تيانشان تورى   ›   جاڭالىقتار   ›   ماڭىزدى حابارلار

شۋاققا شومىلدىرىپ، ءوسپىرىم بالالاردىڭ تولىسا ەرجەتۋىنە مۇمكىندىك جاسايىق

  − باس شۋجي شي جينپيڭ ويىنان تاستامايتىن حالىق تۇرمىسى ىستەرىنىڭ ”مەكتەپكە دەيىنگى تاربيەدەن يگىلىكتەنە الۋ“ تاراۋى

  شينحۋا اگەنتتىگىنىڭ ءتىلشىسى

  ”بەتاشار“

  ءوسپىرىم بالالار وتاننىڭ گۇلى، ۇلتتىڭ ءۇمىتى، ءاربىر ءوسپىرىم بالالاردىڭ تولىسا ەرجەتۋىنە مۇمكىندىك جاساۋ تۇتاس قوعامنىڭ ورتاق تىلەگى.

  مەكتەپكە بارىپ قىزمەت تەكسەرىپ، تەكسەرۋ - زەرتتەۋ جۇرگىزدى، ءوسپىرىم بالالار ۋاكىلدەرىمەن اڭگىمەلەستى، باستاۋىش مەكتەپ وقۋشىلارىنا جاۋاپ حات جازدى... پارتيانىڭ 18 - قۇرىلتايىنان بەرى، باس شۋجي شي جينپيڭ باستان - اياق ءوسپىرىم بالالاردىڭ دەنساۋلىق اقاۋسىزدىعىنا جانە ەرجەتىپ، دارىندى بولۋىنا كوڭىل ءبولىپ كەلەدى. ءبىر - بىرلەگەن شىنايى تاپسىرمالار، ءبىر - بىرلەگەن ماڭىزدى نۇسقاۋلاردىڭ بارىنە باس شۋجيدىڭ وتاننىڭ بولاشاعىنا دەگەن شىنايى قامقورلىعى مەن كوكەي تەستى ءۇمىتى شوعىرلانعان...

  ”ءبىرىنشى اڭگىمە“

  مەيىرلى بالالار ۇيىنە سۇيىسپەنشىلىك تۇقىمى سەبىلدى

  ”پيڭگو، پيڭ، گو...“ كوكحوت قالالىق بالالار يگىلىك ورنىندا 6 جاستاعى ميى سالدانعان بالا شياۋگاڭ ساۋىقتىرۋشى مۇعالىمعا ىلەسىپ قايتا - قايتا وقىپ جاتتى. جارتى كۇندىك ساۋىقتىرۋ ساباعى اياقتاعاندا ول اقىرىنداپ ”پيڭگو“ دەگەن ءسوزدى ايتا الاتىن بولدى.

  شياۋگاڭ يگىلىك ورنىندا 5 جىلعا جۋىق تۇرمىس كەشىردى. جاڭا كەلگەن كەزىندە سويلەي المايتىن، جۇرە دە المايتىن ەدى، 5 جىلدىق باعىتتامالى ارەكەت جانە ءتىل ساۋىقتىرۋ جاتتىعۋلارىنان سوڭ، ول قاراپايىم ارەكەتتەردى جاساي الاتىن جانە سويلەي الاتىن بولدى. ءار جولى يگىلىك ورنىنىڭ باستىعى ۋ ۋىنجۇننىڭ كەلگەنىن كورگەندە، شياۋگاڭ كوڭىلدەنە قولىن بۇلعاپ: ”شەشە، شەشەم كەلدى!“ دەپ ايعاي سالادى.

  شياۋگاڭ كوكحوت قالالىق بالالار يگىلىك ورنىنداعى 150دەن استام جەتىم جانە تاستاندى بالالاردىڭ ءبىرى. كەزىندە پاناسىز قالعان سول بالالار وسى ارادا جاڭا تياناق تاۋىپ، وسى جەردى ءوز ”جانۇيالارى“ سانادى.

  2014 - جىلى كوكتەم مەرەكەسى قارساڭىندا، باس شۋجي شي جينپيڭ يگىلىك ورنىنا كەلىپ، بالالارعا امانداستى. ”بالالارعا، اسىرەسە، جەتىم جانە مۇگەدەك بالالارعا تۇتاس قوعام مەيىرىن توگىپ، قامقورلىق جاساۋى، ولاردىڭ اقاۋسىز ەرجەتۋىنە، سوتسياليستىك ۇلى شاڭىراقتىڭ مەيىرىن سەزىندىرۋگە ورتاق قۇلشىنۋ كەرەك“. باس شۋجي شي جينپيڭنىڭ ءسوزى سول جەردەگى بارلىق ادامدى اسەرلەندىردى.

