شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە — جاڭا ءداۋىر، جاڭا تەبىن،جاڭا تابىس
ءتىلشى لي چۇنشيا 8 - ايدىڭ 13 - كۇنى ۇرىمجىدەن حابارلايدى. وسى بىرنەشە كۇندە بۋىرشىن اۋدانى شۇڭقىر قالاشىعى قىزىلقايىڭ قىستاعىنىڭ تۇرعىنى بايتاق نۇرباي وتە قاربالاس بولدى، بيىل قاناس كورىنىس اۋماعىنا بارعان ساياحاتشىلار وتكەن جىلدارداعىدان كوپ، ونىڭ ءۇيى اشقان حالىقتىق تۇسەلحانا كۇندە لىق تولادى دەرلىك. ”قاراعاندا، بيىل 100 نەشە مىڭ يۋان تابۋىمدا ماسەلە جوق سياقتى“. بايتاقتىڭ قۋانىشىندا شەك جوق.
قىزىلقايىڭ قىستاعى قاناس كورىنىس اۋماعىنا بارۋداعى، ءسوزسىز، باسىپ وتەر جولعا ورنالاسقان، قىستاق تۇرعىندارى بۇرىن كوشپەندى تۇرمىس كەشىرەتىن. وسى 2 جىلدا قىستاق تۇرعىندارى اۆتونوميالى رايوننىڭ ساياحات كاسىبىن زور كۇشپەن دامىتۋ تاماشا ورايىن مىقتاپ يگەرىپ، وي جەلىسىنە بۇرىلىس جاساپ، تۇس - تۇستان حالىقتىق تۇسەلحانا، شارۋالار شاتتىعى ساياجايىن اشىپ، ساياحات سىندى ”التىن كەسە“گە سۇيەنىپ، كۇن كورىستەرىن بارعان سايىن جاقسارتا ءتۇستى.
”قازىر بۇكىل اۋداندا 137 قوناق ءۇي، قوناقجاي، 476 حالىقتىق تۇسەلحانا بار، ساياحات كاسىبى جۇمىستانۋدى جەتەكتەۋ، ەگىنشى - مالشىلاردى كىرىستى ارتتىرىپ، بايۋعا جەتەكتەۋدە قاباعات ماڭىزدى رول اتقارىپ وتىر“. بۋىرشىن اۋداندىق مادەنيەت، دەنە تاربيە، راديو، تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ شۋجيى يە سۋچين بىلاي دەپ تانىستىردى: بيىل جىل باسىنان بەرى بۋىرشىن اۋدانىنداعى ساياحات كاسىبىمەن شۇعىلدانۋشىلار 17 مىڭ ادامعا جەتىپ، تۇتاس اۋدانداعى جۇمىستانعاندار جالپى سانىنىڭ ％43ىن يەلەدى.
ورنىقتىلىق پايداسىنىڭ ۇزدىكسىز جارىققا شىعۋىنا ىلەسە، شينجياڭ ساياحاتى التىن مەزگىلگە ەنىپ، جۇمىستاندىرۋدىڭ ماڭىزدى ارناسىنا اينالىپ، اناعۇرلىم كوپ ەگىنشى - مالشىلار ساياحات ارقىلى جۇمىستانىپ، كىرىستى ارتتىرۋ جولىنا ءتۇستى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ ساناعىنا قاراعاندا، بيىل الدىڭعى جارتى جىلدا رايونىمىز قونالقى اس - سۋ، ساياحاتتىق ەستەلىك بۇيىمدارىن جاساۋ، اۋىل - قىستاق ساياحاتى سياقتى جولدار ارقىلى جاڭادان 32 مىڭنان استام ادامدى جۇمىستاندىرىپ، تۇتاس جىلدىق نىسانا - مىندەتتىڭ ％80ىن ورىندادى.
