چىن چۋانگو، شوكىرات زاكىر، شاۋكەت يمىن، نۇرلان ءابىلماجىن، سۇن جينلۇڭ، لي پىڭشين قاتىناستى
تىلشىلەر ياۋ تۇڭ، ۋاڭ شيڭرۇي 8 - ايدىڭ 15 - كۇنى ۇرىمجىدەن حابارلايدى. 8 - ايدىڭ 15 - كۇنى تۇستەن بۇرىن جاڭ فۋچيڭ جولداستىڭ ۇزدىك ىزگى ىستەرىنەن بايانداما جاساۋ جينالىسى ۇرىمجىدە وتكىزىلدى.
اۆتونوميالى رايوندىق پارتكومنىڭ شۋجيى چىن چۋانگو بايانداما جاساۋ جينالىسىنا قاتىناستى ءارى ءسوز سويلەدى. اۆتونوميالى رايون باسشىلارىنان شوكىرات زاكىر، شاۋكەت يمىن، نۇرلان ءابىلماجىن، سۇن جينلۇڭ، لي ۋي، شۇي حايرۇڭ، ەركىن تۇنياز، ۋاڭ جۇنجىڭ، تيان ۋىن، جي جىڭ، ياڭ شين قاتارلىلار بايانداما جاساۋ جينالىسىنا قاتىناستى. اۆتونوميالى رايوندىق پارتكومنىڭ ورىنباسار شۋجيى لي پىڭشين بايانداما جاساۋ جينالىسىن باسقاردى.
جاڭ فۋچيڭ بۇرىنعى باتىس سولتۇستىك دالالىق سوعىس ارمياسىنىڭ ءبىر جاۋىنگەرى، وق جاڭبىرشا بوراعان ازاتتىق سوعىس بارىسىندا تالاي رەت ءولىم اۋزىنان قۇتىلىپ شىعىپ، باتىس سولتۇستىك دالالىق سوعىس ارمياسى ”ەرەكشە دارەجەلى ەڭبەك“ جازعان، 2 رەت ”سوعىس قاھارمانى“ داڭقتى اتاعى بەرىلگەن، داڭقپەن ”حالىق ارداگەرى“ مەدالىن العان. 1955 - جىلى جاڭ فۋچيڭ شينجياڭدا تۇراتىن اسكەري قوسىننان ىرىقتى تۇردە كاسىپ اۋىستىرىپ حۋبەي ولكەسىنىڭ ەڭ شالعايىنداعى لايفىڭ اۋدانىنا كەلىپ قىزمەت ىستەپ، كەدەي تاۋلى رايونعا بۇكىل ءومىرىن ارنايدى. باس شۋجي شي جينپيڭ جاڭ فۋچيڭ جولداستىڭ ۇزدىك ىزگى ىستەرى جونىندە ماڭىزدى نۇسقاۋ بەردى ءارى ۇلەس قوسۋ رۋحىن بەلسەنە اسقاقتاتۋعا، بارشا جۇرت ءبىر نيەتپەن جۇمىلىپ جاڭا داۋىردە كۇرەس جۇرگىزەتىن قۇدىرەتتى كۇش ۇيىستىرۋعا ۇندەدى.
بايانداما جاساۋ جينالىسىندا، چۋتيان قالا گازەتىنىڭ ورىنباسار باس رەداكتورى حۋ چىڭ، ىنشى اسكەري بولىمشە رايونى ساياسي قىزمەت باسقارماسىنىڭ مەڭگەرۋشىسى ليۋ حايلۇن، ىنشى تۋجيا، مياۋزۋ اۆتونوميالى وبلىسى كەدەيلىكتەن ارىلتۋدان قامال الۋ قولباسشىلىق شتابىنىڭ قىزمەتكەرى تيان ۋىنلي، جۇڭگو قۇرىلىس بانكەسى لايفىڭ اۋداندىق تارماق بانكەسىنىڭ باستىعى لي گانلين، جاڭ فۋچيڭ جولداستىڭ نەمەرە قىزى جاڭ ران تۇرلىشە جاقتاردان، تۇرلىشە تۇرعىدان، قاراپايىم سوزدەرمەن، جاندى مىسالدارمەن، كوكىرەك كەرنەگەن تەرەڭ سۇيىسپەنشىلىكپەن جاڭ فۋچيڭ جولداستىڭ اتاق - مارتەبەسىن جاسىرعان اسقاق رۋحىن، ازاتتىق سوعىس كەزىندەگى ەرلىك ىستەرىن، تاۋلى رايونعا تامىر تارتقان حالىقشىل سۇيىسپەنشىلىگىن، مىندەت - جاۋاپكەرشىلىگىن بۇلجىتپاي اتقارعان قىزمەت ستيلىن، المايتىن قامالى جوق قاھارماندىق قاسيەتىن جەكە - جەكە باياندادى.
چىن چۋانگو بىلاي دەدى: ساقا قاھارمان جاڭ فۋچيڭ عۇمىر بويى اۋەلگى ماقساتتان اينىمادى، قاسيەتىن وزگەرتپەدى، ونىڭ ۇزدىك ىزگى ىستەرىنەن ءبىز تەرەڭ رۋحاني شىڭدالۋدى جانە پارتيالىلىق تاربيەنى قابىلدادىق. باس شۋجي شي جينپيڭنىڭ جاڭ فۋچيڭ جولداستىڭ ۇزدىك ىزگى ىستەرى جونىندەگى ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن ىشكەرىلەي، تىڭعىلىقتى ورىستەتۋ بارىسىندا، جاڭ فۋچيڭ جولداستىڭ ۇزدىك ىزگى ىستەرىن جاندى وقۋلىق ەتىپ، وزاتتاردان ۇيرەنىپ، وزاتتارعا تەڭەلىپ، وزات بولىپ، ۇلگىدەن كۇش - قۋات الىپ، ورنىقتىلىق، دامۋ قىزمەتتەرىن تىڭعىلىقتى، ويداعىداي ىستەپ، جاڭا جۇڭگو قۇرىلعاندىعىنىڭ 70 جىلدىعىن سۇبەلى ناتيجەمەن قۇتتىقتاۋ كەرەك. جاڭ فۋچيڭ جولداستىڭ اۋەلگى ماقساتتان اينىماعان ساياسي قاسيەتىنەن ۇيرەنىپ، پارتياعا ادال بولۋدىڭ ۇلگىلەرىنەن بولۋ كەرەك. شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن سانالى تۇردە وي - سانانى قارۋلاندىرىپ، امالياتقا جەتەكشىلىك ەتىپ، قىزمەتتەردى ىلگەرىلەتىپ، ”ءتورت تانىم“دى، ”ءتورت سەنىم“دى، ”ەكىنى قورعاۋ“دى يدەياعا مىقتاپ ورناتىپ، رۋحقا ءسىڭىرۋ كەرەك. جاڭ فۋچيڭ جولداستىڭ اتاق - پايداعا قۇمارتپاعان رۋحاني قاسيەتىنەن ۇيرەنىپ، ۇلەس قوسۋعا پەيىل ۇلگىلەردەن بولۋ كەرەك. بۇكىل ىنتا - پەيىلمەن كوپ ءۇشىن ىستەۋگە، شىن نيەتپەن حالىق ءۇشىن ىستەۋگە تاباندى بولىپ، مەملەكەت مۇددەسىن كوزدەپ، قالتقىسىز جان قيار بولىپ، شينجياڭعا تامىر تارتىپ، شەكارا وڭىرگە ۇلەس قوسىپ، كوممۋنيستەردىڭ توڭكەرىستىك قاسيەتىن ماڭگى ساقتاۋ كەرەك. جاڭ فۋچيڭ جولداستىڭ مىندەت - جاۋاپكەرشىلىگىن بۇلجىتپاي اتقارعان شىنايى ستيلىنەن ۇيرەنىپ، بورىش ارقالايتىن ۇلگىلەردەن بولۋ كەرەك. نازاردى باس نىساناعا شوعىرلاندىرىپ، كەشەندى شارانى ويداعىداي اتقارىپ، مۇرات - سەنىمگە دەگەن بۇلجىماستىق پەن تاباندىلىقتى وتاننىڭ تۇتاستىعىن قورعاۋدىڭ، ۇلتتار ىنتىماعىن قورعاۋدىڭ، ۇلتتىق بولشەكتەۋشىلىككە قارسى تۇرۋدىڭ امالي ارەكەتىنە اينالدىرۋ كەرەك. جاڭ فۋچيڭ جولداستىڭ كىرشىكسىز، پاك بولعان، ءوزىن ۇستاعان اسقاق مىنەز - قۇلقىنان ۇيرەنىپ، وزىمشىلدىكتى جەڭىپ كوپ ءۇشىن ىستەيتىن ۇلگىلەردەن بولۋ كەرەك. قارا قىلدى قاق جارعان تۋراشىل، كىرشىكسىز، پاك ادام بولۋ، ىستەردى مۇلتىكسىز تىندىرۋ، كوپشىل، قالتقىسىز بولۋ، الەۋمەتتىڭ مۇددەسى مەن ءوز مۇددەسىن انىق اجىراتۋ، الدىمەن كوپتى، ونان كەيىن ءوزىن ويلاۋ، كوپ ءۇشىن جەكە باسىمەن ەسەپتەسپەۋ كەرەك.
چىن چۋانگو بىلاي دەپ باسا دارىپتەدى: جاڭ فۋچيڭ جولداستىڭ ۇزدىك ىزگى ىستەرىنەن ۇيرەنۋدى وراي، قوزعاۋشى كۇش ەتىپ، بۇكىل رايونداعى نەگىزگى تاقىرىپتىق تاربيەنىڭ ناقتى ناتيجەگە جەتۋىن ىلگەرىلەتۋ كەرەك. ءبىرىنشى، ۇيرەنۋدى ونان ارى تەرەڭدەتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ جانە ماڭىزدى نۇسقاۋلارىنىڭ رۋحىن، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ۇيرەنىپ، دايەكتىلەندىرىپ، ۇيرەنۋدىڭ ناتيجەسىن پارتيالىلىقتى كۇشەيتۋدە، قابىلەتتى جوعارىلاتۋدا، ستيلدى جاقسارتۋدا، قىزمەتتەردى ىلگەرىلەتۋدە ايگىلەۋ كەرەك. ەكىنشى، تەكسەرۋ - زەرتتەۋدى ونان ارى تىڭعىلىقتى جۇرگىزىپ، تومەنگە بارىپ حالىق جاعدايىن ءبىلىپ، ناقتى جاعدايدى بەتپە - بەت يگەرىپ، ماسەلەلەردىڭ نە ەكەنىن، تۇيىنشەگى قايدا ەكەنىن شىنايى انىقتاپ، قيىن ماسەلەلەردى شەشۋدىڭ ناقتى ءادىسىن، پارمەندى ءادىسىن تابۋ كەرەك. ءۇشىنشى، قاداعالاۋ جاعىنا نازاردى ونان ارى شوعىرلاندىرىپ، ماسەلەنى باعدار ەتۋگە تاباندى بولىپ، ماسەلەلەرمەن باتىل تۇردە بەتپە - بەت كەلىپ، قاتەلىكتى جۇرەكتىلىكپەن تۇزەتىپ، پىشاقتىڭ ءدۇزىن ىشكە قاراتاتىن ءوز - وزىنە توڭكەرىس جاساۋ رۋحىمەن ماسەلەلەردى ءدال تاۋىپ، مۇقيات تالداۋ جاساپ، تەرەڭدەي قاداعالاۋ كەرەك. ءتورتىنشى، رەتتەۋ - تۇزەتۋدە اناعۇرلىم سانالى بولىپ، ”تۇزەتۋ“دى باستان - اياق ساباقتاستىرۋعا تاباندى بولىپ، تەكسەرۋ - زەرتتەۋ جۇرگىزۋ بارىسىندا ماسەلەلەردى تاۋىپ، رەتتەپ - تۇزەتىپ، ءار ۇلت بۇقاراسىنىڭ رەتتەۋ - تۇزەتۋ ونىمدىلىگىن شىنايى سەزىنۋىنە مۇمكىندىك جاساۋ كەرەك. بەسىنشى، ستيلدە اناعۇرلىم تىڭعىلىقتى بولىپ، جوعارى ولشەمگە، قاتاڭ تالاپقا تاباندى بولىپ، كەشەندى شارا قولدانىپ، تۇبىرىنەن وڭاۋ مەن ۇستىنەن وڭاۋدى قاتار يگەرىپ، ايتىلعان زامان ىستەپ، قولعا العان ءىستى جاقسى تىندىرىپ، ىستەگەننەن ناتيجە شىعارىپ، ماسەلەنى ءبىر - بىرلەپ شەشىپ، شىنايى كىرىسۋ، شىنداپ ىستەۋ بارىسىندا قاسيەتتى شىڭداپ، قۇن سومداۋ كەرەك. التىنشى، جاۋاپكەرشىلىكتى ونان ارى كۇشەيتۋ كەرەك، ءار دارەجەلى پارتكوم (پارتيا باسشىلىق گرۋپپاسى) ۇيىمدىق باسشىلىقتى كۇشەيتۋ، قۋزاۋ - جەتەكشىلىك ەتۋدى كۇشەيتۋ، پارتكوم (پارتيا باسشىلىق گرۋپپاسى) شۋجيى الدىمەن ونەگە كورسەتىپ، ءبىرىنشى جاۋاپكەرشىلىكتى تياناقتاندىرىپ، نەگىزگى تاقىرىپتىق تاربيەنىڭ ساپاسىن جوعارىلاتىپ، اۋەلگى ماقساتتان اينىماي، بورىشتى باتىل ارقالاپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن شىنايى كۇشەيتۋ كەرەك.
بايانداما جاساۋ جينالىسى تەلەۆيزور - تەلەفون ءماجىلىسى فورماسىندا اشىلدى. ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى ورتالىقتىڭ جەتەكشىلىك ەتۋ 6 - گرۋپپاسى جينالىسقا كەلىپ جەتەكشىلىك ەتتى. اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، شينجياڭ اسكەري رايونىنىڭ، بيڭتۋاننىڭ باسشىلىق القا قۇرامىنداعىلار، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ، قارۋلى ساقشى شينجياڭ باس اترەتىنىڭ نەگىزگى باسشىلارى؛ اۆتونوميالى رايونعا (ورتالىق) توتە قاراستى ورىندارداعى نەگىزگى جاۋاپتى جولداستار؛ اۆتونوميالى رايوندىق پارتكومنىڭ ءارقايسى شارلاۋ گرۋپپاسىنىڭ باستىقتارى، اۆتونوميالى رايوننىڭ 1 - توپتا ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنە ارالاپ جەتەكشىلىك ەتۋ گرۋپپاسىنىڭ باستىعى، ورىنباسار باستىقتارى؛ شينجياڭ اسكەري رايونىنىڭ قاتىستى بولىمدەرىندەگى جاۋاپتى جولداستار؛ ءارقايسى دەموكراتيالىق پارتيا - توپتاردىڭ شينجياڭ رايوندىق كوميتەتتەرىنىڭ، اۆتونوميالى رايوندىق ساۋدا - ونەركاسىپشىلەر بىرلەستىگىنىڭ، پارتيادا، توپتا جوق قايراتكەرلەردىڭ ۋاكىلدەرى ت. ب نەگىزگى ءماجىلىس ورنىندا بايانداما جاساۋ جينالىسىنا قاتىناستى. ايماقتاردا (وبلىس، قالا)، اۋدانداردا (قالا، رايون)، بيڭتۋان ورگانىندا، شىلاردا (قالا)، تۋانداردا (الاڭ) بولىمشە جينالىس ورنى ورنالاستىرىلدى.
