ەڭ اسەم كەشكى اراي ءۇشىن
− باس شۋجي شي جينپيڭ قاشاندا ويلاپ جۇرەتىن حالىق تۇرمىسى ىستەرىنىڭ ”قارتايعاندا كۇتىمدەلەتىن ورىن بولۋ“ تاراۋى
شينحۋا اگەنتتىگىنىڭ ءتىلشىسى
بەتاشار
كەشكى ارايدان ارتىق اسەمدىك جوق.
مەيىرلى ورتا، تىنىش تۇرمىس، قارتتاردى كۇتىمدەۋ بويىنشا قىزمەت وتەۋدى قامتاماسىزداندىرۋ قىزمەتىن دەن قويا تىڭعىلىقتى ىستەپ، سان مىڭداعان قارتتاردىڭ قارتايعاندا كۇتىمگە الىناتىن ورنى بولۋىنا، قارتايعاندا سۇيەنەتىن سۇيەنىشى بولۋىنا، قارتايعاندا كوڭىلدى تۇرمىس كەشىرۋىنە، قارتايعاندا الاڭسىز ءومىر سۇرۋىنە مۇمكىندىك جاساۋ كەرەك.
پارتيا 18 - قۇرىلتايىنان بەرى، باس شۋجي شي جينپيڭ قارتتاردى كۇتىمدەۋ قامتاماسىزداندىرۋى مەن قارتتار ءۇشىن قىزمەت وتەۋ قىزمەتى جونىندە ءبىرسىپىرا ماڭىزدى نۇسقاۋلار بەرىپ، ءبىرسىپىرا ايقىن تالاپتار العا قويدى.
تاياۋدا شينحۋا اگەنتتىگىنىڭ ءتىلشىسى باس شۋجي شي جينپيڭ قىزمەت تەكسەرە بارعان ءبىرقانشا قارتتاردى كۇتىمدەۋگە قىزمەت وتەۋ ورنىندا قايتالاي تىلشىلىك ىستەپ، باس شۋجي شي جينپيڭنىڭ قاتىستى ماڭىزدى نۇسقاۋلارىنىڭ تياناقتانۋى، سونداي - اق قارتتاردى كۇتىمدەۋ، قىزمەت وتەۋدى قامتاماسىزداندىرۋ قىزمەتىنىڭ ورىستەتىلۋ جاعدايىن ۇعىستى.
[ءبىرىنشى اڭگىمە]
كۇندەر ءوتىپ، سامايىن كۇمىس قىراۋ شالسادا، تۇرمىستارى ءماندى دە ءساندى ءوتىپ جاتىر
”سىجيچيڭ قارتتار ۇيىنەن كوكتەم سامالى ەستى، 2013 - جىلى 12 - ايدىڭ 28 - كۇنى ءتوراعا شي جينپيڭ قارتتار ۇيىمىزگە كەلىپ، قارتتاردان حال سۇرادى...“
بەيجيڭ قالاسى حايديان رايونى سىجيچيڭ قارتتار ءۇيى قارت سانگەرلەر اترەتىندەگى قارتتار قارتتار ءۇيىنىڭ «شيياڭحۇڭ» جۋرنالىندا ماقالا جاريالاپ، سول جىلى باس شۋجي شي جينپيڭنىڭ قىزمەت تەكسەرە كەلگەن كەزدەگى كورىنىستەردى ەسكە ءتۇسىردى.
سول كۇنى باس شۋجي شي جينپيڭ قارتتاردىڭ جانىنا كەلىپ، ولارمەن ىقىلاستى اڭگىمەلەسىپ، دەنساۋلىق جاعدايلارىن، وتباسى جاعدايلارىن جانە قارتتار ۇيىندەگى تۇرمىس جاعدايلارىن ىقىلاسپەن سۇراپ ۇعىسقان بولاتىن. ول قارتتاردى كۇتىمدەۋگە قىزمەت وتەۋ قۇرىلىمدارىنان باسقارۋدى كۇشەيتىپ، حاۋىپسىزدىك تانىمىن كۇشەيتىپ، قىزمەت وتەۋ ساپاسىن جوعارىلاتىپ، ءاربىر قارتتىڭ الاڭسىز، قام - قايعىسىز، جايلى تۇرمىس كەشىرۋىنە، ساۋ - سالامات ۇزاق عۇمىر سۇرۋىنە، ومىرلەرىنىڭ سوڭعى كەزىن باقىتتى، جايلى وتكىزۋىنە مۇمكىندىك جاساۋدى تالاپ ەتتى.
قارتتار ءۇيى قارت سانگەرلەر اترەتىندەگى ليۋ جينۋىننىڭ باس شۋجي شي جينپيڭنىڭ كوپشىلىكتى ءومىردىڭ سوڭعى كەزىن كوڭىلدى وتكىزۋگە جىگەرلەندىرگەنى ءالى ەسىندە، ”كوپشىلىك باس شۋجيدىڭ ءسوزىن ەرەكشە مەيىرلى سەزىندى، قارتتار تۇرمىستا بەلسەندى رۋح ۇستانىپ، ءومىردىڭ سوڭعى كەزىن ءماندى دە ءساندى وتكىزۋى كەرەك. سول ءۇشىن ءبىز 2015 - جىلى 8 - ايدا قارت سانگەرلەر اترەتىن قۇرىپ، قارتتاردىڭ تەگىس’اجارلانۋىنا‘ مۇمكىندىك جاسادىق!“
سانگەرلەر اترەتىنىڭ مۇشەسى جاڭ جين قارتتار ۇيىنە كىرگەننەن كەيىن ”تاماق، ۇيقى، ءولىم كۇتەتىن“ ”ءۇشتى كۇتەتىن“ قارتقا اينالۋدان الاڭداعان بولاتىن، ءبىراق بۇل اراداعى باي مازمۇندى تۇرمىس ونىڭ كوڭىلىن جادىراتىپ سالا بەردى. ”بەينە ءبىر ءاننىڭ تەكىسىندە ايتىلعانداي ’كۇندەر ءوتىپ، سامايىن كۇمىس قىراۋ شالسادا، جىلدار بىزگە ءماندى دە ءساندى تۇرمىس سيلادى‘“، - دەدى جاڭ جين.
بۇگىنگى كۇندە، قارتتار بۇل ارادا كوڭىلدى، الاڭسىز تۇرمىس كەشىرۋدە. بۇرىنعى بار ەمدەۋ بولمەسى نەگىزىندە، قارتتار ءۇيى جاقىنعى جىلداردان بەرى بەيجيڭ داشۋەسى عارىش ورتالىعى شيپاحاناسىمەن سەلبەسىپ، مەملەكەتتىك ەمدەۋ مەن قارتتاردى كۇتىمدەۋدى ۇشتاستىرۋدان ۇلگى كورسەتۋ قارتتار پاناجايىن بىرگە قۇرىپ، شۇعىل ەمدەۋ جاسىل ارناسىن اشىپ، ماماندار ۋاق - ۋاق تەگىن ناۋقاس كورۋ، ارالاپ ناۋقاس كورۋ، تۇراقتاپ ناۋقاس كورۋ قىزمەت وتەۋ مەحانيزمىن ورناتتى، سونداي - اق شيپاحانانىڭ ينفورماتسيا جۇيەسىمەن تەرمينالدىق ءتۇيىلىسۋدى بىرتىندەپ جۇزەگە اسىردى.
”باسىڭ اۋىرىپ، بالتىرىڭ سىزداسا ەمدەۋ ءبولىمى بار، شيپاحاناعا بارساڭ جاسىل ارنا بار، شىنىمەن دە وتە قولايلى“، - دەدى جاڭ جين قۋانىشىن جاسىرا الماي.
قارتتاردىڭ مادەني تۇرمىسىن ونان ارى بايىتۋ ءۇشىن، قارتتار ءۇيى يىنليڭ كىتاپ وقۋ ورنىن اشىپ، چيانسۇي توپتىق قور ۇيىرمەسىنە، ءبي اترەتىنە ارناۋلى كاسىپتىك وقىتۋشى ۇسىنىس ەتتى، «شيياڭحۇڭ» ايلىق جۋرنالىنىڭ مازمۇنىن جاڭالاپ، قارتتاردىڭ ونەرلەرىن ايگىلەۋىنە، ۇيرەنۋىنە، اۋىس - كۇيىس جاساۋىنا اناعۇرلىم جاقسى تۇعىر جاراتىپ بەردى.
