تيانشان تورى   ›   جاڭالىقتار   ›   شينجياڭ حابارلارى

قۇمىل قالاسىنىڭ جاسىل سەنىمدى امانات - قارىز قالدىق اقشاسىنىڭ يەلەيتىن ارا سالماعى مەن مال - مۇلىك ساپاسى تۇگەلدەي بۇكىل ەل بويىنشا ءبىرىنشى ورىندى يەلەدى

  جالپىلىق اقپارات قۇرالى تىلشىلەر يۇي چياڭفۋ، سۇي يۇنيان، جاڭ تيڭ 8 - ايدىڭ 12 - كۇنى قۇمىلدان حابارلايدى. قۇمىل قالالىق فينانس كەڭسەسىنەن ۇعىسۋعا قاراعاندا، بيىل 6 - ايدىڭ اياعىنا دەيىن، قۇمىل قالاسىنىڭ جاسىل سەنىمدى امانات - قارىز قالدىق اقشاسى 25 ميلليارد 699 ميلليون يۋان بولىپ، يەلەيتىن ارا سالماعى %43.33تى ۇستاپ، ۇنامسىزدىق مولشەرى ءنول بولىپ، يەلەيتىن جانە مال - مۇلىك ساپاسى تۇگەلدەي بۇكىل ەل بويىنشا ءبىرىنشى ورىندى يەلەپ، تازا ەنەرگيا، جاسىل قاتىناس، لاستانۋدان ساقتانۋ جانە ونى جونگە سالۋ سياقتى كاسىپتەردىڭ دامۋىن پارمەندى قولداعان.

  2017 - جىلى 6 - ايدا مەملەكەتتىك كەڭەستىڭ بەكىتۋىمەن، شينجياڭ، جىجياڭ قاتارلى 5 ولكە، رايونداعى 8 ايماق، قالا بۇكىل مەملەكەتتىڭ جاسىل فينانس رەفورما جاساۋ، جاڭالىق اشۋ سىناق رايونى بولدى، قۇمىل سولاردىڭ بىرەۋى. قۇمىل قالاسى وسكەلەڭ ءمان بەرىپ، «قۇمىل قالاسىنىڭ جاسىل ەكونوميكانى (2017 − 2021 - جىل) دامىتۋ جوباسى»، «قۇمىل قالاسىنىڭ جاسىل فينانس رەفورما جاساۋ، جاڭالىق اشۋ سىناق رايونىن قۇرۋدىڭ 5 جىلدىق (2017 − 2021 - جىل) اتقارۋ جوباسى» سياقتىلاردى جاساپ شىعارىپ، قىزمەت مىندەتى مەن قىزمەت جاۋاپكەرشىلىگىن اشالاپ، وتكەلدى الدىعا جىلجىتۋعا شىنايى كەپىلدىك ەتىپ، تاراۋ اتتاعان بىرىككەن كۇش قالىپتاستىردى.

  قۇمىل قالاسىنداعى بانكە كاسىبى فينانس قۇرىلىمدارى جاسىل كاسىپ سالاسىنىڭ ءوزىن تەجەۋ مەحانيزمىن ورناتىپ، ”جاسىل سەنىمدى امانات - قارىز تەك قانا ارتۋ، ازايماۋ، جاسىل ەمەس سەنىمدى امانات - قارىز تەك قانا ازايۋ، ارتپاۋ“ سىندى سەنىمدى امانات - قارىز ساياساتىن بەلسەندىلىكپەن تياناقتاندىرىپ، سەنىمدى امانات - قارىز ساياساتىنىڭ كاسىپ دامۋىنا جەتەكشىلىك ەتۋ رولىن ساۋلەلەندىرىپ، قۇمىل قالاسىنىڭ كاسىپتەرىنىڭ دامۋىنىڭ، اسىرەسە، ەنەرگيا كاسىبى دامۋىنىڭ جاسىل، جوعارى ساپالى دامۋعا قاراي بۇرىلىس جاساۋىنا دەم بەردى.