  بۇگىنگى يگىلىك ورنىنىڭ بارلىق جەرىنەن مەيىر - شاپاعاتتى بايقايسىز.

  الۋان ءتۇستى كاريدورعا بالالار جاساعان قيما قاعاز، وبىستىرىلمەلى سۋرەت، سۋرەت تۋىندىلارى، تەڭبىل بۇعىشاق ءۇيى، تەنتەك بۇزاۋ ءۇيى، شىمىر بالا كلاسى... ءبىر - بىرلەگەن بولمەلەردىڭ ىشىنەن بالالاردىڭ كوڭىلدى ۇندەرى كوتەرىلىپ جاتتى، ولاردىڭ %98ىنىڭ ورتاشا، اۋىر دارەجەدەگى مۇگەدەك بالالار ەكەنىنە سەنگىڭىز كەلمەيدى.

  قيمىل ءۇيى ىشىندە، ءبىر جاس اينالاسىنداعى بىرنەشە بالا ”كوجەك ءسابىز جۇلدى“ دەگەن ءان اۋەنىنە ىلەسە ءسابي قولدارىن ريتىممەن بۇلعاقتاتىپ وتىر؛ ساباقحانادا 3 − 4 جاس مولشەرىندەگى ءبىر توپ بالا مۇعالىمداردىڭ باستاۋىندا ءۇي جاساۋ ويىنىن ويناپ، ءوز تۇرمىسىنا ءوزى قاراۋدى ۇيرەنۋدە؛ ەرەكشە تاربيەلەۋ اۋماعىندا، وقۋ جاسىنداعى بىرنەشە بالا ارنايى جاسالعان ۇستەلدىڭ قاسىندا مۇعالىمعا ىلەسىپ ساندارمەن تانىسۋدا...

  ۋ ۋىنجۇننىڭ تانىستىرۋىنا قاراعاندا، يگىلىك ورنىنىڭ ۇيگە ەلىكتەگەن اسىراۋ ءتاسىلى بالالارعا وتباسىنىڭ مەيىرىن سەزىندىرگەن. جاس شاماسى، دەنەسىنىڭ مۇگەدەكتىك دارەجەسى جانە ءوز تۇرمىسىنا ءوزى قاراۋ قابىلەتىنە ساي، يگىلىك ورنى بالالاردى تۇرلىشە باعىپ - قاعۋ اۋماعىنا ءبولىپتى. مۇنىڭ ىشىندە، انا مەن بالا ايرىلا المايتىن شەشۋشى مەزگىلدەگى 0دەن 3 جاسقا دەيىنگى بالالار ەلىكتەمەلى وتباسىنىڭ باعىپ - قاعۋىندا بولسا، 3 جاستان جوعارعى بالالار ءوز تۇرمىسىنا ءوزى قاراۋدى ۇيرەنىپ، كوللەكتيۆ باعىپ - قاعۋ اۋماعىنا كىرەدى ەكەن.

  ”ريزاشىلىق كوڭىلمەن بار بولعانىڭىزعا العىس ايتامىن...“ 5 جىلدان استام ۋاقىتتىڭ الدىندا باس شۋجي شي جينپيڭ بالالار ايتقان ”ريزاشىلىق كوڭىل“ دەگەن ءاندى قۇلاق قويىپ تىڭداعان ەدى. قۇيقىلجىعان ءان اۋەنى قالىقتاعاندا، تالاي ادام كوزدەرىنە جاس الدى.

  بۇل كۇندەرى، وسى بالالاردىڭ ىشىندە كەيبىرەۋى يگىلىك ورنىنان شىقسادا شي جينپيڭ اتالارىنىڭ ءتالىمىن ەستەرىنەن شىعارعان جوق.

