تيانشان تورى   ›   ۇيرەنۋ   ›   شولۋ

ورنىقتىلىق بارىسىندا ىلگەرىلەپ، جوعارى ساپالى دامۋدى پارمەندى جەبەيىك

− كەزەكتەگى ەكونوميكالىق قىزمەتتى ويداعىداي ىستەۋ تۋرالى

حالىق گازەتىنىڭ شولۋشىسى

  جالپى تۇلعالىق جاقتان ورنىقتى بولىپ، ورنىقتىلىق بارىسىندا ىلگەرىلەدى!

  7 - ايدىڭ 30 - كۇنى جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى ءماجىلىس اشىپ، كەزەكتەگى ەكونوميكالىق جاعدايعا تالداۋ جاساپ، اقىلداسىپ، الدىڭعى جارتى جىلدا ەكونوميكالىق اينالىمنىڭ جالپى تۇلعالىق جاقتان ورنىقتى بولۋ، ورنىقتىلىق بارىسىندا ىلگەرىلەۋ سىندى دامۋ كۇيىن جالعاستىرعاندىعىن تۇراقتاندىردى، سونىمەن بىرگە كەزەكتەگى ەكونوميكالىق دامۋدا ءدوپ كەلگەن تىڭ حاۋىپ - قاتەرلەر مەن سىن - سايىستاردى اتاپ كورسەتىپ، سوڭعى جارتى جىلداعى ەكونوميكالىق قىزمەتكە كەلەلى ورنالاستىرۋ جاساپ، ءبىزدىڭ كەزەكتەگى ەكونوميكالىق قىزمەتتى ويداعىداي ىستەپ، تۇتاس جىلداعى ەكونوميكالىق، قوعامدىق دامۋدىڭ نىسانا - مىندەتتەرىن جۇزەگە اسىرۋىمىز ءۇشىن ايقىن قۇلشىنۋ باعدارىن كورسەتىپ، ماڭىزدى بويسۇنۋ ولشەمىن ازىرلەدى.

  بيىل − جاڭا جۇڭگو قۇرىلعاندىعىنىڭ 70 جىلدىعى، سونداي - اق جاپپاي دوڭگەلەك داۋلەتتى قوعام ورناتۋدىڭ، ءبىرىنشى 100 جىلدىق كۇرەس نىساناسىن جۇزەگە اسىرۋدىڭ شەشۋشى جىلى. ەل ءىشى - سىرتىنداعى حاۋىپ - قاتەرلەر مەن سىن - سايىستار ايتارلىقتاي كوبەيگەن كۇردەلى جاعداي الدىندا، الدىڭعى جارتى جىلدا ەلىمىز ەكونوميكاسىنىڭ جالپى مولشەرى 45 تريلليون يۋاننان اسىپ، سايكەس مەزگىلدەگىدەن %6.3 ارتىپ، باستى ماكرولىق ەكونوميكالىق كورسەتكىشتەر ۇيلەسىمدى ارالىقتى ساقتاپ، تۇتىنۋدىڭ ەكونوميكانىڭ ارتۋىن جەتەكتەيتىن ”باستى قوزعالتقىشتىق“ رولى اناعۇرلىم كورنەكتىلەنىپ، ىشكى سۇرانىستىڭ ەكونوميكالىق ارتۋداعى ۇلەس سالىستىرماسى ونان ارى جوعارىلاپ، حالىقتىڭ تۇرمىس دەڭگەيى مەن ساپاسى ۇزدىكسىز ءوسىپ، جوعارى ساپالى دامۋدى ىلگەرىلەتەتىن بەلسەندى فاكتورلار كوبەيدى. جالپىلاي الىپ قاراعاندا، دۇنيە جۇزىلىك ەكونوميكانىڭ ارتۋ قارقىنى باياۋلاعان، ەل ىشىندەگى ەكونوميكالىق ءوسۋدىڭ باسەڭدەۋ قىسىمى ارتقان جاعدايدا دا ەلىمىز ەكونوميكاسى ورنىقتىلىق بارىسىندا ىلگەرىلەۋدى ساقتاپ، ارتۋ قارقىنى دۇنيە جۇزىندەگى باستى ەكونوميكالىق تۇلعالاردىڭ ىشىندە الدىڭعى قاتاردان ورىن الىپ، جۇڭگو ەكونوميكاسىنىڭ وراسان زور بەرىكتىگىن، كومەسكى قۋاتىن جانە مۇمكىندىگىن كورسەتتى.

