اۋەلگى ماقساتتى ۇمىتپاۋ بورىشتى ەستە بەرىك ساقتاۋ
ءتىلشى جاۋ شييا 8 - ايدىڭ 14 - كۇنى ۇرىمجىدەن حابارلايدى. ”بۇرىن ۇلكەندى - كىشىلى سومكەلەرىمىزدى كوتەرىپ پويەز ستانسياسىنان شىعىپ الىپ، ودان قايتا كىرىپ بەلەتىمىزدى 2 - رەت تەكسەرتەتىنبىز، بيىل پويەز ستانسياسىنا كىرگەن - شىققاندا، بەلەت العاندا مۇنداي اۋرەشىلىك كورمەدىك“، - دەدى 8 - ايدىڭ 9 - كۇنى ءۇرىمجى بەكەتىندە، جازدىق دەمالىستا ۇيىنە قايتقان كەزدەگى كەشىرمەلەرىن ەسكە الىپ، مەكتەپكە قايتا ورالۋدىڭ دايىندىعىن كورىپ جاتقان، ۋحان قالالىق حانتيە جوعارى دارەجەلى ورتا مەكتەبىنىڭ شينجياڭ كلاسىندا وقىپ جاتقان وقۋشى مارپيا نۇرمامەت كوتەرىڭكى كوڭىلمەن.
بيىل جازدىق دەمالىس كەزىندە، مارپيا ۋحاننان اتتانىپ، 7 - ايدىڭ 3 - كۇنى تاڭەرتەڭ ءۇرىمجى بەكەتىنە جەتكەننەن كەيىن، قىزمەتكەرلەردىڭ باستاۋىمەن پويەز كۇتۋ زالىنا كەلىپ، سول كۇنى ۇرىمجىدەن قۇلجا قالاسىنا باراتىن پويەزدى كۇتەدى، سول كۇنى كەشتە ول ۇيىنە جەتىپ، وتباسىنداعىلارمەن قاۋىشادى.
وسىمەن ۇقساس قولايلى سەزىنگەندەردەن تاعى بەكەتتەن كۇتىپ الىپ اتتاندىرىپ سالاتىن وقىتۋشىلار مەن ءارقايسى ايماقتىق، وبلىستىق وقۋ - اعارتۋ مەكەمەسىندەگى قىزمەتكەرلەر بار. ”بەكەتتەن كۇتىپ العاندا، ايماققا، وبلىسقا ايىرمايتىن بولدى، قايتا ارالاس ۇيىمداستىرىلاتىن بولدى، ماسەلەن اتا - اناسى الدىنان شىعاتىندار، سول كۇنى پويەز اۋىساتىندار، كەلەسى كۇنى اۋىساتىندار دەپ 3 توپقا ءبولىندى. بۇل ونىمدىلىكتى جوعارىلاتىپ قانا قالماستان، قىزمەتكەرلەردىڭ قىزمەت سالماعىن دا جەڭىلدەتتى“. قىزىلسۋ قىرعىز اۆتونوميالى وبلىستىق وقۋ - اعارتۋ مەكەمەسىنىڭ بەكەتتە كۇتىپ الۋ جۇمىسىنا جاۋاپتى فان دىپيڭ: ”بۇرىن بەكەتتە كۇتىپ الۋعا 6 دا 8 قىزمەتكەر قاجەت بولاتىن، بيىل 2 قىزمەتكەر عانا شىعاتىن بولدىق“، - دەپ تانىستىردى.
جىلىنا ءبىر رەت قايتاتىن ىشكى وڭىرلەردەگى شينجياڭدىق وقۋشىلاردى جازدىق دەمالىس كەزىندەگى تاسىمالداۋ قىزمەتى، كوپ تاراۋلارعا، كوپ ولكە، قالالارعا، كوپ وقۋشىعا سايادى. ىشكى وڭىرلەردەگى مەكتەپتەر مەن ءارقايسى ايماقتىق، وبلىستىق، قالالىق وقۋ - اعارتۋ تاراۋلارى ءار جىلى ءبىرسىپىرا وقىتۋشىلار مەن كادرلاردى وقۋشىلاردى كۇتىپ الۋعا، اتتاندىرىپ سالۋعا ورنالاستىرادى.
ىشكى وڭىرلەردەگى شينجياڭدىق وقۋشىلاردى جازدىق دەمالىس كەزىندە تاسىمالداۋ قىزمەتىن ارقاۋ ەتىپ، اۆتونوميالى رايوندىق وقۋ - اعارتۋ مەڭگەرمەسى نەگىزگى تاقىرىپتىق تاربيە بارىسىندا، ماسەلەنى باعدار ەتۋدەن جازباي، ۇيرەنۋ بارىسىندا تەكسەرۋ، زەرتتەۋ جۇرگىزىپ، قاداعالاۋ بارىسىندا رەتتەپ، تۇزەتىپ، وقىتۋشىلار مەن وقۋشىلاردىڭ، ءارقايسى ايماقتىق، وبلىستىق، قالالىق وقۋ - اعارتۋ مەكەمەلەرىنىڭ پىكىرلەرى مەن ۇسىنىستارىن كەڭ كولەمدە جيىپ، ىشكى وڭىرلەردەگى شينجياڭدىق وقۋشىلاردى جازدىق دەمالىس كەزىندە تاسىمالداۋ فورماسىنا جاڭالىق اشۋ ۇلگىسىنە رەتتەۋ، وزگەرىس جاساۋدى ۇيعاردى.