  مىلقاۋ قىز ۋاڭ ياني باس شۋجي شي جينپيڭنىڭ ”جاقسى ۇيرەنىڭدەر، وقۋلارىڭ ناتيجەلى بولسىن“ دەگەن تاپسىرماسىن ەستە بەرىك ساقتاپ، كوكحوت قالالىق ەرەكشە تاربيە مەكتەبىندە اجارلاندىرۋ ساباعى مۇعالىمى بولدى. ول ءوزىنىڭ اجارلاندىرۋ، شاش ساندەۋ شەبەرلىگىن ەرەكشە تاربيە مەكتەبىندەگى وقۋشىلارعا ۇيرەتىپ، ولاردىڭ دا ءبىر ونەردىڭ يەسى بولۋىنا مۇمكىندىك جاساۋدى ءۇمىت ەتتى.

  ول تاعى ۇنەمى كەلىپ ”باۋىرلارىنا“، ”سىڭلىلەرىنە“ امانداسىپ قايتادى. ”ريزاشىلىقتى كوڭىلگە بەرىك ساقتاپ، ۇيرەنگەنىم ارقىلى قوعامعا قارىمجى قايتارامىن، ءوزىم كەنەلگەن قامقورلىقتى يگىلىك ورنىنداعى ءاربىر بالاعا جەتكىزەمىن“. ۋاڭ ياني يشارات ءتىلى ارقىلى ءوزىنىڭ جۇرەك ءۇنىن جەتكىزدى.

  ”ءتىلشى ەستەلىگى“

  قيىنشىلىق جاعدايدا قالعان ءاربىر بالا توپشىسى سىنعان كىشكەنتاي پەرىشتە بولماۋى كەرەك.

  قۇلشىنىس ارقىلى بارلىق بالانىڭ جارقىن، شۇعىلالى بولاشاققا يە بولۋىنا مۇمكىندىك جاساۋ ءاربىر وتباسىنىڭ ەڭ ۇلكەن ارمانى جانە تىلەگى، سونداي - اق مەملەكەتتىڭ گۇلدەنۋگە، بايۋعا، قۇدىرەتتەنۋگە بەت الۋىنىڭ نەگىزى جانە تىرەگى.

  پارتيا 18 - قۇرىلتايىنان بەرى، باس شۋجي شي جينپيڭنىڭ شىنايى قامقورلىعىندا، ءبىر قىدىرۋ ساياساتتار، حۇجاتتار ىركەس - تىركەس جاريالانىپ، اۋىل - قىستاقتارداعى امانات بالالارعا، قيىنشىلىعى بار بالالارعا قامقورلىق جاساۋ، قىزمەت وتەۋ جۇيەسى ۇزدىكسىز كەمەلدەندى. سونىمەن بىرگە، ەلىمىز ەرەكشە قيىنشىلىعى بار بالالار قاۋىمىن قامتاماسىز ەتۋ تەبىنىن ۇزدىكسىز ارتتىرىپ، اۋىل - قىستاقتارداعى امانات بالالاردىڭ جاي - جاپسارىن ءبىر - بىرلەپ تەكسەرۋ قىزمەتىن ورىستەتىپ، اۋىل - قىستاقتارداعى امانات بالالاردى ايالاۋ، قورعاۋ قىزمەتىنىڭ تاراۋلار ارا بىرىككەن ءماجىلىس ءتۇزىمىن ورناتتى... ءبىرسىپىرا تىڭعىلىقتى شارالار ءاربىر بالانىڭ سۇيىسپەنشىلىكتىڭ مەيىر شۋاعىنا بولەنۋىنە مۇمكىندىك جاساۋعا كۇش سالدى...

  ءتىلشى يگىلىك ورنىندا، ءتىل - اۋزى جوق بالالاردىڭ جۇزدەرىنەن جايناعان كۇلكىنى كوردى؛ تۇرمىستا ءوز ۇددەسىنەن شىعا المايتىن بالالاردىڭ قۇلشىنا جاساپ شىققان قولونەر بۇيىمدارىن امانداسا كەلگەن اعايلارعا، اپايلارعا ۇسىنعاندىعىن كوردى؛ كىشكەنە كەزىندە اكە - شەشەسىنەن ايرىلعان بالالاردىڭ توڭىرەكتىڭ ءتورت بۇرىشىنان جەتكەن سۇيىسپەنشىلىككە بولەنگەندىگىن كوردى...

  توپشىسى سىنعان پەرىشتە تۇبىندە توپشىسى قاتايىپ، كەڭىستىكتە سامعايتىن بولادى.

