ءتىلشى جاۋ چۇنحۋا 8 - ايدىڭ 9 - كۇنى ۇرىمجىدەن حابارلايدى. 8 - ايدىڭ 1 - كۇنى ساعات 12 دە شينجياڭ فۋكى مۇناي ونىمدەرى جارنا شەكتى سەرىكتەستىگى جۇمسارتقىش ماتەريالدار تەحنيكاسىن زەرتتەۋ - اشۋ ورتالىعىنىڭ تاجىريبەحاناسىندا قىزمەتكەرلەر گرافيت ولەفيننىڭ جۇمسارتقىش ماي جاعىنداعى پايدالانىلۋىنا قاتىستى تاجىريبەمەن قاربالاس اينالىسۋدا. مۇناي ونىمدەرىنە سۇيەنىپ جۇمسارتقىش ماي مانەرلەۋمەن اينالىساتىن وسى شاعىن زاۆود تىنباي عىلىم - تەحنيكالىق جاڭالىق اشۋ ارقىلى بۇگىنگى كۇنى مەملەكەتتىك 55 پاتەنتى بار، ەل ىشىندە جاراقسىز مايدى قايتا كادەگە جاراتۋ تەحنيكاسى سالاسىنداعى بوستىقتىڭ ورنىن تولتىرعان جوعارى جاڭا تەحنيكا كاسىپورنىنا اينالدى.
فۋكى مۇناي ونىمدەرى كاسىپورنىنىڭ دامۋ بارىسى − ءۇرىمجىنىڭ قامداۋ جاعىنداعى قۇرىلىمدىق رەفورمانى تەرەڭدەتۋىنىڭ، ستراتەگيالىق سيپاتتى جاڭادان گۇلدەنگەن كاسىپتەردى زور كۇشپەن دامىتۋىنىڭ ىقشام كورىنىسى. ءۇرىمجى قالالىق ونەركاسىپ جانە ينفورماتسيالاندىرۋ مەكەمەسى (قالالىق ۇلكەن ساندى مالىمەتتەردى دامىتۋ مەكەمەسى) بەرگەن ساندى مالىمەتتەردە كورسەتۋىنشە: بيىل الدىڭعى جارتى جىلدا ءۇرىمجى ونەركاسىپكە قوسىلعان قارجى نىسانىنان 414ىن تياناقتاندىرعان، مۇندا ستراتەگيالىق سيپاتتى جاڭادان گۇلدەنگەن كاسىپ نىسانى 114، جوسپارداعى جالپى قوسىلاتىن قارجى 144 ميلليارد 280 ميلليون يۋان بولىپ، 414 ءتۇيىندى نىسانعا قوسىلاتىن جوسپارداعى جالپى قارجىنىڭ ％66ىن ۇستاعان. وزىق جابدىق جاساۋ، زەردەلى تەرمينال، زەردەلى حاۋىپسىزدىك، جاڭا ەنەرگيا، جاڭا ماتەريال سياقتى ستراتەگيالىق سيپاتتى جاڭادان گۇلدەنگەن كاسىپتەر جەتىلۋى بارىسىندا الەۋەتتەنىپ، ءۇرىمجىنىڭ ەكونوميكاسىنىڭ جوعارى ساپالى دامۋىن جەبەيتىن جاڭا قوزعاۋشى قۋاتقا اينالدى.
جۇڭچى رەليس قاتىناسى، گۋاڭجوۋ اۆتوموبيل توبى ءمىنىس اۆتوكولىگى (جاڭا ەنەرگيا اۆتوكولىگىن قامتيدى)، جولاڭ توقىماشىلىق ماشيناسى... ۇرىمجىدە قارىشتاپ دامىعان ستراتەگيالىق سيپاتتى جاڭادان گۇلدەنگەن كاسىپتەر ساپا وزگەرىسىن، ونىمدىلىك وزگەرىسىن جانە قوزعاۋشى كۇش وزگەرىسىن تۋدىرۋدا. 2018 - جىلى ستراتەگيالىق سيپاتتى جاڭادان گۇلدەنگەن كاسىپتەردىڭ ارتقان قۇنى 8 ميلليارد 426 ميلليون يۋان بولدى.
ال 10 نەشە جىلدىڭ الدىندا، ۇرىمجىدە جوعارى ۇستەمە قۇنعا يە، جاسىل، تومەن كومىرتەكتى، حالىقارالىق باسەكەلىك قۋاتقا يە كاسىپتەردىڭ سالىستىرماسى تومەن، دامۋ تەبىنى جەتەرسىز بولاتىن. ەكونوميكالىق دامۋ جاڭا كۇيگە وتكەننەن كەيىن، دامۋ فورماسىنا بۇرىلىس جاساۋ، ەكونوميكالىق قۇرىلىمىن ساپالىلاندىرۋ، ارتۋ قوزعاۋشى كۇشىن وزگەرتۋ ءۇرىمجى قالالىق پارتكوم مەن ۇكىمەتتىڭ الدىنا قويىلعان كوكەي تەستى تاقىرىپقا اينالىپ، ءۇرىمجى باستان - اياق قامداۋ جاعىنداعى قۇرىلىمدىق رەفورمانى نەگىزگى جەلى ەتۋدەن جازباي، ستراتەگيالىق سيپاتتى جاڭادان گۇلدەنگەن كاسىپتەردى كۇش سالا دامىتىپ، «ءۇرىمجى قالاسىنىڭ ونەركاسىپ شارۋاشىلىعىن گۇلدەندىرۋ جونىندەگى 17 ءتۇرلى ساياساتتىق شاراسىن»، «ءۇرىمجى قالاسىنىڭ ونەركاسىپتىڭ تيبىن وزگەرتىپ، دارەجەسىن جوعارىلاتۋىن ىلگەرىلەتۋ اياق الىسىن جەدەلدەتۋ جونىندەگى اتقارۋ جوباسىن (2018 − 2020 جىل)» ارت - ارتىنان شىعارىپ، جاۋاپكەرشىلىكتى تياناقتاندىرۋ، بارىستى باسقارۋ، مەڭگەرۋ، ماڭىزدى فاكتورعا كەپىلدىك ەتۋ سياقتى جاقتاردا ستراتەگيالىق سيپاتتى جاڭادان گۇلدەنگەن كاسىپتەردىڭ دامۋىن كۇش سالا قولدادى. سونىمەن قاتار، ساۋداگەر شاقىرىپ، قارجى ەنگىزۋدى ساۋداگەر شاقىرىپ، قارجى تاڭداۋعا وزگەرتىپ، جاپپاي تور جايۋدى كاسىپكە قاراي ساۋداگەر شاقىرۋعا وزگەرتىپ، وزىق جابدىق جاساۋ كاسىبىن، جاڭا ەنەرگيانى، جاڭا ماتەريال كاسىبىن ءتۇيىن ەتىپ، جاڭالىق اشىپ، تاپقىرلىق جاراتاتىن شاعىن، ۇساق كاسىپورىن باقشاسى، جابدىق جاسايتىن كەمەلدى كاسىپ باقشاسى سياقتى 14 ونەركاسىپ كاسىپ شوعىرى رايونى قۇرىلىسىن بەلسەنە ىلگەرىلەتۋ ارقىلى دامۋ ساپاسىنىڭ جوعارى بولماۋى، ناقتى ەكونوميكانىڭ، اسىرەسە، جوعارى جاڭا تەحنيكا كاسىبىنىڭ تىرەكتى رولىنىڭ كورنەكتى بولماۋى سىندى قيىن جاعدايدى تالقاندادى.
ءۇرىمجى قالالىق ونەركاسىپ جانە ينفورماتسيالاندىرۋ مەكەمەسىنىڭ (قالالىق ۇلكەن ساندى مالىمەتتەردى دامىتۋ مەكەمەسى) ورىنباسار باستىعى لي نيڭ مىنالاردى ءبىلدىردى: ”بيىل ءبىز ساياسات جاقتان ۇزدىكسىز جەتەكتەپ، ستراتەگيالىق سيپاتتى جاڭادان گۇلدەنگەن كاسىپتەردىڭ دامۋىنا دەم بەرەمىز؛ سونىمەن قاتار، ستراتەگيالىق سيپاتتى جاڭادان گۇلدەنگەن كاسىپتەرگە قارجى قوسۋ قورىن قۇرىپ، وزىق جابدىق جاساۋ، جاڭا ەنەرگيا، جاڭا ماتەريال سياقتى سالاداعى باسىمدىققا يە كاسىپورىنداردىڭ الەۋەتتەنۋىن ءتۇيىندى تۇردە قولدايمىز“.
