− باس شۋجي شي جينپيڭنىڭ ويىنان كەتپەيتىن حالىق تۇرمىسى ىستەرىنىڭ ”ەڭبەگىنىڭ جەمىسىن كورە الۋ“ تاراۋى
شينحۋا اگەنتتىگىنىڭ ءتىلشىسى
”بەتاشار“
”ومىردەگى باقىت اتاۋلىنىڭ بارلىعى قاجىرلى ەڭبەكپەن جاراتىلادى“.
پارتيا 18 - قۇرىلتايىنان بەرى، باس شۋجي شي جينپيڭ تۇرلىشە ورىندا ەڭبەك قىزعىندىلىعىن تاسقىنداتىپ، جاسامپازدىق كومەسكى كۇشىن شىعارۋ توڭىرەگىندە كوپ رەت تەرەڭ بايىمداۋ جۇرگىزىپ، ەڭبەكتى قاستەرلەۋدىڭ، ەڭبەكتى قىزۋ ءسۇيۋدىڭ تاماشا رايىن قالىپتاستىرۋعا ءتۇبىرلى بويسۇنۋ ولشەمىن ازىرلەدى.
ەڭبەك ارقىلى ءوز تاعدىرىن وزگەرتىپ، ءداۋىردىڭ العا باسۋىن ىلگەرىلەتۋ جونىندەگى ءبىر - بىرلەگەن اسەرلى حيكايالار حالىق تاريحتى جاراتقان، ەڭبەك بولاشاقتى اشقان جاندى كارتينالاردى جالعاستىردى.
”ءبىرىنشى اڭگىمە“
سورعالاتىپ تەر توگىپ، باقىتتى تۇرمىسقا قول جەتكىزدى
ەكى قاباتتىق ءۇيدىڭ بولمەلەرى مۇنتازداي تازا، قىزىنىڭ كىتاپتارى ۇستەل ۇستىنە رەتتى تىزىلگەن... بۇنى كورگەندە، 56 جاستاعى فان يۇڭ باقىتتى تۇرمىستىڭ وسىدان وتپەسىن جەتە سەزىندى.
باقىتتىڭ قاينارى كۇرەستە. جۇڭگو تەمىر جولى 14 - مەكەمەسىنە كىرىپ قىزمەتكە قاتىناسقاننان باستاپ، بەيجيڭ مەتروسى 8 - ءنومىرلى جەلىسىنىڭ نانلوگۋشياڭ بەكەتىن سالۋعا قاتىناسقانعا دەيىن، قاراپايىم بولات شىبىق جاساۋشىدان، اعاششىدان، بەتون جۇمىسشىسىنان، بىرتىندەپ ”ارقا تىرەك“ قۇرىلىس جۇرگىزۋ اترەتى باستىعىنا اينالعانعا دەيىن، قۇرىلىس الاڭىنداعى 13 جىلدىق تۇرمىس فان يۇڭ جونىنەن ايتقاندا، ءارى جاپالى، ءارى كوڭىلدى، اسىرەسە، باس شۋجي شي جينپيڭنىڭ قامقورلىعى ونى ۇدەرە العا تارتۋعا ونان ارى جەبەدى.
2013 - جىلى 2 - ايدىڭ باسى، كوكتەم مەرەكەسى جاقىنداپ قالعان، ءدال ادامدار ءۇي ىشىندەگىلەرمەن باس قوساتىن شاق. مەترو 8 - ءنومىرلى جەلىسىندە كۇنى بۇرىن مەترو قاتىناۋىنا مۇمكىندىك جاراتۋ ءۇشىن، فان يۇڭ كوپتەگەن جۇمىسشى سەرىكتەرى سەكىلدى اۋىلعا قايتىپ جاڭا جىلدى تويلاۋدان باس تارتىپ، قۇرىلىس الاڭىندا قالىپ ۇزدىكسىز شايقاس جۇرگىزۋدى تاڭدادى. ونىڭ جاپا - ماشاقاتىن تۇسىنگەن ايەلى بالاسىن ەرتىپ حىناننىڭ شينياڭىنان بەيجيڭگە كەلىپ قاسىندا بولدى. قۇرىلىس الاڭى نىسان ءبولىمى ولار سياقتى جات جەردە باس قوسىپ جاڭا جىلدى وتكىزەتىن وتباسىلارعا جاڭا كورپە مەن اۋا رەتتەگىشى بار ”ەرلى - زايىپتىلار بولمەسىن“ ارنايى ورنالاستىرىپ بەردى. ”باس قاتىرار ءىسى“ شەشىلگەن سوڭ، فان يۇڭ مەن جۇمىسشى سەرىكتەرى جۇمىس ىستەۋ تەبىندەرى ءتىپتى دە كۇشەيدى.
