قاشقار ايماقتىق حالىق قۇرىلتايى قىزمەت كوميتەتى پارتيا باسشىلىق گرۋپپاسىنىڭ مۇشەسى، باس حاتشى
مامەتساۋىت يكىم
مەن قاراپايىم كادر وتباسىندا تۋىلدىم، 1975 - جىلى ورتالاۋ مەكتەپتى تاۋىسىپ قىزمەتكە قاتىناستىم، ايماقتىق پارتكوم كەڭسەسى، اكىمشىلىك مەكەمەسى كەڭسەسى، راديو - تەلەۆيزيا مەكەمەسى، ساياسي كەڭەس، حالىق قۇرىلتايى قاتارلى كوپتەگەن قىزمەت ورىندارىندا قىزمەت ىستەدىم، 40جىلدان استام ۋاقىت قىزمەت ىستەۋ بارىسىندا مەن ءبىر جاي كادردان بىرتىندەپ باسقارما دارەجەلى كادرلىق ورىنعا شىقتىم.
مەنىڭ ءاربىر ءوسىپ - جەتىلۋ بارىسىم تۇگەلدەي پارتيانىڭ قامقورلىعى مەن باۋلۋىنان ايرىلا المايدى، ۇيىمنىڭ كوڭىل بولۋىنەن، قىزمەتتەستەرىمنىڭ قولداۋىنان ايرىلا المايدى. مەنىڭ العا باسۋىم دا مەملەكەتتە ءبىر تۇتاس قولدانىلاتىن ءتىل - جازۋدى جەتىك مەڭگەرگەندىگىمنىڭ ارقاسى. مەملەكەتتە ءبىر تۇتاس قولدانىلاتىن ءتىل - جازۋدى ۇيرەنگەنىمدى تىلگە السام بولعانى، ورتالاۋ مەكتەپتەگى كلاس جەتەكشىم چىن چاڭفۋ مۇعالىم ەسىمە كەلەدى، ءدال وسى مۇعالىمىمنىڭ ءتالىم بەرۋى مەن اسەرىندە، مەن 10 نەشە جاس كەزىمدە - اق مەملەكەتتە ءبىر تۇتاس قولدانىلاتىن ءتىل - جازۋدى ۇيرەنۋدىڭ ماڭىزدىلىعىن تانىدىم. چىن مۇعالىم ماعان ءوزىنىڭ بالاسىنا مامىلە جاساعانداي مامىلەدە بولدى، ۇيرەنۋدە، تۇرمىستا، يدەيادا ماعان قاتاڭ تالاپ قويىپ، مەندە تاماشا مىنەز - قۇلىق قالىپتاستىرىپ، مەملەكەتتە ءبىر تۇتاس قولدانىلاتىن ءتىل - جازۋدان ويداعىداي نەگىز قالاپ بەردى، مەنىڭ نەگىزگى ساتىدا نىق قاداممەن شوگەلدىكپەن ىستەپ قازىرگى قىزمەت ورنىنا شىعۋىما وراي جاراتتى.
مەنىڭ شەشەم 1969 - جىلدان 1979 - جىلعا دەيىن 10 جىل بويى اۋرۋ ازابىن تارتىپ، بۇكىل شينجياڭداعى ۇلكەن شيپاحانالاردىڭ بارىنە دەرلىك بارىپ ناۋقاس كورسەتتى. 1979 - جىلى شەشەم ەكەۋىمىز تاعى دا دەرتكە شيپا ىزدەۋ جولىنا شىعىپ، شاڭحاي قالالىق 6 - حالىق شيپاحاناسىنا باردىق. ءبىزدىڭ شەكارا وڭىردەن ەمدەلمەك بولىپ كەلگەنىمىزدى بىلگەن شيپاگەر - مەدبيكەلەر بىزگە ەرەكشە قارايلاسىپ، قۇددى جاقىنىمىزداي بولىپ، ءبىزدىڭ ەلدەن بۇرىن ەمدەلۋىمىزگە جاعداي جاسادى. مۇقياتتىقپەن دياگنوز قويۋ جانە 4 اي بويى ىقىلاستى ەمدەۋدىڭ ارقاسىندا، شەشەم ناۋقاستان بۇكىلدەي ايىقتى، سودان 2011 - جىلى دۇنيەدەن ءوتتى. بىلايشا ايتقاندا، ىشكەرى ولكەدەگى وزىق ەمدەۋ جابدىقتارى، تەحنيكاسى اسا جوعارى شيپاگەرلەر، مەيىرلى مەدبيكەلەر ونىڭ ءومىرىن تاعى دا 30 جىلدان استام ۋاقىت ۇزارتتى.
