تيانشان تورى   ›   جاڭالىقتار   ›   شينجياڭ حابارلارى

رايونىمىزدىڭ مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىندار رەفورماسى ورنىقتى قاداممەن ىلگەرىلەدى

الدىڭعى جارتى جىلدا قوسىلعان قارجىنىڭ %52ى جاڭا وركەندەگەن كاسىپتەرگە جانە وسى زامانعى قىزمەت وتەۋ كاسىبىنە سالىندى

  ءتىلشى شى شين 8 - ايدىڭ 11 - كۇنى ۇرىمجىدەن حابارلايدى. شينجياڭ شۋەفىڭ قارجى قوسۋ، جارنا مەڭگەرۋ شەكتى جاۋاپكەرشىلىك سەرىكتەستىگى وسى زامانعى زات جەتكىزۋ كاسىبىنە كىردى، شينجياڭ شينيە مەملەكەت مەنشىگىندەگى مال - مۇلىك شارۋاشىلىق جۇرگىزۋ (توبى) شەكتى سەرىكتەستىگى سياقتى كاسىپورىندار اۋىل شارۋاشىلىعى ونىمدەرىن جىنتىكتەي مانەرلەۋ سالاسىنا كىردى، شينجياڭ قاتىناس قۇرىلىسى قارجى قوسۋ، جارنا مەڭگەرۋ شەكتى سەرىكتەستىگى سياقتى كاسىپورىندار حوتاندا ۋانفاڭ يۋەزوۋ ساياحات اشۋ شەكتى سەرىكتەستىگىن اشتى... بيىل جىل باسىنان بەرى، اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى مەملەكەت مەنشىگىندەگى ءبىر توپ كاسىپورىننىڭ تۇرلەنۋىن، جاڭارۋىن بەلسەنە قولداپ جانە جەتەكتەپ، ستراتەگيالىق جاڭا وركەندەگەن كاسىپتەر مەن وسى زامانعى قىزمەت وتەۋ كاسىبىنە قادام تاستاپ، الدىڭعى جارتى جىلدا مەملەكەت مەنشىگىندەگى كاسىپورىنداردىڭ %52 قارجى قوسۋى جاڭا سالالارعا سالىنىپ، رايونىمىزدىڭ مەملەكەت مەنشىگىندەگى كاپيتال كاسىپ سالاسىنىڭ ورنالاسۋ قۇرىلىمى ۇزدىكسىز ساپالىلاندى.

  مەملەكەتتىك دەڭگەيدەگى مەملەكەت مەنشىگىندەگى كاسىپورىندار رەفورماسىنىڭ ”N+1“ ساياسات جۇيەسى بويىنشا، اۆتونوميالى رايوننىڭ ءىس جۇزىندىگىمەن بىرلەستىرىپ، ”ءبىرى كەمەلىنە كەلسە، ءبىرىن ىسكە قوسۋ“ پرينسيبىە ساي، اۆتونوميالى رايون مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىندار رەفورماسى جونىندە ىلگەرىندى - كەيىندى 32 حۇجات شىعاردى، بۇل حۇجاتتاردىڭ مازمۇنى زاڭدىق تۇلعا باسقارۋ قۇرىلىمىن اقاۋسىزداندىرۋ، ارالاس مەنشىك ءتۇزىمى رەفورماسى، بازارلاندىرىپ شارۋاشىلىق جۇرگىزۋ ءتۇزىلىسى، قامداۋ جاعىنداعى قۇرىلىمدىق رەفورما، مەملەكەت مەنشىگىندەگى مال - مۇلىكتى باسقارۋ ءتۇزىلىسى جانە شارۋاشىلىق جۇرگىزۋگە ۇقىق بەرۋ تۇزىلىسىنە رەفورما جاساۋ، مەملەكەت مەنشىگىندەگى مال - مۇلىكتى باقىلاۋ - باسقارۋ، كاسىپورىنداردىڭ قوعامدىق فۋنكتسيا اتقارۋىنداعى تاريحتان قالعان ماسەلەلەردى شەشۋ جانە مەملەكەت مەنشىگىندەگى كاسىپورىندارداعى پارتيا قۇرىلىسى سياقتى 8 جاقتاعى ماسەلەنى قامتىپ، رايونىمىزداعى مەملەكەت مەنشىگىندەگى كاسىپورىندار رەفورماسىنىڭ ”ءتورت ارقالىق، سەگىز تىرەۋ“ ساياسات جۇيەسى جۇلگەسى ورناتىلىپ بولدى.

  بيىل جىل باسىنان بەرى، اۆتونوميالى رايونىمىز مەملەكەت مەنشىگىندەگى كاسىپورىنداردىڭ ارالاس مەنشىك ءتۇزىمى رەفورماسىن ۇزدىكسىز ىلگەرىلەتىپ، قامتىم كولەمىن كەڭەيتتى. شۋەفىڭ توبى مەن شينجياڭ يۇيشياڭ توراڭعى حيميا ونەركاسىبى شەكتى سەرىكتەستىگى سياقتى 8 جۇپ اۆتونوميالى رايوننىڭ ءوز دارەجەسىندەگى جانە ايماق، وبلىس، قالالارداعى مەملەكەت مەنشىگىندەگى كاسىپورىنداردا ارالاس مەنشىك ءتۇزىمى رەفورماسىن جۇرگىزۋدى ايقىن تۇراقتاندىردى؛ باقىلاۋ - باسقارۋ جۇرگىزىلەتىن كاسىپورىنداردىڭ كاپيتالدى باعالى قاعازعا اينالدىرۋ ارقىلى ارالاس مەنشىك ءتۇزىمى رەفورماسىن اتقارۋىن ىلگەرىلەتىپ، جارناسىن بازارعا شىعارۋ بويىنشا جەتىلدىرۋ قىزمەتىن ۇزدىكسىز تەزدەتتى. مۇنان سىرت، شينجياڭ ءتۇستى مەتال ونەركاسىبى (توبى) شەكتى جاۋاپكەرشىلىك سەرىكتەستىگىنە قاراستى حىڭشىڭ بەريللي كاسىبى جانە شينجياڭ ساڭماييۋان شەكتى جاۋاپكەرشىلىك سەرىكتەستىگى قىزمەتكەرلەرىنىڭ جارنا ۇستاۋىن تۇيىندە سىناق ەتۋ قىزمەتىن جەدەل ىلگەرىلەتتى.

