شينحۋا اگەنتتىگىنىڭ 8 - ايدىڭ 1 - كۇنى نانچاڭنان بەرگەن حابارى (تىلشىلەر حۋاڭ ميڭ، لي يۇن). 7 - كەزەكتى دۇنيە جۇزىلىك اسكەريلەر سپورت جارىسىنىڭ قاسيەتتى الاۋى تامىزدىعىن جيۋ جانە الاۋ جەتكىزۋدىڭ باستالۋ سالتى 8 - ايدىڭ 1 - كۇنى تۇستەن بۇرىن جياڭشي ولكەسىنىڭ نانچاڭ قالاسىندا وتكىزىلدى. الاۋ جەتكىزۋ − دۇنيە جۇزىلىك اسكەريلەر سپورت جارىسىنىڭ ماڭىزدى ۇگىتى جانە جالپىلاستىرۋ قيمىلى رەتىندە، كەلەسى قادامدا نەگىزىنەن، اسكەري كازارمادا جانە ۇستىنە الىپ وتكىزەتىن قالا − ۋحاندا وتكىزىلەدى.
وسى كەزەكتى اسكەريلەر سپورت جارىسى الاۋىنىڭ اتى ”بەيبىتشىلىك داڭق“، جالپى ۇزىندىعى 700 ميلليمەتر، سالماعى 780 گرام، سىرتقى كورىنىسى ءۇشبۇرىش ۇلگىسىندە، توبە جاعى ايقاسقان 3 شوعىر جالىننان قۇرالعان. وسى رەتكى الاۋ جەتكىزۋدىڭ باستى تاقىرىبى − ”دوستىقتان بىرگە يگىلىكتەنىپ، بەيبىتىشلىكتى بىرگە ورناتۋ“، ۇرانى − ”اسكەريلەردىڭ داڭقىن اسپانداتىپ، دۇنيە جۇزىنە بەيبىتشىلىك ورناتۋ“. ۇيىمداستىرۋ كوميسسياسى الاۋ جەتكىزۋدە جارىستى قاراپايىم وتكىزۋ رۋحىن دايەكتىلەندىرىپ، بيىلعى مەرەي توي جىلىنىڭ، نەگىزگى ساتىنىڭ اۋىرتپالىعىن جەڭىلدەتۋ جىلىنىڭ ەرەكشە تالابىنا مەڭزەس، اسكەري ءبولىمنىڭ دايىندىق جاتتىعۋىنا مۇمكىندىكتىڭ بارىنشا ىقپال جەتكىزبەۋ، بۇقارانىڭ وندىرىسىنە، تۇرمىسىنا امالدىڭ بارىنشا اسەر تيگىزبەۋ نەگىزىندە، سارا جوبانى قايتا - قايتا زەرتتەپ، ايبىندى دا قاراپايىم فورمادا وتكىزۋگە كۇش سالىپ، مۇمكىندىكتىڭ بارىنشا شاعىن قيمىل الاڭىنان پايدالانىپ، مۇمكىندىكتىڭ بارىنشا قىسقا قيمىل ۋاقىتى ىشىندە اسكەريلەر سپورت جارىسىنىڭ ەرەكشەلىگىن، جاسىل دا ۇنەمشىلدىگىن ايگىلەيتىن الاۋ جەتكىزۋ قيمىلىن ورىستەتۋدى جوسپارلاپ ۇيىمداستىردى.
وسى كەزەكتى اسكەريلەر سپورت جارىسىن 10 - ايدىڭ 18 - كۇنى حۋبەي ولكەسىنىڭ ۋحان قالاسىندا وتكىزۋ بەكىتىلدى. سول كەزدە 100 نەشە مەملەكەتتەن كەلگەن 10 مىڭعا تاياۋ اسكەر وسى سالتاناتتى جينالىسقا قاتىناسادى. اسكەريلەر سپورت جارىسىنىڭ بەكىتىلگەن جارىس تۇرلەرىندە اسكەري ىستەر 5 ءتۇرى، تەڭىز ارمياسى 5 ءتۇرى، اۋە ارمياسى 5 ءتۇرى، پاراشوتتان سەكىرۋ سىندى اسكەري ىستەر ەرەكشە تۇرلەرى ورنالاستىرىلدى، سونداي - اق فۋتبول، باسكەتبول، مالتاۋ سىندى وليمپيادا تۇرلەرى دە بار. جۇڭگو حالىق ازاتتىق ارمياسى گولف دوپتان باسقا بارلىق 26 ءتۇرلى ۇلكەن جارىس ءتۇرى دوداسىنا تۇگەلدەي قاتىناسادى. كەزەكتە ءارقايسى سپورت اترەتتەرى دايىندىق جاتتىعۋىن ىستەۋدە.