تيانشان تورى
تيانشان تورى   ›   جاڭالىقتار   ›   شينجياڭ حابارلارى

بۇكىل رايوننىڭ شارلاۋ، شارلاپ تەكسەرۋ قىزمەتى ءماجىلىسى جانە 9 - كەزەكتى اۆتونوميالى رايوندىق پارتكومنىڭ 8 - رەتكى شارلاۋعا اتتانىسقا كەلتىرۋ، ورنالاستىرۋ ءماجىلىسى اشىلدى

ساياسي باقىلاۋدى بۇلجىماي تياناق ەتىپ، ماسەلەنى باعدار ەتۋگە اۋىتقىماي تاباندى بولايىق

  ءتىلشى جاۋ جىيۇن، ەرىكتى ءتىلشى جاڭ شۋجۇن 8 - ايدىڭ 15 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ بەكىتۋىمەن، 8 - ايدىڭ 15 - كۇنى تۇستەن كەيىن بۇكىل رايوننىڭ شارلاۋ، شارلاپ تەكسەرۋ قىزمەتى ءماجىلىسى جانە 9 - كەزەكتى اۆتونوميالى رايوندىق پارتكومنىڭ 8 - رەتكى شارلاۋعا اتتانىسقا كەلتىرۋ، ورنالاستىرۋ ءماجىلىسى ۇرىمجىدە اشىلدى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوندىق پارتكوم شارلاۋ قىزمەتى باسشىلىق گرۋپپاسىنىڭ باستىعى ياڭ شين ماجىلىسكە قاتىناستى ءارى ءسوز سويلەدى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوندىق پارتكوم شارلاۋ قىزمەتى باسشىلىق گرۋپپاسىنىڭ ورىنباسار باستىعى جي جىڭ اۆتونوميالى رايوندىق پارتكومنىڭ ”7 ادامدىق گرۋپپا“ ءماجىلىسىنىڭ رۋحىن جەتكىزىپ، 8 - رەتكى شارلاۋ گرۋپپاسى باستىعىنا، ورىنباسار گرۋپپا باستىعىنا ۇقىق بەرىپ، مىندەتكە قويۋ جانە مىندەت جۇمىس ءبولىسى ۇيعارىمىن جاريالادى.

  ءماجىلىس مىنالاردى اتاپ كورسەتتى: بۇكىل رايونداعى ءار دارەجەلى شارلاۋ، شارلاپ تەكسەرۋ قۇرىلىمدارى مەن قالىڭ شارلاۋ، شارلاپ تەكسەرۋ كادرلارى باس شۋجي شي جينپيڭنىڭ شارلاۋ قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، ۇعىنىپ، جاڭا داۋىردەگى شارلاۋ، شارلاپ تەكسەرۋ قىزمەتىنىڭ جاۋاپكەرشىلىگىن، بورىشىن مىقتاپ يگەرىپ، رايونىمىزدىڭ شارلاۋ، شارلاپ تەكسەرۋ قىزمەتىنىڭ تابىستارى مەن پارىقتارىن جاپپاي قاراپ، مىندەت وتەۋ، جاۋاپكەرشىلىگىن ادا ەتۋدەگى جاۋاپكەرشىلىك سەزىمى مەن كوكەي تەستىلىك سەزىمىن شىنايى كۇشەيتۋلەرى كەرەك.

  ءماجىلىس مىنالاردى باسا دارىپتەدى: جاڭا داۋىردەگى شينجياڭنىڭ شارلاۋ، شارلاپ تەكسەرۋ قىزمەتىن جاقسى ىستەپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ورنىقتىلىق بارىسىندا ىلگەرىلەۋدەن جازباي، دۇرىس جولدان تايماي، جاڭالىق اشىپ، ساياسي باقىلاۋدى بۇلجىماي تياناق ەتىپ، ماسەلەنى باعدار ەتۋگە اۋىتقىماي تاباندى بولىپ، تۇرلەرى تولىق باقىلاۋ جۇيەسىن قۇرىپ، وزىندىك قۇرىلىستى بوساڭسىتپاي كۇشەيتىپ، شارلاۋ، شارلاپ تەكسەرۋ قىزمەتىنىڭ جوعارى ساپالى دامۋىن ىلگەرىلەتۋ بارىسىندا اۋەلگى ماقساتتان اينىماي، بورىش ارقالاپ، جاڭا داۋىردەگى شينجياڭنىڭ شارلاۋ، شارلاپ تەكسەرۋ قىزمەتىنىڭ جاڭا تاراۋىن جازۋعا ۇمتىلۋ كەرەك.

  ءماجىلىس 9 - كەزەكتى اۆتونوميالى رايوندىق پارتكومنىڭ 8 - رەتكى شارلاۋ قىزمەتىنە ورنالاستىرۋ جاساپ، اۆتونوميالى رايوندىق ارىز - شاعىم مەكەمەسى سياقتى 10 تاراۋعا، ورىنعا داعدىلى شارلاۋ جۇرگىزىپ، حوتان اۋدانى سياقتى 22 اۋىر كەدەي اۋدانعا كەدەيلىكتەن ارىلتۋدان قامال الۋ ارناۋلى شارلاۋى بويىنشا ”قايتا قاداعالاۋ“دى قانات جايدىرادى.

  ماجىلىستە سانجى حۇيزۋ اۆتونوميالى وبلىستىق پارتكوم، چەرشەن اۋداندىق پارتكوم، اۆتونوميالى رايوندىق قاتىناس - تاسىمال مەڭگەرمەسى پارتكومى جانە اۆتونوميالى رايوندىق پارتكوم 4 - شارلاۋ گرۋپپاسى، ىلە قازاق اۆتونوميالى وبلىستىق پارتكوم شارلاپ تەكسەرۋ قىزمەتى باسشىلىق گرۋپپاسى سياقتى 5 ورىننىڭ جاۋاپتى جولداستارى پىكىر اۋىستىرىپ، ءسوز سويلەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.