تيانشان تورى   ›   جاڭالىقتار   ›   شينجياڭ حابارلارى

قارامايلىنىڭ زەردەلى قالا قولدانىلمالى قىزمەت وتەۋ تۇرلەرى جۇزدەن استى

”قاراماي تاۋ“دان ”بۇلتتىق شىڭ“عا اينالعانعا دەيىن

قارامايلىنىڭ زەردەلى قالا قولدانىلمالى قىزمەت وتەۋ تۇرلەرى جۇزدەن استى

دامۋ جەتىستىكتەرىنە نازار

    جاڭا جۇڭگو قۇرىلعاننان بەرى، اسىرەسە، رەفورما جاساعاننان، ەسىك اشقاننان بەرى، شينجياڭ ونەركاسىپتەندىرۋ اياق الىسىن بارىنشا ىلگەرىلەتىپ، ابزال بايلىق قاينارىن يگىلىككە اينالدىرۋ ستراتەگياسىن بەرىك ورناتىپ، ءتۇرلى شارالاردى بەلسەنە قولدانىپ، ەرەكشە كاسىپ سالالارىن دامىتۋعا شابىتتاندىرىپ جانە قولداپ، بايلىق ابزالدىلىعىن كاسىپ سالاسى ابزالدىعىنا اينالدىرۋدى تەزدەتىپ، 2-كاسىپ سالاسىنىڭ قاۋىرت دامۋىنا جانە زورايۋىنا مۇمكىندىك جاسادى.

  گازەتىمىزدىڭ جالپىلىق اقپارات قۇرالدارى تىلشىلەرى شيە حۇيبيان، پاريزات 8 - ايدىڭ 3 - كۇنى قارامايلىدان حابارلايدى. 7 - ايدىڭ 31 - كۇنى قارامايلى قالالىق اكىمشىلىك ىستەر بويىنشا قىزمەت ىستەۋ جانە الەۋمەتتىك بايلىق ساۋدا - ساتىق ورتالىعى زالىندا زەردەلى ءنومىرى بويىنشا شاقىرۋ جۇيەسى، بۇلتتىق ەكران سيفرلى كىتاپ - جۋرنال الىپ وقۋ ماشيناسى سياقتى وسىزاماندانعان جابدىقتاردى بارلىق جەردەن كەزىكتىرۋگە بولادى. بۇل ارادا وزدىك تەرمينال ماشيناسى ارقىلى قالا تۇرعىندارى ساۋساق ۇشىمەن - اق كوپتەگەن جۇمىستارىن ءبىتىرىپ الىپ جاتىر. قارامايلى قالالىق ورتالىق شيپاحاناسىندا ءتۇرلى - تۇستەگى وزدىك قىزمەت وتەۋ ماشينالارى ناۋقاستاردى كۇنى بۇرىن كەلىسۋ، ءنومىر الۋ سياقتى حالىققا قولايلى قىزمەت وتەۋمەن قامداۋدا...

  ”بۇل قارامايلى قالاسىنىڭ ’زەردەلى قالا‘ قۇرىلىس ناتيجەسىنىڭ كىشكەنتاي عانا بولىگى“. قارامايلى قالالىق ونەركاسىپ جانە ينفورماتسيالاندىرۋ مەكەمەسى ينفورماتسيالاندىرۋدى ىلگەرىلەتۋ ءبولىمىنىڭ باستىعى دا جى بىلاي دەدى: ”قازىرگە دەيىن قارامايلىنىڭ زەردەلى قالا قولدانىلمالى قىزمەت وتەۋ تۇرلەرى 142گە جەتىپ، الەۋمەتتىك قاتىناس جاعدايىن ۇعىسۋ، شيپاحانالاردا ءنومىر الۋ، كينو بەلەتىنە تاپسىرىس بەرۋ، اس - سۋ، كوڭىل اشۋ سياقتى سان الۋان سالالارعا سايدى“.

  قارامايلى قالاسىنىڭ ”زەردەلى قالا“ قۇرىلىسىنىڭ نەگىزى ءاسىلى ”سيفرلى شينجياڭ مۇناي الابى“نىڭ قۇرىلىسى مەن دامۋىنان باستالعان. 2002 - جىلى قارامايلى مۇناي الابى ”سيفرلى شينجياڭ مۇناي الابى“ نىساناسىن ورناتۋدى ورتاعا قويدى. 2005 - جىلى شينجياڭ سيفرلى مۇناي الابى قۇرىلىسى كولەمدەنە باستادى. 2008 - جىلى سيفرلى مۇناي الابى جاپپاي قۇرىلىپ، تۇتاس مۇناي الابى كومپيۋتەرگە ەنگىزىلىپ، مۇناي الابىن كومپيۋتەر ارقىلى زەرتتەۋدى جانە باسقارۋدى جۇزەگە اسىردى. 2010 - جىلى قارامايلى مۇناي الابى زەردەلى مۇناي الابىن قۇرۋ نىساناسىن ورناتۋدى ورتاعا قويدى ءارى ونى جۇزەگە اسىرۋدى جىلدامداتتى.

  جۇڭگو مۇنايى ساندى مالىمەت ورتالىعىندا (قارامايلى)، ەرەكشە ۇلكەن ەلەكتروندىق ەكران ايرىقشا كوز تارتادى. ”6 سەكۋندتا ءبىر رەت جاڭالاناتىن، دەر كەزىندە جەتكىزىلەتىن ساندى مالىمەتتەر ارقىلى قىزمەتكەرلەر مۇناي قۇدىقتارى كىلتيپاندارى، جوندەۋگە كەپىلدىك ەتۋ، ءونىم مولشەرى ەستەلىگى سياقتىلارعا دەر كەزىندە باقىلاۋ - ولشەۋ جۇرگىزە الادى“. شينجياڭ مۇناي الابى سەرىكتەستىگى ساندى مالىمەت سەرىكتەستىگىنىڭ ورىنباسار ديرەكتورى جاۋ جينليڭ بىلاي دەدى: بۇرىن جۇمىسشىلار نەشە ون كيلومەتر جەردەگى مۇناي قۇدىقتارىن ءبىر رەت شارلاپ - تەكسەرۋگە، ارالاۋعا 10 نەشە كۇن ۋاقىت جۇمسايتىن، قازىر ۇيدەن اتتاپ شىقپاي - اق ساندى مالىمەتتەردى دەر كەزىندە باقىلاۋ - ولشەۋگە بولادى.

  زەردەلى مۇناي الابى قۇرىلىسىن نەگىز ەتىپ، قارامايلى قالاسى زەردەلى قالا بولۋعا قاراي جاپپاي ويىستى. 2013 - جىلى قارامايلى قالاسىنىڭ ”زەردەلى قالا“ قۇرىلىسى جوسپارى ىسكە قوسىلىپ، 23 ءتۇرلى قۇرىلىس مىندەتى بەلگىلەنىپ، 2020 - جىلى زەردەلى قارامايلىنى قۇرىپ شىعۋ جوسپارلاندى. كەزەكتە، سيفرلى ەمدەۋ، زەردەلى قاتىناس، سيفرلى قالا باسقارۋ، قالا حاۋىپسىزدىگى، مۇناي الابى ساندى مالىمەتتەرىن جيناۋ سياقتى جۇزدەن اساتىن ينفورماتسيالاندىرۋ ينجەنەرياسى ىسكە قوسىلدى ءارى باتىس سولتۇستىك رايونداعى تۇڭعىش ”سىمسىز قالا“ بولىپ قۇرىلدى.

  ”زەردەلى مۇناي الابىنىڭ، زەردەلى قالانىڭ ىلگەرىلەتىلۋى بۇلتتىق ەسەپتەۋ كاسىبىنىڭ دامۋىنان ايرىلا المايدى“. قارامايلى بۇلتتىق ەسەپتەۋ ونەركاسىپ باقشاسى رايونى پارتيا قىزمەتى كوميتەتىنىڭ شۋجيى لي يۇن بىلاي دەدى: بۇلت كاسىبىنىڭ دامۋىنا ىلەسە، قارامايلى قالاسى دا ”مۇنايلى قالا“دان ”بۇلتتىق شىڭ“عا اينالدى.

  2010 - جىلى قارامايلى قالاسى ينفورماتسيا كاسىپ سالاسىن دامىتۋدى قالانىڭ تيپىن وزگەرتۋدەگى 3 ءىرى جاڭادان گۇلدەنگەن كاسىپ سالاسىنىڭ ءبىرى دەپ قارادى. 2011 - جىلى اۆتونوميالى رايون ورتاعا قويعان ”تيانشان يۇنگۋ“ جوسپارىمەن بىرلەستىرىپ، 2012 - جىلى قارامايلى بۇلتتىق ەسەپتەۋ ونەركاسىپ باقشا رايونى قۇرىلدى، بۇل باقشا رايونى كەزەكتە مەملەكەت دارەجەلى بۇلتتىق ەسەپتەۋدەن قولدانىلمالى ۇلگى كورسەتۋ بازاسىنا جانە شينجياڭ ”تيانشان يۇنگۋ“ وزەكتى بازاسىنا اينالدى.

  بۇلتتىق قىزمەت وتەۋ قابىلەتىنىڭ ۇزدىكسىز كۇشەيۋىنە ىلەسە، باقشا رايونى كاسىپ سالاسىنىڭ شوعىرلانۋ اسەرى بىرتىندەپ كورنەكتىلەندى. قازىرگە دەيىن، باقشا رايونى جۇڭگو جىلجىمالى حابارلاسۋ (شينجياڭ) بۇلتتىق ەسەپتەۋ جانە ۇلكەن ساندى مالىمەت ورتالىعى، حۋاۋي بۇلتتىق قىزمەت وتەۋ ساندى مالىمەت ورتالىعى سياقتى 70 نەشە كاسىپورىندى (نىسان) ىرگە تەبۋگە باۋراپ، كولەمى باتىس سولتۇستىك بويىنشا ەڭ الدىدا تۇرىپ، شينجياڭنىڭ سيفرلى ەكونوميكاسىنىڭ دامۋىن ساقتاۋ، ەسەپتەۋ سياقتى تىرەكتەرمەن قامدادى ءارى جىبەك جولى ەكونوميكالىق بەلدەۋى بويىنداعى ەلدەر مەن رايوندارعا قىزمەت وتەۋ قابىلەتىن ازىرلەدى.

  دا جى بىلاي دەدى: بيىل اۆتونوميالى رايون ”سيفرلى قارامايلى“ كەشەندى رەفورما سىناق ءتۇيىنىن رەفورمانى جاپپاي تەرەڭدەتۋ قىزمەتىنىڭ ماڭىزدى مازمۇنى ەتتى، كەلەسى قادامدا، قارامايلى قالاسى جىبەك جولى ەكونوميكالىق بەلدەۋى ينفورماتسيا ورتالىعىن قۇرۋدى ءتۇيىن ەتىپ، بۇلتتىق ەسەپتەۋ ونەركاسىپ باقشا رايونىن دانەكەر ەتىپ، ابزال بۇلتتىق ەسەپتەۋ كاسىپ سالاسىن نەگىز ەتىپ، زەردەلى قالا ونەركاسىبى، مۇناي الابى ينفورماتسيا كاسىپ سالاسىن ەرەكشە دامىتۋ جاعدايىن قالىپتاستىرىپ، شينجياڭنىڭ سيفرلى ەكونوميكاسىن دامىتۋدا جەتەكشىلىك جانە ۇلگىلىك رول اتقارادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.