[ءتىلشى ەستەلىگى]
حالىق تۇرمىسىندا كىشكەنە ءىس جوق، قارتتاردى كۇتىمدەۋگە قىزمەت وتەۋ ءتىپتى دە كىشكەنە ءىس ەمەس.
”قارتتار پاناجايىنىڭ قىزمەت وتەۋ ساپاسىن جوعارىلاتۋ، 200 ميلليوننان استام قارتتىڭ، اسىرەسە، 40 ميلليوننان استام تۇرمىس قابىلەتىنەن ايرىلعان، جارتىلاي ايرىلعان قارتتىڭ ومىرلەرىنىڭ سوڭعى كەزىن باقىتتى وتكىزۋىمەن قاتىستى، ولاردىڭ پەرزەنتتەرىنىڭ قىزمەتىمەن، تۇرمىسىمەن قاتىستى، حالىقتىڭ تۇرمىس ساپاسىمەن قاتىستى ەلەۋلى ءىس“، - دەپ باسا دارىپتەگەن بولاتىن باس شۋجي شي جينپيڭ.
باس شۋجي شي جينپيڭنىڭ تالابىن تياناقتاندىرىپ، قارتتار پاناجايىنىڭ قىزمەت وتەۋ ساپاسىن تەز ارادا كورنەكتى جاقسارتۋ ءۇشىن، 2017 - جىلدىڭ باسىنان باستاپ، حالىق ىستەرى مينيسترلىگى سياقتى 6 تاراۋ بۇكىل ەلىمىزدە قارتتار پاناجايى قىزمەت وتەۋ ساپاسى قۇرىلىسى ارناۋلى قيمىلىن ورىستەتىپ، 4 جىلدا قارتتار پاناجايى قىزمەت وتەۋ ساپاسىنىڭ تۇلعالىق ورەسىنىڭ كورنەكتى جوعارىلاۋىن جۇزەگە اسىردى. 2 جىلدان استام ۋاقىتتان بەرى، ارناۋلى قيمىل بۇكىل ەلىمىزدىڭ جەر - جەرىندە قولداۋعا يە بولدى جانە قارتتاردى كۇتىمدەۋ قۇرىلىمدارىنىڭ ءۇرتىس 360 مىڭ ورىنداعى قىزمەت وتەۋدەگى كومەسكى كىناراتتاردى رەتتەپ، جونگە سالۋىنا قۋزاۋ سالىپ، بۇكىل ەلىمىزدەگى قارتتار پاناجايىندا ورىن تەپكەن حاۋىپسىزدىك كومەسكى كىناراتتارى ءونىمدى تەجەلدى جانە شوعىرلى ءبىر جاقتى ەتىلدى.
كوز الداعى قيىن ماسەلەلەردى شەشۋ قاجەت، ۇزاق ۋاقىتتىق مەحانيزم قالىپتاستىرۋعا ءتىپتى دە كۇش سالۋ كەرەك. جۋىق جىلداردان بەرى، «قارتتاردى كۇتىمدەۋ قۇرىلىمدارىن باسقارۋ ءادىسى» سياقتى ەرەجەلەر ارت - ارتىنان شىعارىلدى، «قارتتاردى كۇتىمدەۋ قۇرىلىمدارىنىڭ قىزمەت وتەۋ ساپاسى نەگىزگى ولشەمى» سياقتى مەملەكەتتىك ولشەمدەر دە ارت - ارتىنان جاريالاندى، قارتتاردىڭ قۇرىلىمدا قارتتاردى كۇتىمدەۋگە قىزمەت وتەۋدەن يگىلىكتەنۋى دە جۇيەلىلەنگەن، ولشەمدەنگەن بەتالىسپەن ۇزدىكسىز العا ىلگەرىلەۋدە.