2 - ايدىڭ 8 - كۇنى جاڭا جىلعا قاراعان ءتۇننىڭ الدىندا، باس شۋجي شي جينپيڭ مەترو 8 - ءنومىرلى جەلىسى نانلوگۋشياڭ بەكەتىنىڭ قۇرىلىس الاڭىنا كەلىپ، جۇمىس ورنىندا تابانداپ تۇرعان ءبىرىنشى شەپتەگى ەڭبەكشىلەرگە امانداسىپ، ولاردان حال سۇرادى.
باس شۋجي شي جينپيڭ فان يۇڭنىڭ قۇرىلىس الاڭىنداعى ۋاقىتتىق باسپاناسىنا كىرىپ، ونىڭ قىزمەت، كىرىس جانە تۇرمىس جاعدايىن ىقىلاسپەن ۇعىستى.
”باس شۋجي وتباسىمىزعا ءبىر كەلۋلەرىڭ وڭاي ەمەس، بەيجيڭنىڭ ساياحات ورىندارىن تاماشالاپ، كوڭىلدى باس قوسىڭدار دەپ تاپسىردى“. سول كەزدەگى كورىنىستى وي ەلەگىنەن وتكىزگەن فان يۇڭ توتەنشە تەبىرەندى.
”شارۋا جۇمىسكەرلەر رەفورما جاساۋ، ەسىك اشۋدان بەرى جارىققا شىققان ءبىر جاڭا تيپتەگى ءىرى ەڭبەكشىلەر قوسىنى، مەملەكەتتى گۇلدەندىرۋدىڭ ماڭىزدى كۇشى، بۇكىل قوعام، ءسوز جوق، شارۋا جۇمىسكەرلەرگە كوڭىل ءبولۋى، شارۋا جۇمىسكەرلەرگە قامقورلىق جاساۋى كەرەك“. ءار رەت باس شۋجيدىڭ وسىناۋ ىقىلاستى سوزدەرىن ويلاعان سايىن، فان يۇڭ تۇلا بويىن كۇش - قۋات كەرنەگەندەي سەزىنەدى. قالا قۇرىلىسى ءۇشىن تەر توگىپ، تاماشا تۇرمىس ءۇشىن قۇلشىنا ۇمتىلۋعا بەكيدى.
2014 - جىلى فان يۇڭ قۇرىلىس الاڭىنىڭ بانجاڭى مىندەتىن ارقالايدى. جاڭا كەلگەن جۇمىسشىلار قىزمەتكە قانىق بولماسا، ول سابىرلىلىقپەن تاربيەلەدى. قازىر نەشە ونداعان ادامى بار قوسىندى باستاپ جۇرگەن فان يۇڭ ىلگەرىندى - كەيىندى بەيجيڭ - شىنياڭ جوعارى جىلدامدىقتى تەمىر جولى، ۋحان مەتروسى، شۇيجوۋ مەتروسى سياقتى نىسان قۇرىلىستارىنا قاتىناستى. تۇس - تۇسقا شاپقىلاۋمەن وتكەن تۇرمىس بارىسىندا كوز اياسى كەڭەيىپ عانا قالماستان، كىرىسى دە 6 جىلدىڭ الدىنداعىدان 2 ەسەلەندى.
نەداۋىر تابىسقا جەتكەن فان يۇڭ ءوزىنىڭ جۇمىس ىستەپ تاپقان اقشاسىمەن اتا مەكەنىندەگى قالاشىقتان 2 قاباتتىق ءبىر ءۇي ساتىپ الدى. قىزىنىڭ وقۋ ناتيجەسى ەجەلدەن جاقسى ءارى اقىلدى. فان يۇڭ تۇرمىسىنىڭ بارعان سايىن جايلى بولا تۇسەتىندىگىنە ابدەن سەنىمدى.
