− مەملەكەتتىك تاڭداۋلى كوممۋنيستىك پارتيا مۇشەسى مەي ليان تۋرالى
اۋەلگى ماقساتتى ۇمىتپاۋ بورىشتى ەستە بەرىك ساقتاۋ
جانىمىزداعى ۇلگىلەر
ءتىلشى جاڭ شياۋ يان
مەي ليان، تاۋ قويناۋىنداعى شيپاگەر − قازاق مالشىلارى اقىندار ايتىسى ارقىلى ونىڭ ىزگى ىستەرىن القادى؛ بيڭتۋاننىڭ شەكارا ليان - دۇي ەمحاناسىنىڭ ايەل شيپاگەرى − ليان - دۇيدەگى جۇمىسشى - قىزمەتكەرلەر تىلشىگە ونىڭ شيپاگەرلىك ءمورالى جونىندە جابال اڭگىمەلەدى.
كەزىندە نەگىزگى ساتى تۋان الاڭى شيپاحاناسىنىڭ جاۋاپتىسى بولعان بۇل ادام: ”مەن پارتيا مۇشەسىمىن، شەكارانى كۇزەتۋ، ناۋقاستاردى ەمدەۋ مەنىڭ اۋەلگى ماقساتىم مەن بورىشىم!“، - دەدى.
وسى كۇندە بيڭتۋان 9 - شى ايەلدەر بىرلەستىگىنىڭ ورىنباسار ءتوراعاسى مەي ليان ءوزىنىڭ اۋەلدە جۇڭگوشا شيپاگەرلىك ۇيرەنىپ ”جالاڭاياق شيپاگەر“ بولۋداعى سەبەبى، تاۋدا وسىمدىكتەردى جيناپ ءشوپ ءدارى جاساپ، ينە شانشىپ ناۋقاستى ەمدەگەندە اقى الماۋ ارقىلى تۋان الاڭىنداعى بۇقارانىڭ اۋرۋ ەمدەتۋ اقىسىن تومەندەتۋگە بولاتىندىعى ءۇشىن ەكەندىگىن ايتتى.
جۇمىسشى - قىزمەتكەرلەردىڭ، بۇقارانىڭ كوڭىلىندەگى جاقسى شيپاگەر
مەي ليان بارلىق تاۋىندا تۋعان 2 - ۇرپاق اسكەري تىڭ يگەرۋشى، كىشكەنتايىنان 9 - شى 161 - تۋاندا تۇرمىس كەشىرىپ، ەسەيىپ - ەرجەتكەن.
سول جىلدارى شەت - شالعايداعى بارلىق تاۋلى وڭىرىندە، جاي تىنىس جولى قابىنۋدىڭ ءوزى ءبىر ادامدى ومىرىنەن جۇدا ەتەتىن. تاۋداعى ادامداردى اۋرۋ ازابىنان اراشالاۋ ءۇشىن، مەي ليان بەرىك بەكىمگە كەلىپ، جۇڭگوشا شيپاگەرلىكتى وزدىگىنەن ۇيرەنۋ جولىنا تۇسەدى.
كۇندىز تاۋدا ەڭبەك ىستەسە، كەشتە ۇيىنە قايتىپ كەلگەننەن كەيىن، مەي ليان كارەسىن شام جاعىپ، الا كولەڭكە شام جارىعىنان پايدالانىپ شيپاگەرلىك جونىندەگى كىتاپتاردى بەرىلە وقيدى. تۇپ - تۋرا 3 جىلدا مەي ليان «جۇڭگوشا شيپاگەرلىك نەگىزدىك نازاريالارى» سياقتى 10نان استام جۇڭگوشا شيپاگەرلىك شىعارمالارىن وقىپ بولادى.
1987 - جىلى جازدا 161 - تۋان 9 - لياندا ءبىر ەرلى - زايىپتى تاماقتان ۋلانادى، دەنساۋلىق ساقتاۋشى جۇمىسپەن سىرتقا شىعىپ كەتكەندىكتەن، ليانجاڭ اسىپ - ساسىپ مەي لياندى ىزدەپ كەلەدى. مەي ليان دەرەۋ بارىپ ەرلى - زايىپتىنىڭ اۋرۋ بەلگىسىن تەكسەرىپ، بايىپپەن ەمدەۋ - قۇتقارۋدى باستايدى... تۇڭعىش رەت شيپاگەرلىك ونەرىمەن ناۋقاستى ءساتتى ەمدەگەن مەي ليان بىرتىندەپ جۇمىسشى - قىزمەتكەرلەر سەنىم ارتاتىن ليان - دۇي شيپاگەرىنە اينالادى.
