تيانشان تورى   ›   جاڭالىقتار   ›   شينجياڭ حابارلارى

شينجياڭعا كومەكتەسۋ مەن قىستاقتا تۇرۋ قابىسىپ، ءومىر ءتىپتى دە تولىسا ءتۇستى

   شينجياڭعا كومەكتەسكەن كادر، اۆتونوميالى رايوندىق جەرگىلىكتى فينانس باقىلاۋ، باسقارۋ مەكەمەسىنىڭ كەچىڭىز قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ “ قىزمەت اترەتىنىڭ باستىعى، ءبىرىنشى شۋجيى شاۋ شياڭلي تۋرالى

ءتىلشى ۋاڭ شيڭرۇي

  8 - ايدىڭ 1 - كۇنى، ارەڭ ءبىر دەمالعان شاۋ شياڭلي اتۇش قالاسى سۇنتاع اۋىلى كەچىڭىز قىستاعىنان بەيجيڭدەگى ۇيىنە ورالدى. دەسەدە، ول كەچىڭىز قىستاعىنداعى اۋىلداستارىن ەسىنەن شىعارمادى. ۇيىنە قايتۋدان بۇرىن، ول قىستاقتاعى 20 نەشە بالانى بەيجيڭگە بارىپ ەكسكۋرسيالاۋعا، ۇيرەنۋگە ورنالاستىرعان بولاتىن. 8 - ايدىڭ 6 - كۇنى شاۋ شياڭلي قىستاقتان كەلگەن بالالاردى ۇيىنە ەرتىپ بارعاننان سوڭ، ۇنحات دوستار شەڭبەرىنە: ”بالالاردىڭ مۇقيات ۇيرەنىپ، پارتيانى سۇيەتىن، مەملەكەتتى سۇيەتىن، وتباسىن سۇيەتىن ۇزدىك دارىندىعا اينالۋىن ءۇمىت ەتەمىن“ دەپ لەبىز جازدى.

  شاۋ شياڭلي اۆتونوميالى رايوندىق جەرگىلىكتى فينانس باقىلاۋ، باسقارۋ مەكەمەسىنىڭ كەچىڭىز قسىتاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجيى. جۇڭگو بانكە - قامسىزداندىرۋدى باقىلاۋ، باسقارۋ كوميتەتىنىڭ شينجياڭعا كومەكتەسەتىن كادرى رەتىندە، ول كەچىڭىز قىستاعىندا ءبىر جىلدان استام ۋاقىتىن وتكىزدى. ول: ”كەچىڭىز قىستاعىنداعى باستان كەشكەندەرىم مەنىڭ ءومىرىمدى ءتىپتى دە تولىستىرا ءتۇستى“ دەدى.

■ ءيىلىپ قىزمەت وتەپ، بۇكىل قىستاقتى كەدەيلىكتەن ارىلۋعا باستادى

  2018 - جىلى 1 - ايدىڭ 30 - كۇنى شاۋ شياڭلي ۇرىمجىدەن قاشقارعا ۇشاتىن ۇشاققا شىعىپ، قىستاقتا تۇرۋ قىزمەتىن باستادى. وسىندا كەلۋدەن ىلگەرى، تەگىندە قىستاقتىڭ ياچەيكا شۋجيى مىندەتىن وتەگەن اكەسى وعان: ”قىستاقتا قىزمەت ىستەگەندە، ءيىلىپ قىستاقتاعىلارمەن قويان - قولتىق ارالاسۋىڭ كەرەك“ دەپ تاپسىرعان بولاتىن.

  شاۋ شياڭلي قىستاققا العاش بارعاندا، وتباسىلاردى ءبىر - بىردەن ارالاپ، قىستاق تۇرعىندارىنىڭ ويىنا قۇلاق ءتۇرىپ، قىستاق تۇرعىندارىنىڭ تالاپ - تىلەگىن ۇعىستى. ول: ”قىستاق تۇرعىندارىنىڭ وتباسىنا بارىپ قانا قويماي، قىستاق تۇرعىندارىنىڭ جۇرەگىنەن دە جول تابۋ كەرەك“ دەدى. سول كەزدە كەچىڭىز قىستاعى ءالى كەدەي قىستاق بولاتىن. قىستاق تۇرعىندارىن قايتكەندە ەرتەرەك كەدەيلىكتەن ارىلتۋعا بولادى، بۇل شاۋ شياڭلي ءدوپ كەلگەن ماڭداي الدى ءىرى ءىس بولدى.

