تيانشان تورى   ›   جاڭالىقتار   ›   شينجياڭ حابارلارى

تەكسەرۋ - زەرتتەۋ جەتىستىكتەرىن شينجياڭنىڭ ورنىقتىلىعىن، دامۋىن ىلگەرىلەتۋدىڭ جاندى امالياتىنا شىن مانىندە اينالدىرايىق

  اۆتونوميالى رايوندىق حالىق ۇكىمەتى پارتيا باسشىلىق گرۋپپاسى نەگىزگى تاقىرىپتىق تاربيەسىنىڭ تەكسەرۋ - زەرتتەۋ جەتىستىكتەرى جونىندە اۋىس - كۇيىس جاساۋ ءماجىلىسىن اشتى

    تەكسەرۋ - زەرتتەۋ جەتىستىكتەرىن شينجياڭنىڭ ورنىقتىلىعىن، دامۋىن ىلگەرىلەتۋدىڭ جاندى امالياتىنا شىن مانىندە اينالدىرايىق

  ءتىلشى يۋان لەي 8 - ايدىڭ 9 - كۇنى ۇرىمجىدەن حابارلايدى. 8 - ايدىڭ 9 - كۇنى اۆتونوميالى رايوندىق حالىق ۇكىمەتى پارتيا باسشىلىق گرۋپپاسى ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنىڭ تەكسەرۋ - زەرتتەۋ جەتىستىكتەرى جونىندە اۋىس - كۇيىس جاساۋ ءماجىلىسىن اشتى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءماجىلىستى باسقاردى ءارى قورىتىندى ءسوز سويلەدى.

  ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى ورىستەتىلگەننەن بەرى، اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ مۇشەلەرى اۆتونوميالى رايوندىق پارتكومنىڭ ورنالاستىرۋى بويىنشا، نازاردى اۆتونوميالى رايون سارالاپ شىققان تەكسەرۋ - زەرتتەۋ تۇيىندەرىنە شوعىرلاندىرىپ، وزدەرى جاۋاپتى بولىپ باسقاراتىن سالالارمەن بىرلەستىرىپ، نەگىزگى ساتىنىڭ ءبىرىنشى شەبىنە ىشكەرىلەي بارىپ، نەگىزگى ساتىداعى پارتيا مۇشەلەرىمەن، كادرلارمەن، بۇقارامەن بەتپە - بەت اڭگىمەلەسىپ، كەڭ كولەمدى پىكىر - ۇسىنىس تىڭداپ، ءبىر جاعىنان تەكسەرۋ - زەرتتەۋ جۇرگىزىپ، ءبىر جاعىنان ۇيرەنىپ، ءبىر جاعىنان قاداعالاپ، قيىن ماسەلەلەردى شەشۋدى كۇش سالا اقىلداسىپ، نەگىزگى تاقىرىپتىق تاربيەنىڭ تىڭعىلىقتى ىشكەرىلەي ورىستەتىلۋىن ىلگەرىلەتتى.

  ماجىلىستە اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ مۇشەلەرى ماسەلەنى باعدار ەتۋگە تاباندى بولىپ، وزدەرىنىڭ تەكسەرۋ - زەرتتەۋ نەگىزگى تاقىرىپتارىن ارقاۋ ەتىپ، تەكسەرۋ - زەرتتەۋ جەتىستىكتەرى جونىندە اۋىس - كۇيىس جاساپ، ماسەلەلەردى تەكسەرىپ انىقتاپ، سەبەبىنە تالداۋ جاساپ، باعىتتامالى شەشۋ شارالارىن العا قويدى. كوپشىلىك مىنالاردى ءبىلدىردى: ىشكەرىلەي تەكسەرۋ - زەرتتەۋ جۇرگىزۋ ارقىلى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇعىنۋدى اناعۇرلىم تەرەڭدەتتىك، جاڭا داۋىردەگى پارتيانىڭ شينجياڭدى جونگە سالۋ جالپى جوباسى، اسىرەسە، قوعام ورنىقتىلىعى مەن باياندى تىنىشتىق باس نىساناسى جونىندەگى جان - جاقتى، جۇيەلى تۇسىنىكتى تەرەڭدەتتىك، ءار ۇلت بۇقاراسىنا دەگەن شىنايى سۇيىسپەنشىلىكتى كۇشەيتتىك، باس نىسانانى جۇزەگە اسىرۋدىڭ سەنىمىن، بەكىمىن نىعايتتىق. تەكسەرۋ - زەرتتەۋ جەتىستىكتەرىن ماسەلەلەردى شەشۋدىڭ ناقتى شاراسىنا شىن مانىندە اينالدىرىپ، ۇكىمەت جۇيەسىنىڭ ءتۇرلى قىزمەتتەرىنىڭ تىڭعىلىقتى ورىستەتىلۋىن ىلگەرىلەتەمىز.

