تيانشان تورى   ›   جاڭالىقتار   ›   ساياحات

مەرەكە كەزىندە رايونىمىز ەل ءىشى ساياحاتشىلارىنان 8 ميلليون 923 مىڭ 700 ادام - رەت قابىلدادى

سالىستىرمالى ولشەم بويىنشا سايكەس مەزگىلدەگىدەن %20.11 ارتتى

  ءتىلشى ياۋ گاڭ 8 - ايدىڭ 13 - كۇنى ۇرىمجىدەن حابارلايدى. 8 - ايدىڭ 13 - كۇنى اۆتونوميالى رايوندىق مادەنيەت جانە ساياحات مەڭگەرمەسىنەن ۇعىسۋىمىزشا، 3 - جاق سەرىكتەستىكتىڭ تەكسەرۋ ساناعىنا قاراعاندا، 2019 - جىلى قۇربان ايت دەمالىسى كەزىندە (8 - ايدىڭ 10 - كۇنىنەن 8 - ايدىڭ 13 - كۇنىنە دەيىن) رايونىمىزدىڭ قابىلداعان ەل ءىشى ساياحاتشىلارى 8 ميلليون 923 مىڭ 700 ادام - رەتكە جەتىپ، سالىستىرمالى ولشەم بويىنشا سايكەس مەزگىلدەگىدەن %20.11 ارتتى؛ ەل ءىشى ساياحات كىرىسى 12 ميلليارد 728 ميلليون يۋانعا جەتىپ، سالىستىرمالى ولشەم بويىنشا سايكەس مەزگىلدەگىدەن %22.17 ارتتىرۋدى جۇزەگە اسىردى.

  قاناس كورىنىس وڭىرىنە ساياحاتتاي كەلگەندەردىڭ سانى كۇننەن - كۇنگە ارتتى، 8 - ايدىڭ 10 - كۇنى كورىنىس ءوڭىرىنىڭ قابىلداعان ساياحاتشىلارى 102 مىڭ 391 ادام - رەتكە جەتىپ، سايكەس مەزگىلدەگىدەن %23 ارتتى. 8 - ايدىڭ 12 - كۇنى كورىنىس ءوڭىرىنىڭ قابىلداعان ساياحاتشىلارى 111 مىڭ 578 ادام - رەتكە جەتىپ، سايكەس مەزگىلدەگىدەن %37 ارتتى. تيانشان بوعدا كولى كورىنىس وڭىرىنە كەلگەن ساياحاتشىلاردىڭ اياعى ۇزىلمەدى، قۇربان ايت دەمالىسى كەزىندە تيانشان بوعدا كولىنە ساياحاتتاي كەلگەندەر 109 مىڭ 31 ادام - رەتكە جەتىپ، بىلتىرعى سايكەس مەزگىلدەگىدەن %49.37 ارتىپ، ساياحات ەكونوميكالىق كىرىسى 195 ميلليون يۋانعا جەتىپ، بىلتىرعى سايكەس مەزگىلدەگىدەن %57.4 ارتتى. لوپنۇرلىقتار قورجاسى كورىنىس ءوڭىرى 4 كۇنگى دەمالىستا 14 مىڭ 518 ادام - رەت ساياحاتشى قابىلداپ، ساياحات كىرىسىن 2 ميلليون 178 مىڭ يۋانعا جەتكىزۋدى جۇزەگە اسىردى.

  ”كورىنىس ءتۇيىنى ساياحاتى“نىڭ ”تۇتاس وڭىرلىك ساياحات“قا ويىسۋىنا ىلەسە، شينجياڭنىڭ جەر - جەرى ساياحاتشىلاردىڭ قاۋىرت مەزگىلىن قارسى الدى.

  دەمالىس كەزىندە تارباعاتاي ايماعى جالپى 387 مىڭ ادام - رەت ساياحاتشى قابىلداپ، سايكەس مەزگىلدەگىدەن %58.3 ارتتى؛ ساياحات كىرىسى 350 ميلليون يۋانعا جەتىپ، سايكەس مەزگىلدەگىدەن %57.4 ارتتىرۋدى جۇزەگە اسىردى. ”تۇتاس وڭىرلىك ساياحاتتىڭ دامۋىنا ىلەسە، ءوز كولىگىمەن ساياحاتتاۋ، اۋىل - قىستاقتاردا ساياحاتتاۋ، قالا ماڭىندا ساياحاتتاۋ كورنەكتى ارتىپ، ماڭايداعى قالالاردا ءوز كولىگىمەن ساياحاتتايتىندار ۇزدىكسىز ارتتى. دەمالىس ساياحاتى، اۋىل - قىستاق ساياحاتى، كۇتىنۋ ساياحاتى سىندى ساياحات ونىمدەرى ساياحاتشىلاردىڭ قارسى الۋىنا بولەندى. تۇتاس وڭىرلىك ساياحاتتىڭ دامۋىنا ىلەسە، ادامداردىڭ ءجۇرىس - تۇرىس فورماسى مەن تۇتىنۋ كوزقاراسىندا وزگەرىستەر تۋىلۋدا“، - دەدى تارباعاتاي ايماقتىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ باستىعى چاي حۇڭحۋا.

  مايتاۋ - كۇشار تاس جولىندا ءوز كولىگىمەن ساياحاتتاۋ دەمالىس كەزىندە شينجياڭنىڭ ءىشى - سىرتىنان كەلگەن قالىڭ ساياحاتشىنىڭ ءبىرىنشى تالعامىنا اينالدى. ءوز كولىگىمەن ساياحاتتاۋ، اۋىل - قىستاق ساياحاتى سىندى ساياحات فورمالارى اقسۋ ايماعىنىڭ ساياحات كاسىپ سالاسىنىڭ ۇزىكسىز ارتۋىنا تۇرتكى بولىپ، دەمالىس كەزىندە اقسۋ ايماعى جيىنى 516 مىڭ 500 ادام - رەت ساياحاتشى قابىلداپ، سايكەس مەزگىلدەگىدەن %166.5 ارتتى؛ ساياحات كىرىسىن 45 ميلليون 261 مىڭ 600 يۋانعا جەتكىزىپ، سايكەس مەزگىلدەگىدەن %272.7 ارتتىرۋدى جۇزەگە اسىردى.

  مەرەكە دەمالىسىنىڭ ساياحاتقا تۇرتكىلىك اسەرى كورنەكتى بولدى. ءۇشتۇرپان اۋدانى ءوز كولىگىمەن سايالاۋ ساياحاتىنىڭ قىسقا مەرزىمدى قاۋىرت مەزگىلىن قارسى الىپ، قالىڭ ساياحاتشىلار يانچۋانشان سياقتى كورىنىس وڭىرلەرىنە بارىپ سايالادى، سەرۋەندەدى. تۇتاس اۋدان جالپى 43 مىڭ 600 ادام - رەت ساياحاتشى قابىلداپ، ساياحات كىرىسىن 3 ميلليون 843 مىڭ يۋانعا جەتكىزۋدى جۇزەگە اسىردى، ساياحاتشى قابىلداۋ مولشەرى مەن ساياحات كىرىسى سايكەس مەزگىلدەگىدەن %60تەن استام ارتتى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى