شينحۋا اگەنتتىگىنىڭ 8 - ايدىڭ 15 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ مەن برازيليا فەدەراتسيالىق رەسپۋبليكاسىنىڭ زۇڭتۇڭى بولسونارو 8 - ايدىڭ 15 - كۇنى ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 45 جىلدىعىن قۇتتىقتادى.
شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: جۇڭگو مەن برازيليا ەكەۋى دە وركەندەپ كەلە جاتقان ءىرى ەل جانە بازارى جاڭادان گۇلدەنگەن ماڭىزدى ەل. ديپلوماتيالىق قارىم - قاتىناس ورناتقان 45 جىلدان بەرى، جۇڭگو - برازيليا قارىم - قاتىناسى تالاي زاماندى باستان وتكىزىپ، بۇرىنعىدان ارمان بەكەمدەلە ءتۇستى، ءتۇرلى سالاداعى سىندارلى سەلبەستىك تابىستارى سۇبەلى بولىپ، ەكى ەل حالقىن ناقتى مۇددەگە كەنەلتتى، سونداي - اق وركەندەپ كەلە جاتقان ءىرى ەلدەردىڭ ىنتىماقتاسا سەلبەستىك جاساسۋىنىڭ، قول ۇستاسا دامۋىنىڭ ونەگەسىنە اينالدى. قازىر جۇڭگو مەن برازيليا ەكەۋى دە مەملەكەتتىڭ دامۋىنداعى شەشۋشى كەزەڭدە تۇر، سەلبەستىك جاساسۋ كومەسكى كۇشى زور، بولاشاعى توتەنشە كەڭ. مەن جۇڭگو - برازيليا قارىم - قاتىناسىن دامىتۋعا ايرىقشا ءمان بەرەمىن، بولسونارو زۇڭتۇڭمەن بىرگە جۇڭگو - برازيليا قارىم - قاتىناسىنىڭ جوباسىن بىرگە جاساپ، جۇڭگو - برازيليانىڭ جان - جاقتى ستراتەگيالىق سەرىكتەستىك قارىم - قاتىناسىنىڭ اناعۇرلىم بيىك ورەگە كوتەرىلۋىن ىلگەرىلەتىپ، ەكى ەلگە جانە ەكى ەل حالقىنا باقىت جاراتىپ، دۇنيە ءجۇزىنىڭ بەيبىتشىلىگىن، ورنىقتىلىعىن، گۇلدەنۋىن قورعاۋعا جاڭا ۇلەس قوسۋدى قالايمىن.
بولسونارو قۇتتىقتاۋ تەلەگرامماسىندا مىنانى ءبىلدىردى: برازيليا - جۇڭگو ديپلوماتيالىق قارىم - قاتىناس ورناتقاننان بەرى، ەكى ەل باستان - اياق بىرگە دامۋ نىساناسىن ۇستاندى، ەكى جاق سەلبەستىگى كوپ نەگىزدە تولىسىپ - جەتىلدى، سەلبەستىك جاساسۋ مەحانيزمى كۇننەن - كۇنگە كەمەلدەندى، ءبىز مۇنى ايرىقشا ماقتانىش سانايمىز. ەكى ەلدىڭ ساۋداسى جانە ءوزارا قارجى قوسۋى ءۇرتىس ارتتى، عارىش سياقتى ستراتەگيالىق سالالارداعى سەلبەستىگى جاقسى، برازيليا - جۇڭگو قارىم - قاتىناسىنىڭ ءوزارا پايدا جەتكىزۋ، ءوزارا تيىمدىلىك جاساۋ ءمانىن تولىق ايگىلەدى. بيىل ەكى ەلدىڭ جوعارى دارەجەلىلەرىنىڭ بارىس - كەلىسى جيىلەدى، ۇكىمەت اراسىندا ىركىلىسسىز تىلدەسۋدى ساقتادى. مەن ءتوراعا شي جينپيڭمەن بىرگە برازيليا - جۇڭگو سەرىكتەستىك قارىم - قاتىناسىنىڭ بولاشاقتاعى جولىن بىرگە جوبالاپ، ەكى ەل حالقىن باقىتقا كەنەلتۋدى قالايمىن.
