلتۋىنىڭ، جۇڭحۋا ۇلتىنىڭ گۇلدەنۋىن جۇزەگە اسىرۋىنىڭ جاندى انىقتاماسىنا اينالعاندىعىن دالەلدەدى.
”كوك تىرەگەن بايتەرەكتىڭ تامىرى، تاۋدان اققان وزەننىڭ قاينار كوزى بولادى“. شينجياڭنىڭ 70 جىلدىق تابىستارى مەن جەتىستىكتەرى − ءار كەزەكتى ورتالىق باسشىلىق كوللەكتيۆىنىڭ شينجياڭنىڭ دامۋىنىڭ ءارقايسى تاريحي كەزەڭىندەگى دانىشپان شەشىمدەرىنىڭ، ىقىلاستى قامقورلىعىنىڭ جەمىسى، پارتيانىڭ 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ، ەرەكشە قامقورلىعىنىڭ جەمىسى، بۇكىل ەل حالقىنىڭ زور كۇشپەن قولداۋىنىڭ، قالتقىسىز كومەك كورسەتۋىنىڭ جەمىسى، سونداي - اق شينجياڭداعى ءار ۇلت كادر - بۇقاراسىنىڭ تۇلعالىق رولىن تولىق ساۋلەلەندىرىپ، تالىقپاي تالپىنۋىنىڭ جەمىسى.
70 جىلدىق داڭقتى جىلداردا جىگەرىنەن جازبادى؛ 70 جىلدىق وراسان زور وزگەرىستى باستان وتكىزگەندە سەنىمى تاسقىندادى. جاڭا تاريحي باستامادا تۇرىپ، ءبىز اۋەلگى ماقساتتى ۇمىتپاي، بورىشتى ەستە بەرىك ساقتاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن جاپپاي دايەكتىلەندىرىپ، تياناقتاندىرىپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى ۇزاق ۋاقىت گۇلدەندىرۋگە تاباندى بولىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشكەن جۇڭگوشا سوتسياليستىك شينجياڭدى قۇرۋعا قۇلشىنىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن ويداعىداي جازۋعا كۇش سالامىز.