”ءتىلشى ەستەلىگى“
ۇزدىكسىز كۇرەس جاساۋ ارقىلى اناعۇرلىم تۇراقتى قىزمەتكە يە بولىپ، سول ارقىلى تۇرمىس جاعدايىن جاقسارتتى. فان يۇڭ جونىنەن ايتقاندا، بۇل ونىڭ ”ەڭبەگىنىڭ جەمىسىن كورە الۋى“.
2013 - جىلى 3 - ايدىڭ 17 - كۇنى باس شۋجي شي جينپيڭ 12 - كەزەكتى مەملەكەتتىك حالىق قۇرىلتايىنىڭ ءبىرىنشى ماجىلىسىندە بىلاي دەپ باسا دارىپتەدى: ”ۇلى ەڭبەككە قول جەتۋدىڭ سەبەبى ۇلى مۇرات بولعاندىعىنان، ۇلى ىستەردى ورىنداۋدىڭ تەتىگى قاجىرلىلىقپەن تىنباي قىزمەت ىستەۋدەن“. ەلىمىز ءالى دە سوتسياليزمنىڭ العاشقى ساتىسىندا تۇر جانە ۇزاق ۋاقىت تۇرادى، جۇڭگو ارمانىن جۇزەگە اسىرىپ، جالپى حالىقتىڭ اناعۇرلىم تاماشا تۇرمىسىن جاراتۋدا مىندەت اۋىر، جول الىس، ءبىزدىڭ ءارقايسىسىمىزدىڭ ۇزدىكسىز قاجىرلىلىقپەن ەڭبەك ەتۋىمىزدى جانە جاپالى قۇلشىنىس جاساۋىمىزدى قاجەت ەتەدى.
پارتيا مەن ۇكىمەتتىڭ قامقورلىعىندا، شارۋا جۇمىسكەرلەردىڭ كوپ ارنامەن جۇمىستانۋىن جەبەۋ، اۋىل - قىستاقتارداعى ارتىق ەڭبەككۇشتەردى اۋىل شارۋاشىلىعىنا جاتپايتىن كاسىپتەرگە ويىسۋعا جەتەكتەۋ سياقتى ءبىر قىدىرۋ شارالار قاۋىرت شىعارىلىپ، حالىق بۇقاراسىنا اناعۇرلىم كوپ تابىس سەزىمىن الا كەلدى.
پارتيا 18 - قۇرىلتايىنان بەرى، ەلىمىزدىڭ قالا - قالاشىقتارىنداعى جەكەلەر باسقارۋىنا جاتپايتىن ورىنداردا، جەكەلەر باسقارۋىنداعى ورىنداردا جۇمىسقا ورنالاسقانداردىڭ جىلدىق ورتاشا ەڭبەكاقىسى جەكە - جەكە 46 مىڭ 769 يۋان جانە 28 مىڭ 752 يۋاننان 82 مىڭ 461 يۋانعا جانە 49 مىڭ 575 يۋانعا ءوسىپ، سايكەس مەزگىلدەگى اتامالى ارتۋى ءبىر ەسەگە تاياعان؛ 2019 - جىلدىڭ الدىڭعى جارتىسىندا بۇكىل ەلدەگى تۇرعىنداردىڭ جان باسىندىق قولداعى ناق ورتاشا كىرىسى 15 مىڭ 294 يۋانعا جەتىپ، سايكەس مەزگىلدەگى اتامالى ارتۋى ％8.8 بولعان، بۇكىل ەلدەگى تۇرعىنداردىڭ جان باسىندىق ورتاشا ەڭبەكاقى سيپاتتى كىرىسى 8793 يۋانعا جەتىپ، سايكەس مەزگىلدەگى اتامالى ارتۋى ％8.7 بولعان، ەكەۋى دە GDPنىڭ ارتۋ قارقىنىن باسىپ وزعان...
كۇرەس جاساعاندا عانا، تابىسقا جەتۋگە بولادى. فان يۇڭ سەكىلدى 100 ميلليونداعان قالا قۇرىلىسشىلارى وزدەرىنىڭ قوس قولى جانە اششى تەرىمەن تاماشا تۇرمىسقا باستايتىن داڭعىل جولدى اشتى.
”ەكىنشى اڭگىمە“
كاسىپتىك شەبەرلىككە باۋلۋ ارقىلى 8000 ادامنىڭ دارىندى بولۋ ارمانىن ىسكە اسىرۋىنا كومەكتەستى
جوعارى كاسىپتىك شەبەرلىك دارىندىلاردى باۋلۋدىڭ ”باستاماشىسى“، وزەكتى باسەكەلىك قۋاتتى جوعارىلاتۋدىڭ ”جەتەكشىسى“، ءوندىرۋدى، ۇيرەنۋدى، زەرتتەۋدى، پايدالانۋدى ىشكەرىلەي توعىستىرۋدىڭ ”تىرەگى“...