[ەكىنشى اڭگىمە]
ۇيدەگى قارتتارعا قىزمەت وتەۋدە الەۋمەتتىك اۋماقتىڭ رولى زور
شىلىڭگىر شىلدە فۋجوۋ گۋلۋ رايونى جۇنمىن الەۋمەتتىك اۋماعىنداعى ۇيدەگى قارتتاردى كۇتىمدەۋ بويىنشا قىزمەت وتەۋ ورتالىعىنىڭ ءىشى قوڭىر سالقىن ءارى جانعا جايلى ەدى. الەۋمەتتىك اۋماقتىڭ تۇرعىنى، 86 جاستاعى ليۋ جيانگو مەن 84 جاستاعى جۇبايى ءار كۇنى تاڭەرتەڭ وسى اراعا كەلىپ ”تىزىمدەلەدى“.
”بالامىز شەتەلدە قىزمەتپەن قاربالاس، جىلىنا ارەڭ بىرنەشە رەت عانا قايتىپ كەلەدى. بۇل جەر تازا دا جانعا جايلى، تۇسكى اسى مول، ونىڭ ۇستىنە كاسىپتىك كۇتۋشىلەرى بار، ايلىق تاماق اقىمىز 700 يۋان، تۇستە جاتىپ دەمالاتىن توسەك بار، شىنىمەن ەرەكشە جايلى. جۇبايىمىز ەكەۋىمىز قازىر كۇن بويى وسى ارادا جۇرەمىز“، - دەدى ليۋ جيانگو.
2014 - جىلى 11 - ايدا باس شۋجي شي جينپيڭ وسى اراعا كەلىپ تەكسەرۋ - زەرتتەۋ جۇرگىزدى. ول: قازىر قارتتار قوعامى، قارتتاردى كۇتىمدەۋگە قىزمەت وتەۋ قىزمەتى بارعان سايىن ماڭىزدى بولىپ بارادى، - دەدى ءارى قىزمەتكەرلەرگە ”جاقسى ىستەۋدى“ تاپسىردى.
ەلىمىزدىڭ قارتتاردى كۇتىمدەۋگە قىزمەت وتەۋ ارناسىندا، الەۋمەتتىك اۋماقتىڭ قارتتاردى كۇتىمدەۋى ەرەكشە ماڭىزدى ورىنعا يە. كوپتەگەن جەردە اتقارىلعان ”9064“ قارتتاردى كۇتىمدەۋگە قىزمەت وتەۋ ارناسىندا قارتتاردىڭ %90ى ۇيىندە تۇرىپ كۇتىمدەلەدى، %6ى الەۋمەتتىك اۋماقتا كۇتىمدەلەدى، %4ى قارتتاردى كۇتىمدەۋگە قىزمەت وتەۋ قۇرىلىمىندا شوعىرلى كۇتىمدەلەدى، مۇندا الەۋمەتتىك اۋماق ۇيدەگى قارتتارعا تاماق ازىرلەۋ، ەمدەۋ - دەنساۋلىق ساقتاۋمەن قامداۋ سياقتى ماڭىزدى قىزمەتتەردى وتەۋدە.
وتكەن بىرنەشە جىلدا جۇنمىن الەۋمەتتىك اۋماعىنىڭ ۇيدەگى قارتتاردى كۇتىمدەۋگە قىزمەت وتەۋ قابىلەتى زور دارەجەدە جوعارىلاپ، قىزمەت وتەۋ كولەمىن كەڭەيتۋمەن قاتار، الەۋمەتتىك اۋماقتاعى قارتتارعا 24 ساعات قىزمەت وتەۋدى دە جۇزەگە اسىردى. 2017 - جىلى قۇرىلعان قارتحاناعا قارتتارعا كومەكتەسەتىن ارناۋلى نەمەسە قوسىمشا 5 قىزمەتكەر ورنالاستىرىلىپ، 60 جاستان اسقان ۇيدە قالعان، سالت باس، جەتىم - جەسىر قارتتاردى قابىلداپ، كوپ ءتۇرلى قىزمەت وتەدى، ءار كۇنى شيپاگەر ورنالاستىرىپ، تەگىن اۋرۋ كوردى.