  كەچىڭىز قىستاعىندا ءبىر شاعىن ايران زاۆودى بار بولاتىن، شاۋ شياڭلي قىستاقتا تۇرعاننان كەيىن وسى زاۆودتىڭ قۇرىلعىلارىن جاڭالاۋعا كومەكتەستى ءارى قىستاقتاعى كەدەي وتباسىلارىن ساۋىن سيىر باعۋعا جۇمىلدىرىپ، ايران زاۆودىن قايتا وندىرىسكە ءتۇسىردى. ءالي مامەت قىستاقتاعى كەدەي وتباسى بولاتىن. ول قىزمەت اترەتىنىڭ كومەگىندە 2 ساۋىن سيىر باقتى. ءار كۇنى تاڭەرتەڭ ەرتە سيىرىن ساۋىپ ءسۇتىن ايران زاۆودىنا جەتكىزەدى، بۇل ونىڭ وتباسىنىڭ تۇراقتى كىرىسىنە اينالدى.

  قىستاقتاعى اۋقاتتانۋ شەبەرلەرىنە كومەكتەسىپ بايپاق زاۆودىن جانداندىردى، كاسپورىن ەنگىزىپ قىستاققا كەدەيلەردى سۇيەمەلدەۋ سەحىن قۇردى، جاڭادان 101 بەيقۇت ءۇي سالدى، جاڭادان 10 كيلومەتر سەمەنت جول سالدى، 609 وتباسىنا قۇبىر سۋ جەتكىزدى ... ءبىر جىلدان استام ۋاقىتتان بەرى، شاۋ شياڭليدىڭ باستاۋىندا كەچىڭىز قىستاعىندا وزگەرىستەر تولاستامادى.

  2018 - جىلى 11 - ايدىڭ 7 - كۇنى كەچىڭىز قىستاعى تۇتاس قىستاق بويىنشا كەدەيلىكتەن ارىلۋدى جۇزەگە اسىردى. قىستاق تۇرعىندارىنىڭ شىن پەيىلدەرىمەن ”كوممۋنيستىك پارتيا جاقسى“ دەگەنىن ەستىگەندە شاۋ شياڭلي ەرەكشە ءسۇيىندى.

■ بۇقارانى ءوز وتباسى ادامىنا بالادى

  7 - ايدىڭ 26 - كۇنى كەچىڭىز قىستاعىندا سەبەلەپ جاڭبىر جاۋا باستادى، قىستاقتاعى شوعىرلى جاعالاتا سالىنعان تۇرعىن ءۇي رايونىندا شادىمان ۇندەر كوتەرىلدى. شاۋ شياڭلي بايلانىس جاساعان ءبىر قامسىزداندىرۋ سەرىكتەستىگى وسى ارادا كوشە شىراقتارىن تارتۋ ەتۋ سالتىن وتكىزىپ جاتقان بولاتىن. ادامدار اراسىندا تۇرعان 65 جاستاعى حالچىگۇل توحتىنىڭ جۇزىنەن كۇلكى ەسەدى، ونىڭ جاڭا ءۇيى دە وسى ارادا، جاڭادان اشەكەيلەنگەن ۇيىندە تەلەۆيزور، مۇزداتقىش، ىس سورعىش سياقتى ءۇي ەلەكتر جابدىقتارىنىڭ ءبارى تولىق، قارت ماقتانىشپەن: ”مۇنىڭ ءبارىن بەيجيڭدىق ۇلىم دايىنداپ بەردى“ دەدى.

  حالچىگۇلدىڭ ايتىپ وتىرعان ”بەيجيڭدىق ۇلى“ شاۋ شياڭلي ەدى. 2017 - جىلى ولار تۋىس بولدى، وسىدان باستاپ ۇزىلمەس قاتىناس ورناتتى. بىلتىر قىستاقتا شوعىرلى جاعالاتا سالىنعان تۇرعىن ءۇي رايونى ءبىتىپ، قىستاق تۇرعىندارى ارت - ارتىنان جاڭا ۇيگە كوشىپ كىردى. ءبىراق، حالچىگۇل ءۇيىن اشەكەيلەيتىن اقشاسى بولماعاندىقتان، بۇرىنعى كونە ۇيىندە وتىرا بەردى. شاۋ شياڭلي مۇنى بىلگەننەن كەيىن جيعان 20 مىڭ يۋان اقشاسىن الىپ شىعىپ، حالچىگۇلدىڭ ءۇيىن اشەكەيلەپ، ءۇي جيھازدارىن، ءۇي ەلەكتر جابدىقتارىن تولىقتاپ، قارتتى جاڭا ۇيىنە ءساتتى كوشىرىپ قوندىردى. قارتتىڭ ۇلى جوق بولعاندىقتان، شاۋ شياڭليدى ۇلىم دەپ سانادى.

  كەچىڭىز قىستاعىندا 3800دەن استام تۇرعىن بار، شاۋ شياڭلي ولاردىڭ ۇشتەن ءبىرىنىڭ اتىن بىردەن اتاي الادى. ول وزىنە مىناداي ءبىر تالاپ قويعان بولاتىن: بۇقارانى وتباسىمنىڭ ادامىنا بالاپ، جۇرتشىلىقتىڭ تالاپ - تىلەگىن ءوز وتباسىمنىڭ شارۋاسى دەپ سانايمىن.

■ شىنايى سۇيىسپەنشىلىگىن ارناپ، باقىتقا قول جەتكىزدى

  شاۋ شياڭلي قىستاق تۇرعىندارىن ءوز وتباسىنىڭ ادامىنا بالاسا، قىستاق تۇرعىندارى دا وعان كوڭىل تورىنەن ورىن بەردى. ول مىناداي ءبىر شاعىن اڭگىمە ايتتى: بىلتىرعى كۇندەردىڭ بىرىندە، ول قىستاق تۇرعىنى ازەز يۇسۇپتىڭ ۇيىنە جاعداي ۇعىسۋعا بارعاندا، ازەز ايرىقشا قۋانىپ، اۋالاسىنداعى ءبىر ءتۇپ شاپتول اعاشىن نۇسقاپ تۇرىپ: ”شاۋ شۋجي، مىنا شاپتول اعاشىنىڭ جەمىسىن سىزگە ارناپ الىپ قويامىن، پىسقاندا كەلىپ جەيسىز“ دەيدى. شاۋ شياڭلي كۇلىپ قانا قويدى، بۇل ءىس ەسىنەن تەز ارادا كوتەرىلىپ كەتەدى. ازەزدىڭ شاپتول پىسقاندا شاۋ شياڭليگە تەلەفون شالىپ، ۇيىنە شاقىرارىن ويلاماعان ەدى. شاۋ شياڭلي ونىڭ ۇيىنە بارعاندا، اۋلاداعى باسقا شاپتول اعاشتارىنداعى جەمىستىڭ الدەقاشان ءۇزىپ الىنعانىن، تەك سول ءبىر ءتۇپ اعاشتىڭ جەمىسى سول كۇيىندە تۇرعانىن كوردى. بۇل ءىستى ەسكە العاندا، شاۋ شياڭلي اسەرلەنگەنىنەن: ”سول ساتتە ءوزىمدى توتەنشە باقىتتى سەزىندىم!“ دەدى.

  قىستاقتاعى بالاباقشاسىنا بارسا، بالالار ونى قورالاپ الىپ قولىنان تارتقىلاپ: ”سالەمەتسىز بە، ءبىرىنشى شۋجي!“دەيدى، كوشەدە كەتىپ بارا جاتسا، كەزدەسكەندەر وعان بىرىنەن سوڭ ءبىرى امانداسىپ جاتادى، قىستاق تۇرعىندارى جەمىس - جيدەكتەرى پىسقاندا دورباعا سالىپ قىزمەت اترەتىنە الىپ كەلىپ، شاۋ شياڭليگە جانە قىزمەت اترەتىندەگىلەرگە ءدام تاتقىزادى...

  ءبىر جىلدان استام ۋاقىتتان بەرى شاۋ شياڭلي ءوزىن كەچىڭىز قىستاعىنىڭ ءبىر مۇشەسىمىن دەپ قارادى. ول: ”ءوز قۇلشىنىسىمىنىڭ ارقاسىندا كەچىڭىز قىستاعىنا جاڭا وزگەرىستەر الا كەلگەنىمدى ويلاسام بولدى اسا ءماندى سەزىنەم“ دەدى تەبىرەنگەن سەزىممەن.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جاڭا قىستاقتىڭ جاڭا كەلبەتى
  • كەمەنى بالىققا تولتىرىپ، مول ونىممەن ورالدى
  • جاڭا ۇيگە كوشتى جاڭا تۇرمىس كەشىردى