«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
شينحۋا اگەنتتىگىنىڭ 7 - ايدىڭ 31 - كۇنى بەيجيڭنەن بەرگەن حابارى. 8 - ايدىڭ 1 - كۇنى باسپادان شىعاتىن «ىزدەنۋ» جۋرنالىنىڭ 15 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «اۋەلگى ماقساتتى، بورىشتى ەستە بەرىك ساقتاپ، وزىنە توڭكەرىس جاساۋدى ىلگەرىلەتەيىك» اتتى ماڭىزدى ماقالاسى جاريالانادى.
ماقالادا مىنالار باسا دارىپتەلدى: پارتيامىز 100 جىلدىق ۇلكەن پارتيا رەتىندە، قايتكەندە العاباسارلىعى مەن كىرشىكسىزدىگىن ماڭگى ساقتاي الادى، قايتكەندە جاستىق ومىرشەڭدىگىن ماڭگى ساقتاي الادى، قايتكەندە حالىقتىڭ قۇپتاۋى مەن قولداۋىنا ماڭگى قول جەتكىزە الادى، قايتكەندە ۇزاق ۋاقىت بيلىك جۇرگىزۋدى جۇزەگە اسىرا الادى، بۇل ءبىز، ءسوزسىز، ويداعىداي جاۋاپ قايتاراتىن، ويداعىداي شەشەتىن ءتۇبىرلى ماسەلە. پارتيامىز بۇكىل پارتياداعى جولداستاردان اۋەلگى ماقساتتى ۇمىتپاۋدى، بورىشتى ەستە بەرىك ساقتاۋدى تالاپ ەتۋدە بۇكىل پارتياداعى جولداستارعا مىنانى ەسكەرتەدى: پارتيانىڭ اۋەلگى ماقساتى مەن بورىشى − پارتيانىڭ سيپاتىنىڭ، باستى ماقساتىنىڭ، مۇرات - سەنىمىنىڭ، كۇرەس نىساناسىنىڭ شوعىرلى بەينەسى، نەعۇرلىم ۇزاق ۋاقىت بيلىك جۇرگىزگەن سايىن، پارتيانىڭ اۋەلگى ماقساتىن، بورىشىن سولعۇرلىم ەستەن شىعارۋعا بولمايدى، وزىنە توڭكەرىس جاساۋ رۋحىنان سولعۇرلىم ايرىلۋعا بولمايدى، جاڭا داۋىردە پارتيانىڭ وزىنە توڭكەرىس جاساۋىن ىشكەرىلەي ىلگەرىلەتىپ، پارتيانى باستان - اياق ءداۋىردىڭ الدىڭعى لەگىندە جۇرەتىن، حالىق شىن جۇرەكتەن قولدايتىن، وزىنە توڭكەرىس جاساۋعا باتىل، داۋىلدى تولقىنداردىڭ سىنىنان وتە الاتىن، كۇش - قايراتى تاسقىنداعان ماركسيزمدىك بيلىك باسىنداعى پارتيا ەتىپ قۇرىپ شىعۋ كەرەك.
ماقالادا مىنالار اتاپ كورسەتىلدى: پارتيامىز ماركسيزممەن قارۋلانعان ساياسي پارتيا، جۇڭگو حالقىن باقىتقا كەنەلتۋدى، جۇڭحۋا ۇلتىنىڭ گۇلدەنۋىن جۇزەگە اسىرۋدى باستان - اياق ءوزىنىڭ اۋەلگى ماقساتى مەن بورىشى ەتتى ءارى ونى پارتيانىڭ جالپى كۇرەس جۇرگىزۋى بارىسىندا باستان - اياق ايگىلەدى. پارتيا تاريحىنا قايىرىلا قارايتىن بولساق، نە ءۇشىن پارتيامىز سونشاما ءالسىز جاعدايدا بىرتىندەپ دامىپ، زورايا الدى، قان سۋداي اققان كەزدەردە بىرتە - بىرتە مۇشكىل حالدەن قايتا تىرشىلىككە يە بولا الدى، قيىندىقتان قامال الۋ بارىسىندا جەڭىستەن - جەڭىسكە قول جەتكىزە الدى، مۇنداعى ءتۇبىرلى سەبەپ − مەيلى قولايلى جاعدايدا، الدە قولايسىز جاعدايدا بولسىن، پارتيامىز جۇڭگو حالقىن باقىتقا كەنەلتۋ، جۇڭحۋا ۇلتىنىڭ گۇلدەنۋىن جۇزەگە اسىرۋداي وسى اۋەلگى ماقسات پەن بورىشقا باستان - اياق تاباندى بولىپ، وسى نىسانانى بويلاي ادىلەت جولىندا ەشتەڭەدەن تايىنباي العا باسقاندىعىندا، وسى ارقىلى حالىقتىڭ شىن جۇرەكتەن قۇپتاۋى مەن باتىل قولداۋىنا قول جەتكىزە الۋىندا.
ماقالادا مىنالار اتاپ كورسەتىلدى: اۋەلگى ماقساتتى ۇمىتپاۋدا، بورىشتى ەستە بەرىك ساقتاۋدا، ءسوز جوق، وزىنە توڭكەرىس جاساۋداي كۇشتى رۋح بولۋ كەرەك. ءوزىن كىرشىكسىزدەندىرۋ، ءوزىن كەمەلدەندىرۋ، ءوزىن جاڭارتۋ، ءوز دەڭگەيىن جوعارىلاتۋ جاعىنا كۇش سالۋ كەرەك. پارتيانىڭ وزىنە توڭكەرىس جاساۋىنىڭ مىندەتى اۋىر، جولى ۇزاق، استە ايالداۋ، تىنىعۋ ويىندا بولۋعا بولمايدى. اۋەلگى ماقساتتى ۇمىتپاۋدىڭ، بورىشتى ەستە بەرىك ساقتاۋدىڭ تەتىگى ماسەلەگە دۇرىس قاراۋ سانالىلىعى مەن پىشاقتىڭ ءدۇزىن ىشكە قاراتۋ باتىلدىعى بولۋىندا، تەتىگى پارتيانىڭ ءار دارەجەلى باسشى كادرلارىندا، اسىرەسە، جوعارى دارەجەلى كادرلارىندا.
