تيانشان تورى   ›   جاڭالىقتار   ›   شينجياڭ حابارلارى

رايونىمىزدا ادەتتەگى كاسىپورىنداردىڭ قۇرىلۋ ۋاقىتى 5.5 قىزمەت كۇنىنە قىسقاردى

جەكە كاسىپورىنداردىڭ، جەكەشە ساۋدا - ونەركاسىپشىلەردىڭ سانى بىلتىرعى ۇقساس مەزگىلدەگىدەن كورنەكتى ارتتى

  ءتىلشى گاۋ ۋا 8 - ايدىڭ 11 - كۇنى ۇرىمجىدەن حابارلايدى. ”تۇستەن بۇرىن تولىق دايىنداعان ماتەريالدارىمدى تاپسىرىپ، جارتى كۇن ۋاقىتتا - اق تيجارات كۋالىگىن الىپ بولدىم، ونىمدىلىگى راسىندا جوعارى ەكەن!“. 8 - ايدىڭ 9 - كۇنى جۋىردا سەرىكتەستىگىن تىزىمگە الدىرعان كەزدەگى بارىسىنا ايالداعاندا، ءۇرىمجى قالاسىنداعى ءبىر كيىم - كەشەك ساتۋ شەكتى سەرىكتەستىگىنىڭ زاڭدىق ۋاكىلى ما حاييان تەبىرەنە وسى ءسوزدى ايتتى.

  ما حايياننىڭ كەشىرمەسى − رايونىمىزدىڭ كاسىپورىنداردىڭ قۇرىلۋ ۋاقىتىن ءتىپتى دە قىسقارتىپ، كاسىپورىندارعا جوعارى ساپالى قىزمەت وتەۋ ازىرلەگەندىگىنىڭ، تيجارات - ساۋدا ورتاسىن ساپالىلاندىرعاندىعىنىڭ شاعىن كارتيناسى. كەزەكتە رايونىمىز ادەتتەگى كاسىپورىنداردىڭ قۇرىلۋ ۋاقىتىن نەگىزىنەن 5.5 قىزمەت كۇنى ىشىنە قىسقارتىپ، مەملەكەتتىك كەڭەستىڭ ”2019 - جىلدىڭ الدىڭعى جارتىسىندا كاسىپورىنداردىڭ قۇرىلۋ ۋاقىتىن 8.5 كۇنگە قىسقارتۋ“ جونىندە بەلگىلەگەن نىساناسىن جۇزەگە اسىردى.

  جۋىق جىلداردان بەرى، رايونىمىزداعى ءار دارەجەلى بازار باقىلاۋ - باسقارۋ تاراۋلارى ساۋدا ىستەرى ءتۇزىمى رەفورماسىن، اكىمشىلىك تەكسەرىپ بەكىتۋ ءتۇزىمى رەفورماسىن ۇزدىكسىز تەرەڭدەتىپ، حالىقتىق كاسىپورىنداردىڭ قيىن، كەسىرلى، بوگەتتى ماسەلەلەرىن ارقاۋ ەتىپ، ىلگەرىندى - كەيىندى ”تيجارات رۇقسات كۋالىگى مەن تيجارات كۋالىگىن ايىرۋ“، كاسىپورىنداردىڭ اتىن ءوزى ءوتىنىش ەتۋ سياقتى ءبىر قىدىرۋ شارالاردى اتقارىپ، كاسىپورىنداردىڭ قۇرىلۋ ۋاقىتىن اناعۇرلىم قىسقارتىپ، كاسىپورىندارعا اناعۇرلىم اشىق، جاريا، قولايلى بازارعا كىرۋ ورتاسىن ازىرلەدى.