تاۋ قويناۋىندا شيپاگەرلىكپەن اينالىسقاندا، نە قيلى اۋرۋ كەزدەسەدى، ول ءۇشىن ىشكى، سىرتقى اۋرۋلارعا، ايەلدەر مەن بالالار اۋرۋلارىنا جەتىك بولۋ كەرەك. شيپاگەرلىك ونەرىن سومداي ءتۇسۋ ءۇشىن، مەي ليان ىشكەرىدەگى جۇڭگوشا شيپاگەرلىك داشۋەسىنە ەمتيحان بەرىپ ءوتىپ ۇزدىكسىز ءبىلىم الادى ءارى باتىس شيپاگەرلىگىن دە زەر سالا ۇيرەنىپ، جەرگىلىكتى تارالمالى، جۇقپالى اۋرۋلاردى ەمدەۋدى ۇڭىلە زەرتتەيدى... شيپاگەرلىك ونەرىنىڭ جوعارىلاۋى مەن امالياتتىق تاجىريبەسىنىڭ جيناقتالۋىنا ىلەسە، ول ءار ءتۇرلى ۇنەمى كەزدەسەتىن اۋرۋلاردى ەمدەۋمەن قوسا، كەيبىر وڭايشىلىقپەن جازىلمايتىن اۋرۋدى دا ەمدەي الاتىن بولادى.
شيپاگەر بولۋ ءۇشىن الدىمەن ءمورالدى بولۋى كەرەك
ليان - دۇيدىڭ توڭىرەگىندەگى نەشە ون كيلومەتر اۋماقتاعى سايلاردا قازاق مالشىلارى مەكەندەيدى. قىستا تاۋدى قالىڭ قار باسىپ، شىعارعا جول قالمايدى. سىرقاتى اۋىرلاعاندا مالشىلار مەي لياننان جاردەم سۇرايدى، مەي ليان قاي ۋاقىتتا شاقىرسا سول ۋاقىتتا بارادى. موتوتسيكلگە ءمىنۋ، نەشە ساعات اتقا ءمىنۋ، ءتىپتى، 10 كيلومەتردەن استام تاۋ جولىن جاياۋ باسۋ مەي ليان ءۇشىن ۇنەمىلىك ىستەر بولاتىن.
مالشى داكەن تالداۋ تىلشىگە مىنالاردى ايتتى، 2005 - جىلى 2 - ايدا ونىڭ 10 ايلىق نەمەرەسىنىڭ وكپەسى قابىنىپ، جۇبايى مەن كەلىنى بالانى كوتەرىپ 5 − 6 كيلومەتر شالعايداعى 9 - ليانعا مەي لياندى ىزدەپ بارادى. ول كەزدە تاۋدى قالىڭ قار باسىپ جاتقان ەدى، بالانىڭ قول - اياعى قۇرىسىپ، جۇبايى ساسقالاقتاعاندا اۋزى ءبورتىپ، قىزۋى ورلەپ كەتەدى. مەي ليان بالا كىشكەنە، ناۋقاسى سالماقتى، ارلى - بەرلى شاپقىلاۋعا كەلمەيدى دەپ ويلايدى دا ءارى - ءسارى بولماستان ءبىر بولمەنى بوساتىپ بەرەدى، اجەسى، شەشەسى، بالاسى بولىپ 3 ادام مەي لياننىڭ ۇيىندە 10 كۇن جاتادى.
ءبىر جولى اۋرۋ كورىپ بولعاندا قاس قارايىپ كەتكەن ەدى، قىسقا جەڭدى جەيدە كيىپ اتقا مىنگەن مەي ليان توڭعانىن سەزىپ، ەرگە قىستىرىپ قويعان كيىمىن الا بەرگەندە، ات ۇركىپ كەتەدى. مەي لياننىڭ ءبىر اياعى ۇزەڭگىدەن شىقپاي قالىپ، قالىڭ تىكەندى ءشوپ اراسىنان ات ونى 10 قانشا مەتر جەرگە سۇيرەپ كەتەدى. مالشىلار تۇس - تۇستان كەلىپ ۇرىككەن اتتى ۇستاعان كەزدە، ونىڭ جاۋىرىنى، اياعى قانعا مالشىنىپ كەتكەن ەدى.