  فينانس باسقارۋ قۇرىلىمدارى جاسىل نىسان قامباسىن زور كۇشپەن قۇرىپ، بانكە مەن كاسىپورىن اراسىنداعى ءتۇرلى نەگىزگى تۇلعالىق جاسىل نىسانداردى جولداۋ ارناسىن اشىپ، جولداۋ مازمۇنىن ارناعا ءتۇسىرىپ، جاسىل نىساندى جولداۋدىڭ جانە باعالاۋدىڭ عىلمي جۇيەسىن قالىپتاستىردى. بيىل 7 - ايدىڭ اياعىنا دەيىن، جاسىل نىسان قامباسىنا 16 توپتا - رەت جيىنى 95 ساپ جاسىل نىسان ەنگىزىلدى، جالپى 54 ميلليارد 130 ميلليون يۋان قارجى قوسىلدى، قارجى قۇراۋ سۇرانىسى 37 ميلليارد 165 ميلليون يۋان بولدى، تەك 2018 - جىلدىڭ وزىندە جاسىل نىساندار قارجى قۇراۋدا يە بولعان قارجى 8 ميلليارد 877 ميلليون يۋانعا جەتتى.

  قۇمىل قالاسىنداعى 12 بانكە سالاسى فينانس قۇرىلىمى جاسىل تارماق بانكە، جاسىل ءىس ءبولىمىن جانە جاسىل پوكاي قۇرىپ، جاسىل فينانستان قىزمەت وتەۋ قابىلەتىن جوعارىلاتتى. جۇڭگو حالىق مال - مۇلىك قامسىزداندىرۋ شەكتى جارنا سەرىكتەستىگى، تايپيڭياڭ مال - مۇلىك قامسىزداندىرۋى جانە جۇڭحۋا بىرلەسكەن قامسىزداندىرۋى سىندى 3 قامسىزداندىرۋ سەرىكتەستىگى جاسىل قامسىزداندىرۋدى زور كۇشپەن دامىتتى، بيىل 6 - ايدىڭ اياعىنا دەيىن، جاسىل قامسىزداندىرۋ اقىسىنان 110 ميلليون يۋان كىرىس كىرىپ، مال - مۇلىك قامسىزداندىرۋىندا يەلەيتىن ارا سالماعى% 30كە جەتىپ، قامتاماسىزداندىرۋ سوماسى 9 ميلليارد 953 ميلليون يۋان بولىپ، بۇكىل ەلدەگى 8 جاسىل فينانس رەفورما جاساۋ، جاڭالىق اشۋ سىناق رايونىنىڭ ىشىندە 3 - ورىندى يەلەدى.

  قۇمىل قالاسى جاسىل ەنەرگيا قۇرىلىسىنا زور كۇشپەن قولداۋ كورسەتتى. بيىل 6 - ايدىڭ اياعىنا دەيىن، قۇمىل قالاسىنىڭ جەلىلەردى بىرىكتىرىپ ەلەكتر شىعارۋ گەنەراتور اگراگات سيىمدىلىعى 20 ميلليون 291 مىڭ 400 كيلوۆات بولدى (بيڭتۋاندى قامتيدى)، مۇنىڭ ىشىندە جەل ەلەكتر گەنەراتور اگراگاتى 10 ميلليون 869 مىڭ كيلوۆات، جارىق ەلەكتر گەنەراتور اگراگاتى 2 ميلليون 320 مىڭ كيلوۆات، باسقا (شاعىن سۋ ەلەكتر، قالدىق جىلۋ ەلەكتر، قالدىق گاز ەلەكتر) گەنەراتور اگراگاتتارى 612 مىڭ 400 كيلوۆات، جاڭا ەنەرگيا گەنەراتور اگراگاتتارى جالپى گەنەراتور اگراگات سيىمدىلىعىنىڭ %68ىن ۇستادى.

  جاسىل سەنىمدى امانات - قارىز كاسىپورىنداردى جاسىل، ورتا قورعايتىن كاسىپتەردى دامىتۋعا جەتەكتەدى ءارى ولار ءۇشىن يكەمدى قارجى قۇراۋ قولداۋىن ازىرلەدى، قارجى قۇراۋ وزىندىك قۇنى دا ءبىرشاما تومەن بولدى، بۇل كاسىپورىنداردىڭ جاسىل دامۋعا تاباندى بولۋ بەلسەندىلىگىن بارىنشا جۇمىلدىردى. بيىل 5 - ايدا قۇمىل گۋاڭحۇي ورتانى قورعاۋ عىلىم - تەحنيكا شەكتى سەرىكتەستىگىنىڭ جىلىنا 400 مىڭ توننا گليكول وندىرەتىن نىسانى قۇرىلىس باستاپ، جالپى 3 ميلليارد 960 ميلليون يۋان قارجى قوسىلدى، مۇنىڭ ىشىندەگى 2 ميلليارد 800 ميلليون يۋاندى بانكەدەن قارىزعا الۋ كەرەك، جاسىل نىسان بولعاندىقتان، قارجى قۇراۋ ماسەلەسى تەز ارادا - اق شەشىلدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى