شينجياڭ گازەتىنىڭ شولۋشىسى
باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭ فۋچيڭ جولداستىڭ ۇزدىك ىزگى ىستەرىنەن ۇيرەنىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن اناعۇرلىم تەرەڭدەتۋ ءۇشىن، اۆتونوميالى رايوندىق پارتكوم جاڭ فۋچيڭ جولداستىڭ ۇزدىك ىزگى ىستەرىنەن بايانداما جاساۋ ۇيىرمەسىن شينجياڭعا كەلىپ ۇگىت - لەكسيا جاساۋعا ۇسىنىس ەتتى. بايانداما جاساۋ ۇيىرمەسىنىڭ مۇشەلەرى تۇرلىشە جاقتان، تۇرلىشە تۇرعىدان جاڭ فۋچيڭ جولداستىڭ اسەرلى ۇزدىك ىزگى ىستەرىن تەرەڭ سۇيىسپەنشىلىكپەن بايانداپ، ونىڭ ادال، جاۋاپكەرشىلىك ارقالاعان، كۇرەسۋدى ماقسات ەتكەن، پايدا - زيانمەن ەسەپتەسپەگەن، ەڭبەگىن بۇلداپ استامسىماعان، اتاق - پايداعا قۇمارتپاعان رۋحىن جاندى ايگىلەپ، رايونىمىزداعى پارتيالى كادرلاردىڭ رۋحاني جاقتان ءبىر رەت تەرەڭ تازارۋىنا جانە پارتيالىلىق تاربيە قابىلداۋىنا مۇمكىندىك جاسادى. بۇكىل رايونىمىزداعى ءار دارەجەلى پارتيا ۇيىمدارى مەن قالىڭ پارتيالى كادرلار جاڭ فۋچيڭ جولداستىڭ ۇزدىك ىزگى ىستەرىن جاندى وقۋلىق ەتىپ، وزاتتاردان ۇيرەنىپ، وزاتتارعا تەڭەلىپ، وزات بولىپ، ۇلگىدەن كۇش - قۋات الىپ، بۇكىل رايوننىڭ نەگىزگى تاقىرىپتىق تاربيەسىنىڭ ناقتى ناتيجەگە جەتۋىن ىلگەرىلەتۋ كەرەك.
ساقا قاھارمان جاڭ فۋچيڭ 60 نەشە جىل بويى اتاق - مارتەبەسىن جاسىرىپ، ءومىر بويى اۋەلگى ماقساتىنان اينىمادى، قاسيەتىن وزگەرتپەدى، ىزگى ىستەرى جان تەبىرەنتەدى، ول − كوممۋنيزم وسكەلەڭ مۇراتىن باستان - اياق امالياتتا ايگىلەگەن تاڭداۋلى پارتيا مۇشەسى، جاڭا داۋىردەگى جۇڭگو كوممۋنيستەرىنىڭ اۋەلگى ماقساتتى ۇمىتپاۋىنىڭ، بورىشتى ەستە بەرىك ساقتاۋىنىڭ، ماڭگى كۇرەس جاساۋىنىڭ جارقىن ونەگەسى، قالىڭ پارتيالى كادرلاردىڭ ۇيرەنۋ ۇلگىسى. بۇكىل رايونىمىزداعى جوعارىدان - تومەنگە دەيىن جاڭ فۋچيڭ جولداستىڭ ۇزدىك ىزگى ىستەرىنەن سانالىلىقپەن ۇيرەنىپ، ونىڭ اۋەلگى ماقساتتان اينىماعان، پارتياعا ادال بولعان ساياسي قاسيەتىن، اتاق - پايداعا قۇمارتپاعان، ۇلەس قوسۋعا پەيىل رۋحاني قاسيەتىن، مىندەت - جاۋاپكەرشىلىگىن بۇلجىتپاي اتقارعان، بورىش ارقالاعان ناقتى ستيلىن، كىرشىكسىز، پاك بولعان، ءوزىن ۇستاعان، وزىمشىلدىكتى جەڭىپ كوپ ءۇشىن ىستەيتىن اسقاق مىنەز - قۇلقىن بارىنشا اسقاقتاتىپ، پارتياعا ماڭگى العىس ايتىپ، پارتيانىڭ سوزىنە قۇلاق اسىپ، پارتياعا ىلەسىپ، جاڭا داۋىردەگى جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن قۇلشىنا جازۋ كەرەك.