مالشىلار تۇگەلدەي سايدا وتىرادى، ات بىردەن - ءبىر وندا بارىپ - كەلۋدىڭ قاتىناس قۇرالى، اتقا مىنبەسە، مالشىلاردىڭ اۋرۋىن قايتىپ كورە الادى؟ جاراقاتى جازىلعاننان كەيىن، مەي ليان جالعاستى جولعا شىعادى. مەي ليان: ”مەن جارالانسامدا، مالشىلاردىڭ ناۋقاسىن ەمدەي السام قۋانشتىمىن“، - دەيدى.
ليان - دۇيدە قىزمەت ىستەگەن سول جىلدارى، مەي ليان ونشالىق باردام بولماسا دا، ىلگەرىندى - كەيىندى جۇمىسشى - قىزمەتكەرلەردىڭ جانە مالشىلاردىڭ ناۋقاس كورسەتۋىنە قارىز بەرگەنى بولىپ، ەمدەۋ، ءدارى - دارمەك اقىسى بولىپ 40 مىڭنان استام اقشا جۇمسايدى.
شيپاحانانىڭ دامۋىن كوكەيىنەن شىعارمادى
كوپ جىلداردان بەرى، مەي ليان باستان - اياق نەگىزگى ساتىعا تامىر تارتىپ، اۋەلگى ماقساتتى ەستە بەرىك ساقتاپ، كاسىپتى قادىرلەپ، ۇلەس قوسىپ، ىلگەرىندى - كەيىندى مەملەكەتتىك ەڭبەك ەرى، مەملەكەتتىك تاڭداۋلى كوممۋنيستىك پارتيا مۇشەسى، مەملەكەتتىك تاڭداۋلى اۋىل - قىستاق شيپاگەرى، مەملەكەتتىك 8 - ناۋرىز قىزىلتۋشىسى سياقتى اتاقتارعا يە بولادى. پارتيا 18 - قۇرىلتايىنىڭ ۋاكىلى بولىپ سايلانادى.
2012 - جىلى مەي ليان 161 - تۋان الاڭى شيپاحاناسىنا كەلىپ قىزمەت ىستەيدى، كاسىپتىك تەحنيكالىق قىزمەتكەردەن شيپاحانا باسقارۋشىسىنا اينالعان مەي لياننىڭ ەسكەرۋگە ءتيىستى ىستەرى كوبەيەدى − ءالى دە كوپ ىسىلعان ەمدەۋ تەحنيكالىق قىزمەتكەرلەرىن نەگىزگى ساتىعا قالاي تولىقتاۋعا بولادى، ليان - دۇيدەگى جۇمىسشى - قىزمەتكەرلەردىڭ اۋرۋ كورسەتۋى قيىن بولۋى، اۋرۋ كورسەتۋى قىمبات بولۋ ماسەلەلەرىن ىشكەرىلەي شەشۋ سياقتى ىستەر ونىڭ باس قاتىراتىن ماڭىزدى ىستەرىنە اينالادى.
مەي لياننىڭ تىنباي قۇلشىنىسىڭ ارقاسىندا، 2014 - جىلى 7 - ايدا شىحىزى داشۋەسى مەديتسينا شۋەيۋانىنىڭ جازدىق دەمالىستا 161 - تۋانعا بارىپ ەمدەۋدەن، دەنساۋلىق ساقتاۋدان نەگىزگى ساتىعا قىزمەت وتەۋ جونىندەگى قوعامدىق اماليات قيمىلى شىمىلدىعىن اشادى. وسىعان ىلەسە، 2015 - جىلى 10 - ايدا شىحىزى داشۋەسىنىڭ مەديتسينا شۋەيۋانىنا قاراستى 1 - شيپاحاناسى 161 - تۋان الاڭىندا بولىمشە شيپاحانا قۇرادى، ءار جىلى 4 − 5 مامان تۋان الاڭىنداعى شيپاحاناعا بارىپ، ۇزاق ۋاقىت قىزمەت ىستەيدى، مەي لياننىڭ كوڭىلى بارعان سايىن ورنىعا تۇسەدى.
بيىل 7 - ايدا مەي ليان 9 - شى ايەلدەر بىرلەستىگىنىڭ ورىنباسار ءتوراعاسى بولىپ تاعايىندالادى، جاڭا قىزمەت ورنىندا ونىڭ سەنىمى اۋەلگىسىندەي نىق ەدى. ول : ءبىر كوممۋنيستىك پارتيا مۇشەسى ەسەلەپ قۇلشىنا بىلگەندە عانا، بارلىق سۇيىسپەنشىلىگى مەن ناعىز ىقىلاسىن كاسىبىنە ارناعاندا عانا، بۇقارا ءۇشىن ءتىپتى دە جاقسى قىزمەت وتەي الادى، - دەيدى.
