شينجياڭ مەديتسينا داشۋەسىنەن مەكتەپ بىتىرگەن تاعى ءبىر توپ وقۋشى (6 - ايدىڭ 18 - كۇنى تۇسىرىلگەن). سۋرەتىن ءتۇسىرىپ، حابارىن جازعان ءتىلشى حان لياڭ
شينجياڭ مەديتسينا شۋەيۋانىنىڭ كونە قاقپاسى. سۋرەتتى شينجياڭ مەديتسينا داشۋەسى بەرگەن
ۇمىتىلماس سول ءبىر ءسات
1954 - جىلى 3 - ايدا ءۇرىمجى مەديتسينا ورتالىعى اۋماعى (شينجياڭ مەديتسينا شۋەيۋانىنىڭ توركىنى) قۇرىلۋعا دايىندىق كورە باستادى، مەملەكەت دەر كەزىندە بۇكىل ەلدىڭ جەر - جەرىنەن وقىتۋ، ەمدەۋ سياقتى جاقتارداعى تەحنيكالىق تىرەكتىلەردى كومەك بەرۋگە اكەلدى.
1956 - جىلى 9 - ايدىڭ 1 - كۇنى داشۋە ءبولىمى رەسمي ساباق باستادى. 1962 - جىلى ءۇرىمجى مەديتسينا ورتالىعى اۋماعىنىڭ ەمدەۋ فاكۋلتەتىنەن 1 - مەرزىمدە، 2 - مەرزىمدە جيىنى 189 وقۋشى ىلگەرىندى - كەيىندى مەكتەپ ءبىتىرىپ، قىزمەت ورىندارىنا باردى.
1998 - جىلى شينجياڭ مەديتسينا شۋەيۋانى مەن شينجياڭ جۇڭگوشا شيپاگەرلىك شۋەيۋانى بىرىكتىرىلىپ، شينجياڭ مەديتسينا داشۋەسى بولىپ قۇرىلىپ، مەكتەپتىڭ دامۋى جاڭا باسقىشقا قادام تاستاپ، وقىتۋ، عىلمي زەرتتەۋدە زور جوعارىلاۋ بولدى؛ ماگيسترلار مەن دوكتورلاردىڭ مەكتەپتە قالۋ سانى ارتىپ، وقىتۋشىلار قوسىنىنىڭ قۇرىلىمىندا زور وزگەرىس بولدى؛ ءۇندىستان، پاكيستان سياقتى ەلدەر وسى جەرگە وقۋشى جىبەردى.
تالاي جىلدىق دامۋ ارقىلى شينجياڭ مەديتسينا داشۋەسىندە قازىر 22 شۋەيۋان جانە ءبولىم بار، وندا 26 تولىق كۋرس ماماندىعى اشىلعان، ءار جىلى تۇتاس شينجياڭعا، ءتىپتى، بۇكىل ەلگە 3000نان استام ۇزدىك مەديتسينا دارىندىلارىن جىبەرەدى. شينجياڭ مەديتسينا داشۋەسى ەل ءىشى - سىرتىنداعى ايگىلى جوعارى وقۋ ورىندارىمەن اۋىس - كۇيىس سەلبەستىگىن ۇزدىكسىز كۇشەيتىپ، امەريكا، رەسەي، جاپونيا، ۇلى بريتانيا سياقتى كوپتەگەن ەلدەردىڭ داشۋە جانە زەرتتەۋ قۇرىلىمدارىمەن مەكتەپ ارالىق سەلبەستىك بايلانىسىن ورناتتى.