  شوكىرات زاكىر قورىتىندى ءسوز سويلەگەندە بىلاي دەپ اتاپ كورسەتتى: وسى رەتكى اۋىس - كۇيىس جاساۋ ءماجىلىسىن وراي ەتىپ، ءوزارا ۇيرەنىپ، ءوزارا ۇلگى الىپ، ءوزارا وي سالىپ، ماسەلەنى باعدار ەتۋدى كورنەكتىلەندىرىپ، ۇلگىگە، ولشەمگە سانالى تۇردە تۋرالانىپ، تەكسەرۋ - زەرتتەۋدى ماسەلەلەردى قاداعالاۋمەن، رەتتەۋ - تۇزەتۋدى ويداعىداي يگەرۋمەن بىرلەستىرۋگە تاباندى بولىپ، بايقالعان ماسەلەلەردەن تايساقتاماي، جاسىرىپ - جاپپاي، بويدى اۋلاققا سالماي، تەكسەرۋ - زەرتتەۋ جۇرگىزە ءجۇرىپ رەتتەپ - تۇزەتىپ، كادرلار مەن بۇقارانىڭ ناتيجەنى تەز ارادا كورە الۋىنا مۇمكىندىك جاساۋىمىز كەرەك.

  شوكىرات زاكىر بىلاي دەپ باسا دارىپتەدى: شىنايى تۇردە ”ءتورت تانىم“دى مىقتاپ ورناتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، قوعام ورنىقتىلىعى قىزمەتىن ءۇرتىس ويداعىداي يگەرىپ، قوعامدىق كەلەلى جاعدايدىڭ ۇزدىكسىز جاراسىمدى، ورنىقتى بولۋىن جۇزەگە اسىرۋ؛ جوعارى ساپالى دامۋ قىزمەتىن ءۇرتىس ويداعىداي يگەرىپ، ەكونوميكانىڭ ورنىقتى، اقاۋسىز دامۋىنا شىنايى كەپىلدىك ەتۋ؛ حالىق تۇرمىسىن قامتاماسىز ەتۋ جانە جاقسارتۋ قىزمەتىن ءۇرتىس ويداعىداي يگەرىپ، بۇقارا ەڭ كوڭىل ءبولىپ وتىرعان، ەڭ تىكە، ەڭ رەال مۇددە ماسەلەلەرىن كۇش سالا ويداعىداي شەشۋ؛ ۇلتتار ىنتىماعى قىزمەتىن ءۇرتىس ويداعىداي يگەرىپ، ءار ۇلت بۇقاراسىنىڭ وتانىمىزدىڭ شەكاراسىن بىرگە قورعاۋىن، تاماشا تۇرمىس جاراتۋىن ىلگەرىلەتۋ؛ ءدىن جاراسىمدىلىعىن جەبەۋ قىزمەتىن ءۇرتىس ويداعىداي يگەرىپ، قالىڭ دىنگە سەنەتىن بۇقارانى دۇرىس سەنىم ورناتۋعا، ۇشقارىلىقتى تەجەۋگە ىنتىماقتاستىرۋ، جەتەكتەۋ؛ پارتيا قۇرىلىسى قىزمەتىن ءۇرتىس ويداعىداي يگەرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋگە، تياناقتاندىرۋعا پارمەندى كەپىلدىك ازىرلەپ، تەكسەرۋ - زەرتتەۋ ناتيجەسىن قىزمەتتى جەبەۋدىڭ ناقتى شاراسىنا، ماسەلەلەردى شەشۋدىڭ ءىس جۇزىندىك ارەكەتىنە، شينجياڭنىڭ ورنىقتىلىعىن، دامۋىن ىلگەرىلەتۋدىڭ جاندى امالياتىنا شىن مانىندە اينالدىرۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.