  ”ەكىنشى اڭگىمە“

  مەن قالامشامەن بىرگە ەسەيىپ - ەرجەتەمىن

  بەيجيڭ قالاسى تۇڭجوۋ رايونى گۇڭيۋان باستاۋىش مەكتەبىنىڭ وقۋشىسى بي ياڭ كەي كەزدەرى لۇيشين قالا ورمانى باقشاسىنا ءتورت ماۋسىمدا جاپ - جاسىل بولىپ تۇراتىن ءبىر ءتۇپ ارشانىڭ ”حالىن بىلۋگە“ كەلەدى.

  بي ياڭ جونىنەن العاندا، بۇل ارشانىڭ ءمانى زور: ”مۇنى شي جينپيڭ اتامەن ءبىز بىرگە ەككەنبىز“.

  2019 - جىلى 4 - ايدا باس شۋجي شي جينپيڭ لۇيشين قالا ورمانى باقشاسىنا كەلىپ، استانانىڭ مىندەتتى اعاش ەگۋ قيمىلىنا قاتىناستى. ول ءبىر جاعىنان، ەڭبەك ىستەپ، ءبىر جاعىنان، جانىنداعى پيونەرلەردەن ۇيرەنۋ، تۇرمىس جانە دەنە تاربيەمەن شىنىعۋ جاعدايىن تاپتەشتەي سۇراپ، ولاردىڭ قالامشا سياقتى تولىسا ەرجەتۋىن تىلەدى.

  سول كەزدە بي ياڭ، شي جينپيڭ اتانىڭ قالامشا وتىرعىزىپ، توپىراقپەن قومداپ، شەلەكپەن سۋ اكەلىپ سۋارعاندىعىن، ەڭبەككە ەرەكشە توسەلگەندىگىن كورىپ ىشتەي قاتتى سۇيىنەدى.

  وسىدان كەيىن ۋاقىتى شىعا قالسا بولدى بي ياڭ كەيبىر ءۇي جۇمىسىن ىرىقتىلىقپەن ۇستىنە الا باستايدى، كوكونىس تازالاۋ، شىنى جۋۋ، كيىم جۋۋ، جەر سىپىرۋ، ەدەن ءسۇرتۋ... وسىنداي كىشكەنە ىستەر ارقىلى ەڭبەك تانىمىن تۇرمىسقا سىڭىرەدى.

  شي جينپيڭ اتالارىنىڭ بالالارمەن ىقىلاستى شۇيىركەلەسۋى بي ياڭعا ەڭبەكتى قىزۋ ءسۇيۋدىڭ، دەنە شىنىقتىرۋدىڭ ماڭىزدىلىعىن تەرەڭ سەزىندىردى. ”بۇدان كەيىن مەن شي جينپيڭ اتانىڭ ءتالىمىن ەستە بەرىك ساقتاپ، كىتاپتى كوپ وقىپ، ەڭبەكتى كوپ ىستەپ، كوپ شىنىعىپ، ەسەيگەننەن كەيىن وتان قۇرىلىسىنا جارامدى دارىندى بولامىن“، - دەدى بي ياڭ.

  ”ءوسپىرىم بالالار دەنە تاربيەمەن شىنىعۋعا كۇشەيتۋگە ءمان بەرۋ كەرەك“، باس شۋجي شي جينپيڭنىڭ بالالاردىڭ دەنساۋلىعىنىڭ اقاۋسىز بولۋىنا كوڭىل ءبولۋى ەرەكشە ىجداعاتتى بولدى.

  ”احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى جەتىلۋ كەرەك“، باس شۋجي شي جينپيڭنىڭ تاپسىرماسى ءتىپتى دە كوپ بالانىڭ كوڭىل كوكجيەگىن اشىپ، اناعۇرلىم كەڭ الىسقا سامعاۋىنا مۇمكىندىك جاسادى.

  بي ياڭ كوز اياسىن كىتاپتان تىسقارى كەڭ ورىسكە اۋدارا باستادى. قازىر ول ورتانى قورعاۋ جاقتارىنداعى تاقىرىپتارعا ءتىپتى دە قىزىعا ءتۇستى، بيىل «ءبارىمىز تولىسىپ كەلە جاتقان قالامشامىز» تاقىرىبىنداعى لەكسيا جارىسىنا قاتىناستى. 5 - ايدا ول تاعى اكە - شەشەسىنە ىلەسىپ، بەيجيڭ الەمدىك باۋ - باقشا كورمەسىن ەكسكۋرسيالاپ، جاسىل تۇرمىسقا قاتىستى ءتىپتى دە كوپ ءبىلىم ۇيرەندى.

