«حالىق گازەتى» گو جيپيڭنىڭ ماقالاسىن جاريالادى
جۇڭگونىڭ ءارقانداي قيىنشىلىقتى، سىن - سايىستى جەڭە الاتىن تولىق سەنىمى مەن جىگەرى بار
شينحۋا اگەنتتىگىنىڭ 8 - ايدىڭ 13 - كۇنى بەيجيڭنەن بەرگەن حابارى. 8 - ايدىڭ 13 - كۇنى شىققان «حالىق گازەتى» گو جيپيڭنىڭ «جۇڭگونىڭ ءارقانداي قيىنشىلىقتى، سىن - سايىستى جەڭە الاتىن تولىق سەنىمى مەن جىگەرى بار» اتتى ماقالاسىن جاريالادى.
ماقالادا بىلاي دەلىندى: جۇڭگو ەكونوميكاسىنىڭ ناتيجە تىزىمدىگىن اشىپ، جوعارى ساپالى دامۋدىڭ جاڭا بولاشاعىنا كوز جىبەرسەڭىز، جۇڭگو ەكونوميكاسىنىڭ كورسەتكەن بەرىك تىرەگى، زور توزىمدىلىگى ادامدى جەلپىندىرەدى. ىشكى جاقتا ەكونوميكانىڭ قۇلدىراۋ قىسىمى، سىرتقى جاقتا ساۋدا قاجالىسى سياقتى حاۋىپ - قاتەر، سىن - سايستارعا ءدوپ كەلگەنىمەن، الايدا جۇڭگونىڭ ەكونوميكالىق اينالىمى تۇلعالىق جاقتان ورنىقتى، ورنىقتىلىق بارىسىندا ىلگەرىلەۋ سىندى دامۋ كۇيىن جالعاستىرىپ كەلەدى، ول ءالى دە دۇنيە ءجۇزى ەكونوميكاسىنىڭ جارقىن ءتۇيىنى.
ماقالادا بىلاي دەپ اتاپ كورسەتىلدى: دۇنيە ءجۇزى بازارى ۇلكەن بالكۇلشەنى بىرگە جاساۋدى قاجەت ەتەدى، تەرەزەسى تەڭ تۇرعىدا سەلبەستىك جاساسۋ، ءوزارا پايدا جەتكىزىپ، تەڭ يگىلىككە كەنەلۋ بىردەن - ءبىر دۇرىس جول. الباتى قالپاق كيگىزۋ، كەدەن باجىسىن ۇستەلەمەۋ، جۇڭگو كاسىپورىندارىنا سوققى بەرۋ، قىسىم جاساۋ، جۇڭگونى شەگىنشەكتەۋگە ماجبۇرلەۋ، جۇڭگونىڭ دامۋىن شەكتەۋگە ۇرىنعان ارەكەتتەردىڭ ىسكە اسپايتىندىعى داۋسىز.
ماقالادا بىلاي دەپ باسا دارىپتەلدى: جۇڭگو حالقى مىناعان كامىل سەنەدى، ءارقانداي كۇش جۇڭگونى دامۋ ۇقىعىنان ماقرۇم ەتە المايدى، جۇڭگو حالقىنىڭ تاماشا تۇرمىسقا تالپىنعان قۇلشىنىسىنا كەسە - كولدەنەڭ بولا المايدى. جۇڭگونىڭ ءارقانداي قيىنشىلىقتى، سىن - سايىستى جەڭە الاتىن تولىق سەنىمى مەن جىگەرى بار، جۇڭگو ەكونوميكاسىنىڭ دامۋ اياق الىسىن بوگەۋگە كەلمەيدى، جۇڭگو حالقىنىڭ دۇنيە جۇزىندەگى ءار ەل حالقىمەن قول ۇستاسا نۇرلى بولاشاق جاراتۋداعى جولى، ءسوز جوق، بارعان سايىن كەڭەيە تۇسپەك.