بيىل جازدىق دەمالىس كەزىندەگى تاسىمال قىزمەتىنىڭ حاۋىپسىزدىگىنە، جوعارى ءونىمدى، ءتارتىپتى بولۋىنا شىنايى كەپىلدىك ەتۋ، نەگىزگى تاقىرىپتىق تاربيەدەگى حالىق ءۇشىن قىزمەت وتەۋ، قيىنشىلىقتارىن شەشۋ شاراسىن ويداعىداي تياناقتاندىرۋ ءۇشىن، وقۋ - اعارتۋ مەڭگەرمەسى دەر كەزىندە قىزمەت وتەۋگە كۇش سالىپ، تەمىر جول تاراۋلارىمەن اقىلداسىپ، تالداۋ جاساپ، مەكتەپكە قايتاتىن وقۋشىلاردىڭ بەلەت الۋ راسمياتتارىن قاراپايىمداستىردى، سونداي - اق ارناۋلى قىزمەت وتەۋ ءتۇيىنىن ورنالاستىرىپ، وقۋشىلاردىڭ بەلەت الۋ قىزمەتىن ويداعىداي ىستەدى. وقۋ - اعارتۋ مەڭگەرمەسى 3 - جاقتىڭ قىزمەت وتەۋىن ساتىپ الۋ فورماسىمەن، ىشكى وڭىرلەردەن شينجياڭعا كەلگەن وقىتۋشىلاردى كۇتىپ الۋ، اتتاندىرىپ سالۋ، جاتىن ورىن ورنالاستىرۋ سياقتى قىزمەتتەردى ويداعىداي ىستەپ، ارناۋلى، ىقىلاستى قىزمەت وتەدى.
وقۋ - اعارتۋ مەڭگەرمەسى وقۋشىلاردىڭ بەلەت الۋ، اۆتوكولىككە وتىرۋ، تاسىمالداۋ جانە ورتا جولدا كولىك اۋىسۋ سياقتى بۋىندارىندا ءبىرسىپىرا جاڭا شارا قولدانىپ، بۇرىنعى ”ءبارىن ءبىر - اق مىندەتىنە الۋ“ سىندى قىزمەت وتەۋ، باسقارۋ فورماسىن ”ءار جاق سەلبەسۋ، وقۋشىلار ءوزىن - ءوزى باسقارۋدى نەگىز ەتۋ“سىندى جاڭا ۇلگىگە وزگەرتتى، سونىمەن قاتار، بەكەتتە كۇتىپ الۋ بۋىنىندا، وقۋ - اعارتۋ، تەمىر جول جانە جەرگىلىكتى باسقارۋ كوميتەتتەرى پويەز ستانسيالارىندا ءبىر تۇتاس قىزمەت وتەۋ ورنىن قۇرىپ، وقۋشىلاردى كۇتىپ الۋ، اتتاندىرىپ سالۋ، ورتا جولدا اۋىسۋ جانە شۇعىل جاعدايدى ءبىر جاقتى ەتۋ سياقتى قىزمەتتەردى دالمە - ءدال ويداعىداي ىستەپ، وقۋشىلار مەن اتا - انالاردى الاڭسىز ەتىپ، وقۋشىلاردىڭ، اتا - انالاردىڭ، مەكتەپتىڭ ريزالىق دەڭگەيىن جوعارىلاتتى.
”ىشكى وڭىرلەردەگى شينجياڭ كلاسىن اشقان مەكتەپتەر، وقۋشىلار شينجياڭعا قايتقاندا، ءبىرسىپىرا وقىتۋشىنى وقۋشىلاردى اۋىلدارىنا جەتكىزىپ قويۋعا ورنالاستىرمايتىن بولدى، قايتا وقۋشىلار كادرىنىڭ رولىن ساۋلەلەندىرىپ، اۆتوكولىككە وتىرۋ ءتارتىبىن قورعاپ، وقۋشىلاردىڭ ءوزىن - ءوزى باسقارۋ قابىلەتىن جوعارىلاتتى. بيىل ءبىز’زەرتتەۋ، ۇيرەنۋ، ساياحاتتاۋمەن‘ جانە وقۋشىلاردىڭ جازدىق كانيكول كەزىندە ۇگىت جۇرگىزەتىن مازمۇندارىمەن ۇشتاستىرىپ، وقۋشىلاردى سول بارىستا اۋىلدارىنداعى وزگەرىستەرمەن، ىشكى وڭىردەگى ۇيرەنۋ، ەسەيىپ - ەرجەتۋ كەشىرمەلەرىمەن ۇشتاستىرىپ، جولاۋشىلارعا اۋىلدارىنداعى وزگەرىستەردى ىرىقتىلىقپەن ۇگىتتەپ، شينجياڭ وقۋشىلارىنىڭ تاماشا رۋحاني بەينەسىن ايگىلەۋدى دارىپتەدىك“، - دەپ تانىستىردى وقۋ - اعارتۋ مەڭگەرمەسىنىڭ ىشكى وڭىرلەردەگى شينجياڭ وقۋشىلارى قىزمەتى كەڭسەسىنىڭ ورىنباسار مەڭگەرۋشىسى جاڭ دىڭۋي.