  ”ءتىلشى ەستەلىگى“

  ءبىر ءتۇپ اعاشتىڭ ءوسىپ زورايۋى توپىراقتىڭ قورەكتىگىنەن، جاۋىن - شاشىننىڭ نارلەندىرۋىنەن ايرىلا المايدى، سونداي - اق قارلى بورانعا قارسى كەلۋ بارىسىندا ”سان قيلى قيىنشىلىققا مويىماۋ“ كەرەك.

  جاڭا داۋىردەگى جاقسى جاس وسپىرىمدەر احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى جەتىلۋ كەرەك.

  باس شۋجي شي جينپيڭنىڭ قامقورلىعىندا، مەملەكەت «سالاماتتى جۇڭگو ارەكەتىن (2019 − 2030 - جىل)» جاريالاپ، ورتا، باستاۋىش مەكتەپتەردە سالاماتتىقتى جەبەۋ ارەكەتىن اتقارۋدى ايقىن العا قويىپ، وقۋشىلاردى كىشكەنتاي كەزدەن باستاپ سالاماتتى تۇرمىس ادەتىن قالىپتاستىرۋعا جەتەكتەدى. وقۋ - اعارتۋ مينيسترلىگى، مەملەكەتتىك دەنساۋلىق ساقتاۋ، سالاماتتىق كوميتەتى سياقتى 8 تاراۋ «بالالاردىڭ، جاستار مەن وسپىرىمدەردىڭ الىستى كورمەۋىنەن جالپىلىق ساقتانۋدى جانە ونى تىزگىندەۋدى اتقارۋ جوباسىن» باسىپ تاراتىپ، 2030 - جىلعا جەتكەندە، ەلىمىزدەگى التى جاستاعى بالالاردىڭ الىستى كورمەۋ مولشەرىن %3 اينالاسىندا تىزگىندەۋ نىساناسىن ورتاعا قويىپ، بالالاردىڭ قوس جانارىنىڭ اناعۇرلىم جارىق بولۋىنا مۇمكىندىك جاسادى.

  احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى جەتىلۋگە اناعۇرلىم باسا ءمان بەرىپ، احىلاق - ءمورالدى، دەنە ساپاسى اقاۋسىزدىعىن، سپورتتىق شەبەرلىكتى جانە ادەت قالىپتاستىرۋدى وقۋشىلاردى باعالاۋدىڭ ماڭىزدى ولشەمى ەتىپ، وقۋشىلاردىڭ جالپىلىق ساپاسىن جوعارىلاتتى... ەسەيىپ - ەرجەتۋ جولىندا، تالايلاعان العا باسۋعا جەتەكتەۋ بالالاردىڭ ءاربىر قادامدى نىق باسۋىنا كۇش ۇستەيدى.

  ”ءۇشىنشى اڭگىمە“

  اعا بۋىنداردىڭ ءىزىن باسىپ شۇعىلالى ەرتەڭگە بەت الدى

  ۇلى تاۋلار قويناۋىنداعى شانشي ولكەسى تۇڭچۋان قالاسى جاۋجين بەيلياڭ قىستاعىندا تاۋلى ورمان - توعاي بىتىك وسكەن.

  توڭىرەك جاسىل مانات تاۋ، باتار كۇننىڭ التىن سارى ءتۇستى الاۋى بەيلياڭ قىزىل ارميا باستاۋىش مەكتەبىنىڭ وقىتۋ عيماراتىنا ءتۇسىپ تۇر، ”ەرتەڭگى كۇن − بولاشاقتىڭ ءۇمىتىن الاۋلاتادى“ دەگەن جەتى ءارىپتى قىزىل جازۋ ەرەكشە كوز تارتادى.

  ءبىر جىلدان استام ۋاقىت بۇرىن، ءبىر پارشا حاتتىڭ ارقاسىندا، وسى مەكتەپتەگى بالالار شالعاي بەيجيڭدەگى ”قالاۋلى دوسى“ شي جينپيڭ اتامەن ايرىلماس دوستىق ورناتتى.

