تيانشان تورى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

ۇلتتار ىنتىماعى گۇلىن قاشاندا شەشەك اتتىرىپ، قۇلپىرتا تۇسەيىك

اي ۋ

  ءبىر ءۇيلى جان ۇلتتار ىنتىماعىن مۇرات تۇتىپ، پارتيانى ءسۇيۋ، وتاندى ءسۇيۋ بارىسىندا تاماشا وتباسى سالتىن جالعاستىردى؛ ءار ۇلت بۇقاراسىنا ناقتى اڭگىمە بايانداپ بەرىپ، پارتيانىڭ مەيىرىن جەتكىزدى، ”تيانشاننىڭ تۇستىگى مەن تەرىستىگىنە ۇلتتار ىنتىماعىنىڭ تۇقىمىن سەپتى“؛ سونىمەن بىرگە ”قۇربان تۇلىم وتانعا العىس ايتۋ وتباسىلىق الەۋمەتتىك يگىلىك قورىن“ قۇردى، كومەك كورسەتىلگەن ءار ۇلت بۇقاراسى مەن جاستار، ورەندەر جيىنى 3600 ادامنان استى... نەشە ونداعان جىلدان بەرى، قۇربان اتاي وتباسىنداعىلار باستان - اياق ”پارتيانى قىزۋ ءسۇيۋدىڭ، وتاندى قىزۋ ءسۇيۋدىڭ، جۇڭحۋا ۇلتى ۇلى شاڭىراعىن قىزۋ ءسۇيۋدىڭ ۇلگىسى بولۋ“عا تاباندى بولىپ، ءىس جۇزىندىك ارەكەتتەرى ارقىلى ۇلتتار ىنتىماعى بەرەكەلى شاڭىراعىنىڭ ونەگەسىنە اينالدى.

  كەمەنىڭ كۇشى جەلكەنىندە، ادامنىڭ كۇشى جۇرەگىندە. جۇرەك پەن جۇرەك ءتىل تابىسىپ، جۇرەك پەن جۇرەك سىر بولىسكەندە، ۇلتتار ىنتىماعىندا ”جۇرەك نەگىزى“ بولادى؛ ەتەنە بولىپ، ءوزارا قارايلاسقاندا ۇلتتار ىنتىماعىندا ”ارەكەت كۇشى“ بولادى. باس شۋجي شي جينپيڭ: ”ۇلتتار ىنتىماعى − ءار ۇلت حالقىنىڭ جانى“، ”ۇلتتار ىنتىماعى − دامۋدىڭ، العا باسۋدىڭ ىرگە تاسى“ دەپ تالاي رەت باسا دارىپتەگەن ەدى. پامير ۇستىرتىنەن جوڭعار ويپاتىنا دەيىن، التاي تاۋى باۋرايىنان تارىم وزەنىنىڭ جاعالاۋىنا دەيىن، ءدال پارتيانىڭ ۇلت ساياساتىنىڭ دۇرىس جەتەكشىلىگىندە، ۇلتتىق وڭىرلىك اۆتونوميا ءتۇزىمى تياناقتاندىرىلىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشكەن كوركەم كارتينا شينجياڭنىڭ دارقان دالاسىنا جايىلدى. اماليات ءار ۇلت بۇقاراسى اناردىڭ دانىندەي تىعىز ۇيىسقاندا عانا، وتاننىڭ شەكاراسىن ورتاق قورعاپ، تاماشا تۇرمىستى ورتاق جاراتۋدىڭ قۇدىرەتتى كۇشىن ۇيىستىرۋعا بولاتىندىعىن دالەلدەدى.

  ىنتىماق − كۇش، ىنتىماق قاسىمىزدا. ۇلتتار ىنتىماعىن جەبەۋدە بارلىق ادام جاۋاپكەرشىلىك ارقالايدى، بارلىق ادامنىڭ ماڭىزدى رولى بار. ءبىر ۇلەس جارىعىڭ بولسا، ءبىر ۇلەس جىلۋىڭدى تارات، ۇلتتار ىنتىماعىن كوز قاراشىعىمىزدى ايالاعانداي ايالاپ، ۇلتتار ىنتىماعىن ءومىرىمىزدى قاستەرلەگەندەي قاستەرلەپ، مادەنيەت تاراتۋدىڭ جارىعى، تىلدىك قارىم - قاتىناسىنىڭ كوپىرى، دوستىقتى جەتكىزۋدىڭ حابارشى كوكارشىنى بولۋعا كۇش سالعاندا، ۇلتتار ىنتىماعىنىڭ گۇلىن، ءسوز جوق، جۇڭحۋانىڭ ۇلان - بايتاق دالاسىندا قاشاندا شەشەك اتتىرىپ، قۇلپىرتا تۇسۋگە بولادى.

  («حالىق گازەتى»نىڭ 2019 - جىلى 8 - ايدىڭ 10 - كۇنگى سانىندا باسىلعان)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.