تيانشان تورى   ›   ۇيرەنۋ   ›   ماڭىزدى حۇجاتتار

«اۆتونوميالى رايوننىڭ كادرلاردىڭ قاتەلىگىنە كەشىرىممەن قاراۋ، قاتەلىگىن تۇزەتۋ ۋاقىتشا ءادىسى»ن باسىپ تاراتتى

اۆتونوميالى رايوندىق پارتكوم كەڭسەسى

«اۆتونوميالى رايوننىڭ كادرلاردىڭ قاتەلىگىنە كەشىرىممەن قاراۋ، قاتەلىگىن تۇزەتۋ ۋاقىتشا ءادىسى»ن باسىپ تاراتتى

  ءتىلشى جاڭ يۇنمەي 8 - ايدىڭ 4 - كۇنى ۇرىمجىدەن حابارلايدى. تاياۋدا اۆتونوميالى رايوندىق پارتكوم كەڭسەسى جۇڭگو كوممۋنيستىك پارتياسى ورتالىق كوميتەتى كەڭسەسى باسىپ تاراتقان «قالىڭ كادرلاردى جاڭا داۋىردە جاڭا جاۋاپكەرلىك ارقالاپ، تىڭ ىسكەرلىك كورسەتۋگە ونان ارى ىنتالاندىرۋ جونىندەگى پىكىر»گە جانە پارتيا ىشىندەگى قاتىستى زاڭ - ەرەجەلەرگە، زاڭدار مەن بەلگىلەمەلەرگە ساي، «شينجياڭ ۇيعۇر اۆتونوميالى رايونىنىڭ كادرلاردىڭ قاتەلىگىنە كەشىرىممەن قاراۋ، قاتەلىگىن تۇزەتۋ ۋاقىتشا ءادىسى»ن (تومەندە قىسقارتىلىپ «ءادىس» دەلىندى) باسىپ تاراتتى ءارى حابارلاندىرۋ شىعارىپ، بۇكىل شينجياڭنىڭ جەر - جەرىنەن، تاراۋلارىنان، ورىنداردان ءىس جۇزىندىك جاعدايمەن بىرلەستىرىپ مۇقيات دايەكتىلەندىرۋدى، تياناقتاندىرۋدى تالاپ ەتتى.

  ۇعىسۋعا قاراعاندا، قاتەلىككە كەشىرىممەن قاراۋ، قاتەلىگىن تۇزەتۋ دەگەنىمىز كادرلاردىڭ رەفورما جاساۋ، جاڭالىق اشۋ، ءىس تىندىرىپ، ناتيجە شىعارۋ بارىسىندا بەي سۋبيەكتيۆ، قاساقانا ەمەس اعاتتىق جىبەرىپ، قاتەلىك وتكىزۋىنە نەمەسە مەجەلى نىسانانى ورىنداي الماۋىنا مەڭزەس، ءتارتىپ قىزىل سىزىعى، زاڭنىڭ تومەنگى شەگى ىشىندە پارتكومنىڭ (پارتيا باسشىلىق گرۋپپاسى)، ءتارتىپ تەكسەرۋ كوميتەتىنىڭ (ءتارتىپ تەكسەرۋ باقىلاۋ - تەكسەرۋ گرۋپپاسى)، پارتيانىڭ قىزمەت ورگانىنىڭ وعان ۇنامسىز باعا بەرمەي، قاتىستى جاۋاپكەرشىلىگىن قۋزاستىرماي نەمەسە جەڭىل، جەڭىلدەتىپ ءبىر جاقتى ەتىپ، ىسكە قاتىستى ادامدى رەتتەۋ - تۇزەتۋگە جانە قاتەلىكتى تۇزەتۋگە، اعاتتىقتى تۇزەتۋگە قۋزاپ، كادرلاردىڭ جىگەرلەنە العا باسۋىنا، باتىلدىقپەن جاڭالىق اشۋىنا كوڭىل ءبولۋ جانە ونى قورعاۋ ارەكەتى.

