تيانشان تورى   ›   جاڭالىقتار   ›   ايبىندى 70 جىل ، كۇرەسكە تولى جاڭا ءداۋىر

سۋ ۇنەمدەۋ، ونىمدىلىكتى ارتتىرۋ سىندى قوس تيىمدىلىكتى جۇزەگە اسىردى

قۇمىل قالاسى سۋ ۇقىعى، سۋ باعاسى رەفورماسىن جاپپاي ىلگەرىلەتتى

سۋ ۇنەمدەۋ، ونىمدىلىكتى ارتتىرۋ سىندى قوس تيىمدىلىكتى جۇزەگە اسىردى

  جالپىلىق اقپارات قۇرالى تىلشىلەرى يۇي چياڭفۋ، جاڭ تيڭ، سۇي يۇنيان 8 - ايدىڭ 13 - كۇنى قۇمىلدان حابارلايدى. 8 - ايدىڭ 9 - كۇنى تۇستەن بۇرىن قۇمىل قالاسى يجوۋ رايونى داچۋانۋان اۋىلى حۋاڭلۋگاڭ قىستاعىنىڭ اتىز باستارىن جاسىل جەلەك جامىلعان، قىستاق تۇرعىنى لۇي رۇڭگۋاڭ اتىزدا ماقتانىڭ ءوسۋ جاعدايىن تەكسەرۋدە.

  ”بيىل وتباسىمىز 52 مۋ جەردىڭ 28 مۋىنا قاربىز، 24 مۋىنا ماقتا ەكتى، بيىل جىل باسىندا ءبىزدىڭ بۇل ارادا سۋ ۇقىعى، سۋ باعاسى رەفورماسى جۇرگىزىلدى، سۋ باعاسى ءوستى، ەندىگارى بۇرىنعىداي قاپتاتىپ سۋارمايتىن بولدىق، 52 مۋ جەرگە تۇگەلدەي تامشىلاتىپ سۋارۋ تەحنيكاسىن قولداندىق، بارلىق جەردە سۋ ۇنەمدەلدى. بيىل بۇرىنعى جىلدارداعىمەن سالىستىرعاندا سۋدى از پايدالاندىم، الايدا كىرىسىم ارتتى. تەك 28 مۋ جەردەگى قاربىزدان 100 مىڭ يۋان تازا كىرىس كىرگىزدىم، بۇرىنعى كەزدەگى 100 مۋ جەرگە ەككەن ماقتانىڭ كىرىسىمەن قارايلاس بولدى“، - دەدى لۇي رۇڭگۋاڭ تىلشىگە قۋانىشتى تۇردە.

  داچۋانۋان اۋىلى قۇمىل قالاسى يجوۋ رايونىنىڭ شىعىسىندا، نەگىزگى ماقتا القابى، ماقتا ءونىم مولشەرى قۇمىل قالاسىنىڭ %40ىن يەلەيدى.

  ”بىلتىر اۋىلىمىزدىڭ ەگىستىك جەر اۋدانى 237 مىڭ 600 مۋ بولدى، مۇنىڭ ىشىندە 217 مىڭ مۋ جەرگە ماقتا ەگىلدى، ماقتانىڭ ءونىم مولشەرى جوعارى بولعانىمەن، سۋ دا كوپ جۇمسالدى، بۇل اۋىل شارۋاشىلىعىنىڭ باياندى دامۋىنا ءتيىمسىز، سۋ ۇنەمدەۋ − ءتۇبىرلى جول“، - دەدى داچۋانۋان اۋىلدىق پارتكومنىڭ شۋجيى حى جۇڭدۇڭ.

  قۇمىل قالاسىنىڭ جىلدىق جاۋىن - شاشىن مولشەرى 36 ميلليمەتر، الايدا بۋلانۋ مولشەرى 3300 ميلليمەتر. سۋ بايلىعى تاپشى، سۋ ىستەتۋ قۇرىلىمى ۇيلەسىمسىز، سۋدان پايدالانۋ ونىمدىلىگى تومەن بولۋ سياقتى كوپتەگەن فاكتورلار قۇمىلدىڭ اۋىل شارۋاشىلىعىنىڭ دامۋىن تەجەۋدە. وسى سەبەپتى 2005 - جىلدان باستاپ، قۇمىل قالاسى سۋ ۇنەمدەۋ تەبىنىن ارتتىرىپ، بۇكىل شينجياڭدا سۋ ۇنەمدەيتىن قوعام قۇرۋعا الدىمەن كىرىستى. اۋىل شارۋاشىلىعىندا ەگىنشىلىك قۇرىلىمىن رەتتەپ، جوعارى ءونىمدى سۋ ۇنەمدەۋ تەحنيكاسىن جالپىلاستىردى، 2018 - جىلدىڭ سوڭىنا جەتكەندە، قۇمىل قالاسى جارعاق استىنان تامشىلاتىپ سۋارۋدى نەگىز ەتكەن جوعارى ءونىمدى سۋ ۇنەمدەيتىن جەر اۋدانىن ءبىر ميلليون 330 مىڭ مۋعا جەتكىزدى، بۇل جالپى سۋارىلمالى جەر اۋدانىنىڭ %85ىنەن استامىن ۇستادى. اۋىل شارۋاشىلىعىنداعى جوعارى ءونىمدى سۋ ۇنەمدەۋ ينجەنەريا قۇرىلىسى قۇمىل قالاسىنىڭ سۋ ىستەتۋ قۇرىلىمىن رەتتەۋدى پارمەندى جەبەپ، اۋىل شارۋاشىلىعىنا سۋ ىستەتۋ سالىستىرماسى 2005 - جىلداعى %88.1تەن قازىرگى %80كە تومەندەپ، سۋ پايدالانۋ ونىمدىلىگى مەن تابىسى كورنەكتى جوعارىلادى.