جاڭ فۋچيڭ جولداستىڭ ۇزدىك ىزگى ىستەرىنەن ۇيرەنۋدى باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي ۇيرەنۋمەن، دايەكتىلەندىرۋمەن ۇشتاستىرۋ كەرەك. باس شۋجي شي جينپيڭ جاڭ فۋچيڭ جولداستىڭ ۇزدىك ىزگى ىستەرى جونىندە ماڭىزدى نۇسقاۋ بەرىپ، جاڭ فۋچيڭ جولداستىڭ ۇزدىك ىزگى ىستەرىن تولىق تۇراقتاندىردى، جاڭا داۋىردەگى كوممۋنيستەر ازىرلەۋگە ءتيىستى يدەيالىق قاسيەت پەن رۋحاني ءورىستى تەرەڭدەي اتاپ كورسەتتى، پارتيا ورتالىق كوميتەتىنىڭ وزات قاھارمان ۇلگىلەرگە دەگەن قۇرمەتىن، ماراپاتىن جانە كوڭىل ءبولۋىن، قامقورلىعىن تولىق ايگىلەدى، بۇل قالىڭ پارتيالى كادرلارعا دەگەن ىقىلاستى ءۇمىتىن قامتيدى. باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات ۇيرەنىپ، ءتۇسىنىپ، دايەكتىلەندىرىپ، تياناقتاندىرىپ، ۇزدىك تيپتەردىڭ اسقاق رۋحىن بارىنشا اسقاقتاتىپ، پارتيالىلىق جەتىلىمدى كۇشەيتىپ، ساياسي قاسيەتتى ماڭگى ساقتاپ، جاۋاپكەرشىلىك ارقالاۋدى كۇشەيتىپ، نازاردى شينجياڭ قىزمەتىنىڭ باس نىساناسىن تياناقتاندىرۋعا شوعىرلاندىرىپ، ءتۇپ ماقسات تانىمىن كۇشەيتىپ، ءبىر نيەتپەن حالىق ءۇشىن قىزمەت ىستەپ، يدەيالىق قورعانىس شەبىن بەكەمدەپ، كىرشىكسىزدىكتى، پاكتىكتى ساقتاپ، تولىمدى پارتيا مۇشەسى بولىپ، ءداۋىر اتويشىسى بولىپ، ۇزدىك ناتيجە جاراتىپ، حالىقتى باقىتقا كەنەلتۋ كەرەك.
جاڭ فۋچيڭ جولداستىڭ ۇزدىك ىزگى ىستەرىنەن ۇيرەنۋدى ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىمەن ۇشتاستىرۋ كەرەك. بۇكىل رايونىمىزداعى ءار دارەجەلى پارتيا ۇيىمدارى جاڭ فۋچيڭ جولداستىڭ ۇزدىك ىزگى ىستەرىنەن ۇيرەنۋدى نەگىزگى تاقىرىپتىق تاربيەنى ورىستەتۋدىڭ جاندى وقۋلىعى ەتىپ، پارتيالى كادرلاردى ۇيرەنۋدى ونان ارى تەرەڭدەتىپ، ۇيرەنۋدىڭ ناتيجەسىن پارتيالىلىقتى كۇشەيتۋدە، قابىلەتتى جوعارىلاتۋدا، ستيلدى جاقسارتۋدا، قىزمەتتەردى ىلگەرىلەتۋدە ايگىلەۋگە؛ تەكسەرۋ - زەرتتەۋدى ونان ارى تىڭعىلىقتى جۇرگىزىپ، تومەنگە بارىپ حالىق جاعدايىن ءبىلىپ، ناقتى جاعدايدى بەتپە - بەت يگەرىپ، ماسەلەلەردىڭ نە ەكەنىن، تۇيىنشەگى قايدا ەكەنىن شىنايى انىقتاپ، قيىن ماسەلەلەردى شەشۋدىڭ ناقتى ءادىسىن، پارمەندى ءادىسىن تابۋعا؛ قاداعالاۋ جاعىنا نازاردى ونان ارى شوعىرلاندىرىپ، پىشاقتىڭ ءدۇزىن ىشكە قاراتاتىن ءوز - وزىنە توڭكەرىس جاساۋ رۋحىمەن ماسەلەلەردى ءدال تاۋىپ، مۇقيات تالداۋ جاساپ، تەرەڭدەي قاداعالاۋعا؛ رەتتەۋ - تۇزەتۋدە اناعۇرلىم سانالى بولىپ، ”تۇزەتۋ“دى باستان - اياق ساباقتاستىرۋعا تاباندى بولىپ، تەكسەرۋ - زەرتتەۋ جۇرگىزۋ بارىسىندا ماسەلەلەردى تاۋىپ، رەتتەپ - تۇزەتۋگە؛ ستيلدە اناعۇرلىم تىڭعىلىقتى بولىپ، جوعارى ولشەمگە، قاتاڭ تالاپقا تاباندى بولىپ، ايتىلعان زامان ىستەپ، قولعا العان ءىستى جاقسى تىندىرىپ، ىستەگەننەن ناتيجە شىعارۋعا؛ جاۋاپكەرشىلىكتى ونان ارى كۇشەيتىپ، ۇيىمدىق باسشىلىقتى كۇشەيتىپ، قۋزاۋ - جەتەكشىلىك ەتۋدى كۇشەيتىپ، نەگىزگى تاقىرىپتىق تاربيەنىڭ تىڭعىلىقتى ناتيجەگە قول جەتكىزۋىنە شىنايى كەپىلدىك ەتىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋگە جەتەكتەۋ كەرەك.
ونەگە − كوزبەن كورۋگە بولاتىن فيلوسوفيالىق قاعيدا، ۇلگى كورسەتۋ − ەڭ جاقسى يلاندىرۋ. بۇكىل رايونىمىزدا جوعارىدان تومەنگە دەيىن، جاڭ فۋچيڭ جولداستىڭ ۇزدىك ىزگى ىستەرىنەن ۇيرەنۋدى قوزعاۋشى كۇش ەتىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، ۇزدىكسىز تۇردە ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، شينجياڭنىڭ دامۋ، ورنىقتىلىق قىزمەتتەرىن تىڭعىلىقتى ىستەپ، جاڭا جۇڭگو قۇرىلعاندىعىنىڭ 70 جىلدىعىن سۇبەلى ناتيجەمەن قۇتتىقتاۋ كەرەك.