ساياحات كاسىبىنىڭ كوركەيۋى، ”ساياحات +سۇيەمەلدەۋ“دىڭ اياسىن كەڭەيتىپ، وڭتۇستىك شينجياڭ وڭىرىندەگى اناعۇرلىم كوپ كەدەي بۇقارانى اۋىل - قىستاق ساياحاتىن دامىتۋ، كورىنىس اۋماعىندا جۇمىستانۋ، كەشكى بازاردا جايما اشۋ، ءداستۇرلى قولونەر بۇيىمدارىمەن شۇعىلدانۋ جانە جەرگىلىكتى ونىمدەردى ءوندىرۋ - ساتۋ سياقتى كوپ ءتۇرلى جولدار ارقىلى جۇمىستانۋعا جەتەكتەدى. ءۇشتۇرپان اۋدانى اۋىل - قىستاق ساياحاتىن دامىتۋعا سۇيەنىپ، سول اراداعى ءبىر تالاي كەدەي وتباسىلارى مەن اۋىل - قىستاق ارتىق ەڭبەككۇشتەرىنىڭ جۇمىستانۋىن شەشتى. بۇل كۇندەرى وسى اۋدان اۋىل - قىستاق ساياحاتى ارقىلى كەدەيلەردى سۇيەمەلدەۋدەن ۇلگى كورسەتۋ تۇيىنىنەن 11ىن قۇردى، ساياحات كاسىبى تۇتاس اۋدانداعى 2000نان استام ادامدى كەدەيلىكتەن ارىلۋعا جەتەكتەدى.
ساياحات كاسىبى قاۋىرت دامۋىنىڭ جاڭا جاعدايىنا ۇيلەسۋ ءۇشىن، رايونىمىز ساياحات دارىندىلارىن باۋلۋ تەبىنىن ۇزدىكسىز ارتتىردى. التاي ايماعى تۇڭعىش جوعارى دارەجەلى كاسىپتىك - تەحنيكالىق شۋەيۋانىن قۇرىپ، ساياحات باسقارۋ، قوناق ءۇي باسقارۋ سياقتى 6 ماماندىق اشقالى وتىر، نەگىزىنەن، ساياحات ماماندىعىنىڭ جوعارى شەبەرلىگى بار دارىندىلارىن باۋليدى، بيىل 600 وقۋشى قابىلداۋدى جوسپارلاۋدا؛ فۋكاڭ شەبەرلەر شۋەيۋانى ساياحات ماماندىعى بويىنشا وقۋشى قابىلداۋ سانىن ارتتىرۋمەن بىرگە، تاعى بەلسەندى تۇردە قوعامعا باعىتتاپ ساياحات سالاسىنىڭ كاسىپورىن قىزمەتكەرلەرىن باۋلۋدى ورىستەتتى، 2018 - جىلى 2000 نەشە ادام - رەت باۋلىدى؛ حوتان شەبەرلەر شۋەيۋانى 80 نەشە قوناق ءۇي، اس - سۋ ساياحات قىزمەت وتەۋى كاسىپورىندارىمەن مەكتەپ - كاسىپورىن سەلبەستىگىن ورىستەتىپ، مەكتەپ بىتىرگەن وقۋشىلاردىڭ جۇمىستانۋىن كوپ ءتۇرلى ارنامەن ىلگەرىلەتتى.
”بۇدان كەيىن ءبىز ساياسات، قىزمەت وتەۋ، باۋلۋ جاعىندا جان - جاقتىلى كۇش سالىپ، ساياحات كاسىپ سالاسىنىڭ اناعۇرلىم كوپ ادامدى جۇمىستانۋعا جەتەكتەۋىن ىلگەرىلەتەمىز“. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى جۇمىستانۋدى ىلگەرىلەتۋ باسقارماسىنىڭ قىزمەتكەرى ما جيانيۇن تانىستىرىپ بىلاي دەدى: رايونىمىز ساياحات كاسىبىنە باۋلۋدى ىلگەرىلەتۋ جوسپارى، تەحنيكالىق مەكتەپ شەبەرلىك دارىندىلارىن تاربيەلەۋ جوسپارى سياقتىلاردى ۇزدىكسىز اتقارىپ، دارىندىلاردى تاربيەلەۋ تەبىنىن ارتتىرىپ، ساياحاتتىق قىزمەت وتەۋ ساپاسىن جوعارىلاتىپ، ساياحات كاسىپ سالاسىنىڭ جوعارى ساپالى دامۋىن ىلگەرىلەتىپ، اناعۇرلىم كوپ ادامدى ورنىقتى جۇمىستانۋ مەن ۇزاق مەزگىل جۇمىستانۋدى جۇزەگە اسىرۋعا جەتەكتەيدى.