قارا جيەكتى كوزىلدىرىك تاعىپ، ۇستىنە سۇرعىلت قىزمەت كيىمىن كيگەن ۋاڭ چۋانلۇڭدى كورگەندە، ونىڭ قاراپايىم وبرازىن جوعارىداعى القاۋلارمەن بايلانىستىرۋ اسا قيىن.
بيىل 31 جاستاعى ۋاڭ چۋانلۇڭ جۇڭگو (تيانجين) كاسىپتىك شەبەرلىكتىڭ الەۋمەتتىك امالياتتىق جاتتىقتىرۋ ورتالىعى وسى زامانعى جاساۋ تەحنيكاسى وقىتۋ - زەرتتەۋ كەڭسەسىنىڭ مەڭگەرۋشىسى. 6 جىلدىڭ الدىندا ول قاراپايىم عانا ءبىر جاس امالياتتىق جاتتىقتىرۋ وقىتۋشىسى بولاتىن. 6 جىلدا ول باس شۋجي شي جينپيڭنىڭ ىقىلاستى ءتالىمىن ەشقاشان ەستەن شىعارماي، ”ۇستا رۋحىن“ مىزعىماي امالياتتا ايگىلەپ، كاسىپتىك جاقتان ۇزدىكسىز ىسىلدى.
ۋاقىتتى 2013 - جىلدىڭ 5 - ايىنا قايتارساق، امالياتتىق جاتتىقتىرۋ ورتالىعىنداعى وزىق جاساۋ، مانەرلەۋ تەحنيكاسىنا امالياتتىق جاتتىقتىرۋ سەحىندا جوعارى دەڭگەيدەگى سيفرمەن مەڭگەرىلەتىن ستانوك گۇرىلدەپ تۇر، 3 وقۋشى، ءبىر جاعىنان، ۋاڭ چۋانلۇڭنىڭ جۇرگىزۋ ولشەمى جونىندەگى تۇسىندىرمەسىن مۇقيات تىڭداسا، ەندى ءبىر جاعىنان، ءتۇرلى شيكىزاتتاردىڭ كەسىلىپ، ارشىلىپ، نازىك ۇساق بولشەكتەرگە اينالعاندىعىن كوز الماي قاراپ تۇردى.
تيانجيندە قىزمەت تەكسەرىپ جۇرگەن باس شۋجي شي جينپيڭ وسى امالياتتىق جاتتىقتىرۋ ساباقحاناسىنا كەلىپ تەكسەرۋ - زەرتتەۋ جۇرگىزدى. وقىتۋعا بار زەيىن - زەردەسىن سالعان وقىتۋشى - وقۋشىلاردى كورگەن باس شۋجي ولاردىڭ نازارىن بولگەن جوق، قايتا اسا سابىرلىلىقپەن كۇتىپ تۇرىپ، ۋاڭ چۋانلۇڭنىڭ ساباعى اياقتالعاننان كەيىن ونىڭ قاسىنا كەلىپ، كۇلىمسىرەي وقىتۋشى - وقۋشىلارمەن قول الىسىپ، پىكىر اۋىستىردى.
”ول مەنىڭ باس شۋجي شي جينپيڭدى تۇڭعىش كورۋىم ەدى، ناتيجەدە باس شۋجيدى سونشا ۇزاق ۋاقىت كۇتتىرىپ قويىپپىن، تەبىرەنىپ تە، ساسقالاقتاپ تا قالدىم“. سول كۇنگى كورىنىس ۋاڭ چۋانلۇڭنىڭ ەسىندە باياعىداي ساقتالىپتى.
_ ستانوكتىڭ مانەرلەۋ يقۋاتىنان تارتىپ وقىتۋ ادىسىنە، ودان وقۋشىلاردىڭ جۇمىستانۋ جاعدايىنا دەيىن، باس شۋجي شي جينپيڭنىڭ ەگجەي - تەگجەيلى ۇعىسقانى ۋاڭ چۋانلۇڭدى ايرىقشا شابىتتاندىردى. ”باس شۋجي سونشا قاربالاس بولعانىمەن، انىق - قانىعىن بىلەيىن دەپ سۇراق قويعاندىعى ماعان ول كىسىنىڭ كاسىپتىك شەبەرلىك دارىندىلارىنا بارىنشا ءمان بەرەتىندىگىن سەزىندىردى“، - دەدى ۋاڭ چۋانلۇڭ ەسكە الىپ.