  شىتىرمان، كۇردەلى حالىقارالىق، ەل ءىشى جاعدايىندا، ءبىزدىڭ مۇنداي ناتيجەگە قول جەتكىزە الۋىمىز توتەنشە وڭاي ەمەس. بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ناتيجەسى، پارتيا ورتالىق كوميتەتى بيىكتە تۇرىپ الىستى كوزدەپ، تەرەڭنەن تولعانىپ، بولاشاققا بويلاپ، ستراتەگيالىق تاباندىلىقتى ساقتاپ، ەلەۋلى ماسەلەلەردى ىشكەرىلەي زەرتتەپ، ءبىرسىپىرا كەلەلى شەشىم - ورنالاستىرۋلار جاساپ، ەلىمىزدىڭ ەكونوميكالىق، قوعامدىق دامۋىنا دۇرىس بەتالىس كورسەتتى. بۇل بۇكىل پارتيانىڭ، بۇكىل ەلدىڭ پارتيا ورتالىق كوميتەتىنىڭ شەشىمدەرى مەن ورنالاستىرۋلارىن باتىل دايەكتىلەندىرگەندىگىنىڭ جەمىسى، جەر - جەر، تاراۋلار جوعارى ساپالى دامۋ تالابىنان جانە قامداۋ جاعىنداعى قۇرىلىمدىق رەفورما نەگىزگى جەلىسىنەن جازباي، ماكرولىق رەتتەۋ - مەڭگەرۋدىڭ بەتالىسىن، ريتمىن، سەرپىنىن ءدال يگەرىپ، حاۋىپ - قاتەرلەر مەن سىن - سايىستارعا لايىقتى توتەپ بەرىپ، جوعارى ساپالى دامۋدى پارمەندى ىلگەرىلەتتى. بۇل بۇكىل پارتياداعى جولداستار مەن بۇكىل ەلدەگى ءار ۇلت حالقىنىڭ ءبىر نيەتپەن ىنتىماقتاسىپ، قاجىرلىلىقپەن كۇرەس جۇرگىزۋىنىڭ جەمىسى، بۇكىل ەل بويىنشا جوعارىدان تومەنگە دەيىن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، قيىندىقتى ەڭسەرە ورگە ۇمتىلىپ، بەلسەنە العا باسىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن جوعارى ساپالى دامۋدى ىلگەرىلەتەتىن تىڭعىلىقتى ارەكەتكە اينالدىرىپ، ەكونوميكالىق، قوعامدىق دامۋدىڭ جاڭا ناتيجەسىنە قول جەتكىزدى.

  اماليات مىنانى تولىق دالەلدەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرى مەن ورنالاستىرۋلارى بۇكىلدەي دۇرىس، پارتيا ورتالىق كوميتەتى كۇردەلى جاعدايدى مەڭگەرە الاتىن مايتالمان قابىلەتكە يە، جۇڭگو ەكونوميكاسى كەمەسىن تولقىن جارا العا باسۋعا باستاي الاتىن ەرەن اقىل - پاراساتقا يە، بۇل ءبىزدىڭ بارلىق حاۋىپ - قاتەرلەر مەن سىن - سايىستاردى جەڭىپ شىعۋىمىزداعى وزەك - ارقاۋىمىز، تەمىرقازىعىمىز.

  سوڭعى جارتى جىلدا، ءبىز جاڭا جۇڭگو قۇرىلعاندىعىنىڭ 70 جىلدىعىنىڭ جەلىلەس قۇتتىقتاۋ قيمىلدارىن وتكىزەمىز، ەكونوميكالىق قىزمەتتى ويداعىداي ىستەۋدىڭ ءمانى زور. كەزەكتە، ەكونوميكالىق دامۋ ءدوپ كەلگەن حالىقارالىق ورتا مەن ەل ءىشى شارت - جاعدايىندا تەرەڭ ءارى كۇردەلى وزگەرىستەر تۋىلۋدا، ءبىراق ءبىز پارتيا ورتالىق كوميتەتىنىڭ شەشىمدەرى مەن ورنالاستىرۋلارىن باتىل دايەكتىلەندىرىپ، ءسوزسىز جەڭەتىن سەنىمدى بەكەمدەپ، تاۋقىمەت تانىمىن كۇشەيتىپ، ۇزاق ۋاقىتتىق كەلەلى اۋقىمدى يگەرىپ، باستى قايشىلىقتاردى مىقتى ۇستاپ، حاۋىپ - قاتەرلەردى ورايعا اينالدىرۋعا شەبەر بولىپ ءوز ءىسىمىزدى ويداعىداي ىستەسەك، جۇڭگو ەكونوميكاسى كەمەسى، ءسوز جوق، جەلگە قاراي جەلكەن جايا تولقىن جارىپ، نىق جۇرىسپەن الىسقا جەتە الادى. جەر - جەر، تاراۋلار ورنىقتىلىق بارىسىندا ىلگەرىلەۋ جالپى قىزمەت ارناسىنا تاباندى بولىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولىپ، جاڭا دامۋ ۇستانىمىنا تاباندى بولىپ، جوعارى ساپالى دامۋدى ىلگەرىلەتىپ، رەفورما جاساۋدى، ەسىك اشۋدى ىلگەرىلەتۋگە تاباندى بولىپ، ماكرولىق ساياسات ورنىقتى، ميكرولىق ساياسات جاندى بولۋ، قوعامدىق ساياساتتى تومەنگى شەكتەن تۇسىرمەۋ سىندى جالپى تۇلعالىق وي جەلىسىنە تاباندى بولىپ، ەل ءىشى جانە حالىقارا سىندى ەكى كەلەلى جاعدايدى ءبىر تۇتاس جوسپارلاپ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ، ورنىقتىلىقتى ساقتاۋ قىزمەتتەرىن ءبىر تۇتاس جوسپارلاي وتىرىپ ويداعىداي ىستەپ، ەكونوميكانىڭ باياندى اقاۋسىز دامۋىن جەبەۋ كەرەك.

  دۇنيەنىڭ شىتىرمان ىسىنە كوپ نەگىزبەن توتەپ بەرىپ، جورىق دابىلىن قاعىپ، كەمەنى ورنىقتى جۇرگىزۋ كەرەك. بۇكىل پارتيا، بۇكىل مەملەكەت شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، قايراتتانا ءىس تىندىرىپ، ىرىقتىلىقپەن ىسكەرلىك كورسەتسەك، ءبىز، ءسوز جوق، ەكونوميكانىڭ ورنىقتى، اقاۋسىز دامۋىن جانە قوعامنىڭ جاراسىمدىلىعىن، ورنىقتىلىعىن ساقتاپ، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن تاماشا ناتيجەمەن قۇتتىقتاي الامىز.

(شينحۋا اگەنتتىگىنىڭ 7 - ايدىڭ 30 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.