  مەملەكەت مەنشىگىندەگى كاسىپورىنداردىڭ دامۋ نەگىزىن بەكەمدەۋ ءۇشىن، اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى ساپانى ءوسىرۋ، ونىمدىلىكتى جوعارىلاتۋ قيمىلىن ورىستەتىپ، كاسىپورىنداردىڭ باسقارۋ جىك - دارەجەسىن ازايتىپ، باسقارۋ جىك - دارەجەنى 3 − 4 دارەجە ىشىندە مەڭگەردى؛ باستى كاسىپپەن بايلانىستىلىعى تومەن، قارجى قوسۋ پايداسى از زاڭدىق تۇلعا ورىنداردى ازايتىپ، بىلتىر 43 تومەن ءونىمدى، ءونىمسىز جانە تۇرالاعان كاسىپورىندى ءبىر جاقتى ەتۋ نەگىزىندە، بيىل 5 تۇرالاعان كاسىپورىندى ءبىر جاقتى ەتۋ قىزمەتىن ءساتتى ىلگەرىلەتتى.

  اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى تاعى مەملەكەت مەنشىگىندەگى كاپيتالمەن قارجى قوسىپ شارۋاشىلىق جۇرگىزۋدى ارناۋلى تۇيىندە سىناق ەتتى. شينجياڭ قارجى قوسۋ، دامىتۋ (توبى) شەكتى جاۋاپكەرشىلىك سەرىكتەستىگى مەن شينجياڭ فينانس قارجى قوسۋ شەكتى سەرىكتەستىگىندە وزگەرتىپ قۇرىپ مەملەكەت مەنشىگىندەگى كاپيتالمەن قارجى قوسۋ، شارۋاشىلىق جۇرگىزۋ سەرىكتەستىگىن قۇرۋ سىناق ءتۇيىنى قىزمەتىن جالعاستىرىپ، باسقارۋ القاسىنا 14 ءتۇرلى قىزمەت بيلىگىن بەرىپ، ءتۇزىلىستى، مەحانيزمدى، ۇلگىنى كۇش سالا وزگەرتىپ، مەملەكەت مەنشىگىندەگى كاپيتالمەن قارجى قوسۋ، شارۋاشىلىق جۇرگىزۋ سەرىكتەستىگىن مەملەكەت مەنشىگىندەگى كاپيتالدى بازارلاندىرىپ اينالىمعا سالۋدىڭ كاسىپتىك تۇعىرى ەتىپ قالىپتاستىردى. شينجياڭ قاتىناس قۇرىلىس توبى جارنا شەكتى سەرىكتەستىگى، شينجياڭ لانشان تۇنحى حيميا ونەركاسىبى جارنا شەكتى سەرىكتەستىگى، باتىس ءوڭىر التىن جارنا شەكتى سەرىكتەستىگى، شينجياڭ مەيكى حيميا ونەركاسىبى جارنا شەكتى سەرىكتەستىگى سىندى 4 كاسىپورىن مەملەكەتتىك كەڭەس مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىنىڭ مەملەكەت مەنشىگىندەگى كاسىپورىندار رەفورماسىنداعى ”قوس 100 ارەكەتكە“ ءساتتى تاڭدالىپ، رەفورمانىڭ ءتۇيىندى سالالارى مەن شەشۋشى بۋىندارىندا الدىمەن سەرپىلىس جاساۋعا كۇش سالىپ، ۇلگىلىك، باستاماشىلدىق رولىن ساۋلەلەندىردى.

  شارۋاشىلىق جۇرگىزۋ سيپاتىنداعى مەملەكەت مەنشىگىندەگى مال - مۇلىكتى شوعىرلى، ءبىر تۇتاس باقىلاۋ - باسقارۋ جاعىندا، قازىرگە دەيىن، اۆتونوميالى رايوننىڭ رايون دارەجەلى ورگاندارىنداعى 38 كاسىپورىن مەملەكەت مەنشىگىندەگى مال - مۇلىكتى شوعىرلى، ءبىر تۇتاس باقىلاۋ - باسقارۋ قىزمەتىنە قامتىلدى. بۇكىل شينجياڭنىڭ 14 ايماق، وبلىس، قالا ۇكىمەتتەرىنە قاراستى 1238 كاسىپورىن تۇگەلدەي مەملەكەت مەنشىگىندەگى مال - مۇلىكتى ءبىر تۇتاس باقىلاۋ - باسقارۋعا ءتارتىپتى تۇردە قامتىلدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • شينجياڭدا ءبيدايدىڭ بىرلىك ءونىمىنىڭ رەكوردى جاڭالاندى
  • ەرەكشە حالىقتىق تۇسەلحانالار شينجياڭ ساياحاتىنىڭ تاماشا تانىسقىسىنا اينالدى
  • دۋان - ۋ مەرەكەسىندەگى دەمالىس كەزىندە شينجياڭ 3 ميلليون 840 مىڭ ادامنان (رەت) استام ساياحاتشى قابىلدادى سايكەس مەزگىلدەگىدەن %43.25 ارتتى