الەۋمەتتىك اۋماق پارتكومىنىڭ شۋجيى، قوسىمشا تۇرعىندار كوميتەتىنىڭ مەڭگەرۋشىسى لين دان: ” الەۋمەتتىك اۋماقتاعى قارتتارعا قىزمەت وتەۋ ءبىزدىڭ وتەۋگە ءتيىستى مىندەتىمىز، جاۋاپكەرشىلىگىمىز، سونداي - اق ءبىزدىڭ دارىنىمىزدى ايگىلەيتىن تۇعىرىمىز. ءۇرتىس قۇلشىنىس جاساۋ ارقىلى وسى ارانى قارتتاردىڭ جانعا جايلى ’ءوز ۇيىنە‘ اينالدىرىپ، قارتتارعا بارلىق قىزمەتكەردى ’ءوز ءۇيىنىڭ ادامىنداي‘ سەزىندىرەمىز“ دەدى.
[ءتىلشى ەستەلىگى]
الەۋمەتتىك اۋماق سان مىڭداعان وتباسىن جالعاپ، قارتتارعا قىزمەت وتەپ، مەيىر سيلادى
پارتيا 18 - قۇرىلتايىنان بەرى، باس شۋجي شي جينپيڭنىڭ كوڭىل ءبولۋى مەن قامقورلىعىندا، ەلىمىز الەۋمەتتىك اۋماقتىڭ قارتتاردى كۇتىمدەۋى جانە الەۋمەتتىك اۋماقتىڭ قارتتارعا قىزمەت وتەۋىن ورىستەتۋ جاقتارىندا حالىققا تيىمدىلىك جاسايتىن ءبىر قىدىرۋ شارالاردى العا قويىپ، قارتتاردى ۇيىندە جانە الەۋمەتتىك اۋماقتا كۇتىمدەۋگە قىزمەت وتەۋ رەفورماسىن تۇيىندەردە سىناق ەتىپ، قاجەتى تۇسكەن باسىم كوپ ساندى قارتتىڭ ۇيىندە نەمەسە الەۋمەتتىك اۋماقتا قارتتاردى كۇتىمدەۋگە قىزمەت وتەۋدەن يگىلىكتەنۋ ارمانىن كۇش سالا قاناعاتتاندىردى.
2018 - جىلدىڭ سوڭىنا دەيىن ەلىمىزدە الەۋمەتتىك اۋماقتاعى قارتتاردى كۇتىمدەۋگە قىزمەت وتەۋ قۇرىلعىلارى بارلىق قالا - قالاشىق الەۋمەتتىك اۋماقتارىندا جانە اۋىل - قىستاق الەۋمەتتىك اۋماقتارىنىڭ %50ىندە جالپىلاستى، ۇيىندە تۇرۋ نەگىز ەتىلگەن، الەۋمەتتىك اۋماق سۇيەنىش بولاتىن، قۇرىلىم تولىقتايتىن، ەمدەۋ مەن كۇتىمدەۋ ءوزارا ۇشتاستىرىلعان قارتتاردى كۇتىمدەۋگە قىزمەت وتەۋ جۇيەسى نەگىزىنەن قۇرىلدى.
تاماقتان تارىقپايتىن، اۋرۋدان ۋايىمدامايتىن، جالعىزدىقتان جانى قۇلازىمايتىن، قۋانىشىنا ورتاقتاساتىن سەرىگى بار بولدى، سان مىڭداعان الەۋمەتتىك اۋماقتاعى قارتتارعا قىزمەت وتەۋ ورىندارىندا ”ءوز ۇيىندە تۇرىپ، الەۋمەتتىك اۋماقتا تۇرمىس كەشىرىپ“ ءومىرىنىڭ سوڭعى كەزىن باقىتتى وتكىزەتىن قارتتار بارعان سايىن كوبەيدى.
[ءۇشىنشى اڭگىمە]
قىزمەت وتەۋ كوپ نەگىزدەنىپ، قوعامدىق كۇشتەر زورايدى
تۇسكە تاياعاندا، لانجوۋ قالاسى چىڭگۋان رايونى حۇڭشانگىن شىعىس جولىنىڭ بويىنداعى ءبىر ۆيرتۋالدى قارتتار پاناجايىنىڭ اسحاناسىندا تاماقتانۋشىلار ءيىن تىرەستى، ولاردىڭ اراسىندا قارتتار دا از ەمەس.وسى حۇڭرۇييۋان اتتى ۆيرتۋالدى قارتتار پاناجايىنىڭ اسحاناسى ءار كۇنى تاماقتانۋعا كەلگەن 200دەن استام قارتتى قابىلداپ، ”داۋالى جوق قارتتار پاناجايى“ دەپ اتالدى.
