ءتىلشى يۋان لەي 8 - ايدىڭ 14 - كۇنى ۇرىمجىدەن حابارلايدى. 8 - ايدىڭ 14 - كۇنى اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق حالىق ۇكىمەتىنىڭ ۇنەمىلىك ىستەر ءماجىلىسىن باسقارىپ اشىپ، شينجياڭنىڭ مەملەكەت جەرى كەڭىستىگى جوباسىن جاساۋ قىزمەتىن جاپپاي ورىستەتۋ جاعدايى جونىندەگى مالىمەتتى تىڭدادى، اۆتونوميالى رايوننىڭ جول جۇك تاسىمال كاسىپ سالاسى رەفورماسىن تەرەڭدەتۋ، زاڭ بويىنشا اكىمشىلىك جۇرگىزۋدى ونان ارى كۇشەيتۋ سياقتى قىزمەتتەردى اقىلداستى.
ءماجىلىس مىنانى اتاپ كورسەتتى: مەملەكەت جەرى كەڭىستىگى جوباسىن جاساۋ قىزمەتىن جاپپاي ورىستەتىپ، رايونىمىزدىڭ مەملەكەت جەرى كەڭىستىگىن جوبالاۋ جۇيەسىن اقاۋسىزداندىرۋ − ەكولوگيالىق وركەنيەت قۇرىلىسىن كۇشەيتۋ، جوعارى ساپالى دامۋدى جۇزەگە اسىرۋ جونىنەن ماڭىزدى جەبەۋ رولىن اتقارادى. جەر - جەر، تاراۋلار شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ ”1 + 3 + 3 + رەفورما جاساۋ، ەسىك اشۋ“ قىزمەت ورنالاستىرۋىنا ساي، جاڭا دامۋ ۇستانىمىنان جازباي، جوعارى ساپالى دامۋ تالابى بويىنشا، وسكەلەڭ ءمان بەرىپ، دەن قويا ۇيىمداستىرىپ، ءبىر تۇتاس جوبالاپ، سايكەستىرىپ، جوبا جاساۋ مىندەتىنىڭ كوزەۋلى ۋاقىتتا ورىندالۋىنا شىنايى كەپىلدىك ەتىپ، مەملەكەت جەرى كەڭىستىگىن جوبالاۋدىڭ ستراتەگيالىق جەتەكشىلىك ەتۋ رولى مەن قاتاڭ باسقارۋ، مەڭگەرۋ رولىن ساۋلەلەندىرىپ، مەملەكەت جەرى كەڭىستىگىن جونگە سالۋ قابىلەتىن ءونىمدى ارتتىرىپ، شينجياڭنىڭ ەكونوميكالىق، قوعامدىق دامۋىنىڭ اناعۇرلىم جوعارى ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى بولۋىن جەبەۋ كەرەك.
ءماجىلىس مىنانى باسا دارىپتەدى: اۆتونوميالى رايوننىڭ جول جۇك تاسىمال كاسىپ سالاسى رەفورماسىن تەرەڭدەتۋ − رايونىمىزدىڭ وسىزاماندانعان جالپىلىق قاتىناس - تاسىمال جۇيەسى قۇرىلىسىن ىلگەرىلەتۋ، جول جۇك تاسىمال كاسىپ سالاسىنىڭ قۇرىلىمىن جاڭالاپ، دەڭگەيىن ءوسىرۋدى تەزدەتۋ، زات اينالىمى كاسىبىنىڭ وزىندىك قۇنىن تومەندەتىپ، ونىمدىلىكتى جوعارىلاتۋىن جەبەۋ، بازار ورتاسىن شىن مانىندە جاقسارتۋ، كاسىپ سالاسىنىڭ اقاۋسىز، ورنىقتى دامۋىن جەبەۋ جونىنەن ماڭىزدى ءمان الادى. جەر - جەر، تاراۋلار جوعارى ساپالى دامۋ تالابىنا ساي، قامداۋ جاعىنداعى قۇرىلىمدىق رەفورمانى تەرەڭدەتۋدى نەگىزگى جەلى ەتىپ، جول جۇك تاسىمال سالاسىنىڭ ”تومەنگە بەرۋ، باسقارۋ، قىزمەت وتەۋ“ رەفورماسىن بەلسەنە ىلگەرىلەتىپ، كاسىپ سالاسىنىڭ جاڭالىق اشا دامۋىن ىلگەرىلەتۋ كەرەك. وزىق اۆتوكولىك تەحنيكاسىنان پايدالانۋدى جەدەلدەتىپ، جۇك تاسىمال بازارىنىڭ تاماشا كاسىپپەن اينالىسۋ ورتاسىن جاراتىپ، جۇك تاسىمال بازارىن جونگە سالۋ قابىلەتىن جوعارىلاتىپ، حاۋىپسىز، ورنىقتى، باعاسى تومەن، ونىمدىلىگى جوعارى، جاسىل، تومەن كومىرتەكتى جول جۇك تاسىمالىنان قىزمەت وتەۋ جۇيەسىن قۇرۋدى تەزدەتىپ، جول جۇك تاسىمال كاسىپ سالاسىنىڭ جوعارى ساپالى دامۋىن جەبەپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا پارمەندى تىرەك ازىرلەۋ كەرەك.
ءماجىلىس مىنانى اتاپ كورسەتتى: زاڭ بويىنشا اكىمشىلىك جۇرگىزۋ ۇكىمەتتىڭ الەۋمەتتىك سەنىمدىلىگىن قورعاۋ، اشىق، جاريا، ارناعا تۇسكەن، ءتارتىپتى، ءادىل، جوعارى ءونىمدى زاڭمەن جونگە سالۋ ورتاسىن جاراتۋ جونىنەن ماڭىزدى ءمان الادى. جەر - جەر، تاراۋلار اكىمشىلىك زاڭ اتقارۋ ارەكەتتەرىن ونان ارى ارناعا ءتۇسىرىپ، اكىمشىلىك زاڭ اتقارۋدى اشىق جاريالاۋ ءتۇزىمىن، زاڭ اتقارۋ جالپى بارىسىن ەستەلىككە الۋ ءتۇزىمىن جانە ەلەۋلى زاڭ اتقارۋ شەشىمدەرىن زاڭ - ءتۇزىم بويىنشا اداقتاپ تەكسەرۋ ءتۇزىمىن جاپپاي جولعا قويىپ، اكىمشىلىك زاڭ اتقارۋ قىزمەتىنىڭ جاريالىلىق دەڭگەيىن جوعارىلاتىپ، اكىمشىلىك زاڭ اتقارۋدىڭ تۇتاس بارىسىندا دەرەك قالدىرۋدى جانە تەگىن قۋزاستىرىپ باسقارۋدى جۇزەگە اسىرىپ، ەلەۋلى اكىمشىلىك زاڭ اتقارۋ شەشىمدەرىنە بولعان باقىلاۋدى كۇشەيتىپ، قاتاڭ، ارناعا تۇسكەن، ءادىل، وركەنيەتتى زاڭ اتقارۋدى جەبەپ، ازاماتتاردىڭ، زاڭدىق يەلەردىڭ جانە باسقا دا ۇيىمداردىڭ زاڭدى ۇقىق - مۇددەسىن قورعاۋ كەرەك.
ءماجىلىس تاعى باسقا دا ىستەردى اقىلداستى.