  ءاربىر تەكشەمەتر سۋدىڭ ەڭ جوعارى ونىمدىلىكتى ساۋلەلەندىرۋىنە مۇمكىندىك جاساۋدىڭ تەتىگى اۋىل شارۋاشىلىعى سۋ باعاسىن قالىپتاستىرۋ مەحانيزمىن ورناتۋدا.

  بيىل قۇمىل قالاسى سۋ ۇنەمدەۋدى الدىمەن ەسكەرۋگە تاباندى بولىپ، ەڭ قاتاڭ سۋ بايلىعىن باسقارۋ ءتۇزىمىن مۇقيات تياناقتاندىرىپ، سۋ ۇقىعى، سۋ باعاسى رەفورماسىن جاپپاي ىلگەرىلەتىپ، تۇرمىسقا، وندىرىسكە، ەكولوگياعا پايدالاناتىن سۋدى ءبىر تۇتاس جوسپارلاپ، اۋىل شارۋاشىلىعىنىڭ سۋ ۇقىعىن ايقىنداپ، ەكىنشى كەزەكتى جەردى كوتەرمەگە الۋداعى اۋىل شارۋاشىلىعى سۋ ۇقىعى ءتۇزىمىن ورناتتى ءارى اۋىل شارۋاشىلىعى سۋ ۇقىعىنان پايدالانۋ كۋالىگىن تاراتىپ، ”بەلگىلەنگەن نورمادا اقى الۋ، بەلگىلەنگەن نورمادان اسسا باعا ۇستەمەلەۋ“ ءتۇزىمىن جاپپاي اتقارىپ، سۋدى كوپ ىستەتسە اقىنى كوپ تاپسىردى. ماشينالى ەلەكتر قۇدىعىنا قۇدىقتى، ماشينانى قوس تىزگىندەۋدى اتقارىپ، ەلەكتر ىستەتۋ مولشەرىن تىزگىندەۋ ارقىلى سۋ شىعارۋ مولشەرىن تىزگىندەۋدى جۇزەگە اسىردى.

  قۇمىل قالالىق سۋ يگىلىگى مەكەمەسى سۋ ىستەرىن، سۋ بايلىعىن باسقارۋ ورتالىعىنىڭ مەڭگەرۋشىسى ۋ حۇڭفاڭ تىلشىگە بىلاي دەدى: قۇمىل قالاسى سۋ ۇقىعى، سۋ باعاسى رەفورماسىنان كەيىنگى شارۋالاردىڭ سۋ اقى شىعىسى جاعدايىنا قاداعالاي تەكسەرۋ جۇرگىزدى، تەكسەرۋ ناتيجەسىندە كورسەتىلۋىنشە، سۋ باعاسى وسكەنىمەن، شارۋالاردىڭ سۋ اقى شىعىسى ارتپاعان، سەبەبى شارۋالار سۋدى ۇنەمدەپ ىستەتە باستاعان. مەجەگە نەگىزدەلگەندە، بيىل تۇتاس قالانىڭ اۋىل شارۋاشىلىعىنا ىستەتىن سۋى 140 ميلليون تەكشەمەتر ازاياتىن كورىنەدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ءۇرىمجى يامالىق تاۋى بۇكىلدەي جاسىلدانۋدى جۇزەگە اسىردى
  • تارباعاتايدىڭ قىس ماۋسىمىنداعى ساياحات ونىمدەرىنىڭ ساۋداسى كۇسەتتەندى
  • ”قوس 11“ جونەلتۋمەن قاربالاس
  • كاسىپتەنۋ جولىن اشتى
  • شينجياڭ ساۋدا - ساتتىق ۇيىرمەسى ”شينجياڭ جاقسى جەر“ نەگىزگى تاقىرىبىندا كورمەگە قاتىناستى