سوڭىنان وتكەن اڭگىمە ماجىلىستە باس شۋجي شي جينپيڭ بىلاي دەپ اتاپ كورسەتتى: جوعارى مەكتەپ تاۋىسقان وقۋشىلاردى ءتۇيىن ەتكەن جاستاردى جۇمىستاندىرۋ قىزمەتىن شىن مانىندە ويداعىداي ىستەپ، قالا - قالاشىقتاعى قيىنشىلىعى بار ادامداردى، قوسىننان شەگىنگەن اسكەريلەردى، اۋىل - قىستاقتان ويىسقان ەڭبەككۇشتەردى جۇمىستاندىرۋ قىزمەتىن كۇشەيتىپ، كاسىپتىك شەبەرلىككە باۋلۋدى ويداعىداي ىستەپ، جۇمىستاندىرۋعا قىزمەت وتەۋ جۇيەسىن كەمەلدەندىرىپ، قۇرىلىمدىق سيپاتتى جۇمىسسىزدىق ماسەلەسىن باسەڭدەتۋ كەرەك.
”ءومىر جولىنىڭ ءار قادامىن ورنىقتى، تياناقتى باسىپ، قاراپايىم قىزمەت ورنىندا كەرەمەت ناتيجەلەردى جاراتۋعا شەبەر بولۋ كەرەك“. باس شۋجيدىڭ ءسوزى ءارى شەبەرلىك دارىندىلاردىڭ دامۋىنا كوڭىل بولگەن ماڭىزدى تاپسىرماسى ءارى ۋاڭ چۋانلۇڭدى العا باسۋعا ۇزدىكسىز قامشىلايتىن قوزعاۋشى كۇشتىڭ قاينار كوزى ەدى.
تاياۋ جىلداردان بەرى، ول باۋلىعان 8000نان استام مەكتەپ وقۋشىلارى، وقىتۋشىلار، كاسىپورىن جۇمىسشى - قىزمەتشىلەرى بۇكىل ەلدىڭ جەر - جەرىنە بارىپ، ۇقساماعان سالالار مەن قىزمەت ورىندارىندا ۇلەس قوسۋدا. 3 وقۋشىسى تاعى ”مەملەكەتتىك تەحنيكا شەبەرى“ داڭقتى اتاعىنا يە بولدى. بۇكىل ەلدە ۋاڭ چۋانلۇڭ سەكىلدى كاسىپتىك شەبەرلىككە باۋلۋ وقىتۋشىلارى امالياتتىق جاتتىقتىرۋ وقىتۋىندا جاڭالىق اشۋدى تەزدەتىپ، شەبەرلىك دارىندىلاردى باۋلۋدى كەڭ كولەمدە ورىستەتۋگە نەگىز قالاۋدا.
”بولاشاقتا مەن باس شۋجي شي جينپيڭنىڭ تاپسىرماسىن، ءسوز جوق، اقتاپ، ءتىپتى دە كوپ ادامنىڭ باۋلۋ ارقىلى تەحنيكا يگەرىپ، ءتىپتى دە كەڭ ورىستە شارىقتاپ، وزىنە ءتان ءومىر مانىنە جەتۋىنە مۇمكىندىك جاسايمىن“ دەگەندى ايتقاندا، ۋاڭ چۋانلۇڭ رۋحتانىپ، جانارى نۇرلانىپ كەتتى.
”ءتىلشى ەستەلىگى“
بەينەتكە بەلى قايىسپايتىن جىگەر ارقىلى ءوزىنىڭ شەبەرلىگىن ۇزدىكسىز ءوسىرىپ، قوعامعا جارامدى دارىندىلاردى ۇزدىكسىز باۋلىپ، قاجىماي كۇرەس جاساۋ ارقىلى تابىس سەزىمىنە، باقىت سەزىمىنە يە بولدى. ۋاڭ چۋانلۇڭ جونىنەن العاندا، بۇل ونىڭ ”ەڭبەگىنىڭ جەمىسىن كورە الۋى“.
