− رىجاۋ قالالىق شينجياڭعا كومەكتەسۋ قولباسشىلىق شتابىنىڭ قولباسشىسى، ماكىت اۋداندىق پارتكومنىڭ ورىنباسار شۋجيى ديڭ حۇي تۋرالى
شينجياڭعا كومەككە كەلگەن كادرلار كەلبەتى
ءتىلشى حان چينيان
93 شينجياڭعا كومەكتەسۋ نىسانى، ءبىر ميلليارد 13 ميلليون يۋاندىق كومەك قاراجات... ادامدى جەلپىندىرەتىن ساندى سيفرلار رىجاۋ قالالىق شينجياڭعا كومەكتەسۋ قولباسشىلىق شتابىنىڭ شينجياڭعا كومەكتەسۋ ناتيجەلەرىن بايانداۋدا، ەندى ءبىر جاعىنان، ديڭ حۇيدىڭ رىجاۋ قالالىق شينجياڭعا كومەكتەسۋ قولباسشىلىق شتابىنىڭ قولباسشىسى، ماكىت اۋداندىق پارتكومنىڭ ورىنباسار شۋجيى بولعان وسى 3 جىلدان بەرگى قۇلشىنىسى مەن ەڭبەگىن ايگىلەۋدە.
”شىلان مەكەنى“نىڭ شىلانىن شينجياڭنان شىعاردى
”شىلاننىڭ ساتىلۋىنان ەندى الاڭدامايتىن بولدىم، بيىل شىلان، ءسوز جوق، تاعى دا جوعارى باعاعا ساتىلادى“، - دەدى ماكىت اۋدانى تۇمەنتال اۋىلى تۇمانتال قىستاعىنىڭ شىلان وسىرگەن ديقان اسەن مامۇت تەبىرەنىپ.
ماكىت اۋدانىنىڭ ”شىلان مەكەنى“ دەگەن اتاعى بار، شىلان ءوسىرۋ اۋماعى 560 مىڭ مۋ، جىلدىق ءونىم مولشەرى 230 مىڭ توننادان استام، شىلاننىڭ كىرىسى بۇكىل اۋداننىڭ جان باسىندىق كىرىسىنىڭ ％47ىن ۇستايدى. قايتكەندە ماكىت اۋدانىنىڭ شىلانىن شىن مانىندە شىلان وسىرۋشىلەردىڭ ”باقىت شىلانى“نا اينالدىرۋعا بولادى؟ ديڭ حۇي وسى جونىندە وي جۇگىرتتى، ارەكەتكە دە كەلدى.
ءبىر جولى بەيجيڭدە ىسساپارمەن جۇرگەن ديڭ حۇي ۇيلەرىنە دەمالۋعا كەلگەن رىجاۋدان شينجياڭعا كومەككە كەلگەن كادرلاردىڭ حىبەي ولكەسى ساڭجوۋ قالاسىندا تانىستىرۋ ءماجىلىسىن اشىپ جاتقاندىعىن ەستىپ، دەرەۋ ساڭجوۋعا بارىپ، كاسىپورىنشىلاردى ماكىت اۋدانىنا بارىپ قارجى قوسىپ، شارۋاشىلىقتارىن شالقىتۋعا ۇسىنىس ەتەدى.
”ءبىز بارلىق مۇشەلەر تۇگەلدەي ساۋداگەر شاقىرۋ مەكەمەسىنىڭ ’شتاتىنان سىرت قىزمەتكەرلەرى‘مىز“، - دەدى بيىل 48 جاستاعى ديڭ حۇي كۇلىمسىرەي تۇرىپ. ساڭجوۋداعى تانىستىرۋ ماجىلىسىنەن كەيىن، مانجياڭحۇڭ جەمىس كاسىبى شەكتى سەرىكتەستىگى سياقتى 15 كاسىپورىن ىرگە تەۋىپ، جۇمىس باستادى.
2014 - جىلى رىجاۋگاڭ (توبى) شەكتى سەرىكتەستىگى شينجياڭ رىجاۋگاڭ زات اينالىمى باقشاسىندا 37 ميلليون يۋاننان استام قارجى قوسىپ، جىلىنا 2000 توننادان استام شىلان مانەرلەيتىن زاۆود سالدى. 2018 - جىلى ديڭ حۇيدىڭ قۇلشىنۋىندا، رىجاۋگاڭ (توبى) تاعى 10 ميلليون يۋان قارجى قوسىپ، شىلان ءوندىرىس جەلىسىن، تۇراقتى تەمپەراتۋرالى ساقتاۋ قامباسىن، ساقتاۋ قامباسىن جانە زات اينالىمى سايكەستى قۇرىلعىسىن نەگىز ەتكەن ماكىت اۋىل شارۋاشىلىق ونىمدەرى ساۋدا باقشا رايونىن جاڭادان سالىپ، ”شىلان مەكەنى“نىڭ شىلانىن شينجياڭنان شىعاردى.