  2018 - جىلى 5 - ايدىڭ 30 - كۇنى باس شۋجي شي جينپيڭ شانشيدىڭ جاۋجين بەيلياڭ قىزىل ارميا باستاۋىش مەكتەبىندەگى وقۋشىلارعا جاۋاپ حات قايتارىپ، ولاردىڭ جانە بۇكىل ەلدەگى ءار ۇلت ءوسپىرىم بالالاردىڭ مەرەكەسىن قۇتتىقتادى.

  ”شي جينپيڭ اتا جاۋاپ حاتىندا، بىزگە جۇڭگونىڭ توڭكەرىس، قۇرىلىس، رەفورما تاريحى جونىندەگى بىلىمدەردى كوبىرەك ءتۇسىنۋىمىزدى، قاھارمانداردان، ۇلگىلى ادامداردان كوبىرەك ۇيرەنىپ، پارتيانى قىزۋ ءسۇيۋىمىزدى، وتاندى قىزۋ ءسۇيۋىمىزدى، حالىقتى قىزۋ ءسۇيۋىمىزدى، ءىس جۇزىندىك ارەكەت ارقىلى قىزىل گەندى ۇرپاقتان - ۇرپاققا جالعاۋىمىزدى تاپسىردى“ دەگەن بەيلياڭ قىزىل ارميا باستاۋىش مەكتەبىنىڭ وقۋشىسى ۋاڭ تيانجياۋ شي جينپيڭ اتانىڭ ىقىلاستى تاپسىرماسىن ەسىندە اپ - انىق ساقتاپتى.

  جاسىل تاۋ توپىراعىن جاستانعان ارداگەرلەرمەن ۇلى. جاۋجين قالاشىعى بۇرىن شانشي - گانسۋ شەكاراسى توڭكەرىستىك بازاسىنىڭ ورتالىعى بولاتىن، وندا سان - ساناقسىز ماداق - جىرعا تولى حيكايالار تارالعان. وسىندا تۇرمىس كەشىرىپ جاتقان بالالاردىڭ بويىندا قىزىل قان تۋلاپ جاتىر.

  ءبىر جىلدان استام ۋاقىتتان بەرى، باس شۋجي شي جينپيڭنىڭ تاپسىرماسىن ەسىندە بەرىك ساقتاعان بەيلياڭ قىزىل ارميا باستاۋىش مەكتەبىندەگى وقىتۋشى - وقۋشىلار جەلىلەس قىزىل تاربيە قيمىلدارىن ورىستەتىپ، توڭكەرىستىك حيكايالاردىڭ مەكتەپ اۋلاسىنا ەنۋىنە، بالالاردىڭ جۇرەگىنە ۇيالاۋىنا مۇمكىندىك جاسادى.

  مەكتەپتە قىزىل 26 - ارميا 2 - ليان 1 - بانى دەپ اتالعان كلاستى كورۋگە بولادى، ”قىزىل 26 - ارميا“ شانشي - گانسۋ شەكاراسى توڭكەرىستىك بازاسى قۇرىلعاندىعىنا ۋاكىلدىك ەتەتىن بەلگى، ”ليان“ كلاستى بىلدىرەدى. توڭكەرىستىك جىلدارداعى جينالۋ دابىلى مەن دەمالىس دابىلىن ەستۋگە بولادى، ول ساباققا كىرۋ، ساباقتان ءتۇسۋ قوڭىراۋىنىڭ داۋىسى.

  اپتاسىنا ءبىر رەت ”قىزىل ءتۇستى تاربيە ساباقحاناسى“، ساقا قىزىل ارميا جاۋىنگەرىنىڭ توڭكەرىس تاريحىن ءتۇسىندىرۋى، جاۋجين ەسكەرتكىش سارايىنا بارىپ ەكسكۋرسيالاۋ - ۇيرەنۋ، قىزىل ءتۇستى كلاسسيكانى وقۋ سياقتى قيمىلدار جۇرىلەدى... قىزىل ءتۇستى تاربيە ءبىر - بىرلەگەن توڭكەرىستىك حيكايالاردى جالعاپ بايلانىستىرىپ، قۇددى ۋاقىت كەڭىستىگىنەن ەندەي وتكەن ديالوگتاردى جۇرگىزگەندەي ىسپەتتى.