”بارلىعىمىز قۇلشىنا العا ۇمتىلۋدامىز، بارلىعىمىز ارمانعا قۇلاش سەرمەۋشىلەرمىز“. 2019 - جىلعى جاڭا جىلدى قۇتتىقتاۋ سوزىندە باس شۋجي شي جينپيڭ باقىت جانە ارمان ءۇشىن بار كۇشىن سارقا جۇمساعان كۇرەسكەرلەرگە ىستىق ىقىلاسپەن ماداق ايتتى، سەنىمى جانە ناقتى كۇشىنە سۇيەنىپ باتىلدىقپەن جاڭا جورىققا اتتانعان ارمانعا قۇلاش سەرمەۋشىلەرگە كوكىرەك تولى سەنىممەن تىلەك ءبىلدىردى.
«مەملەكەتتىك كاسىپتىك وقۋ - اعارتۋ رەفورماسىن اتقارۋ جوباسىن» العا قويۋ، 100 ميلليارد يۋاندىق جۇمىسسىزدىق قامسىزداندىرۋ قورى قالدىعىنان پايدالانىپ كاسىپتىك شەبەرلىكتى ءوسىرۋ ارەكەتىن اتقارۋ، جوعارى دارەجەلى كاسىپتىك مەكتەپتەر ارقىلى ءبىر ميلليون ادامدى كوبەيتىپ قابىلداۋدى اتقارۋ جوباسى... پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى كاسىپتىك وقۋ - اعارتۋعا وسكەلەڭ ءمان بەرىپ، قالىڭ ەڭبەكشىلەردىڭ كۇرەس جاساۋ ارقىلى تاماشا تۇرمىس جاراتۋىنا كۇش ۇستەدى.
ءبىر نيەتپەن كۇش بىرىكتىرىپ، ارمان قۋالاپ العا باستى. كاسىپتىك شەبەرلىككە باۋلۋمەن ءومىر بويى تابانداپ ىستەي بەرۋدى ويلاعان ۋاڭ چۋانلۇڭنىڭ ”شاكىرتتەرى سان سالادا جۇرسە“دە، ول ءتىپتى دە كوپ وقۋشىعا جارىق پەن جىلۋ سيلاۋدى ءۇمىت ەتتى.
”ءۇشىنشى اڭگىمە“
ەڭبەك ارماندى جۇزەگە اسىردى، ”ءىرى ەل ۇستاسى“ اۋەلگى ماقساتىن وزگەرتپەدى
7 - ايدىڭ سوڭى كۇن شىجىپ تۇر. شۇيگۇڭ توبى شۇيجوۋ اۋىر تۇرپاتتى ماشينا شەكتى سەرىكتەستىگىنىڭ 7200 شارشى مەتردەن استام ءىرى توننالىق دانەكەرلەۋ سەحىندا 37 جاستاعى جاڭ حۋايحۇڭ دانەكەرلەۋدەن قورعايتىن قالىڭ كيىمدى كيىپ، قولىنا دانەكەرلەۋىشتى ۇستاپ تۇر، بۇرشاقتاي تەر مونشاقتارى ءالسىن - ءالى بەتىنەن دومالايدى. الايدا ول باستان - اياق ەڭكەيىپ تۇرىپ، بار زەيىنىمەن دانەكەرلەۋ جۇمىسىن جۇرگىزۋدە، ونىڭ الدىندا تۇرعانى ەلىمىزدىڭ دەربەس تاپقىرلاپ جاساعان دۇنيە جۇزىندەگى سالماعى ەڭ اۋىر، بۇكىلدەي جەر بەتىندىك كوتەرگىش كران − شۇيگۇڭ 1600 توننالىق 9 ترەمەلى كراننىڭ كوتەرگىش بىلەگى ەدى.
1999 - جىلى شۇيگۇڭ توبىنا كەلىپ پراكتيكا جاساعاننان ەرەن ونەرگە يە دانەكەرلەۋ جوعارى دارەجەلى تەحنيگى بولۋعا دەيىن، جاڭ حۋايحۇڭ ەلەكترمەن دانەكەرلەۋ قىزمەت ورنىندا تاپجىلماي 20 جىل ىستەدى. قىزمەتى ”جاپالى، لاس، قالجىراتاتىن“ بولسا دا، باس شۋجي شي جينپيڭنىڭ تۇراقتاندىرۋىنا يە بولىپ، جۇڭگو ارمانىن جۇزەگە اسىرۋ ءۇشىن ءوزىنىڭ جاستىق شاعى مەن ماڭداي تەرىن ارناعان جاڭ حۋايحۇڭ قانشا جاپا تارتسا دا، قانشا لاس بولسا دا، قانشا شارشاسا دا، ەشقاشان كەيىپ كورمەدى.
2017 - جىلى 12 - ايدىڭ 12 - كۇنى قىسقى كۇنگى سۋبەيدىڭ قاقاعان ايازى شۇيگۇڭ توبىنداعى جۇمىسشى - قىزمەتكەرلەردىڭ قىزۋ ىنتاسىن باسا المادى. پارتيا 19 - قۇرىلتايىنان كەيىن، باس شۋجي شي جينپيڭ تۇڭعىش رەت نەگىزگى ساتىعا بارىپ تەكسەرۋ جۇرگىزىپ، جياڭسۋدىڭ شۇيجوۋىنا كەلىپ، تەكسەرۋ - زەرتتەۋ جۇرگىزەتىن 1 - بەكەتىندە شۇيگۇڭ توبىنا ىشكەرىلەي باردى.
جاڭ حۋايحۇڭ باس شۋجي شي جينپيڭنىڭ تاپسىرماسىن ەشقاشان ەسىنەن شىعارعان جوق: كاسىپورىنداعى قالىڭ جۇمىسشى - قىزمەتكەرلەر جاڭا داۋىردەگى جۇمىسشى تابىنىڭ ماقتانىش سەزىمى مەن بورىش سەزىمىن كۇشەيتىپ، قىزمەت ورنىن ءسۇيىپ، كاسىبىن قادىرلەپ، ايانباي ۇلەس قوسىپ، ەڭبەك وزاتى رۋحى مەن ۇستا رۋحىن بارىنشا ساۋلەلەندىرۋى، جۇڭگو ارمانىن ورىنداۋ كۇرەسى بارىسىندا بارلىق ادام ايتۋلى بولۋى كەرەك.”باس شۋجي بىزگە ساباق ءوتتى: كاسىپورىننىڭ دامۋى ءۇشىن، قىزمەتكەرلەردىڭ ەڭ نەگىزگى ءىسى ءوز قىزمەتىنە توسەلە ءتۇسۋى كەرەك“، - دەدى جاڭ حۋايحۇڭ.
دانەكەرلەۋ بارىسىندا ”وپەراتسيا جاساۋ“داي توتەنشە دالدىككە جەتۋ ءۇشىن، جاڭ حۋايحۇڭ ءار كۇنى قىزمەت ورنىنا ەڭ الدىمەن بارىپ، تەگىس دانەكەرلەۋدى، تىكتەپ دانەكەرلەۋدى، كولدەنەڭ دانەكەرلەۋدى، شالقايىپ جاتىپ دانەكەرلەۋدى ءبىر - بىرلەپ ماشىقتاندى؛ تۇرۋ، شالقايۋ، جۇرەلەۋ، ەكپەتتەۋ سىندى ءاربىر ارەكەتتى ءوز قالپىندا ىستەدى. دانەكەرلەۋ بارىسىنداعى ورنىقتىلىقتى مۇمكىندىكتىڭ بارىنشا كۇشەيتۋ ءۇشىن، ول بىلەگىنە قۇم دوربا بايلاۋ، كەرپىش كوتەرۋ ارقىلى بىلەگىنىڭ سالماق كوتەرۋ قۋاتىن ارتتىردى.
قاجىماي - تالماي كۇرەسۋ جانە ۇڭىلە زەرتتەۋدىڭ ارقاسىندا، باسقالاردان اسىپ تۇسەتىن تەحنيكالىق قابىلەتكە يە بولدى: 2016 - جىلى 3 - كەزەكتى جياڭسۋ تەحنيكالىق ساڭلاقتار باسەكەسىندە جاڭ حۋايحۇڭ ”وزىنە ءتان ەرەن ونەرى“مەن باس جۇلدەنى جەڭىپ الدى؛ شۇيگۇڭ 1600 توننالىق 9 ترەمەلى كراندى دانەكەرلەۋدە جاڭ حۋايحۇڭنىڭ جاڭالىق اشقان ونەرى دانەكەرلەۋ ۋاقىتىن جارتىسىنا دەيىن قىسقارتتى؛ ول قورىتىپ شىققان بىتىراندى دانەكەرلەۋ جاڭا ونەرى كوتەرگىش بىلەك استىنداعى ءيىلۋ مولشەرىن 2 دە 3 ميلليمەتر اينالاسىندا مەڭگەردى...