كاسىپ بەتالىسى ”كەدەيلەردى سۇيەمەلدەۋ اسەرىن“ كورنەكتىلەندىردى
تاڭ الدىنداعى ماكىت ۇيقىسىنان وياندى، قاقشال قىستاعىنداعى شينجياڭ ۋجىڭ جاسىل اۋىل شارۋاشىلىعىن دامىتۋ شەكتى سەرىكتەستىگىنىڭ 40 مىڭ مۋلىق ەگىن شارۋاشىلىعىنان ۇلگى كورسەتۋ باقشا بازاسى باياعىدا - اق ءوندىرىس دىر - دۋمانىنا شومعان ەدى.
ەگىنشىلىكتى، باعىمشىلىقتى، گۇل - كوشەت جەتىلدىرۋدى جانە ەلەكترسيكل قۇراستىرۋ مەن ساتۋدى ءبىر تۇلعالاندىرعان شاندۇڭنىڭ بۇل سەرىكتەستىگى جەرگىلىكتى شارۋالارعا تىكە 300دەن استام قىزمەت ورنىن ازىرلەپ، ماۋسىم بويىنشا 500دەن استام جۇمىسشى ىستەتىپ، جىلىنا 8 ميلليون يۋاننان استام ەڭبەكاقى بەرىپ، ىلگەرىندى - كەيىندى دالمە - ءدال كومەكتەسۋ، سۇيەمەلدەۋ ارقىلى 140تان استام وتباسىن كەدەيلىكتەن ارىلتتى.
قازىر ءدوپ كەلىپ وتىرعان حالىق تۇرمىسى ماسەلەلەرىن شەشۋگە باسا ءمان بەرۋمەن بىرگە، ۇزاق بولاشاقتىق دامۋ قابىلەتىن جوعارىلاتۋعا دا دەن قويۋ كەرەك. وسىنداي ۇستانىم ديڭ حۇيدىڭ قىزمەتىندە تولىق ايگىلەندى.
امەت احات ماكىت اۋدانى شەيتى ءدوڭ اۋىلى قاقشال قىستاعىنىڭ تۇرعىنى، شاندۇڭ ۋجىڭ توبى مەن قاقشال قىستاعى سەلبەسىپ اشىپ قۇرعان 10 مىڭ مۋلىق وسى زامانعى اۋىل شارۋاشىلىعىنان ۇلگى كورسەتۋ باقشا رايونىنا كەلۋدەن بۇرىن، اعايىندى ۇشەۋى ۇيدە ەگىنشىلىكپەن شۇعىلداناتىن، ۋجىڭ 10 مىڭ مۋلىق وسى زامانعى اۋىل شارۋاشىلىعىنان ۇلگى كورسەتۋ باقشا رايونىنا كەلىپ قىزمەت ىستەگەننەن كەيىن، وتباسىنىڭ ەكونوميكالىق شارت - جاعدايى كورنەكتى جاقساردى.
”قازىر اعالى - ءىنىلى بارلىعىمىز ۇلگى كورسەتۋ باقشا رايونىندا قىزمەت ىستەيمىز، ءار ادام ايىنا 2000 يۋاننان استام كىرىس كىرگىزەمىز“، - دەدى ۇلگى كورسەتۋ باقشا رايونىندا قىزمەت ىستەيتىن امەت قۋانىپ. قازىر امەت بەيقۇت ۇيگە كوشىپ كىرۋمەن بىرگە، تازا قۇبىر سۋىن دا ىشەتىن بولدى.
قاقشال قىستاعىندا امەت سياقتى ۇلگى كورسەتۋ باقشا رايونىندا قىزمەت ىستەيتىن 300دەن استام ادام بار، قىستاق تۇرعىندارىنىڭ كىرىسى بۇرىنعىدان كوپ جوعارىلاپ، قاقشال قىستاعى ءبىر جولدا - اق ماكىت اۋدانىنداعى ”جۇلدىز قىستاق“قا اينالدى.
