جالپى ۇزىندىعى 1800 مەترلىك ىلە وزەنى ەرەكشە ۇلكەن كوپىرى (7 - ايدىڭ 22 - كۇنى تۇسىرىلگەن). سۋرەتتى لاي يۇينيڭ تۇسىرگەن
1975 - جىلى 7 - ايدىڭ 5 - كۇنى، ىلە وزەنى ۇلكەن كوپىرىندە كولىك قاتىناعان كۇنى، قۇلجا قالاسىنداعى حالىق كوپىر ماڭىندا سالتانات ەتۋدە. سۋرەتتى لي يۋان تۇسىرگەن
ۇمىتىلماس سول ءبىر ءسات
ءتىلشى زوۋ ي
”1975 - جىلى 7 - ايدىڭ 5 - كۇنى ساعات 9دا ىلە وزەنى ۇلكەن كوپىرىندە كولىك قاتىنادى، سول ارادا قىزىل تۋلار جەلبىرەپ، ءتۇستى بايراقتار كوز تارتىپ، كونە وتكەلدىڭ ەكى جاعاسى نەشە ون مىڭ ادامعا تولدى“. بيڭتۋان 4 - شىسىنىڭ ۇگىت قىزمەتكەرى لي يۋان سول ءبىر ەستەن كەتپەس ءساتتى اپپارات كوزىمەن ەستەلىككە ءتۇسىرىپ الدى. بۇل ىلە وزەنىنە سالىنعان ءبىرىنشى ۇلكەن كوپىر، جالپى ۇزىندىعى 300.84 مەتر. ىلە وزەنى ۇلكەن كوپىرىندە كولىك قاتىناۋدان ىلگەرى، ىلە وزەنىنىڭ ەكى جاعالاۋىنداعى بۇقارا، كولىكتەر وزەننەن بۇراممەن وتەتىن. ىلە وزەنى ۇلكەن كوپىرىنىڭ سالىنۋى ىلە وزەنى اڭعارىنىڭ ەكونوميكاسىن دامىتۋدا، حالىق تۇرمىسىن جاقسارتۋدا ماڭىزدى رول اتقاردى. ”قۇلجادا ءبىر سالت بار، كەلىن اكەلەتىن اۆتوكولىك توبى كەلىن مەن كۇيەۋ جىگىتتى الىپ ىلە وزەنى ۇلكەن كوپىرىنە شىعىپ توپتىق سۋرەتكە ءتۇسىپ، كوپىردى ماحابباتتىڭ كۋاسى ەتەدى“، - دەدى قۇلجا قالاسىنىڭ تۇرعىنى ازات وشۇر.
ىلە وزەنىندەگى 2 - ۇلكەن كوپىردى سالۋ جۇمىسى 2004 - جىلى باستالىپ، 2007 - جىلى سالىنىپ بولعان. وسى ەرەكشە ۇلكەن كوپىردىڭ جالپى ۇزىندىعى 1800 مەتر. جەرگىلىكتى ادامدار شىن ىقىلاسىمەن ونى ىلە وزەنى 2 - كوپىرى دەپ اتايدى. ىلە وزەنى 2 - كوپىرىنىڭ سالىنۋى ىلە وزەنى اڭعارىنىڭ سىرتقا ەسىك اشۋى مەن ەكونوميكالىق دامۋىنىڭ اياق الىسىن ءتىپتى دە جىلدامداتتى.
ىلە وزەنىنە سالىنعان 3 - ۇلكەن كوپىر − كوكدالا ۇلكەن كوپىرى بيىل سالىنىپ بىتەدى. بۇل كوپىر 2016 - جىلدان باستاپ سالىنعان، جالپى ۇزىندىعى 2527 مەتر. كوكدالا ۇلكەن كوپىرىندە كولىك قاتىناعاننان كەيىن، ەكى جاعالاۋداعى ءبىر ءبولىم اۋدان، اۋىل، تۋان الاڭدارى اراسىنداعى قاتىناۋ قاشىقتىعى 30 − 100 كيلومەتر قىسقارىپ، قۇلجا قالاسى مەن كوكدالا قالاسىنىڭ ەكونوميكاسىنىڭ دامۋىنا قوس قانات بىتىرۋگە تىڭ قوزعاۋشى كۇش ۇستەيدى.
