شينحۋا اگەنتتىگىنىڭ 8 - ايدىڭ 15 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتى «جۇڭگو كوممۋنيستىك پارتياسىنىڭ قۇرىلىم شتاتى قىزمەت ەرەجەسىن» (قىسقارتىلىپ «ەرەجە» دەلىندى) باسىپ تاراتتى ءارى حابارلاندىرۋ شىعارىپ، وڭىرلەردەن، تاراۋلاردان وسى بويىنشا مۇقيات اتقارۋدى تالاپ ەتتى.
حابارلاندىرۋدا مىنالار اتاپ كورسەتىلدى: قۇرىلىم شتاتى بايلىعى − ماڭىزدى ساياسي بايلىق، بيلىك جۇرگىزۋ بايلىعى، قۇرىلىم شتاتى قىزمەتى − پارتيانىڭ ماڭىزدى قىزمەتى. «ەرەجە» شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيانىڭ قۇرىلىم شتاتى قىزمەتىنە ورتالىقتانعان ءبىر تۇتاس باسشىلىعىن كۇشەيتتى، ول جاڭا داۋىردەگى قۇرىلىم شتاتى قىزمەتىنىڭ نەگىزگى بويسۇنۋ ولشەمى.
حابارلاندىرۋدا مىنالار باسا دارىپتەلدى: «ەرەجە»نى بەلگىلەۋ جانە اتقارۋ پارتيانىڭ قۇرىلىم شتاتىن باسقارۋ پرينسيبىن تياناقتاندىرۋدا، قۇرىلىم شتاتىن زاڭدىلاندىرۋدى ىلگەرىلەتۋدە، قۇرىلىم شتاتى قىزمەت دەڭگەيىن جوعارىلاتۋدا، پارتيانىڭ ەل باسقارۋ ۇيىمدىق نەگىزىن بەكەمدەۋدە ماڭىزدى مانگە يە.
حابارلاندىرۋدا مىنالار تالاپ ەتىلدى: وڭىرلەردىڭ، تاراۋلاردىڭ پارتكومى (پارتيا باسشىلىق گرۋپپاسى) قۇرىلىم شتاتى قىزمەتىن جاقسى ىستەۋدىڭ ماڭىزدىلىعىن جەتە تانىپ، نەگىزگى تۇلعالىق جاۋاپكەرشىلىكتى تياناقتاندىرىپ، پارمەندى شارا قولدانىپ، سايكەستى تۇزىمدەردى كەمەلدەندىرىپ، «ەرەجە»نىڭ ناقتى تياناقتانۋىنا شىنايى كەپىلدىك ەتۋ كەرەك. «ەرەجە»نى ۇگىتتەۋدى، ءتۇسىندىرۋدى جانە ۇيرەنۋ - باۋلۋدى ويداعىداي يگەرىپ، ءار دارەجەلى باسشى كادرلاردى «ەرەجە»نى مۇقيات ۇيرەنىپ، «ەرەجە»نىڭ رۋحىن تەرەڭ ءتۇسىنىپ، «ەرەجە»نىڭ مازمۇنىن دۇرىس يگەرۋگە ۇيىمداستىرۋ كەرەك. باقىلاۋ - تەكسەرۋدى كۇشەيتىپ، «ەرەجە»دەگى بەلگىلەمەگە قايشىلىق جاساعانداردى قاتاڭ جاۋاپقا تارتۋ، جاۋاپكەرشىلىگىن قاتاڭ قۋزاۋ كەرەك. ورتالىق كوميتەت ۇيىمداستىرۋ ءبولىمى، ورتالىق قۇرىلىم شتاتى كوميتەتى كەڭسەسى قاتىستى تاراۋلارمەن بىرگە ءبىر تۇتاس جوسپارلاپ سايكەستىرۋدى، قۋزاۋ - جەتەكشىلىك ەتۋدى كۇشەيتىپ، «ەرەجە»نىڭ ءونىمدى اتقارىلۋىن ىلگەرىلەتۋ كەرەك. وڭىرلەر، تاراۋلار «ەرەجە»نى اتقارۋ بارىسىنداعى ماڭىزدى جاعدايلار مەن ۇسىنىستاردى پارتيا ورتالىق كوميتەتىنە دەر كەزىندە مالىمدەۋ كەرەك.
بۇل «ەرەجە» جالپى 8 تاراۋ، 33 تارماق، ورتالىق كوميتەت ۇيىمداستىرۋ ءبولىمى، ورتالىق قۇرىلىم شتاتى كوميتەتى كەڭسەسى تۇسىندىرۋگە جاۋاپتى. بۇل ەرەجە 2019 - جىلى 8 - ايدىڭ 5 - كۇنىنەن باستاپ اتقارىلادى.