  ”شۋەجياجايدى قورعاۋ شايقاسى تۋرالى حيكايانى ەڭ جاقسى كورەمىن“. مەكتەپتىڭ ”حۇڭحاي - ار ۇگىت - لەكسيا ۇيىرمەسى“نىڭ مۇشەسى رەتىندە، چىن زىحاننىڭ جۇزىنەن ماقتانىش مەن مۇندالايدى، ”اڭگىمە ايتۋ ارقىلى كوپتەگەن توڭكەرىستىك قاھارمانداردىڭ ءىس - ىزدەرىنە قانىقپىن، قازىرگى تاماشا تۇرمىسىمىزدىڭ وڭاي - وسپاق قولعا كەلمەگەندىگىن ۇعىندىم“.

  ”العىسقا تولى جۇرەكپەن، ۋاقىتتى قاستەرلەپ، قۇلشىنا ۇيرەنىپ، كەلەشەكتە مەملەكەتكە، حالىققا، قوعامعا جارامدى ادام بولۋلارىڭدى ءۇمىت ەتەمىن“. باس شۋجي شي جينپيڭنىڭ جاۋاپ حاتىنداعى تاپسىرماسىن بالالار كوكەيلەرىنە بەرىك ساقتادى.

  شاعىن قىستاقتا تۇرعانىمەن، بەيلياڭ قىزىل ارميا باستاۋىش مەكتەبىندەگى بالالار دا اسقاق ارمانعا يە. مۇرات جايلى سۇراعاندا، ولار عالىم بولۋ، قىزىل ارميا جاۋىنگەرى بولۋ، شيپاگەر بولۋ... دەگەن جاۋاپتاردى بەردى... تۇسكى دەمالىس كەزىندە، ارمان دەگەن تاقىرىپتى ارقاۋ ەتىپ، بالالار ۇنەمى كوپكە دەيىن اڭگىمە - كەڭەس قۇرادى.

  ”ءبىز، ءسوز جوق، شي جينپيڭ اتانىڭ ءتالىمىن ەسىمىزدە بەرىك ساقتاپ، بۇگىنگى باقىتتى تۇرمىسىمىزدى قاستەرلەپ، ەسەيگەن سوڭ وتاندى قۇراتىن تىرەكتىلەردەن بولامىز“. ۋاڭ تيانجياۋدىڭ ءۇنى باتىل شىقتى، بالعىن جۇزىنەن ءتاتتى كۇلكى ەسەدى.

  ”ءتىلشى ەستەلىگى“

  بۇرىن سوعىس ءورتى لاۋلاعان بايتاق دالا الدەقاشان مول ءونىمدى ەگىنجايعا اينالعان.

  سوعىستا مەرت بولعان قاھارماندار دا اسپانداعى جۇلدىزعا اينالىپ، سان - ساناقسىز كەشتەردە، وسىناۋ دالادا ءومىر كەشىرىپ جاتقان بالالاردىڭ كەلەشەك جولىن نۇرلاندىرىپ تۇر.

  قاھارماندار رۋحى ماڭگىلىك، قاھارمانداردىڭ حيكاياسى دا ۇمىتىلىپ قالماۋعا ءتيىس.

  ”سوتسياليستىك وزەكتى قۇن كوزقاراسىنىڭ تۇقىمى ءوسپىرىم بالالاردىڭ جۇرەگىندە ءونىپ - ءوسىپ، كوكتەسىن“، ”كورىكتى جۇڭگو ارمانى سەندەرگە ءتان“، باس شۋجي شي جينپيڭنىڭ سوزدەرى بالالاردىڭ ارمانىن الاۋلاتتى.

  باس شۋجي شي جينپيڭنىڭ تاپسىرماسىن ەستە بەرىك ساقتاپ، توڭكەرىستىك اعا بۋىنداردىڭ ءىزىن بويلاپ، پارتيا مەن حالىق كۇتكەن: قالىڭ ءوسپىرىم بالالار جۇڭگوشا سوتسياليزم ىستەرىنىڭ تولىمدى قۇرىلىسشىلارى مەن ءىزباسارلارىنا ەرتەرەك اينالىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ داۋىرلىك كەلەلى مىندەتىن ارقالاسىن دەگەن ۇمىتتەن شىعايىق.

  (تىلشىلەر: ۋاڭ پىڭ، ۋي جيڭيۇي، جاڭ بين، جاۋ ۋانۋي، جاڭ لينا)

  (شينحۋا اگەنتتىگىنىڭ 8 - ايدىڭ 6 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.