2013 - جىلى كوكتەم مەرەكەسى قارساڭىندا، باس شۋجي شي جينپيڭ وسى ارادا ۆيرتۋالدى قارتتار پاناجايىنىڭ جۇمىس جۇرگىزۋ جاعدايىن ەگجەي - تەگجەيلى ۇعىستى، سونداي - اق وسىنداعى قارتتارعا بۋى بۇرقىراعان تاماق اكەلىپ بەرىپ، ولاردىڭ مەرەكەسىن قۇتتىقتاعان بولاتىن.
74 جاستاعى لانجوۋ قالاسىنىڭ تۇرعىنى دىڭ ۋيشيان كۇندەگىسىندەي تۇسكى اس ۋاعىندا وسى اراعا كەلدى. ەسىكتەن كىرىپ، كارتچكا سۇيكەۋدى، بەلەت شىعارۋدى شيراقىلىقپەن بىتىرگەن ول بۇرشاق بالدىرشاسى، بالىق كەسەگى، كارتوپ تالشىعى، يوۋمايساي، قىزاناقپەن قۋىرىلعان جۇمىرتقا سياقتىلارعا جانە ءبىر شىنى كۇرىش تاماققا تەك 8 يۋان عانا اقشا تولەدى.
”باس شۋجيدىڭ قامقورلىعىنىڭ ارقاسىندا، ۇكىمەتتىڭ ابزال ساياساتىنىڭ ارقاسىندا، تۇسكى اسىن قايدا ىشەرىن بىلمەي جۇرەتىن مەندەي شال يگىلىككە كەنەلدى“. دىڭ ۋيشيان زەينەتكە شىققان، بالالارى كۇندىز جۇمىسقا كەتىپ وعان قارايلاسا المايتىندىقتان، ول وسى ارانى تۇسكى اس ىشەتىن تۇراقتى اسحاناسىنا اينالدىرعان، ”بۇل جەردىڭ ورتاسى جاقسى، تازالىعى تاماشا، ءبىر جىلدىڭ ءتورت ماۋسىمىندا دا قارتتاردىڭ تابەتىنە جارايتىن تاماقتار شىعارادى“، - دەيدى ول.
2009 - جىلى لانجوۋدىڭ چىڭگۋان رايونى ۇكىمەت باستاماشى بولاتىن، كاسىپورىندار وداقتاساتىن، بازار جۇمىس جۇرگىزەتىن، قوعام قاتىناساتىن ۆيرتۋالدى قارتتار پاناجايىن قۇردى، قارتتار قاريدارلارعا قىزمەت وتەۋ تەلەفونى ارقىلى قاجەتىن تۇسىندىرسە، قولباسشىلىق ورتالىعى جەلى ارقىلى جاقىن ماڭداعى وداقتاسقان كاسىپورىندارعا تاپسىرىس بەرىپ قارتتارعا قىزمەت وتەيدى، ۆيرتۋالدى قارتتار پاناجايى ءارقايسى وداقتاسقان كاسىپورىنداردىڭ باعالاۋ ناتيجەسىنە نەگىزدەلىپ، ۇكىمەتتىڭ قوسىمشا قاراجاتىن بەرەدى.
حۇڭرۇييۋان ۆيرتۋالدى قارتتار پاناجايى اسحاناسى 1 - توپتاعى جەلىدەن تىس ناقتى دۇكەن بولدى. بۇل كۇندەرى بۇل جەر قارتتاردى تاماقپەن قامداۋدان تىس، تاعى ەمدەۋ مەن كۇتىمدەۋدى توعىستىرۋ، كۇندىز قارايلاسۋ، مادەنيەتتىك كوڭىل اشۋ، دەنساۋلىق قورعاۋ ۋقالاۋى سياقتى كوپ ءتۇرلى قىزمەت وتەۋلەر ازىرلەدى. كەيبىر قارتتار كلاسسيكالىق كوركەمونەر كلاسىن ۇيىمداستىرىپ، وسى ارانى كۇندەلىكتى جاتتىعۋ ورنى ەتتى.