”ءبىر ءىرى نىساندى ەنگىزۋ، ءبىر ءىرى كاسىپتى جەبەۋ“ ۇستانىمىندا، ديڭ حۇي رىجاۋ قالالىق شينجياڭعا كومەكتەسۋ قولباسشىلىق شتابىن باستاپ ىلگەرىندى - كەيىندى جينشىڭ توبى، مايتىڭ مال شارۋاشىلىعى، ليسىن يۋانجياڭ جاڭا ماتەريال سياقتى كاسىپورىنداردىڭ 36 نىسانىن باقشا رايونىنا ىرگە تەۋىپ جۇمىس باستاۋعا ەنگىزىپ، 3 ميلليارد يۋانعا جۋىق قارجى قوسۋدى جوسپارلادى، بۇل 4800دەن استام ادامدى جۇمىسقا ورنالاستىرادى.
ءبىر ءىستى ءبىر ىسكە جالعاپ ىستەدى
”ءبىر ءىستى ءبىر ىسكە، ءبىر جىلدى ءبىر جىلعا جالعاپ ىستەۋ كەرەك“. ديڭ حۇي وسىلاي دەدى ءارى وسىلاي ىستەدى.
ماكىت اۋدانىنداعى كەدەي جان سانى ەڭ كوپ تۇمەنتال اۋىلى تۇمەنتال قىستاعىندا ديڭ حۇي مەن شينجياڭعا كومەككە كەلگەن كادرلار ”اۋىل - قىستاقتاعى شارۋاشىلىق ۇيىمدار جۇمىسقا ورنالاسۋدى، شارۋاشىلىق قۇرۋدى جەبەۋ“ سىندى كەدەيلىكتەن ارىلتۋدان قامال الۋ ۇلگىسىن جەتىلدىرۋدە، دامىتۋدا جاڭالىق اشۋعا ىزدەنىس جاسادى، رىجاۋ قالاسى لانشان رايونىنىڭ وسى قىستاقپەن جاساعان جۇپ قۇراپ بىرگە گۇلدەندىرۋ كەلىسىمىنىڭ قولداۋىندا، مال شارۋاشىلىق، كيىم - كەشەك، جەم - ءشوپ مانەرلەۋ سياقتى 5 سەلبەستىك كووپەراتيۆىن جانە ءبىر شىلان مانەرلەۋ زاۆودىن، 2 جاستاي ساقتاۋ قامباسىن سالدى. اۋىل - قىستاقتاعى بايۋ باستاماشىسىنان 9ىن باۋلىپ، 106 ادامدى كووپەراتيۆكە مۇشە ەتىپ قابىلداپ، 57 جۇمىس ورنىمەن قامدادى، جان باسىندىق جىلدىق كىرىستەرى 20 مىڭ يۋاننان استام بولدى. 2018 - جىلى وسى قىستاقتاعى 282 وتباسىنىڭ 938 ادامى كەدەيلىكتەن ۇزدىكسىز، ورنىقتى ارىلىپ، تۇتاس قىستاق بويىنشا كەدەي قىستاق تىزىمدىگىنەن شەگىنۋ نىساناسى ورىندالدى.
بۇل عانا ەمەس، ديڭ حۇي مەن شينجياڭعا كومەككە كەلگەن كادرلار ”3 دارەجەلى اماناتتاپ باسقارۋ“ بويىنشا ۇيىرمە فورماسىندا وقۋ - اعارتۋ ارقىلى شينجياڭعا كومەكتەسۋدى تىزە قوسا ىلگەرىلەتتى؛ قىستاق دارەجەلى شارۋالاردى شارۋاشىلىق قۇرۋعا جەتىلدىرۋ بازاسىن قۇردى؛ رىجاۋ قالاسىنداعى ءارقايسى رايون، اۋداندى ماكىت اۋدانىنداعى 10 كەدەي قىستاقپەن جۇپ قۇراپ كومەكتەسۋ - سۇيەمەلدەۋ ءىسىن سايكەستىردى؛ ”بەستى باۋلىپ، ءبىردى جەتەكتەۋ“ اۋىل شارۋاشىلىعى ارقىلى شينجياڭعا كومەكتەسۋ، كەدەيلەردى سۇيەمەلدەۋ مەحانيزمى جونىندە ىزدەنىس جاسادى؛ تور قالتا مانەرلەۋدىڭ ”باقشا رايونى سەرىكتەستىگى + سەرىك زاۆود + وتباسى سەحى“ سىندى جۇمىسقا ورنالاستىرۋ ۇلگىسىن جولعا قويىپ، كەدەيلىكتەن ارىلتۋعا دەم بەردى.