  ”3 كۋالىكتى بىرىكتىرۋ“ رەفورماسىن جۇرگىزگەننەن تارتىپ كەزەكتە اتقارىلىپ وتىرعان ”26 كۋالىكتى بىرىكتىرۋ“ رەفورماسىنا دەيىن، رايونىمىز كاسىپورىنداردىڭ نەگىزگى ينفورماتسياسىن ءوزارا بايلانىستىرۋدى، ورتاق پايدالانۋدى بىرتىندەپ جۇزەگە اسىرىپ، كاسىپورىنداردىڭ ەستەلىككە الدىرۋ، تىزىمدەلۋ ىستەرىن بارىنشا ازايتتى. ”تيجارات رۇقسات كۋالىگى مەن تيجارات كۋالىگىن ايىرۋ“ رەفورماسىن كۇش سالا ىلگەرىلەتىپ، بۇرىن تيجارات كۋالىگىن بىتىرۋدە ۇقساماعان كاسىپ سالاسىنىڭ 200 تۇردەن استام اكىمشىلىك تەكسەرىپ بەكىتۋىن قاجەت ەتۋدەن، 28 ءتۇرلى الدىمەن رۇقسات ەتىلەتىن ”الدىمەن تيجارات رۇقسات كۋالىگىن، ونان سوڭ تيجارات كۋالىگىن“ بىتىرۋگە، ونان قازىرگى 100 ءتۇرلى اكىمشىلىك تەكسەرىپ بەكىتۋدەگى ”تيجارات رۇقسات كۋالىگى مەن تيجارات كۋالىگىن ايىرۋ“ رەفورماسىن اتقارۋعا دەيىن، كاسىپورىنداردىڭ قۇرىلۋ ۋاقىتى ءونىمدى قىسقاردى.

  كاسىپورىنداردىڭ ”ات قويۋداعى قيىنشىلىق“ ماسەلەسىن جەڭىلدەتۋ ءۇشىن، رايونىمىز كاسىپورىنداردىڭ اتىن وزدەرى ءوتىنىش ەتۋىن جاپپاي اتقارىپ، كاسىپورىنداردىڭ قويعان اتىن تەكسەرىپ بەكىتۋ مەن ەستەلىككە الىپ بەكىتۋدى بىرگە بىتىرەدى. بيىل 1 - ايدان 7 - ايدىڭ ورتا شەنىنە دەيىن، رايونىمىزدا كاسىپورىنداردىڭ اتىن وزدەرى ءوتىنىش ەتۋدى 164 مىڭعا جەتىپ، بۇكىل تەكسەرىپ بەكىتىلگەن اتتىڭ %58.1ىن ۇستادى.

  مۇنان سىرت، رايونىمىز تاعى تۇتاس بارىستى ەلەكتروندى تىزىمدەۋ، جەلىدە تىزىمدەۋ سياقتى ”ينتەرنەت + اكىمشىلىك قىزمەت وتەۋ“ىن جاپپاي اتقارىپ، ”ۇكىمەت پەن بانكە“نىڭ، ”ۇكىمەت پەن پوچتا“نىڭ سەلبەستىك مەحانيزمىن ىلگەرىلەتتى. ءوتىنىش بەرۋشى تۇتاس شينجياڭداعى 2000نان استام بانكە تورى تۇيىندەرىندە كاسىپورىنداردىڭ ەستەلىككە الدىرۋ، تىزىمدەلۋ ءىسىن ءبىر جولدا بىتىرۋىنە ءارى تيجارات كۋالىگىن پوچتادان جىبەرۋ قىزمەت وتەۋى ارقىلى ”ءبىر رەت تە بارماي تۇرىپ“ تيجارات كۋالىگىن ءبىتىرۋ بارىسىن جۇزەگە اسىرۋعا بولادى.

  بيىل 7 - ايدىڭ ورتا شەنىنە دەيىن، تۇتاس رايونىمىزدا ءار تۇردەگى بازار تۇلعاسى ءبىر ميلليون 750 مىڭعا جەتتى، مۇندا كاسىپورىندار 353 مىڭ بولدى. ءار ايدا ورتا ەسەپپەن جاڭادان قۇرىلعان جەكە كاسىپورىندار 4639عا، جاڭادان قۇرىلعان جەكەشە ساۋدا - ونەركاسىپشىلەردىڭ سانى 28 مىڭ 500گە جەتتى. جەكە كاسىپورىنداردىڭ، جەكەشە ساۋدا - ونەركاسىپشىلەردىڭ سانى بىلتىرعى سايكەس مەزگىلدەگىدەن كورنەكتى ارتتى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • شينجياڭدا ءبيدايدىڭ بىرلىك ءونىمىنىڭ رەكوردى جاڭالاندى
  • ەرەكشە حالىقتىق تۇسەلحانالار شينجياڭ ساياحاتىنىڭ تاماشا تانىسقىسىنا اينالدى
  • دۋان - ۋ مەرەكەسىندەگى دەمالىس كەزىندە شينجياڭ 3 ميلليون 840 مىڭ ادامنان (رەت) استام ساياحاتشى قابىلدادى سايكەس مەزگىلدەگىدەن %43.25 ارتتى