قازىر چىڭگۋان رايوندىق ۆيرتۋالدى قارتتار پاناجايىنىڭ وداقتاسقان كاسىپورنى 126عا جەتىپ، قارتتارعا قىزمەت وتەۋ نىساندارى تۇرمىستىق قارايلاسۋ، ەمدەۋ كۇتىمدەۋى، رۋحاني جاقتان جۇباتۋ، جەدەل جاردەم بەرۋ سياقتى 4 ۇلكەن تۇردەگى 150دەن استام قىزمەت وتەۋگە كەڭەيدى، بۇكىل رايونداعى 120 مىڭنان استام قارت قارتتار پاناجايىنا تىزىمدەلىپ كىردى.
”بازاردان كوكونىس ساتىپ الۋدان كىرىن جۋىپ، تاماعىن ىستەۋگە دەيىن، تازالىعىن ىستەپ بەرۋدەن ۋقالاپ قاراسۋعا دەيىن قارتتارعا ءبىر قىدىرۋ دارالانعان قىزمەت وتەۋلەر ازىرلەپ، قارتتاردىڭ ۇيىندە كۇتىمدەلۋ قاجەتىن قاناعاتتاندىرۋمەن بىرگە، بالالارىنىڭ قارتتاردى كۇتىمدەۋگە ۋاقىتى بولماۋ، شارت - جاعدايى كەلمەۋ قيىنشىلىعىن دا شەشتىك“، - دەيدى چىڭگۋان رايوندىق ۆيرتۋالدى قارتتار پاناجايىنىڭ باستىعى چين تيانتيان.
[ءتىلشى ەستەلىگى]
قارتتاردى كۇتىمدەۋگە قىزمەت وتەۋ ساپاسىن جوعارىلاتىپ، قىزمەت وتەۋ قابىلەتىن كەڭەيتۋ قوعامدىق كۇشتەردىڭ جاپپاي قاتىناسۋىن قاجەت ەتەدى.
باس شۋجي شي جينپيڭ: ەلىمىزدەگى قارتتار قاۋىمىنىڭ سانى مول، قارتتار بۇيىمدارى مەن قىزمەت وتەۋلەرىنە قاجەتسىنۋ زور، قارتايعاندارعا قىزمەت وتەۋ ىستەرى مەن كاسىبىنىڭ دامۋ كەڭىستىگى توتەنشە كەڭ، - دەپ اتاپ كورسەتكەن بولاتىن.
تاياۋ جىلداردان بەرى، پارتيا مەن ۇكىمەت قوعامدىق كۇشتەردىڭ قارتتاردى كۇتىمدەۋگە قىزمەت وتەۋ سالاسىن دامىتۋعا قاتىناسۋىن زور كۇشپەن قولداپ جانە جەتەكشىلىك ەتىپ، تۇزىمدىك رۇقسات شارتتارىن ۇزدىكسىز تومەندەتتى، جوسپارلاپ قۇرۋ، قىزمەت وتەۋدى ساتىپ بەرۋ، جەرمەن قامداۋ، سالىق پەن اقىدا جەڭىلدىك جاساۋ، قوسىمشا قاراجاتپەن قولداۋ سياقتى جاقتاردا حالىقتىق كاپيتالدى قارتتاردى كۇتىمدەۋگە قىزمەت وتەۋگە قاتىناسۋعا شابىتتاندىرىپ جانە دەمەپ، قارتتاردى كۇتىمدەۋگە قىزمەت وتەۋدىڭ قامدالۋى مەن ورەسى ۇزدىكسىز جوعارىلادى. تاياۋدا شىعارىلعان «قارتتاردى كۇتىمدەۋگە قىزمەت وتەۋدى دامىتۋدى ىلگەرىلەتۋ جونىندەگى پىكىر»دە 28 تارماقتى ناقتىلى شارا العا قويىلىپ، ”بوگەتتەر“دى اشىپ، ”كەسىرلەر“دى ارىلتىپ، وسى ءىستىڭ اقاۋسىز دامۋىن اناعۇرلىم ىلگەرىلەتتى.
(تىلشىلەر لو جىڭگۋاڭ، تاي سىسۇڭ، دۇڭ جيانگو، لياڭ جۇن)
(شينحۋا اگەنتتىگىنىڭ 8 - ايدىڭ 10 - كۇنى بەيجيڭنەن بەرگەن حابارى)