  «ءادىس»تە بىلاي اتاپ كورسەتىلدى: قاتەلىككە كەشىرىممەن قاراۋ، قاتەلىكتى تۇزەتۋ قىزمەتىندە شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ جانە ماڭىزدى نۇسقاۋلارىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، اعاتتىقتاردىڭ، قاتەلىكتەردىڭ سيپاتى مەن ىقپالىن دۇرىس مەڭگەرىپ، ”ءۇشتى اجىراتۋ“ تالابىن قاتاڭ تياناقتاندىرىپ، باقىلاۋدىڭ، ءتارتىپ اتقارۋدىڭ ”4 ءتۇرلى فورماتسياسىن“ ءداپ باسىپ قولدانىپ، جاۋاپكەرلىكتى باتىلدىقپەن ارقالايتىن، جىگەرلەنە العا باساتىن، رەفورما جاساپ جاڭالىق اشاتىن كادرلارعا دەم بەرىپ، شابىتتاندىرىپ، ءىس تىندىرعىسى كەلەتىن، ءىس تىندىرۋعا قابىلەتى مىعىم، ءىس تىندىرا الاتىن تاماشا ورتانى بەلسەنە ازىرلەۋ كەرەك.

  «ءادىس»تە مىنالار باسا دارىپتەلدى: قاتەلىككە كەشىرىممەن قاراۋ، قاتەلىگىن تۇزەتۋ قىزمەتى بەلگىلەنگەن ءتارتىپ بويىنشا پارتيا ۇيىمىنىڭ كوللەكتيۆ تالقىلاپ كەسىم جاساۋىنان ءوتۋى كەرەك، جەكەنىڭ نەمەسە از ساندى ادامداردىڭ ءوز بەتىمەن كەسىم جاساۋىنا جانە بەكىتۋىنە بولمايدى؛ ىستەردى جوعارى ورىنعا قويىپ، جاڭالىق اشۋعا شابىتتاندىرۋعا تاباندى بولۋ؛ تارتىپكە، زاڭعا ساي، تىڭعىلىقتى، ورنىقتى بولۋعا تاباندى بولۋ؛ شىندىقتى ءىس جۇزىنەن ىزدەۋگە، وبيەكتيۆ، ءادىل بولۋعا تاباندى بولۋ؛ پارىقتى مامىلە جاساۋعا، كەڭشىلىك ەتۋ مەن قاتاڭ جازالاۋدى بىرلەستىرۋگە تاباندى بولۋ؛ كەشىرىممەن قاراۋ مەن تۇزەتۋدى قاتار قولدانىپ، قاتەلىگى بولسا، ءسوز جوق، وزگەرتۋگە تاباندى بولۋ كەرەك.

  «ءادىس» بۇكىل رايونىمىزداعى ءار دارەجەلى پارتيانىڭ ورگاندارى، حالىق قۇرىلتايى ورگاندارى، اكىمشىلىك ورگاندارى، ساياسي كەڭەس ورگاندارى، باقىلاۋ - تەكسەرۋ ورگاندارى، سوتتاۋ ورگاندارى، پروكۋراتۋرا ورگاندارى، دەموكراتيالىق پارتيا - توپ ورگاندارى جانە ساۋدا - ونەركاسىپشىلەر بىرلەستىگى ورگاندارى، الەۋمەتتىك ىستەرىن زاڭ بويىنشا مىندەتتەمەلى باسقاراتىن جانە مەملەكەت مەنشىگىندەگى كاسىپورىندارداعى، ءىسورىندارداعى، نەگىزگى ساتىنىڭ بۇقارالىق ءوزىن - ءوزى باسقاراتىن ۇيىمدارىنداعى كادرلارعا، سونداي - اق باسقا دا الەۋمەتتىك بيلىك جۇرگىزەتىن ۇكىمەت قىزمەتكەرلەرىنە قولدانىلادى.

  «ءادىس» تاعى قاتەلىككە كەشىرىممەن قاراۋ، قاتەلىكتى تۇزەتۋ قىزمەتىنىڭ اتقارىلۋ بارىسىندا تاباندى بولاتىن تۇجىرىمداۋ ولشەمى، اعاتتىق، قاتەلىك جىبەرگەن كادرلاردىڭ قاتەلىگىنە كەشىرىممەن قاراۋعا بولاتىن جايتتەر، سونداي - اق قاتەلىگىنە كەشىرىممەن قاراۋعا بولمايتىن ارەكەتتەر، قاتەلىگىنە كەشىرىممەن قاراۋ بويىنشا بەكىتۋ ءتارتىبى سياقتىلاردى ايقىندادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.