كوپتەگەن تابىستار مەن داڭقتارعا يە بولعانىمەن، جاڭ حۋايحۇڭنىڭ مىنەز - قۇلقى ءتىپتى بايىپتى بولا ءتۇستى: ”مەن قاراپايىم جۇمىسشىمىن، بىردەن - ءبىر تاباندى بولاتىن ءىسىم ءار كۇنگى قىزمەتىمدى تاباندىلىقپەن جاقسى ىستەپ، مەملەكەت پەن قوعام ءۇشىن ءتىپتى دە كوپ ۇلەس قوسۋ. مەن ءۇشىن وسىنىڭ ءوزى تابىس سەزىمى سانالادى“.
”ءتىلشى ەستەلىگى“
كاسىپتىك قيىن ماسەلەلەردى ۇڭىلە زەرتتەپ، ودان قامال الىپ، كاسىپورىننىڭ العا باسۋى مەن مەملەكەتتىڭ دامۋىن ىلگەرىلەتىپ، جەكەنىڭ قۇنىن ءداۋىردىڭ سوققان تامىرىنا ءسىڭىردى. جاڭ حۋايحۇڭ جونىنەن بۇل ونىڭ ”ەڭبەگىنىڭ جەمىسىن كورە الۋى“.
”جاپپاي دوڭگەلەك داۋلەتتى قوعام ورناتۋدا، ودان ارى باي، قۇدىرەتتى، دەموكراتيالى، وركەنيەتتى، جاراسىمدى سوتسياليستىك وسىزاماندانعان ەل قۇرىپ شىعۋدا، تۇبىرىنەن الىپ ايتقاندا، ەڭبەككە، ەڭبەكشىلەردىڭ جاسامپازدىعىنا سۇيەنەمىز“. باس شۋجي شي جينپيڭنىڭ ەكپىندى سوزدەرى ءار سالا، ءار كاسىپتەگى ەڭبەكشىلەردىڭ جاڭا داۋىردە ەكپىندەي العا ىلگەرىلەۋ، ايانباي كۇرەسۋ قىزعىندىلىعىن مازداتىپ، بۇكىل حالىقتى جۇڭگو ارمانىن جۇزەگە اسىرۋداي تاماشا بولاشاققا ۇزبەي العا باسۋعا شابىتتاندىرۋدا.
«جاڭا مەزگىلدەگى كاسىپ سالاسى جۇمىسشى قوسىنى قۇرىلىسىنا رەفورما جاساۋ جوباسىن» قاراپ ماقۇلدادى، «جاراسىمدى ەڭبەك قارىم - قاتىناسىن ورناتۋ جونىندەگى پىكىر»دى بەلگىلەدى... ءبىر سىپىرا شارا شوعىرلى تۇردە العا قويىلىپ، ەڭبەگىنىڭ جەمىسىن كورە الۋدى ورىنداۋعا، جاراسىمدى ەڭبەك قارىم - قاتىناسىن ورناتۋعا پارمەندى كەپىلدىك ازىرلەدى.
ءبىر ەلدىڭ حيكىمەت تابىستارى ۇنەمى ماردىمسىز جاي ىستەردەن قۇرالادى؛ ءبىر ەلدىڭ گۇلدەنىپ قۇدىرەتتەنۋى حالىقتىڭ ۋاقىتپەن جارىسا ۇمتىلۋداي كۇرەسۋىمەن ورىندالادى. ەڭبەك پەن كۇرەس بولعاندىقتان عانا، بۇگىنگىدەي تابىستارعا قول جەتكىزدىك؛ تاعى دا ەڭبەك پەن كۇرەسكە سۇيەنىپ، ءسوز جوق، اناعۇرلىم شۇعىلالى بولاشاق جاراتا الامىز!
(تىلشىلەر يە حاۋميڭ، فان شي، ۋاڭ حۇي، سۇڭ رۇي، چىن گاڭ) (شينحۋا اگەنتتىگىنىڭ 8 - ايدىڭ 8 - كۇنى بەيجيڭنەن بەرگەن حابارى)