كوپ جىلدىڭ الدىندا باسىمنان وتكەن كەشىرمە وي - سانامدا تەرەڭ ءىز قالدىردى. كەيىن مەن قاشقار ايماقتىق پارتكوم كەڭسەسىنە بارىپ قىزمەت ىستەپ، 10 نەشە جىل بويى اۋدارماشىلىق قىزمەتپەن شۇعىلدانىپ، بۇكىل ايماقتاعى ءار قايسى اۋىل - قالاشىقتاردى تۇگەلگە جۋىق ارالاپ، قاشقارداعى توپىراق جولداردىڭ اسفالت جولعا، ات اربالاردىڭ اۆتوكولىكتەرگە، توپىراق ۇيلەردىڭ كەرپىش ۇيلەرگە، توقتاۋ سۋدىڭ قۇبىر سۋىنا وزگەرۋى سياقتى كۇن سايىن جاڭالانعان وزگەرىستەرگە كۋا بولدىم. ءار ۇلت بۇقاراسىنىڭ تۇرمىس ورەسىنىڭ ۇزدىكسىز ءوسۋى بارىسىنان مەن ءار ۇلت باۋىرلاستاردىڭ بارعان سايىن كەڭ كولەمدە، ىشكەرىلەي ارالاسقاندىعىن، ىشتەسكەندىگىن، توعىسقاندىعىن سەزىندىم، ۇلكەنى كوپىر سالۋ، جول جوندەۋ، ءۇي سالۋ، ەگىن ەگۋ، مال باعۋدان كىشكەنەسى كيىم تىگۋ، شاشتارازىلىق سياقتى تەحنيكاعا دەيىن، بارلىعىندا ءار ۇلت باۋىرلاستاردىڭ ءوزارا ۇيرەنىپ، بىرگە العا باسقان تاماشا بەينەسى ايگىلەندى.
پارتيا ۇزاق جىل تاربيەلەگەن، باۋلىعان پارتيالى كادر رەتىندە، مەن قاي - قاشان دا پارتيانىڭ شىنايى قامقورلىعى مەن وتانىمىز ۇلى شاڭىراعىنىڭ مەيىر - شاپاعاتىن سەزىنىپ، ۇنەمى العىستى سەزىمدە بولىپ كەلەمىن. مەن ءتىل بىلەتىن، ساياساتتى تۇسىنەتىن ارتىقشىلىقتارىمدى تولىق ساۋلەلەندىرىپ، جاڭا جۇڭگو قۇرىلعاننان، اسىرەسە، پارتيا 18 - قۇرىلتايىنان بەرى شينجياڭدا تۋىلعان وراسان زور وزگەرىستەردى زور كۇشپەن ۇگىتتەيمىن، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭداعى ءار ۇلت حالقىنا دەگەن شىنايى قامقورلىعىن زور كۇشپەن ۇگىتتەيمىن، پارتيانىڭ حالىققا تيىمدىلىك جەتكىزۋ ساياساتىن زور كۇشپەن ۇگىتتەيمىن، شينجياڭعا كومەكتەسەتىن ولكە، قالالاردىڭ قالتقىسىز كومەگىن زور كۇشپەن ۇگىتتەيمىن، بۇقارانى پارتياعا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە، ءبىر نيەتپەن ىنتىماقتاسىپ، كورىكتى مەكەندى بىرگە قۇرۋعا تاربيەلەيمىن، باستايمىن.
